Dagbok 2026: 3.november

 

Klokka er no 20.00, temperaturen ute på trappa er +4 graderC, eg veit ikkje om det har regna for eg har knapt vore ute for ei dør i dag-og ikkje har eg gjort noko særleg inne heller. Eg har ein lest som eg har strikka på sidan laurdag, strikka og rekt opp att 1000 gonger, eg forstår ikkje kva eg tullar med, eg brukar no til vanleg å strikke meir enn ein lest for dag -utan å rekke opp att- --- så eg har ikkje gitt heilt  opp. Det er mykje anna eg kan gjere  her i huset, men i dag har det blitt lite og ingenting. Eg kunne ha vore ute i hagen også-viss eg hdde hatt gummistøvlar-men dei eg hadde brende eg opp i omnen. Dessutan var det litt kaldt.

Ja, alle dagar er ikkje like, og dette har vore ein litt sløv dag. Men i mporgon må eg kanskje handle litt -så då blir det ein liten tur på butikken.Neste mandag skal eg til Ulsteinvik og få meg nye høyreapparat, dvs. eg får dei no ikkje akkurat då, det går vel ei tid før dei er klar til bruk. Eg har hatt mane høyreapparat , men har ikkje vore fornøgd med dei. Så nå håper eg på å få nokre som er hjelp i.

I dag var det avisdag , då fekk eg Møre nytt, og der var no mykje å lese, så eg har ikkje fått med meg alt enno. Men eg har fått med meg at det skal vere"Lysfest" den 6. og7.november-det er liksom begynnelsen på jula nede i Vik. Eg har aldri vore på slike festar og eg kan vel ikkje vere der i år heller, for eg køyrer ikkje bil når det er mørkt, og det er langt å gå - men kanskje......................

Dagbok 2026: 2.November

Klokka er no 18.00, temperaturen ute er+6 grader C,og no regnar det. Eg har gått ein tur på Vernet i dag, men rekna ikkje med at det skulle bli regn og mørkt før eg kom heim, og no er det bekmørkt så tidleg på kvelden, det trudde eg ikkje det skulle vere. 

Heilt sidan eg kom heim altt har eg plundra med maskina, PC-en altså- No er eg ikkje pålogga med mitt eige namn, så det spørs korleis det går. Eg har i grunnen ikkje så mykje å forelje, eg har no gått her og vimsa innomhus heile dagen, heilt til eg gjekk tur.Eg synest den runden oppe på Fonnvernet blir lenger og lenger etter kvart som eg blir eldre. No må eg ha meg ein kaffikopp og når eg få skikkeleg dreis på maskina skal eg legge inn bilde

Svein Nordal fyller 60 år i dag, men vi feira han litt på førehand sist laurdag

Dagbok 2026: 1.november

 

Klokka er no 18.57, temperaturen ute er ca+3gradrerC. Det var fint ver ei stund i dag, då sat Marit og eg ute, men så for sola, og eg gjekk inn. Eg har ikkje styrt med så mykje i dag, berre strikka litt. Solveig og Øystein er i Bergen og feirer 2-årsdagen til Tobias. Han er ein stor og kraftig kar og no har han fått seg briller- eg kan ikkje gjenta kva som var grunnen til det. Det er no kjekt for dei to nybakte pensjonistane  at dei kan fare på besøk når dei vil.

I morgon fyller Svein Nordal 60 år, men han blei no litt feira i går, så eg veit ikkje om dei har noko feiring i morgon. Eg veit ikkje kva tid Solveig og Øystein kjem heim att heller, men no bår dei er fri kan dei no vere vekke så lenge dei vil. Eg har mykje eg skulle ha gjort både ute og inne, men det er ikkje alltid eg er så ivrig. Eg slit litt med skadane eg fekk då eg ramla med klipparen, det merkast i ryggen og i føtene mest. Så eg får ikkje gå så mykje tur etc, Ja, ja det er no ikkje så veldig gale. No skal eg sjå om eg finn meg noko godt til kveldsmat.

DAGBOK 2026: 1.NOVEMBER

Klokka er no 18.40, temperatutren ute er +5 graderC. Det har vore delvis fint ver i dag, men eg har vore mest inne. Og i dag har eg vore her åleine. Solveig og Øystein er i Bergen og feirer    Tobias sin 2-årsdag . Han er ein stor gut for aldren og flink er han også. Og så har han fått seg briller, det er noko som han MÅ ha, eg er ikkje heilt sikker på kvifor.

Eg har gått her og tusla, har sett litt TV og strikka, ei stund på føremiddagen sat Marit og eg ute, men så for sola vekk, og då vart det kaldt. No begynner vi på November og faktisk er det så vidt vi har slutta med plenklipp. Dvs, det er no dei som harautomatisk kklipper som hel ut lengst. Eg har slutta med klipping for fleire veker sidan

Dagbok 2026: 31.oktober

Klokka er no ca 21. 00 ute er det bekmørkt og det regnar aldri så lite,temperaturen er ca 9 graderC

Dette vart ein spesiell dag, i alle fall for Svein, Margrete og meg.  Svein hadde fødselsdag, derfor vart det middag for oss tre på den indinske restauranten her i Ørsta. Vi fekk god mart som vanleg, vi i familien her er glade i indisk mat men sjeldan er vi berre 3 ved bordet. 

Men det som vart det aller kjekkaste for oss 3 i dag, var å få fare på kino i Volda.

Der fekk vi sjå filmen "Markens grøde" (Hamsun si bok) og det er den beste filmen eg har sett på mange, mange år. Eg veit ikkje om eg har sett nokon betre nokon gong...........Vi tre var heilt samde i at den var kjempebra.
Filmen lever i meg enno. Og så var det ein kjekk kinosal dei hadde laga til på "loftet" i det gamle kulturhuset, gode stolar var der også.

Margrete skulle handle litt på KiVI då vi kom tilbake til Ørsta. Eg trong ikkje så mykje, men kjøpte litt eg også.

Eg har hatt ein kjekk dag-og den filmen.........................................

Dagbok 2026: 30.oktober

 

Klokka er no17.30, ute er det skya, men opplett og +7 graderC. Det har vore bra ver i dag, så eg kunne sikkert ha vore ute, men eg er ikkje  så sprek i føtene.at eg torde å gi meg ut på tur. Eg vil ikkje anbefale andre damer på godt over 80 å dette og slå seg, det er ikkje like enkelt som det var før. Eg har no litt låkt både her og der, men ikkje så gale-når eg tek alt med ro-slik eg gjer no.

I dag har eg pusla litt her heime i huset og så har eg vore oppe hos Marit ei stund og PRATA.

Eg trudde det var i dag vi skulle på kino, men det er i morgon. Då blir det "Markens grøde" med Margrete og Svein. Men først skal vi ha middag -indisk, trur eg.Det er på den indiske restauranten vi går når vi skal feire. Der er god mat, og ikkje akkurat slik mat vi lagar sjølv

Her heime hos meg skjer det lite for tida, men eg har no TV-en og så strikkar eg lester til heile storfamilien-det er den jobben eg har no- Felte nettopp av eit par, så no har eg minst 4 par her, men det er Solveig som  deler ut, og eg trur ho har nokså mange par, og enno er det langt fram til jul. Ja, det er no bra at eg kan bidra aldri så lite. Men eg ser at eg må passe venstre handa mi også, den braut eg for ikkje så mange  år sidan, så den er ikkje heilt god .-den heller.Eg har ein liten tendens til å dette og skade meg, og det er ikkje så bra i min alder.

Solveig og Øystein som no er pensjonistar er i Bergen for å feire barnebarnet  Tobias som blir 2 år 1. november- Vi er etter kvart blitt ein stor familie og det er no kjekt synest eg.

I 

Dagbok 2026. 29.oktober

 

Klokka er no20.15, temperaturen ute er + 8 graderC og det regnar. Mørkt er det også, så no er hausten her for fullt. Eg kan ikkje seie eg likar det. Eg har nettopp vore oppe hos Marit ei stund, elles har eg vore heime. Eg kan ikkje skryte av at eg har gjort så mykje i dag, men eg fekk ein raptus i halv-6 tida og vaska på kjøkkenet og badet. Det er det eg kallar "fredagsvask" . Elles har eg strikka litt, men eg må innrømme at eg har litt vondt for å sitte mykje, det kjem av det fallet eg hadde tidlegare, eg veit ikkje kor mykje som er øydelagt, men noko er det.Det er litt vondt å sitte også-på venstre sida. Men eg håper det kjem seg.

Eg ser veldig fram til morgondagen for då kjem Margrete og hentar meg, og så skal vi på kino i Volda. Der skal vi sjå "Markens grøde", det gleder eg meg til Eg har no lese boka ein gong i tida - men hugsar veldig lite. Desse døtrene mine tek godt vare på si gamle mor. Og takk for det. Det er sjølvsagt ikkje berre døtrene som er til stor hjelp, Rasmus er like hjelpsom, men han er så langt borte. Men det var han som fiksa bilen min, og det var litt av ein jobb.

No skal eg sjå om eg finn meg litt godsaker i kjøleskapet, eg har ikkje ete på ei god stund, så eg svelt. Det er no enno tidleg kveld