Dagbok 2025: 31,.august

 Klokka er no21.04, temperaturen ute er +17 grader, det er overskya , men opplett. Eg kom nettopp heim frå selskap hos Margrete. Svein henta meg her heime ca kl.15 og vi tok ferja til Folkestad. Amanda og Martin var alt på plass då vi kom. Margrete har to hundar ein mørk litt gammal - Charlie og ein lys  som er ung- Dennis heiter han. Amanda har halvbroren til Dennis, Albert.  Og alle hundane er glade for å få besøk-trur eg.

Magrete hadde laga ein ny rett til middag, og den var god. Vi åt og prata om alt mellom himmel og jord. Og så fekk vi dessert, kaker og kaffi. Og alt var godt Eg sat på med Svein tilbake til Ørsta, og vi var heldige for vi rakk akkurat ferja, så vi slapp å køyre rundt.

På føremiddagen var eg heime, strikka litt og såg TV. Og så var eg oppe med Marit ei stund.

Margrete og Amanda, begge oppkalt etter mor mi, som heitte Amanda Margrete.

Bilda eg har tatt i dag er ikkje mykje å skryte av, eg har berre knipsa litt.

Far min vart fødd den 31.august1899, så i dag tenkte eg litt spesielt på han. Han døde i 1961, så han vart ikkje så gammal.  

Dagbok 2025: 30.august

 Klokka er no  øyeblikkeleg 19.00, temperaturen ute er +  19 grader C, og sola skin. Erlend har vore her med meg ei stund no, det var noko han måtte"reparere " på Tv-en, det vil seie -noko på innstillingar etc.som  vi har felles. Eg er no glad for å ha ein i hus som kan fikse litt av kvart. Eg er ikkje flink til slikt.

Det har elles vore ein litt sløv dag, eg har ikkje gjort så mykje i alle fall. Eg var oppe hos Marit ei stund på føremiddagen. Etter at eg hadde ete middag køyde eg ned til Vik der det var utekonserten " Musikk i sentrum". Der var masse folk og sitteplassane var okupert for lenge sidan, så eg greidde ikkje å stå der så lenge. Eg fekk ikkje sjå Erlend på scena i dag. Men som han seier, dei kunne ha hatt mykje meir sitteplassar, for dei veit at det kjem mykje folk. Eg køyrde heim att etter ei lita stund og handla på KIWI på heimvegen.

Som sagt har Erlend og eg hatt oss ei pratestund, og i morgon skal vi inn til Margrete og ete middag, då kjem vi truleg til å sitte på med Svein. Eg køyrer ikkje bil når det er mørkt. 

Dagbok 2025: 29.august

 Klokka er no 19.57, temperaturen ute er +17 grader C, det er overskya , men opplett. Når eg står på altanen og skal ta bilde, reagerer eg alltid på at eg nesten ikkje får sjå fjorden fordi det er så mange tre som øydelegg utsikten for meg, eg har ein mistanke om at litt av trea er mine-men berre litt. Eg er motstandar av høge tre i hagar, så sant dei øydelegg utsikt for meg eller andre.  Det hjelper litt at lauvet fell av om hausten.

Dagen i dag har ikkje vore så spennande. Det første eg gjorde i dag var å fullføre sudokuen i Møre-Nytt, eg begynte på den i går kveld, men måtte gi opp. I dag ei stund etter frokost kom eg i mål. Og det var bra!

Eg har vaska så mykje før i veka at i dag vart det berre litt vask, men i staden støvsuga eg alle teppegolva mine. Og så overraska eg meg sjølv med nydeleg middag etterpå. Det var spekesild(kryddersild) med poteter og anna tilbehør. Det er ikkje ofte eg lagar skikkeleg middag, men i dag blei det. Det vart ein grand drikking etterpå, og så vart eg brått så trøtt at eg la meg på dagsenga mi-ei lita stund. For så gjekk eg opp til Marit og prata om laust og fast, som så mange gonger før.

Eg har lyst å gå på Vernet, men eg må spare foten min for for mykje mosjon, den er ikkje heilt god, men eg har ikkje vondt når eg er i ro. Når eg strikkar får eg vondt i venstre tommelen, det kjem vel av at det var der eg braut handa-sjølv om det er lenge sidan no.

I morgon er det laurdag, og då tek eg kanskje ein tur til VIK og ser på folkelivet der. Marit og eg drøymer om ein biltur rundt Berkneset, men eg veit ikkje om det blir eg som køyrer der. Det er så lenge sidan eg var der at eg har gløymt mykje. Eg er i grunnen ikkje vand med å køyre turar, eg køyrer stort sett berre i sentrum m.m.

Det er fredags kveld, og eg håper det blir noko kjekt på TV.

Ønsker alle som er innom bloggen ei fin helg.

Det har vore lite blomstring denne sommaren, men det er i alle fall grønt og frodig i hagen.

Dagbok 2025: 28.august

Klokka er no 20.16, temperaturen ute er + 16 graderC, vi har hatt fint ver i dag, men ikkje sol heile tida. No er det like før sola går ned her, men somme stader i bygda har dei sol utover kvelden.

I dag starta eg opp dagen med å gå på trening, eg trener litt meir for kvar gonng, sjølv om venstrefoten ikkje er heilt god.

Etter treninga køyrde eg opp til KIWI og kjøpte ein lyng-blomst til grava. Eg gjekk ut frå at den blomsten eg hadde planta i sommar var moden for avlasting.

Eg hadde mange reiskapar med meg for å få rydde litt. Men graset veks og mosen likeså, det er vanskeleg å få der fint. Men eg gjorde mitt beste. (Blomsten som eg tok frå grava i dag, planta eg i eit bed her.)

Etterpå for eg heim, og i dag var eg trøtt, det brukar eg ikkje å vere, men eg blei sittande lenge i godstolen og sjå TV, før eg gjekk ut. Eg hadde ikkje tenkt ut noko eg skulle gjere i dag, men eg fann på mykje som trong ei oppshining før eg tok kvelden med TV og strikketøy.

                                              Kveldsol i Mosmarka

Dagbok 2025: 27.august

Klokka er no 18.00, temperatiuen ute er ca + 20 grader, det har vore mukje sol i dag, men no skyar det over.

Eg har voldsom energi for tida (alt er relativt) så i dag stte eg i gang å vaske kjøkkenet, dvs. vegger og golv etc. Taket fekk eg ikkje heilt taket på , så det får eg ta att-eg har ein plan. Kjøkkenet var ikkje spesielt skittent, men eg likar å shine der opp av og til. Det er favorittrommet mitt. I dag fekk eg vaska pynte- koppar og fat i maskin, og gardinene vaskar eg også i maskin , og tek dei ut av maskina og heng dei opp straks. Dei blir så fine-utan stryking etc.

Eg var ein tur opp til Marit i dag også, men så måtte eg gjere meir. Då er det berre å gå ned i rote-kråa i hagen, der er alltid noko ein kan gjere. Det er berre det at eg kan ikkje gjere alt eg vil, for eg har ein Rygg! Venstre foten er heller ikkje heilt bra, så eg går ikkje på Fonnvernet. Men i morgon skal eg på trening igjen og så har eg planer om å fare fram på grava med ein lyng-det er tid for lyng no, trur eg. Heldigvis har dei blomster på butikken het på Vallabøen, det er greit somme tider.

No skal eg sette meg til å sjå TV, trur eg, og så har eg strikketøyet.

 

Dagbok 2025:26.august

Klokka er no19.22 temperaturen ute er+ !7 grader C og sola skin enno etter ein kjempefin dag.

I dag starta dagen med trening, og etter treninga for vi beine vegen heim.Med det samme eg kom heim fylte eg bilen med hage-avfall og reiste beine vegen på VØR. Då eg kom heim att jobba eg litt i hagen, med å klippe litt her og der m.a. Så vaska eg klipparen og sette den på vent.

Eg sat oppe hos Marit ei stund, ho må sitte med eine foten høgt for det meste , men ho KAN gå også.

I dag hadde eg klipt graset oppe ved postkassane, men eg ville shine der opp litt meir, så eg begynte å klippe gras for hand attmed steinane(bildet over) og det gjekk så vidt at eg rensa ugraset vekk på heile tunet. Verst var det heilt oppe mot gata. Men det blei no nokså fint til slutt. Så fekk eg gjort ein jobb i dag også, det er viktig for meg. No har eg ete meg eit godt måltid mat, så no skal eg slappe av med TV og strikketøy. 

Snakka litt med Erlend i dag, han har vore og stemt på førehand og eg fekk vite kven han hadde stemt på. 

 

Dagbok 2025: 25.august.

Klokka er no18.42, temperaturen ute er +16 grader C og sola skin. Vi har hatt ein fin dag, og eg for min del har vore ute heile dagen, Berre inn og få litt mat av og til.

Først jobba eg i det som er den mest rotete delen i hagen, eg heldt på der så lenge eg hadde sen i kantklipparen. Eg synest eg fekk gjort mykje, men der står ein del att også.

Eg gjorde også noko som ikkje var så nødvendig. Ovafor plommetreet ligg der ein stor stein, eg synest det er så kjekt å ha den steinen, og når sola skin kjem det sølvprikkar på den. No har det vore så mykje væte og så mykje mose at steinen var nesten vekke. Så i dag gjorde eg det eg kunne for å få den fram i lystet igjen. Eg grov vekk mose med ein kniv etc, og til slutt spylte eg vekk alt som var laust. Då sola traff steinen , såg eg sølvet.

Etterpå klipte eg plenen nedanfor huset, det vart til at eg klipte den to gonger fordi eg ikkje hadde stilt ned nok første gongen. Klipte mykje nede i skråninga også. 

Då eg hadde jobba ferdig gjekk eg opp til Marit som sat ute. Vi sat og prata heilt til heimesjukepleien kom.

I morgon er det trening igjen, men eg synest eg har hatt bra trening i dag også. Foten min er ikkje heilt god,men det går bra likevel.No skal eg finne meg nokre godbitar i kjøleskapet.
 

Dagbok 2025: 24.august

Klokka er no17.15, temperaturen ute er +13 graderC  og det er skya, men ikkje regn.Det skal visst no bli sol i dagane framover. Det er heldigvis ei veke att av august.

I dag er det tredje dagen eg går her heime  åleine utan å gjere så mykje. Eg klandrer ingen, det er min eigen feil at eg ikkje finn på noko kjekt. Eg kan no ikkje sitte og strikke og sjå TV heile tida.

Eg lurte på å gå på Vernet, men då eg såg utover var der veldig mykje folk som gjekk der i dag, og eg er litt redd for foten min.

Eg fann på å lage ein slags fiskesuppe av noko fisk eg hadde liggande i frysaren,den blei no god nok, men ikkje slik som suppene eg laga den tida eg hadde god fisk, og rikeleg.

Eg måtte berre finne på noko, så eg sette i gang å plukke solbæra på den eldste buska, og etter kvart som eg plukka klipte eg greinene, eg vil ikkje ha buskene så store. Litt bær vart det no, så eg har eit lager i frysaren som Solveig skal få til å lage saft av. Sjølv driv eg ikkje med safting og sylting lenger, eg kjøper det eg skal ha på butikken. Eg fann no litt av kvart anna å henge fingrane borti, til dømes løvetannrøter som har begynt å komme i massevis,dei trur visst det er vår.

Eg har gått her og tusla mykje åleine siste dagane, men i morgon blir det sikkert noko å ta seg til, eg har no eigentleg mykje som skulle ha vore gjort, men eg kan ikkje gjere alt sjølv- men eg greier mykje.

                  Skodda ligg i fjellsida, men det skal visst bli fint ver no.

 

Dagbok 2025: 23-august

 

Klokka er no 19.30, temperaturen ute er + 12 grader c og sola kom så vidt fram ei lita stund. Det har vore overskya i heile dag, men eg trur ikkje det har regna heile tida. 

Eg hadde tenkt meg til Vik og sjå på livet der på føremiddagen. Men eg solmla slik at då eg endeleg var nede i gågata var klokka neste halv 2. Eg trudde den var halv 12 eller noko slikt, men det er lurt å sjekke klokka og ikkje berre tru. Det meste var vel over før eg kom, men eg trefte Lisbeth og Jan og snakka med dei, dei hadde heller ikkje fått med seg det som skulle skje, og så trefte eg enda ei frå SV -gjengen og det var Kirsti Hansejordet. Henne var det lenge sidan eg hadde møtt, så det var ekstra kjekt. Eg gjekk ut gågata og der var det bilar som stod parkert og hadde utsal av diverse matvarer; eg kjøpte ikkje noko, men kanskje ein annan gong? Eg gjekk ut heile gata og innatt i gata nedanfor og så til ALTI der eg alltid parkerer bilen. Eg tok ein runde og såg meg om inne, men kjøpte ikkje noko.

Når eg går i gatene og på ALTI er det fordi eg vil oppleve noko anna enn berre Vallabøen, sjå litt meir folk etc. For det har gått opp for meg at eg har eit litt for lite område der eg held meg.

Her heime har det ikkje hendt noko i dag. Eg har som vanleg ete og drukke , sett TV og strikka. Eg har ikkje vore hos Marit, for dei har gjester i dag.

Eg gjekk på Vernet i går, vart litt låk i foten,  ikkje så gale, men eg stod over i dag.

Det merkelege er at eg får mindre vondt av å gå i hagen og jobbe, så no skal det visst bli ei veke med finever, så eg får rydda opp litt ute.Det er så stygt og rotete i hagen i år, eg skuldar mest på veret.

Margrete har stått på stand i Volda i dag og reklamert for AP. Marit hadde sett eit bilde på FB, men då eg skulle prøve å få sett det, var bildet vekk. Det kan kanskje dukke opp igjen. Eg beundrer alle som brukar av fritida si og jobbe for politikken, mange legg ned mykje gratisarbeid  for det dei trur på. Og ikkje får dei mykje. takk heller. Tvert imot. 

Eg skulle ta eit bilde av sola, men så vart den borte igjen før eg fekk ladda opp telefonen.

Dagbok 2025:22.august

Klokka er no 18.42, temperaturen ute er + 9 grader C, akkurat no er det opplett og litt sol, men det har regna meir og mindre i heile dag. Men ei stund såg det veldig bra ut, så eg tok sjansen på å prøve å gå ein tur på Vernet. Det er veldig lenge sidan sist eg var der, for eg har vore låk i ein fot i heile sommar.No trudde eg at eg var nokså bra, så eg våga meg til å gå opp ein tur, men eg var ikkje så bra som eg trudde. Eg gjekk berre eine sida, den nedste, og kom meg no heim att utan å bli heilt invalid. Men eg skal ikkje gå der i morgon.

I dag hadde eg tenkt at eg skulle ha ein fin dag, finne på noko kjekt, men kva skulle det vere? Eg tok fredagsvasken i går og følte at eg hadde fri i dag, og eg hadde mykje å bruke fridagen til. Rydde på datarommet t.d., Her hadde ikkje vore skikkeleg støvtørka sidan snikkaren var her,  eg fekk no gjort litt i dag. Men berre litt. For å gjere skikkeleg reint her å kontoret, må eg ha Erlend med meg, trur eg. For eg må ha fram skrivebordet og bak det ligg der ledningar og diverse anna som høyrer til datamaskin og TV etc.Eg torer nesten ikkje å ta i det ein gong, i redsel for at eg skal misse kontakten med verda.

Elles har eg site og strikka , lese avisa m.m. Møre Nytt var veldig tjukk og god denne fredagen, mykje interessant stoff. Sudokuen løyste eg før eg la meg i gå kveld.

Venninnene mine i SV skal demonstrere mot det som skjer i Palestina ved "Fru Svendsen" i morgon . Dei som vil vere med skal ha med seg tomme kasserollar og sleiver for å lage lyd.  Eg forstår bodskapen, men trur ikkje eg stiller opp og deltek aktivt. Der skal sjølvsagt vere appellar også, men eg har ikkje sett klokkeslettet enno. Eg vil no gjerne møte opp, og laurdags føremiddag brukar det å vere LIV i gågata.  

 

Dagbok 2025: 21.august

 Klokka er no 17.52, temperaturen ute er + 10 grader C, og no regnar det igjen. Litt tidlegare på ettermiddagen var det litt sol, og eg vurderte å gå tur på Vernet. Det vart det ikkje noko av.

I dag var Marit og eg på trening igjen og på heimvegen handla vi rikeleg med god mat; til oss sjølve og til katten LOLLO. 

Eg synest det er så gale at matbutikkane skal ha så mykje blomster og plantar, eg trur ikkje dei sel så mykje av det. Men i dag fall eg for freistinga og kjøpte meg ein "Bladplante" utan blomster. Kanskje den vil trivast.Eg er stadig ute for at blomster som eg får har altfor kort levetid. Før i tida hadde vi no potteplantane i åresvis.

Eg hadde ingen eksakte planar for dagen, men etter at eg hadde ete lunsj, strikka litt og sett TV m.m. bestemte eg meg for å ta fredagsvasken i dag, og heller ta fri i morgon. 

Eg er så spent på korleis lærarane i familien har hatt det no når dei er på plass etter ferien, men eg kan ikkje rekne med at dei kjem hit no og informerer meg. Det er travelt med skulestart, det veit eg.

Eg synest det regnar meir og mindre heile tida, men no har Marit sjekka langtidsmeldinga og den seier at neste veke skal det vere opplett i 5 dagar. Eg håper det blir slik, for det trengst 5 tørre dagar for å få bort mosen frå altanen-når eg skal drepe den med Mould som eg har kjøpt.

Eg har meir å gjere i hagen også, men då må eg også ha litt betre ver. Eg kan ikkje hugse at vi har hatt slik ver i august før- Plar ikkje det vere ein fin månad?

 

Dagbok 2025: 20.august

Akkurat no

Klokka er 20.55, temperaturen ute er +11 grader C, det har vore overskya i heile dag, eg trur ikkje eg har sett sola, men eg trur ikkje det har regna heller. Eg har nesten ikkje vore ute for ei dør i dag, berre ein liten tur opp til Marit.

Eg hadde tenkte å ta fredagsvasken i dag,men ombestemte meg  og gjekk vidare på den jobben eg hadde begynt på, nemleg å rydde og vaske alle skuffer og skap i heile huset. Eg begynte tidleg i vår og held på framleis. Det er litt kjekt å halde på med dette, for eg finn mykje som eg ikkje har sett på lenge og som eg heilt har gløymt. Eg vaskar og rydder etter beste evne. No har eg fylt vaskemaskina med diverese tøy til dømes gardiner etc. Eg finn også ting som eg heilt har gløymt-men som er kjekt å sjå igjen. Eg synest det er greit å vite kva eg har, og kva eg må fjerne-eller kanskje andre vil ha det?

Midt på dagen var eg ein tur opp til Marit og sat der og prata ei stund. I morgon skal vi på trening begge to.

I går jobba eg hardt i hagen med plenslått av ein plen som er tjukk av mose. Det var tungt. Då eg hadde sete i ro inne ei stund etterpå og skulle røyse meg frå stolen, brølte eg fordi foten var frykteleg vond. Merkeleg nok var den fort bra igjen og i dag har eg ikkje kjent noko, når eg er på trening , trener eg berre eine foten og eg går enno ikkje på Vernet. Det skulle eg ønske at eg kunne. 

No skal eg feste trådane på lesteparet som eg nettopp har strikka ferdig. Solveig hadde kjøpt garn i Sverige, så det er det eg har strikka av no. Det går i tynt ullgarn og bambuspinnar nr. 2,5.  Bambusen er betre for hendene enn harde pinnar, for eg er no litt skada både her og der; er ikkje heilt bra i handa som eg braut for eit par år sidan til dømes.

Det går mot haust og kveldane vert mørkare for kvar dag. Sommaren var kort.

 

Dagbok 2025:19.august

                                                       Dette bildet er tatt kl.17 i dag.

Klokka er no 17.15, temperaturen ute er +16 grader. Det har vore bra ver i dag, ein god del sol, og opplett i alle fall.I dag starta treninga opp att etter ferien, og eg stilte opp, men ikkje Marit. Eg er ikkje god i venstre foten, så eg kan ikkje gjere alle øvingane, men er trener den friske foten og kroppen elles. Eg går ikkje på Fonnvernet heller, men det går bra å jobbe i hagen.

Etter at eg kom heim i dag sette eg i gang med å klippe gras og rydde i skråninga, det er litt av ein jobb fordi der er så mykje mose at alt blir tungt. Men etter kvart fekk eg klipt det meste av graset og rydda opp. Eg prøvde å klippe det arealet eg sådde til i sommar, og jammen gjekk det bra. Som sagt, det var tungt å klippe i dag, så til slutt klipte eg utan oppsamlar-det fekk vere bra nok. Eg lurer berre på korleis ein kan få bort mosen, det er den som gjer det tungt og vanskeleg.

Eg vart i alle fall svolten av all jobbinga så eg laga meg godt med mat då eg kom inn att, og etterpå sette eg meg i godstolen og såg TV. Men då eg skulle reise meg opp etter ei stund, brølte eg nesten, for då var foten forferdeleg vond, og eg greidde ikkje å gå i det heile tatt. Det varte berre ei lita stund, så gjekk eg utan problem, men eg har ein mistanke om at smertene kjem att, neste gong eg skal reise meg.

Eg håper berre at eg greier å halde på med hagearbeidet, for eg likar det, og noko må eg ha å styre med når eg ikkje kan gå tur. Viss dokke ser godt på bildet over, ser dokke naboen min som steller i sin hage. Ho og eg eig ein hekk i lag som vi har planar om å klippe denne hausten. 

Erlend som for det meste bur i sokkel-leilegheita her, er hos Margrete nokre dagar, og passar hundane m.m. For Margrete har det travelt ved skulestart -som vanleg. Eg er spent på å høyre frå alle lærarborna og -barneborna om korleis dei har det no. Det er alltid spennande å begynne på eit nytt skuleår-både for lærarar og elevar.Det veit eg av erfaring.

I morgon er det onsdag, og eg har tenkt på at eg kunne ta "fredagsvasken" på onsdag, så kan eg ta fri fredag-og kanskje finne på noko då. Eg skal i alle fall ha ein tur til Eid snart.
 

                          Såret etter plommetreet har ikkje grodd enno.

Dagbok 2025: 18.august

 Klokka er no 18.23, temperaturen ute er+14 grader C, det er nokså overskya, men opplett-.

I dag hadde eg bestemt meg for å sjå innom den nye blomsterbutikken i Vik for å sjå om der var plantar som varer ei stund. Før i tid hadde ein dei samme potteplantane i åresvis, no døyr dei etter ei kort tid- Den nye butikken er vel ikkje kome skikkeleg i gang enno, men det vart no til at eg kjøpte ein plante; eg har hatt slike før, dei har vart ei tid-men ikkje evig.

På bildet kan de sjå at det ligg ein fin løper. Den kom eg borti ein dag når eg rydda skap. Eg finn mange fine ting når eg ryddar, det er berre så dumt at eg ikkje alltid hugsar kven som har laga dei fine tinga. Eg veit berre at det ikkje er eg.

Solveig er den som har best greie på mat og kva som er bra å ete. Ho meinte at eg skulle ete banan, det er lenge sidan eg har hatt, men i dag kjøpte eg. Eg tok berre ein pakke som låg der, men det viste seg ar der var 6 store bananer-og det er mykje. Eg åt ein,og det var eit heilt måltid- men så har eg mat i mange dagar.

Eg hadde tenkt å klippe litt meir på ripsbuska i dag, forme den til nytt liv når våren kjem. Eg gjorde så godt eg kan med saks og sag, resultatet kjem ikkje før våren kjem.

I går kveld laga eg middag og det var rikeleg att til i dag. Etter eg hadde ete var det på med TV-en og fram med strikketøyet, men først måtte eg ha ei lita kvilestund for eg sov ikkje godt i natt så eg var litt trøtt.

Det som er litt kjekt er at alle kommenterer hårsveisen min, eg har aldri vore finare, seier dei. Om det er tilfelle, så er det frisørdama å takke , for ho gjorde ein bra jobb med håret mitt som er både grått og tynt.

No startar vel skulane opp for fullt og det merkast godt i vår familie, der det er mange lærarar.  Eg skal starte opp at med trening igjen i morgon, eg veit ikkje kor det går, for høgrefoten er ikkje heilt god. Det er derfor eg ikkje har gått på Vernet i sommar-eg saknar veldig dei turane, men eg greier å styre på i hagen. I dag har eg klipt plenen rundt huset.

Ikkje mykje att av ripsbuska, men vent til våren, då kjem ho att-trur eg.

Dagbok 2025: 17.august.

 Klokka er no 20.40, temperaturen ute er + 16 grader C og det er opplett. Eg trur det har regna litt i løpet av dagen, men eg har vore inne, så eg veit ikkje så mykje om det- På føremiddagen sat eg og strikka og såg TV - som vanleg, og så var eg ein tur opp til Marit;eg hadde fått melding frå Solveig om at ho ville komme ein tur kl-17, og ho skulle ikkje ha mat, berre is og kaffi, så slik vart det. Det er no veldig kjekt for meg når døtrene har tid og høve til å komme innom. Det er  ei travel tid for dei no når dei skal starte på eit nytt skuleår. Eg misunner dei ikkje. Det vart is og kaffi og prat til Solveig måtte fare. Då kom eg på at eg ikkje hadde ete skikkeleg mat sidan frokost, så eg sette i gang med å koke poteter, brune saus  og varme opp pølser, så eg fekk meg eit skikkeleg godt måltid- til kvelds.

No når kvelden kje, blir det sol og fint ute, det er heilt typisk, men det er meldt regn i morgon, Eg skulle så gjerne hatt nokre fineversdagar så eg hadde fått rydda opp i hagen. Tysdag skal eg begynne på treninga igjen, då går det med to føremiddagar i veka.

Dagbok 2025: 16.august

Klokka er no18.10, temperaturen ute er + 13 grader, det har vore overskya og litt regn i løpet av dagen, men no ser det lysare ut, typisk at veret blir betre mot kveld.

Denne sommaren har eg vore mykje heime og mykje inne. Eg har brukt noko av tida til å rydde opp i skuffer og skap, for å sjå  kva eg har liggande og kva eg må kvitte meg med. Det var det eg starta med i dag også, Eg gjekk laus på eit skap som eg sjeldan brukar, og der var det nokså mykje fint, Aberet er at eg ikkje husar kven som har brodert eller hekla dei fine løperane som eg fann t.d.  Det var ei tid då det var "inn" å hekle , og eg veit at mamma hekla mykje, så mykje av det eg har stammar frå henne. Men motane skifter med tida , så no ser ein ikkje så mykje hekling lenger. Men eg vil no ta vare på dei fine tinga, og håper at neste generasjon gjer det også.

Eller var eg ein tur på butikken  med ein stor plastsekk full av tomflasker som eg panta. Eg syntest eg heiv mykje inn i pantemaskina, men det var berre vel 80 kroner. Men før eg for var Einar komen for å male.Han fekk malt  veggane over og under dei nye vindua, men måtte sette att litt her og der fordi han ikkje hdde liten nok kost. Så malte han også rekkverket på utsida, eit stykke som stod att frå i fjor. Har har tenkt å gjere alt ferdig  ein annan dag, det er slutt på ferien hans no. 

Eg hadde ikkje laga middag i dag, men tok opp ei panna med  Gulasj  som eg hadde i frysaren, og det vart eit godt måltid , Med kaffi og is etterpå. Slik det brukar å vere når Einar er her.

Eg rydda litt meir etter at han hadde fare,men så sette eg meg framfor TV-en og såg litt sport. Ikkje det som interesserer meg mest, men eg fekk no sjå Karsten Warholm spurte i mål,  som førstemann. Då blir eg nesten "sunnmøring".

No har eg kveikt i omnen og lagt opp ein ny lest, så blir det TV og strikk resten av kvelden. Heilt i orden det. 

Ønsker alle som er innom bloggen ei god helg. Tysdag er det slutt på ferien min også, då begynner vi på treninga igjen.

Dagbok 2025: 15.august

Klokka er no 19.06, temperaturen ute er+12 grader, det bles litt , og det regnar, så det vart ikkje hagearbeid med meg i dag. Men eg tok fredagsvasken på tysdag så eg måtte finne noko anna å gjere i dag. Det var nok å ta av!!! Det var klede å stryke og anna som måtte gjerast---eg fekk brått eit anfall av arbeidslyst så eg tok og rydda og vaska alle skuffene på kjøkkenet, der var eit visst behov. Men eg hadde også tenkt meg på VØR i dag, om det ikkje vart altfor mykje regn. Det vart overkomeleg så eg fylte bilen , både bagasjerommet og baksetet med svarte sekkar og fekk levert på VØR, som vanleg. Vi hagedamene er veldig glade i VØR, det er godt å ha ein plass å gjere av alt rusket frå hagen. 

Då eg kom heim vart det "Middag"-og så var det fram med strikketøyet, eg hadde rekt opp eit par lestar fordi eg ikkje hadde strikka skikkeleg hæl, men no har eg r strikka om igjen , men rett hæl. Det tok si tid, for garnet var tynt. At ikkje begge lestane er like, bryr eg meg ikkje om. Eg har no TV-en ståande på mens eg strikkar, eg lurer på om det er derfor eg gjer feil innimellom? Det skjer så  mykje i verda, heile tida.

Om morgonen sit eg mykje med datamaskina og sjekkar opp det som er der. Eg øver på spansken,og diverse anna , geografi til dømes , eg prøver å halde liv i dei små grå. Og i dag var eg heldig for då var Einar innom-det var noko om valet det handla om. Det går i" Reels and short videos"- mykje artig der.

For morgondagen har eg ingen planar, det kjem litt an på veret , blant anna.Einar har planar om å komme og måle, så snart det vert opplett. Og gudane veit kva tid det kan bli. 

 

Dagbok 2025: 14.august

 Klokka er no 18.47, temperaturen ute er +20 grader og det er delvis sol, men det har også vore litt regni løpet av dagen.

I dag hadde eg time hos legen klokka 12.49, før den tid fekk eg strikka litt og rydda i huset. Då eg kom heim bestemte eg meg for å plukke rips. Vi har berre eitt ripstre att, men det er meir enn nok til meg. Treet , buska, er blikk nokså stor med åra, så eg syntest godt den kan vere litt mindre,og då ar det gjort. Eg klipte greiner og plukka bær på samme tid, det vart ein god del bær og tre store sekker med lauv og greiner. Men eg er ikkje ferdig med jobben, det trengst ikkje så lite finpuss. Eg treng ikkje bæra, eg har alt ete mykje av dei, men eg håper Solveig vil ha dei til saft,eg har plukka solbær også som eg har i frysaren.

                         Slik såg der ut etter at eg hadde rydda opp.

Då eg skulle gå inn att ropte Marit på meg , så vart vi sittande oppe på "platten " og prate til det var tid for middag.

No skal eg lage meg litt mat og så håper eg det er litt kjekt på TV i kveld. I morgon må eg kanskje på VØR med hageavfall  det hopar seg fort opp her.

Dagbok 2025: 13.august

 Dette bildet tok eg akkurat noklokka kvart over 20, det er ikkje så dystert som det ofte har vore i det siste, men sola har vi ikkje sett mykje til i dag heller, likevel er det + 20 graderC ute no.

Denne dagen har stort sett gått med til å strikke ferdig ein lest+at eg var ein tur til frisøren og fekk klipt håret mitt. Det er nokså kort no, men eg likar det slik-og så håper eg det veks ut att etter kvart. Elles har det hendt veldig lite her hos meg, lite og ingenting har eg gjort -berre strikka. 

I morgon har eg time hos legen min, eg går til kontroll kvart halvår- for ein sjukdom som eg kansje har eller får. Det har ikkje vore så alvorleg til denne tid. Eg har fått time rett etter  matpausen deira, så då slepp eg kanskje å vente så lenge. Eg har litt dårleg samvit for nokre stakkars bær i hagen som ikkje har blitt plukka, eg får prøve å ta meg sama og få det gjort.. Det er mykje anna som skulle vore gjort også, men eg vinn ikkje  over alt. Viss det blir fint ver no framover så får eg sikkert besøk av malaren-Einar , han sørger alltid for at huset får det det skal ha. Eg har mange gode hjelparar og det treng eg, for eg kan ikkje så mykje slikt "mannfolkarbeid".

Berre den eine har skikkeleg hæl, den andre skal få når eg får rekt opp og strikka på nytt.

Dagbok 2025: 12.august

 

Klokka er no 20.30, temperaturen ute er+ 15 grader C og i dag har vi hatt litt betre ver, ikkje så mykje sol, men heller ikkje regn.

Eg hadde bestemt meg for å ta "fredagsvasken" i dag, for det gjorde eg tysdag i førre veke også. Eg likar ganske godt å vaske og rydde etc. ikkje akkurat sjølve arbeidet, men resultatet. Eg har ikkje strikka i dag, for eg har enno problem med hælfellinga, til tross for alle lestar eg har strikka, ein for dag, minst.

No har eg vore ein tur opp til Marit og prata om laust og fast

Elles fekk eg også klipt litt av plenane utpå ettermiddagen, men det er altfor mykje mose , så det blir aldri heilt fint. Så har eg litt dårleg samvit for bær som ikkje har blitt plukka.

I morgon skal eg til frisør og klippe meg, men ikkje før klokka 15, så eg kan gjere mykje før den tid.

Det hender ikkje så mykje kvar dag og det er no bra-på ein måte. Lyspunktet i dag var at det ikkje har regna-trur eg- og kanskje får vi litt meir sol og sommar?

Eg rydda litt på skrivebrdet mitt i dag, og då kom eg frampå nokre gammeldagse bilde.

Der var mellom anna tre bilde frå kaia i Tromsø, bilde av minnesmerket etter dei som fall i krigen mot Tyskland, dei som vi har sett filmen "Ni liv" om. Onkelen til Nils, bror til far hans, Sjur Olai vart skoten der. Eg skal prøve å ta bilde av bilda.

Det er mange år sidan vi var i Tromsø, så eg er ikkje sikker på om desse minnesmerka står der no.

Dagbok 2025: 10.august

Klokka er no 17.49, temperaturen ute er + 16  grader C.det er overskya men opplett, før i dag har det regna.Eg er heilt ute av humør, på grunn av veret, mest fordi eg ikkje får styre og lage det fint i hagen.

Eg skal til frisør denne veka, har eg tenkt, så eg for til Vik i dag før middag for å bestille time-eller, om det gjekk and å få klipt meg med det samme. Det fekk eg ikkje, men skal ned att onsdag. Torsdag skal eg til legen, det er halvtårskontroll-eg trur ikkje eg er sjuk akkurat.Veldig tomt og kjedelig i Vik tidleg på dag, gå-gata fekk eg ha for meg sjølv. Handla litt på KIWI på heimvegen.

Sidan det ikkje var ute-ver sat eg og strikka ferdig lestane til Solveig mens eg høyrde nyheiter. Ikkje noko å bli glad for der heller. Men så vart det tid for eit måltid, og det takkar eg ikkje nei til.

Eg har vore ute og jobba litt i hagen, men det heilt store vart det ikkje i dag heller. Klatreplantane litt meir og mindre rett ut etter vind og regn, men eg fekk no rydda opp litt-

Sjølv om eg har hatt ein litt kjedelig dag, har den gått veldig fort. Marit har hatt besøk av familie i dag, så eg har ikkje vore opp der.

No skal eg legge opp eit nytt lestepar, og sjå om det har hendt noko gledeleg i verda- til ei foandring. Eg veit ikkje kva dag eg skal stemme-men det kan eg vel få greie på. Det er no litt spennande.

 

Dagbok 2025:10.august

Slik er utasikta frå altanen min i dag, grått og vått til tross for at vi enno ikkje er ferdige med august, den månaden som ofte er den finaste i året. Dette veret tek heilt humøret frå meg. I dag har eg vore heime åleine heile dagen, det hadde vore heilt greit om eg kunne ha vore ute litt, styrt litt i hagen eller gått ein tur, men eg har sete inne og strikka og fyrt i omnen. Ja, eg har ikkje hatt det vondt på nokon måte, berre litt kjedelig.

Eg er vant til å vere åleine, men før har eg gått tur på Vernet, det har  eg ikkje gjort i det siste, det er fordi eg har vodt i venstre hofta og foten. Eg saknar dei turane, for ofte trefte eg folk som eg prata med anten eg kjende dei eller ikkje. Eg kunne ha jobba litt meir med sudokuen, for den har eg ikkje klart å løyse enno.

I dag har eg fyrt med material-restar som låg att etter at snkkaren var ferdig, dei brenn veldig fort opp, men eg har det i alle fall varmt og godt. TV-en er til godt selskap, men no oppfører den seg ikkje slik han skal, så det må eg få ein kvan til å sjå på. Det var så mykje eg skulle ha gjort bårde ute og inne denne tida, men eg blir veldig lat når det er så kaldt. Men eg har no fri heile året, så eg kan nyte fineveret når det kjem. Verre for dei som får øydelagt ferien sin men kaldt og vått ver. No får eg vel strikke litt meir og sjå om eg får orden på TV-en før det vert nyheiter.
 

Dagbok 2025: 9.august

Klokka er no 18.26, temperaturen ute er +15 grader og eg var nettopp ute på trappa og tok dette bildet.. Eg har alltid vore så glad i august månad, og til vanleg brukar den å vere fin, men ikkje i år, nei.

Eg er så skuffa fordi eg ikkjefå vere meir ute i hagen og pynta opp litt, men det har eg gitt opp, rosene blomstrar av og andre plantar ligg langflate i staden for å vekse opp over veggen. Men eg kan ikkje gjere noke med dt.

Idag hadde eg planlagt å fare til Vik åleine, det var eit par ting eg skulle kjøpe. Eg tok ein spasertur gjennom gatene i sentrum og kika meg rundt litt, Det var så tidleg å dag at der var lite folk.Men eg syntest det var kjekt å sjå seg om, eg er der ikkje ofte-og ikkje til fots. Eg kan eigentleg ikkje gå så mykje for venstrefoten er ikkje god, så eg blir litt halt. 

Eg var inn på butikken til Målar-Olav og kjøpte noko som skal drepe mosen på altanen min, og der var dei veldig hjelpsomme. Eg fekk kjøpt noko på ei flaske, det er berre det at det må vere opplett fleire dagar i trekk viss det skal hjelpe.

Var innom ALTI også,  dei hadde ikkje de eg skulle ha, men det hadde dei på SPAR, for der har dei verdens beste krydderspekesild, derfor er eg inne der somme tider.

Då eg kom heim bestemte eg meg for å lage middag og ete sild og det gjorde eg. Det er det beste eg veit -trur eg. Etterpå har eg fyrt i omnen, eg har mykje "ved" no som eg vil brenne opp. Det vart varmt og godt der eg sat og strikka og såg TV. Eg trur eg sov litt innimellom for klokka gjekk farleg fort.

No har eg funne fram ei skål med rips og ein pakke vaniljesaus, så då blir det dessert også.

Håper alle har det godt i helga. Eg har det bra så lenge eg har TV og strikketøy.

Dagbok 2025: 8.august

 Klokka er no 17.45, temperaturen ute er +14 grader og det regnar litt og blæs litt, akkurat så mykje at det ikkje er kjekt å vere ute. Eg har diverse ting som eg skulle gjort i hagen, men det får vere til det blir betre ver..

Det vart brått så stilt og roleg her, ingen på besøk og ingen snikkar som bankar, nesten litt FOR roleg. Eg har ikkje gjort mykje i dag sjølv om det er fredag, men eg har gjort litt av kvart før i veka; i dag støvsugde eg teppegolvet i stova og så har eg vaska litt klede, men eg veit ikkje om det kan kallast arbeid. Eg har plundra med sudokuen sidan i går kveld utan å komme i mål, så eg er ikkje fornøgd med meg sjølv. Eg har vore ein tur opp til Marit også ein liten tur-

Men noko er positivt også, eg kan felle hæl på lester igjen , så då kan eg strikke og sjå TV. Eg får ikkje til å sjå TV viss eg ikkje får strikke på samme tid, og eg kan ikkje strikke utan TV-sånn er det berre.

Eigentleg skulle eg ha vore til Vik i dag og kjøpt diverse, men eg har utsett det til i morgon.Vi får håpe at sommaren kjem att ein tur, den kan ikkje vere over enno vel?

Då er det fredag og eg vil ønske alle, meg også, ei god helg!

Dagbok 2025: 7.august

 Klokka er no 21.55, temperaturen ute er + 13 grader Celsius, og det har vore overskya heile dagen, men ikkje så mykje regn akkurat. No sat eg og venta på sudokuen på Møre-Nytt og då kom eg på at eg ikkje hadde skrive dagbok. Slikt kan skje når det er mykje anna som hender. 

I dag sette eg meg til og ville skrive til Solveig, det var noko eg meinte ho kunne helpe meg med. Men på maskina låg det melding frå henne om at ho og Øystein skulle komme innover, så det var no veldig gledeleg.  Solveig baka bollar som ho skulle ta med, og eg tok ein liten tur på butikken.

Øystein skulle hente Amund i Volda, men Solveig vart att med meg. No har ho oppdatert meg på hælfelling, det var så enkelt at eg forstår ikkje korleis eg kunne ha gløymt det. Øystein bar dei skrota vindua ned i tilbygget, så no er ei plasserte. Eg likte ikkje å ha dei ståande på tunet og på altanen når det kom vind og dårleg ver..

I morgon er det fredag igjen,desse sommarvekene går så altfor fort -og plutseleg er det jul igjen. Eg har oppdaga at tida går fortare til eldre ein blir.

Eg har ingen planar for morgondagen-eller kanskje litt. Eg trur eg må ein tur til Vik i alle fall. No skal eg finne avisa og prøve å løyse sudokuen. Den som kjem i fredags-avisa er vanskelegare enn den i tysdagsavisa, men eg brukar å få den til.

Dagbok 2025: 6.august

Klokka er no 19.54, temperaturen ute er +13 grader og det regnar. På føremiddagen var det opplett så eg fekk rydda på altanen. Eg heiv fjølene ned på plenen og bar dei derifrå inn i tilbygget, det var i grunnen ikkje så mykje arbeid.

Etterpå plukka eg litt stikkelsbær som eg kokte sylte av, men eg veit ikkje om den blei så god.

Det vart slutt på godveret og regnet kom att. Eg hadde fyrt i omnen og hadde det varmt og godt, men så var det strikkinga. Eg har enno ikkje funne ut korleis eg skal strikke hæl, det som eg har gjort nesten kvar dag i lange tider. Men det er heilt vekk.

Noko anna som var heit vekk var ledningen til boksen der eg laddar opp høyreapparata mine, men i dag sette eg meg til og såg over alle ledningane mine-og det er mange. Eg fann ikkje den rette før heilt til sist- men der var den. No har eg ladda opp apparata og håper å forstå meir av det folk seier enn eg har gjort i det siste.

Eg har vore ein tur opp til Marit i dag også,vi sit og grammar oss over veret-det hjelper litt på humøret at vi er to.

Dei "gamle" vindua Står enno ute, eg tru ikkje eg greier å bere dei i hus åleine, men eg har ikkje prøvd.

Når alt er i orden, må eg skure altanen, for mosen gror.
 

 

Dagbok 2025: 5.august

 I dag heiser vi flagg for Ivar Aasen, som vart fødd i Ørsta 5.august 1813.

Klokka er no 18.00, temperaturen ute er + 12 grader og det regnar litt. Då eg stod opp i dag skein sola, men det vart det fort slutt på- 

Dagen i dag vart litt annleis enn vanleg., men den begynte på den vanlege måten, med litt TV og strikketøy. Strikkinga vart det ikkje mykje av, for eg har enno ikkje funne ut korleis eg skal strikke hælen, det brukar eg å få til kvar dag, men ikkje no. Det er noko som har rota seg til oppe i hovudet mitt, eg håper det ryddar seg til igjen. 

Når eg ikkje kunne strikke måtte eg finne på noko anna, eg fekk blant anna rydda frysedelen på kjøleskapet. Så begynte eg å rydde litt på altanen; eg kasta dei største plankane ned på plenen og så gjekk eg ned og saga dei i to(med handsag) slik at eg fekk dei inn i tilbygget. Eg saga også diverse anna som kan brukast til ved. Eg sagar med handsag, for eg er litt redd å bruke motorsaga, for det er så lenge sidan eg har brukt den.

Så fekk eg melding frå Margrete om at ho ville komme ein tur. Vi sat lenge og prata og drakk kaffi før vi tok ein tur på Plantasjen. Etterpå såg vi oss om på møbelbutikken der borte, der hadde eg ikkje vore før. Det var interessant å sjå kva slags møblar som er populære no. Skinnmøblane mine er heilt umoderme, men eg synest dei er praktiske og greie å å ha. 

Vi hadde lyst på mat og tenkte vi kunne ete pizza på ALTI, men der var det stengt. Men kafeen var open og dei hadde pizza, så då vart det det likevel.

No er eg heime igjen åleine,men har hatt ein kjekk dag.

Dagbok 2025: 4.august

Klokka er no17.15, temperaturen ute er+15 grader, men i dag har vi hatt opplett og ikkje så mykje skodde.

I dag hadde Marit og eg avtalt å fare på butikken i halv 11 tida. Og slik vart det. Vi var på KiWI og kjøpte mat. Etterpå var eg ein tur ned på ALTI for eg hadde ærend der. 

I dag hadde eg kjøpt med spekepølse og potetsalat, så det åt eg både til lunsj og middag. Eg hadde også skeia ut og kjøpt vannmelon, så det hadde eg til dessert-

I dag var det ver til å vere ute i hagen og jobbe. Eg plukka ein del solbær på det eldste treet, men det viktigaste var å få klippe det ned litt, for det var altfor stort, Eg fekk gjort det mindre, men eg tok det ikkje i høgda i dag, det blir ein annan dag. Eg rydda mykje på den staden i hagen der der blir mest rot. Erlend hadde sørga for at eg hadde sen på kantklipparen og då går det lett å rydde opp rundt busker og tre. Eg jobba så lenge eg orka for ryggen sin del, så spylte er plenklipparen før eg "tok kvelden" (litt tidleg). 

Eg har to små stikkelsbærtre og i år er det mykje bær på dei, så eg skal kanskje prøve å lage stikkelsbærsylte i år? Eg har meir både rips og solbær som eg må plukke. Men  det er grusomt kjedelig å plukke bær, eigenleg. Det var kjekkare før, då var vi to om jobben og klipte sunde trea etter kvart. Det gjer eg no delvis no også.

No må eg få vaska den svarte buksa eg går i-det kan bli at eg skal på ein tur i morgon- og då må eg ha akkurat den- "sommarbuksa."

No skal eg slappe av og sjå TV mens eg strikkar.

Der, på den mørke rundingen, der stod plommetreet. Vi har sådd gras der og det spirer, men det er ikkje så godt å sjå det på bildet.

 

Dagbok 2025: 3.august

 Klokka er no 19.41, temperaturen ute er + 15 grader C, skodda ligg her framleis og det regnar litt innimellom; kort sagt er det eit kjedelig og grått ver. Eg har hagebær som eg skulle ha plukka og diverse anna som skulle ha vore gjort rundt dørene, men kven likar å gjere hagearbeid når det regnar? I dag kan ein no skulde på at det er helg- men eg er redd vi får samme veret fleire dagar framover. Det er mangel på vind, som vanleg.

Eg veit ikkje kva eg har gjort i heile dag,men eg har vel gått her og pusla med litt husarbeid etc. Heldigvis fekk eg besøk av Eirik og hunden til Amanda, Albert, dei er hos Lars for tida, og blir der vel over morgondagen, for då skal Lars feire at han fyller 60 år. Amanda driv og førebur på å flytte inn i huset ho har fått leige på Folkestad. Solveig og Øystein feirer i dag-dei  har vore gifte i 40 år. Og feira det med ein tur til Trondheim.

Viss eg vil feire noko, så kan eg feire at eg har fått to nye vindu i huset mitt. 

Eg har ikkje vore opp til Marit i dag, men i morgon skal vi på butikken i lag. Eg synest det er så trist med dette veret, vanlegvis er august den finaste månaden i året. No skal eg sjå om eg kan få tatt eit bilde av det elendige veret.

Dagbok 2025: 2.august

Klokka er no 19.36, temperaturen ute er + 20   grader C og skodda ligg langt ned etter fjellsidene. Det er vanskeleg å bli kvitt skodde her i Ørsta fordi det nesten aldri er vind her. Eg saknar VIND!

I dag presterte eg å sove heilt til klokka var 9, det skjer ikkje ofte, Men det var kjekt å stå opp til reint og ryddig hus igjen, dvs. det er ryddig inne, men ikkje på altanen-enno.

Etter at eg hadde ete frokost jobba eg litt. Eg rydda bort treklossar i garasjen og fekk dei i ein sekk, før eg spylte garasjegolvet.  Ein ting til fekk eg gjort, eg rydda og klipte etc. i rosebeddet ved garasjen, der blir fort uryddig når rosene misser kronblada.

Deretter vart det ein tur på butikken, etter at eg hadde fyret i omnen og strikka litt. Eg har så mykje små fjøler etc,så no fyrer eg i staden for å sette på varmepumpa, og i dag har det vore bruk for litt varme, sidan sola held seg borte.

Eg hadde halvvegs tenkt meg til Vik i dag, men det vart berre ein tur på KIWI på Vallabøen. Då eg kom heim att laga eg lunsj og åt. 

Marit ville at eg skulle komme opp til henne, og det ville eg gjerne, så no har vi hatt oss ei god pratestund, men tida gjekk så fort at då eg var heime igjen , var det nyheiter på TV som eg ikkje fekk heilt med meg. Men dei kjem vel att.

Eg driv og strikkar lester av det svenske garnet til Solveig, men hæl-fellingane blir heilt rare og annleis enn vanleg -enda eg strikkar akkurat som eg plar. Eg trur det blir annleis fordi garnet er så tynt. Men eg KAN berre ei hæl-felling. No skal eg snart lage meg litt mat og så skal eg sjå TV og strikke resten av kvelden. Eg har det godt, men ser framtil å treffe att barn og barnebarn som eg ikkje har sett på nokre dagar.

                                                                Slik er det her no

 

Dagbok 2025:1.august

                                                                      Ferdig i dag!

Klokka er no19.15,temperaturen ute er +16 grader, det er opplett men skodda ligg langt nedover fjellsidene, og sola er ikkje å sjå-

I dag la snikkaren siste handa på verket sitt, og til mi store glede hjelpte han meg å få gardinbretta på plass før han reiste. Eg er veldig fornøgd med det han har gjort. På grunn av at vindua ikkje var akkurat som dei vi hadde før, vart det ekstra mykje arbeid. No står det att å male treverket og eg trur Einar kjem til å stille opp der. 

Eg sat og strikka på føremiddagen, men etter at snikkaren hadde reist tok eg meg på tak og vaska og støvsuga og ordna opp i heile "huset" før eg dusja og bad Marit på kaffi og gulrotkake. 

Eg har sove veldig godt i det siste, eg har lagt på datarommet sidan det var enda meir rot på soverommet, men eg må no prøve å legge meg inn att der.

I morgon må eg på byen og handle, har ærend på apoteket t.d.

Eg er glad for at "husarbeidet" er ferdig, og eg har mykje god opptenningsved i garasjen. Eg har ikkje sett døtrene mine på ei stund, så eg håper å sjå dei snart.

Rasmus synest det går seint med grasvoksteren der plommetreet stod, men i dag var det stor framgang, sikkert fordi det har regna innimellom.

Sidan det er fredag vil eg ønske alle ei god helg. I dag begynner vi på den siste sommarmånaden, tida går så altfor fort. August har vore favorittmånaden min, særleg den tida då skulane begynte 1.september. Far min hadde fødselsdag den 31.august, det var siste sommardagen den gongen.( Han var født i 1899.)