Dagbok 2025: 31.mai

Klokka er no 17.53, temperaturen ute er \13 grader og sola skin no. I dag har eg hatt ein heil dag åleine, men eg har no gjort litt av kvart. Så snart ALTI opna klokka 10, var eg der. Eg skulle ha nokre medisinar, og tenkte eg kunne kjøpe alt som står på respten min no når eg har fått Frikort. Det hadde eg fått,men dei hadde ikkje alt tilgjengelig.

Då eg kom heim gjekk eg ein tur på Fobnnvernet til tross for at eg hadde ei vond hofte. No er det lupintid på Vernet-ikkje så mykje enno, men det kjem til å bli meir. Det er no mest blå blomster som kjem der, men det sleng rosa og kvite innimellom.

"Middagen" i dag vart brødskiver med kjøttpålegg m.m. Og jordbær til dessert. Eg hadde handla på KIWI på heimvegen i dag morgon.

Jobben som eg hadde planlagt i dag, vart gjort. Eg raka heile skråninga og fekk vekk det tørre graset m.m. Eg tok meg god tid og sat på ein stol titt og ofte for ikkje å øydelegge ryggen min. 

                                       Lørdag ettermiddag og helg

Dagbok 2025: 30.mai

 

Klokka er no18.30, temperaturen ute er +9 grader. Det har regna i dga, men så lettar det opp mot kveld.. Eg måtte ta eit bilde av vindua og dei fine blomstrane som eg har att frå fødselsdagen min. Dei trivst godt her no.

I dag har eg vore heime åleine heile dagen, har ikkje vore ute for ei dør. Berre ut på trappa for å gi Lollo mat. Eg passar katten til Marit, ho er på hyttetur med sonen. Eg har ikkje vore  storform i dag, men har no fått vaska hus, klede og oppvask. I morgon skal eg på butikken, det er eg stort sett kvar laurdag føremiddag, så no driv eg og skriv ned det eg manglar.. Det skjer ikkje så mykje når eg er heime og åleine, så eg har ikkje så mykje å skrive om. Eg får sjå kva eg kan finne på i morgon. Ønsker meg litt betre ver.

                        Veret betrar seg mot kvelden, no er det nesten sol.

Dagbok 2025: 29.mai

 Klokka er no18.16. Temperatren ute er +14 grader og det er nokså mykje skyer på himmelen.

Eg  har hatt ein nokså kjedelig dag, mest fordi eg ikkje var så opplagt på føremiddagen. Eg hadde ikkje noko eg skulle eller hadde lyst til,og Marit skulle bli henta til hyttetur med Kjartan, så då vart eg her heilt åleine-med katten. Eg plar no trivast godt åleine, men ikkje i dag. Eg strikka litt og sat mykje med datamaskina før eg åt middag, restar frå i går.

Då var veret blitt betre og det vart til at eg tok ein runde på Vernet , hadde ikkje gått der sidan 17.mai, for eg har hatt litt plunder med ein fot. Men i dag gjekk eg bra. Berre synd at telefonen ikkje var opplada til å ta bilde, så eg tok ein runde i hagen etter at eg var komen heim for å ta bilde av det som blomstrar. Hagen min vert enklare for kvart år, for eg orkar ikkje så mykje som før.

Akkurat no er det syrinen som pyntar mest opp, den er blitt stor og frodig.

Dette er eibuske som heiter Svartsurbær, for utpå sommaren og hausten kjem der masse svarte sure bær på den. Buska som eg har er litt spinkel,fordi eg har klipt vekk så mykje. Fuglane er heilt galne etter bæra, men eigentleg er dei ikkje så gode. LIkevel er det lurt å ete bæra for det er det sunnaste vi kan ha i oss. Og viss ein har mykje bær kan ein t.d. lage gelè. Eg kjenner ei som hadde ein heil hekk av slike plantar og ho laga gele. eg et no ein del bær om hausten,men som regel kjem småfuglane og forsyner seg grådig. No kan vi nyte synet av blomstrane.

Dette er Gullbusken som Nils og eg fekk til gullbryllaupet vårt. Vi hadde den først i ei potte, og sette den inne om vinteren, men så oppdaga vi at det kunne like godt stå ute om vinteren også. Gullbryllaupet var sommaren 2012; buska veks ikkje så mykje, men det er berre bra.

Eg har rydda og renska i bedda også, men det står  litt att før det blir fint. Må kome meg på Plantasjen snart.Og så må eg på VØR, for sjå kva eg får til i  morgon.

Dagbok 2025: 27.mai

                                                                        Nyklipt

 Klokka er no17.50, temperaturen ute er+11 grader. Veret har vore så ymse i dag, men mest overskya og ein del regn. No sit eg her og er sjeleglad for å ha kome inn att på Dagboka mi. Kvar gong det skjer noko på datamaskina, må eg stille opp med nytt passord, men berre der. Og det gløymer eg frå gong til gong

I dag har eg hatt Helge her og han har hjelpt til med både telefon og datamaskin,, TV-en er eg blitt nokså flink med sjølv. Endeleg.

Elles så fekk eg klipt resten av skråninga i dag, fordi der var ein slant med bensin på klipparen. Men eg samla ikkje opp og ikkje har eg raka heller.

Eg fann ut at eg ville lage skikkeleg middag i dag, det skjer ikkje ofte, Men i dag fann eg fram fin kvit torsk frå frysaren som eg steikte med løk til. Poteter og grønsaker hadde eg også. Eg lurte på etterpå om eg hadde brukt så lang tid på matlaging før. Eg meinte det skulle vere nok til to dagar, men det blir ein mindre porsjon i morgon.

Så kom Helge og fekk orden på telefonen min og på datamaskina. Datamaskina greier eg no mykje sjølv, men eg er alltid litt redd for å gjere feil. Det var ikkje heilt i orden då eg skulle skrive Dagbok, men no veit eg vel til ein annan gong at der må eg skifte passord uansett.

Eg lurte på om eg måtte på butikk i dag, men det er no berre ein dag, så er det kvardag fredag og laurdag.

Dagbok 2025: 27.mai

Klokka er no 20.24. temperaturen ute er +9 grader og det er skya. Det har også regna i dag, så eg har ikkje vore mykje ute. Vi var på trening10-11, så var eg ein tur på ALTI mens Marit sat i bilen. Eg skulle ha nokre tablettar på apoteket og litt"vaskemidlar på Europris.

Resten av dagen har eg vore her heime åleine  og gjort diverse småjobbar. Mest jobb er det med telefonen. I dag fekk eg ei heil rad med meldingar frå Tussa, den første var skriven i desember 2024. Eg fekk den i dag. Det er noko skikkeleg gale med den telefonen, men eg veit ikkje kva eg skal gjere med det.

Det har ikkje blitt mykje gjort her i huset i dag, det har gått opp berre i tull. Men eg har no løyst sudokuen og laga i stand gjesterommet i kjellaren, om ikkje anna. Eg får ta kontakt med Tussa i morgon, kanskje eg fer bort på kontoret deira, eg likar betre å snakke utan telefon. 

Eg likar ikkje dette våte veret for eg får ikkje gjort noko ute, og det er det eg vil.

Dagbok 2025: 26 . mai.

 Klokka er no17.24,temperaturen ute er  + 17 grader, vi har hatt fint ver ei stund no, men på PC-en står det:Regn kommer, og det trur eg så gjerne.

Det var bra ver etter at eg var ferdig med frokosten, så eg gjekk ut og såg på klipparen. Sist eg klipte stoppa eg fordi der var bensintomt-trudde eg. No viste det seg at der var nokså mykje bensin på klipparen, så eg bestemte meg for å klippe plen. Eg hadde ikkje før tenkt tanken, så pøsregna det.

Marit ville at eg skulle komme opp i dag så ho kunne fortelje koleis ho dhadde hatt det i selskapet i går. Det passa for så vidt bra, sidan eg ikkje fekk gjort noko ute. Men då eg kom heim fekk eg gjort noko inne. Rommet til Kongsberg-gutane hadde stått urørt sidan dei var her sist, så no sette eg i gang og vaska sengetøyet og golvet og hadde ut teppa. Så no står det berre att å re opp sengane. 

Og så var det blitt fint ver og eg kunne sette i gang klipparen, og klippe til det var tomt for bensin. Eg fekk klipt nokså mykje, men det står ein del att nede i skråninga, så då må eg ha bensin.Eg synest eg har det bra i orden i hagen, når ein tenkjer på at eg er gammal og åleine. Men eg likar å halde på ute, berre eg er nokonlunde smertefri.Og det er eg som regel.

I morgon skal vi på trening, men torsdag får vi fri , for då er det Kristi Himmelfartsdag-og Amanda har bursdag. det er mange andre som har bursdag no når vi kjem til juni. Solveig har fødselsdag 3.juli-men då blir det opphald til Erlend fyller år i november.

No skal eg finne noko å ete eller drikke, det høyrer med når ein klipper plen, men eg har no ete "middag" før i dag, så det får vel bli kaffi.

Dagbok 2025: 25.mai

Nokre av dei fine blomstrane eg fekk på bursdagen min står like fine enno.

Klokka er no 15.58 og det er enno mykje att av dagen, men eg veit ikkje om eg finn på så mykje meir i dag . Sist natt sov eg utan sovetablett på mange, mange år.Eg ville prøve om det gjekk bra. og det gjorde det.Så eg håper at eg kan legge bort tablettane. 

Eg står alltid relativt tidleg opp, for eg treng ikkje så mykje søvn. Eg hadde ingen plan for dagen, så etter frokost m.m. sette eg meg til å skulle sjå TV. Men same kor mykje eg trykte på fjernkontrollen skjedde det ingen ting. Eg sjekka ledningar og alt mulig , men ingen ting skjedde. Når det er noko gale med TV , datamaskin etc, blir eg berre heilt hjelpelaus og ropar etter hjelp, det må det bli slutt på, for LITT greier eg no sjølv. Slik som i dag; eg sat med fjernkontrollen og plundra, då oppdaga eg at der ikkje var liv i den, batteriet var flatt med andre ord. 

Då begynte eg å tenkje og fann fram den andre fjernkontrollen og slo på TV-en. Eg rekna med å måtte kjøpe eit spesielt batteri over helga, men då eg såg etter var det heilt vanlege batteri i den blanke fjernkontrollen. Eg seier til meg sjølv at eg må lære meg å fikse somme ting sjølv, og i dag har eg gjort det! Eg har sete og sett litt TV og strikka litt, men så vart eg så frostig at eg ville ut og hente litt ved. Men då eg kom ut såg er ugras i bedda, som eg måtte få vekk. Eg renska i garasjebeddet og beddet nedafor garasjen og så vatna eg med slangen for der var knusktørt. Eg trivst best når eg har noko å styre med, men eg kan ikkje overdrive når det er søndag.

Eg vurderer å gå ein tur, men eg veit ikkje om det er lurt -for venstrefoten er ikkje heilt god.

I dag har eg observert sommarens første rose i eitt av bedda mine, Den heiter Therese.Den er berre lita enno, men verre er det med Dronning Elizabeth-ho er heilt død og må erstattast. Vurderte å fare på Plantasjen i dag, men eg utsette det. Greit å kombinere med ein tur på VØR. Det passar meg dårleg å ha fotproblem midt i vårvinna, men slik er det berre. Verst er det med "Prosjektet"-for der må spadast opp. Kjem an på om eg må invitere til dugnad-med nogo attåt. Komande veke har Amanda fødselsdag -då blir ho 25 år.  Årets konfirmant, Ingar, er den yngste av alle barnebarna mine. Den eldste fyller38 år i juni i år. No skal eg sjå om eg greier å få til eit bilde. Den telefonen min er ikkje til å stole på.

Dagbok 2025: 24. mai

Klokka er no 19.38, temperaturen ute er +10 grader C og det regnar ,det har det visst gjort i heile dag, og no kom eg på at det er laurdag, og eg har trudd det var sundag heile ettermiddagen, Før i dag visste eg at det var laurdag, fordi eg var på butikken og handla.

Eg var ikkje heilt i humør i dag, eg hadde sove dårleg om natta og det var ikkje så godt å gå tur, på grunn av ein litt vond fot -og i det heile tatt; eg hadde ikkje ein gong garn til å strikke lestar av. Men eg kunne ta ein tur på butikken. Eg venta Solveig seinare på dag, så eg måtte ha litt kaffimat i hus.

På butikken trefte eg naboar og kjentfolk, så humøret steig litt.

Eg fekk melding frå Einar, han var på Vartdal og sprang og ville komme innom og det var no kjekt, det vart kaffi, kaker og is.

Og då var det berre vel ein time til Solveig skulle komme. Ho kom med mykje garn , så no kan eg halde fram med leste-strikking til store og små, mest små.

Vi drakk kaffi og prata som vanleg. Eg fortalde henne at eg hadde funne ei side på pC-en der det var mykje fine og billege klede, og eg trong litt fornying no når det blir vår og sommar. Eg hadde merka meg kva sida heitte og då eg sa det, lo Solveig høgt, for det var eit firma som ho hadde handla mykje med. Kleda var ekstremt billege, så ho bestilte eit par genserar til meg i ein fart, og betalte med kortet mitt,så skal eg få pakken rett i postkassa. Meir lettvint kan det ikkje bli. Så spørs det berre om kleda er brukbare. Men Solveig fortalde at ho har handla mykje med dei og vore rimeleg fornøgd.

Så vart det ein kjekk dag likevel, til tross for regn og innever. Og i morgon er det sundag, og "fridag", berre litt synd at eg ikkje er så sprek akkurat no. Eg har ikkje vore på Vernet på lenge.

Sidan det no er fredags kveld, vil eg ønske alle ei god helg.No skal eg gå ut på altanen og sjå om eg kan få til eit bilde.

Dagbok 2025: 23.mai

Klokka er no18.55, temperaturen ute er + 10 grader, det er mykje skyer på himmelen, men sola kjem fram her og der.

Eg har hatt ein litt trasig dag, fordi den venstre hofta som plaga meg i mange år, men har vore bra lenge no, har begynt å plage meg igjen. Så veldig vondt har eg ikkje enno,men eg veit ikkje korleis det skal gå vidare. Eg har legetime 10. juni så eg ventar med å gjere noko før den tid. Eg har hatt så mange gode år no, at eg trudde at det skulle vare. Det er ikkje så gale enno, men ein veit aldri........

Eg har no hatt ein vanleg fredag med golvvask og klesvask etc. Så har eg sete og strikka ferdig ein lest, eg var spent på om der var nok garn til slutt, men eg trur eg løyvde ca 15 cm.

Eg har ikkje vore på butikken i dag, men i morgon må eg ha ein tur.Det er godt å ha bilen når føtene streikar. No i kveld skal eg opp til Marit og vi skal sjå The voice-det er no kjekt å ha nokon å vere i lag med når ein ser slike program. For morgondagen har eg ikkje så mange planar, men eg håper at veret blir til å vere ute i.Eg har så lyst å jobbe i hagen, men planane mine ligg på is inntil vidare

Sidan det er fredagskveld vil eg ønske alle ei fin helg, og så håper eg at temperaturen stig opp att så vi slepp snøen i fjella. Eg ser at klokka går for mot 20 no så eg får gjere meg klar til å springe over gata.

Sola skin i Mosmarka i kveld.

Dagbok 2025: torsdag 22.mai

                    Gratulerer! Amanda er no ferdig utdanna lektor.

Klokka er no 16.04, temperaturen ute er +9 grader og no endeleg får vi visst sol.I dag morgon låg snøen langt nedetter fjellsidene og det var surt og kaldt . Men eg var tidleg oppe, som vanleg, og med ekstra el-omn under kjøkkenbordet vart det ein hyggeleg frokost. Eg er veldig glad i frokostar!Eg er i det heile tatt veldig glad i mat-altfor glad skulle eg sagt.

PÅ treninga gjekk det bra, men eg valde å ta litt omsyn til venstrefoten -den er ikkje heilt god enno. På heimvegen handla vi på KIWI som vanleg.

Etter at eg var komen heim laga eg meg ein slags middag med rå grønsaker etc. Men så vart eg så trøtt at eg slengde meg ned på Dagsenga her på datarommet , og der vart eg liggande. Eg sov ikkje, men slappa skikkeleg av. Og mens eg gjorde det endra veret seg mykje. No skin sola ute, men eg veit ikkje om det blir råd å gjere hagearbeid enno. Og eg veit ikkje kor mykje foten min toler. Det er kanskje best at eg held meg inne og strikkar?

I morgon er det fredag igjen, vekene går fort. Eg har mykje eg skal gjere både ute og inne, berre eg er i stand til det Når ein er 85 må ein vel finne seg i at ein ikkje greier alt som ein har gjort før-men det er litt irriterande.

Eg er ikkje så flink med datamaskina heller, trur eg, har gløymt mykje av det eg kunne før. Ja, der ei ei tid for å lære-og ei tid for å gløyme. Trur eg.

Dagbok 2025: 21.mai

 Klokka er no 19.35, temperaturen ute er + 7   grader C , det regner no, men regnet skal ta slutt står det på Pc-en.   I dag morgon var det snø langt nedetter fjellsidene , så i dag vart det ingen hagedag. Kanskje like greit for eg var heilt bra i foten i dag, så kanskje det ordnar seg. Eg vakna tidleg og stod opp eit par gonger før eg tok meg frokost og la meg nedpå atter ein gong til før eg stod opp.

Eg hadde planlagt ein jobb inne i dag, eg skulle støvsuge skikkeleg med den store støvsugaren alle teppegolva. OPg det fekk eg gjort. elles så vart det litt anna husarbeid etc. før vi for på pensjonistmøte, Marit og eg. Det var eit kjekt møte og for ein gongs skuld sat vi med eit bord der alle kjende kvarandre meir og mindre. Vi får mat på møta no(betaler for det, sjølvsagt) og i dag fekk vi gode smørbrød .

Til slutt var det trekning i blomsterlotteriet. Ein loddar ut blomstrane som står på bordet i tillegg til andre. Marit brukar ofte å vinne. "Du skal vel vinne blomsten på bordet vårt,du" sa eg. Og i samme sekund vann ho den.

Eg var glad for at eg hadde ei skikkeleg bukse på møtet i dagså  eg kunne føle meg velkledd. Eli har enno ein "jobb" i styret, ho planlegg turar. Ho har planlagt ein dagstur, og ein lengre tur. Den lange turen vil eg ikkje vere med på , men kanskje eg hiv meg på dagsturen, sjølv om den var på kjende stader. Eg har ikkje bestemt meg enno.

I morgon skal vi på trening igjen, og no har eg fått frikort, så då trener eg gratis.sten av året

Eg såg på nettet at Amanda no er ferdig utdanna lektor frå Volda lærarskule, og komande veke, på Kristi himmelfartsdag, fyller ho 25 år. Ho blir sikkert ein dyktig lærar. Eg ønsker henne alt godt i ein krevjande og interessant jobb. Fem av barnebarna mine er no lærarar.( og alle tre barna).

Dei to-tre siste åra har eg kjøpt små rhododendron på sal om hausten. No har eg tre slike ståande i beddet som eg rydda i går. Det er spesielt den i

midten som er den finaste, kvit med litt rosa skjer-

           Eit lte glimt frå pensjonistmøtet. Eg sat ved bordet då eg knipsa.

Dagbok 2025:20.mai

Klokka er no 18.50, temperaturen ute er +12 grader, sola skin og det er litt vind.

Vi har hatt mange fine dagar i mai, men no er det visst slutt for denne gong.

I dag vakna eg tidleg igjen og stod opp og laga frokost,men la meg igjen etterpå. Så no lurer eg på om ikkje tablettane virka som dei skal.

Marit og eg var på trening i dag, eg er ikkje heilt god i venstre hofta så eg tek det litt med ro. Eg har ikkje veldig vondt, men eg er alltid redd for å få att det eg sleit med i så mange år. Vi handla på heimvegen og etter ei stund begynte eg å jobbe litt i hagen. Eg renska opp i beddet ved Urke-garasjen først,

men eg la ikkje på ny mold i dag, det gjer eg ein annan gong.Elles så klipte eg plen, så mykje som eg hadde bensin til. Eg må no kome meg av garde og kjøpe bensin først best. 

Eg trudde det var Pensjonistmøte i morgon, før var møta alltid på onsdagar, men denne gongen blir det torsdagsmøte, og då er det trening også. Men det går bra.Så får eg vere heime i morgon og gjere eit kvart til nytte. Ein må nytte fineversdagane i alle fall.Det er mykje å gjere i hagen denne årstida, men eg likar det.(Det er mykje eg skulle ha gjort inne i huset også, men det er ikkje så kjekt.)

 Så er det likevel i morgon møtet skal vere-det har vore litt misforståingar ute og gjekk. Men no er det klart.

                      Syrinen blomstrar no, meir og meir for kvar dag.

Dagbok 2025: 19.mai

Klokka er no 21.33, temperaturen ute er no + 12 grader, det har vore ein veldig fin dag med sol frå morgon til kveld.

Eg hadde planlagt å bruke dagen til hagearbeid, og slik vart det. Det første eg gjorde var å fylle bilen med rusk og rask som skulle på VØR. Eg har bestemt meg for å ha mest muleg dit bort og ikkje ta meg av rusket her heime.

Då eg køyrde heimover på vegen ved flyplassen såg eg så godt det høge fjellet, Saudehornet, som vi ikkje ser frå der eg bur, fordi det mindre fjellet, Vallahornet, er så nær at vi ikkje ser det høgste fjellet bak. Som de ser er det enno snø i Saudehornet.

Eg tenkte at eg kunne handle mat på heimvegen, men så kom eg på at eg ikkje hadde brukt hanskane på VØR, så eg var ikkje heilt rein på hendene. Men eg hadde ei løysing, eg gjekk inn på panterommet ved butikken og der er det både vask og såpe, så då fekk eg handla med det samme.

På grunn av at eg ikkje er heilt god i venstre foten gjekk eg ikkje på Vernet i dag. Men eg jobba lenge i hagen. Eg klipte gras m.m. på muren nedanfor huset-mot naboen. Eg kan ikkje klippe med grasklipparen heilt ned for då kjem eg ned på stein. Det er ein kjedelig jobb , den klippinga, men eg gjer det ikkje så ofte. Eg vart i alle fall ferdig i dag, før eg laga meg middag,- pølse og potetstappe for tredje dag på rad. Hadde laga litt rikeleg med stappe. Eg er ikkje så kresen i matvegen ,og appetitten er alltid på topp-dessverre.

Eg fekk ei lita stund på benken med Marit før Dagsrevyen. Så gjorde eg ferdig eit lestepar før det vart ein liten ufrivillig høneblund.

I morgon er det trening, onsdag er det pensjonistmøte og torsdag er det trening igjen. Det er alltid noko å gjere for den som vil og kan. Sola skin enno på Melshornet.
 

Dagbok 2025:18.mai

Klokka er no 21,44, temperaturen ute er +  grader og sola skin-på Melle, men ikkje her, vi har ikkje sein kveldsol her.

Denne dagen har vore skikkeleg "dagen derpå" for meg. Eg la meg ikkje før halv tre sist natt, men stod opp klokka 6 i dag morgon. Men eg var ikkje trøtt, og på føremiddagen fekk eg gjort litt av kvart ute. Eg måtte til å vatne blomsterbedda for det var veldig tørt, så vart det til at eg klipte litt her og der, og tok litt ugras rundt om kring. Viss døtrene mine vil ha mørkeblålilla klatreplantar , må vi ta dei no snart, (eg hugsar aldri namn med det samme eg skal seie dei).Eg har ikkje gått på Vernet i dag, kan ikkje overdrive slik at eg blir gåande med låk fot/hoft. I morgon har eg tenkt at eg må minst ein tur på VØR med hageboss. 

Eg har sete oppe på benken med Marit eit par gonger i dag, elles har eg strikka og sett TV. Eg vart litt trøtt no når det gjekk mot kveld, og npo kom eg på at eg skal ete kvelds. Middag har eg ete før i dag, det vart pølser og stappe -som i går.

Hadde problem med å få skrive her, men så hugsa eg på Caps Lock.

Dagbok 2025: 17.mai

Endelig vart det slutt-på det kjedeligaste TV-programmet ever. Eg såg det berre fordi eg ville ha eit resultat. Songen som vann hugsar eg ikkje. Og så iriterte det meg at alt var omsnudd og ingen ting var som før! Ja, eg meiner MGP-programmet altså

Det var DEN utblåsinga, no skal eg gi eit lite referat av 17-mai. Eg var tidleg oppe som vanleg. Einar hadde sagt at han ville komme klokka 12, så då hadde eg klart nykokt kaffi og kaker frå frysaren. Då han reiste gjorde eg meg klar for ein tur på Vernet, men så kom Janne og tilbaud meg å vere med dei til Vik og sjå "Folketoget", så blei eg med dei i staden.

Slike dagar får ein eit inntrykk av at her bur mykje folk i bygda. Vi fekk sjå toget to gogar for dei gjekk fram og tilbake. Ja og så var der ein heil kortesje med russebilar.Eg såg ikkje mange eg kjende akkurat, men det var no kjekt å sjå så mykje folk . Eg hadde dessverre ikkje telefonen med meg, så eg fekk ikkje tatt bilde.

Men då eg kom heim gjekk eg på Vernet og der tok eg bilde.Der var pynta med mykje over 100  små flagg, det er der kvart år.

Eg laga meg middag i dag, det skjer ikkje så ofte.

Det er +6 grader C ute no.

Klokka nærmar seg halv 2, så eg utset å legge inn bilde her. Det kan eg gjere i morgon.

Sundag morgon: I dag stod eg opp for andre gomg ca 6,30, så no hjelper dei visst ikkje lenger dei nye sovetablettane.

Bilde frå i går:17. mai påVernet:

Kvart år blir det pynta på Fonnvernet, med små flagg på annankvar gjerdestolpe, eg talde ikkje i år, men har gjort det før og veit at det er godt over 100 små flagg.

                   På brua er det også rikeleg med flagg.

Her var det ikkje kome så mange blomsterplantar enno, men ein kan no plante nokre flagg til så lenge.

Dagbok 2025: 16.mai

 

Klokka er no 17.53, temperaturen ute er + 15 grader C, og sola skin og fuglane syng. Det er nydelege dagar, men eg kunne tenkt meg litt meir varme ute.

I dag har det vore ein del vasking, som vanleg på fredagar. Eg tok "fredagsvasken"(kjøkken og bad), så vaska eg bilen,i tillegg ar eg vaska opp og vaska klede i maskiner. Eg har også klipt den minste plenen min, den ved postkassene, og rydda bitte lite grann på "Prosjektet" mitt. Eg får dessverre ikkje gjort så mykje som eg vil på grunn av den vonde hofta-og eg har ikkje gått på Vernet. Det saknar eg. Elles fekk eg løyst sudokuen i ei matpause.

Eg kom plutseleg på at det er søndag etter 17.mai og så lurer eg på om eg har nok mat i hus eller om eg må køyre på butikken. Eg har ikkje bestemt meg enno, der er no ope lenge utover kvelden. Eg veit ikkje om det kjem nokon innom i helga heller. Om så erså har eg i alle fall litt gulrotkake og is.

Marit ville at eg skulle komme opp til henne og sjå TV, men eg trur eg er for trøtt; eg forstår det eigentleg ikkje for det er sjelden eg er TRØTT.

Håper det fine veret held seg ut morgondagen, slik at alle kan kose seg. Eg veit ikkje om eg skal ned i byen, men viss der er musikk i sentrum så fer eg ned ein tur.

Ønsker alle ein fin 17.mai, vi lever enno i landet vårt i FRED, det er verkeleg noko å feire.

                            Eg gjekk berre ut på trappa og tok eit bilde kvar veg.

Dagbok 2025: torsdag15.mai

 Klokka er no 18.04, temperaturen på trappa er +13 grader og det har vore ein nydeleg dag med sol frå morgon til kveld. Det har ikkje vore så varmt, men temperaturen skal stige melder dei på PC-en.

Eg var ikkje heilt bra i venstre hofta i dag heller, men bra nok til å gå på trening og trene hi sida. Etter treninga var vi på butikken som vanleg. Eg kjøpte ei "korg" med hollandske jordbær i dag, eg kunne ikkje stå i mot freistinga. Kvifor skulle eg det forresten. Der er ikkje mykje att no.Men der er sikkert meir på butikken.

I dag sette eg som mål og rydde opp den mest rotete delen av hagen; der den gamle kompostkassa står blant anna,- Der var overgrodd med ugras etc,. Å seie at der vart fint etter fleire timar med arbeid, det er å overdrive. Men eg kan seie at der vart betre enn der var. Tok litt nedanfor garasjen også, men då måtte eg slutte av på grunn av hofta. I morgon er det fredag og 16. mai, så då blir det vel å vaske og rydde litt inne. Eg har ingen plan for 17.mai, men eg får sjå kva som skjer.

Nede i hjørnet her er det rotet samlar seg

Eg fekk no gjort litt godt arbeid uansett, så eg får vere fornøgd med det. 

Der står ein rogn på bildet, den er heilt utan lauv enno, den stå på naboen sin "eig".Vi har har hatt mange fine dagar i mai i år også, slik som i fjor. Då får vi håpe at den 17. også blir fin. Min første 17.mai opplevde eg i Innvik i1945, og eg synest å hugse at eg gjekk i tog og fekk halde ein dusk på ei fane. Eg kan ikkje garantere at dette stemmer, men eg har som eit minne om det.Det vert kanskje ein litt spesiell dag i år-80 år etterpå.

Dagbok 2025: 14.mai

 Klokka er no 17.00,temperaturen ute er+10 grader, det er nokså overskya men eg trur sola prøver å komme seg igjennom.

I dag hadde eg to ting på programmet, eg skulle køyre Marit til tannlegen og eg skulle jobbe i hagen. Eg begynte i hagen, raka litt gras etc. men så fann eg ut at eg ville ordne beddet nedanfor tilbygget. Eg rensa beddet så godt eg kunne for gras og ugras etc. Så tok eg to sekker mold i trillebåra og fylte på beddet med rein og fin jord, så la eg på litt meir kantstein og til slutt vatna eg med hageslangen.  Eg prøvde også å få gjort noko nede i krateret der rosebuska hadde stått, men då var det tid for tannlege. Eg sat i bilen oh kvilde mens Marit var til behandling, og så køyrde vi heim. Men avtalte at ho skulle komme ned til meg og drikke kaffi og ete gulrotkake litt seinare. Og slik vart det.

Eg har vore å sett i "krateret", men eg er sjukmeld resten av dagen fordi eg er låk i venstre hofta og det likar eg ikkje. Eg har kjent litt av kvart på den sida både før og no, så eg er forsiktig til vanleg, men i dag vart det kanskje litt mykje, så eg valde å slutte før det vart skikkeleg gale.Men det er vanskeleg å stoppe arbeidslysta, og eg må vel sløyfe turen på Vernet også. Dessverre. Men viss eg greier å unngå å "Skifte hofte", så  er det vert det.

I morgon er det trening igjen, og så blir det 17. mai på laurdag. Eg har ingen planar for den dagen, som regel held eg meg heime og ser TV-men det kjem litt an på veret.

           Denne buska er like fin kvart år, men eg hugsar aldri kva den heiter.

Dagbok 2025: 13.mai

Klokka er no18.25, temperaturen ute er +9 grader. Det er sol og vind og ikkje så varmt. I dag morgon trur eg det regna litt men elles har det vore opplett, det som gjer det litt mindre koseleg er vinden, for den er kald. Då eg stod opp i dagmorgon var det regn og vått, men det kom seg utover dagen.

Første post på programmet i dag, var trening, og i dag var Marit også med. Etter treninga var eg ein tur på Alti og kjøpte svarte sekker på Clas, etterpå var vi på Ose og handla med gartnaren frå Urke. Eg kjøpte berre ein rosa geranium, der gjer eg kvart år, men Marit handla meir. På heimvegen handla vi mat på KIWI som vanleg. Der har dei også massevis med blomster, men mange dør av tørke. Dessverre.

Eg tok meg litt mat og sidan eg ikkje orke å jobbe ute i hagen, tok eg ein runde på Vernet i staden. Veret var fint, men kaldt, syntest eg. Eg håper det blir varmare i morgon så eg får jobbe på prosjektet mitt. No har eg i alle fall sekkar-men manglar spade. Men vent-no hugsar eg brått at eg har ein nesten heilt ny raud spade som eg har kjøpt sjølv, eg må berre finne den att. Finn eg spaden kan det vere at eg får gjort litt meir.

Det er eit nokså stort prosjekt eg held på med, men det er no kjekt også, berre eg slepp å fryse. I morgon skal eg køyre Marit til tannlegen, men det tek no ikkje så lang tid.Det kan virke som om det berre er eg som hjelper henne,men ho hjelper meg med mykje også, så det går opp i opp. Eg ser at klokka nærmar seg 7, så i dag har tida gått frå meg. No blir det å ta fram strikketøyet og sette på TV-en først best. Eg har oppdaga at det snart er 17.mai men som regel er eg ikkje så mykje ute og feirar dagen.

 

Dagbok 2025: 12.mai

Klokka er no 18.40. , temperaturen ute er + 18 grader C.Men det har vore varmare før i dag, og det har vore sol. Så snart eg var ferdig med morgonstell og frokost gjekk eg ut i hagen. Då begynyte eg å rydde der Rasmus og eg hadde fjerna det store "rosetreet" i fjor. Eg ville prøve å få bort mest muleg av ugraset før eg skal lage "blomstereng" der. Eg hadde ikkje så gode reiskapar, og det heile var litt tungvindt, Hadde ikkje skikkelege sekker heller. Etter ei stund gjekk eg lei, og ville heller klippe plen, men eg fekk ikkje start på klipparen. Saken var at det ikkje var straum på batteriet.(eg hadde dratt ut ledningen då vi reiste) Etter mykje styr-og hjelp frå naboen gav eg opp og gjekk inn og sette batteriet på lading og venta til det var full-lada. Då starta klipparen men slokna fort. Då fann eg ut kva eg måtte gjere-endeleg! Eg tok vekk oppsamlaren og klipte utan, då samla ikkje graset seg rundt kniven og eg fekk klippe så mykje eg ville. Ikkje alt på ein gong, men det meste har eg fått unna. Men graset ligg på marka. Eg er snart lens for bensin, og den må kjøpast på småbåthamna. Det får eg hjelp til av naboen.

Denne plenen/hagen krev mykje stell, men eg likar slikt arbeid, skulle berre hatt ein betre rygg. Plenklipp går heilt bra for ryggen, så eg skal ikkje skulde på den.

Eg tenkte å fare på Clas i dag og kjøpe svarte sekker mellom anna, Eg har planar om å ha mykje på VØR i år, så blir det litt lettare heime. 

I morgon skal vi på trening og så har vi nokre ærend etterpå både Marit og eg, vi brukar ofte å handle når vi likevel er på farten.

Eg tenkjer mykje på den fine turen vi hadde. Men eg har ikkje fortalt kor fint vi hadde det på heimturen Solveig, Øystein og eg. Vi køyrde Gudbrandsdalen, men kvar vi rasta er eg ikkje sikker på. Solveig , som tenkjer på alt, hadde kjøpt inn god nistemat og drikke. Vi fann ein fin grøn rasteplass med mange bord og benker. Sola skein og temperaturen i lufta var+20 grader, eller vel så det. (Eg var heilt forvirra over kvar vi var, eg trudde Otta var eit lite steinkast frå hovudstaden, men eg fekk oppleve at landet vårt ikkje er så lite som eg trudde.Vi reiste mykje og ofte, Nils og eg, så lenge han var frisk, men det er lenge sidan, og eg har gløymt det meste. Kjende meg ikkje att nokon stad ,nesten, før vi kom til Lom , for der var vi for 4 år sidan, då køyrde vi Valdresflya heim frå konfirmasjonen.

Det var også kome frykteleg mange ,lange tunellar på vegen, dei var der ikkje før, og nesten alle vegane vi køyrde var"einvegs", vi trefte knapt ein bil. Derimot køyrde vi forbi mange -for farten var stor -og lovleg opp 110km i timen somme stader. Så det har skjedd mykje sidan sist eg var på langtur. Eg var glad for at vi hadde ein god sjåfør. (Øystein)

                                                                  

                                                            Syrinen er klar til å blomstre

KOnfirmasjon.

 Eg må ha med dette bildet for at alle må få sjå bunaden til Wenche.Det er den finaste bunad eg har sett nokon gong, Det er tanta hennar som står for dei flotte broderia. Konfirmanten står mellom mor og farmor litt lett henslengt.

Dagbok 2025: 9,10 og 11, mai

                          Konfirmanten med brødre og søskenbarn.

Eg har vore borte frå dagboka mi nokre dagar på  grunn av at vi har feira konfirmanten Ingar, son til Rasmus, i Kongsberg. Eg kom heim att for 5 minutt sidan. Eg har sete på med Øystein og Solveig begge vegar. Og det har vore nydelege turar.

Fredag reiste vi herfrå ca 9.30 og kom fram ut på ettermiddagen: Vi køyrde over Utvikfjellet til Sognefjoden og tok ferje over , så køyde vi nedover dalen via Gol. Vi kom fram utpå ettermiddagen.

Sjølve konfimasjonen var laurdag kl 14 og litt utover. Etterpå var det stort selskap med mykje god mat hos Wencke og Rasmus.

I dag tok vi ein ein heilt annan veg heim, eg trur kanskje at eg hadde ymta frampå om at eg hadde lyst å fare om Gudbrandsdalen heim att. Og slik vart det-ein lang tur, med tusen tunnelar, mykje fart og mykje trafikk, Vi var til og med litt innafor i Oslo. Men då vi endeleg kom heilt i i høgda skein sola og temperaturen var over 20 grader då vi rasta høgt oppe. Eg har vore på liknande turar før i tida, men kjende meg ikkje att nokon stad, nesten. Det var lenge sidan sist!!!

Eg orkar ikkje å skrive meir akkurat no, men eg kan komme att med bilde etc. seinare,

                                       Konfirmant og kaker.,

Dagbok 2025: 8.mai

 

                                              Kveldstur på Fonnvernet

I dag er det 80 år sidan krigen var slutt, og eg er blant dei som hugsar dagen, 5 år gammal var eg første gongen eg såg eit norsk flagg. I dag har eg "heist flagget på altanen

Klokka er no16.54, temperaturen ute er +10 grader og det er skya; det har vore overskya i heile dag, men eg har ikkje vore så mykje ute.

Eg vakna klokka 5.30 i dag morgon, og begynte å grue meg til eg skulle på Biltilsynet eller kva det heiter. Eg hadde snakka med Erlend om han kunne vere med meg, men så tilbaud Marit seg å vere med. Når eg ville ha nokon med meg er det fordi eg veit at eg kan heilt hjelpelaus i slike situasjonar. Eg hadde arka frå legen og synstesten i ein stor konvolutt, stakk nedi ein lapp med nummeret som Rasmus sende. Resten hadde eg på telefonen. Vi lurte på om der var folk i dag, men det forstod vi no fort at der var, på grunn av alle bilane som stod parkerte.

Vi gjekk inn og der var fullt hus. Så begynte det eg frykte, eg hugsa ikkje korleis eg skulle opne telefonen  og eg hugsa ikkje telefonnummeret. Marit prøvde no å hjelpe meg, men der var noko tull med telefonen. Det som redda meg var den vesle lappen med nummeret som Rasmus hadde sendt.(Eg hadde det på telefonen også). Det var ei utanlandsk dame som ekspederte meg og ho var veldig flink og hyggeleg, og etter kvart så greidde eg no å gjere rede for meg og finne fram dei opplysningane ho skulle ha. Så no må eg ha eit ark , til eg får nytt sertifikat. Eg var så letta då eg var ferdig der borte at eg gad ikkje handle noko, men køyrde rett heim. Her sat Marit og eg aldri så lenge og prata i bilen, slik vi ofte gjer.

Men før eg var på Bilsjekk hadde eg vore til frisørdame, Ei ung dame som klipte og klipte og blåste og gjorde meg så fin som mulig. Eg har ikkje vore til frisør sidan før jul, så eg kan vel ikkje klage på store hårutgifter. Håret mitt var veldig langt i nakken så det var godt å få letta litt på det.

Eg får vel snart innkalling til legen min igjen, for då eg var der før i veka, var det berre sertifikatet og sovetablettane vi snakka om. Og ho tok ingen prøver. Det rare er at no når eg fekk nye sovetablettar har eg lagt i ro i senga og ikkje rusla rundt slik som før. Eg ser fram til å fortelle henne det, for eg såg på henne at ho syntest det var litt rart det eg fortalde, og ho er vel interessert i korleis medisinane virkar.

Det er opplett ute no, så det kan hende eg blir frista til å ta ein tur-på Vernet tildømes.

I morgon klokka9 Kjem Solveig og Øystein og plukkar meg opp. Vi skal køyre om Sogn. Det er lege sidan eg har vore på overnattingstur, så eg ser frm til å kome meg ut i verda.

 

Klokka er no 17.12, temperaturen ute er+13grader, det har vore opplett til denne tid, men no varslar PC-en at det skal komme regn og eg kjende dei første dropane.

Denne dagen vart ikkje slik som eg hadde planlagt. Eg hadde tenkt å klippe alle plenane før eg skulle til Vik. Men slik vart det ikkje. Eg gjekk ut og tok fram klipparen , og etter litt plunder starta den opp, for å slokne litt etterpå, eg fekk klipt nokre få striper, og eg måtte starte opp att fleire gonger. Til slutt fekk eg ikkje start i det heile tatt. Eg hadde fylt på bensin, så det var ikkje det som vanta.

Litt ergerleg å ikkje få gjort det ein skal , men eg hadde no litt anna å knipe bort i.

Så tenkte eg: Eg vil gå tur på Vernet, men så var det ei anna stemme som sa at eg skulle rydde plenane opp mot gata. Og det gjorde eg, tok opp løvetannrøter, klipte litt her og der og til slutt tok eg ein sekk med mold og fylte på "Garasjebeddet". Eg syntest det vart fint-i alle fall betre enn det var før, og eg fekk brukt krakken min som eg fekk borte på Eid.

Det blei ikkje til at eg handla noko i dag, men det rekk eg i morgon. Då skal eg til frisør klokka 11, og når klokka nærmar seg 14 skal eg fornye sertifikatet mitt viss det går som planlagt. Fredags morgon reiser vi til Kongsberg. Eg ser fram til der, men gruer litt for å fare og få sertifikat, eg er redd for at det blir plunder. Eg lurer på om eg skal få nokon til å vere med meg? Eg får sjå kva eg bestemmer meg for.

Eg lurer på om eg skal ta ein tur på Vernet, eller om eg skal slappe av-og strikke?Det var veldig fint ute no, så det vart ikkje mange regndropane vi fekk, men dei kjem vel att.

Dagbok 2025: 6.mai

Dette bildet tok eg akkurat no, frå altanen mot aust

Dette bilde tok eg akkurat no, frå altanen mot aust.

Klokka er no 18.20, temperaturen på trappa er ca+11grader, så det er ikkje så kaldt lenger, men det var mykje nysnø i fjella i dag også då vi stod opp.

I dag var Marit og eg i lag på treninga, og som vanleg handla vi på KIWI på heimturen. Eg var litt trøtt i dag enda eg sov godt og roleg sist natt. Eg har lova meg sjølv at eg ikkje skal gå på Vernet dei dagane eg er på trening. Så i dag tok eg meg ei kvilestund i staden.Etterpå fann eg ut at eg kunne bytte på senga og vaske soverommet og sengkleda etc. Eg hadde mykje energi så litt seinare begynte eg å rydde i garasjebeddet, for der er det fullt av  avblomsta løk- blomster. Eg heldt på ei stund, men det vart for vått og klissete og halde på slik i dag, og så misser ein mykje mold når det er så vått. 

I morgon har eg ikkje noko som eg MÅ, så då har eg tenkt å ta ein butikkrunde og kjøpe litt av kvart som eg treng-spesielt no når eg skal ut og reise. Eg ser veldig fram til å få sjå litt meir av verda, og så blir det kjekt å sjå att familien på Kongsberg, eg har ikkje vore der sidan Vebjørn vart konfirmert for 4 år sidan. Det var midt i koronatida og eg ville ikkje vere med på Crona, fordi eg begynte å nyse.

Eg skal sitte på med Solveig og Øystein og vi skal køyre om Sogn. Det var som regel den vegen vi tok då Nils og eg farta. No skal eg ta meg litt mat, og så skal eg hente inn avisa, det kom eg på akkurat no

Dagbok 2025: 5.mai

 

                                  Sola er i skyene ein stad

Klokka er no 21.18, temperaturen ute er+ graderC. Eg hadde nesten gløymt at eg skulle skrive dagbok, for eg har stressa med korleis eg skal få  fornye førarkortet mitt. Eg var borti Hovden og skulle prøve , men der var lukket og låst. Eg skulle sjølvsagt ha bestilt for lenge sidan, men eg hadde ikkje attestane klart før i dag.

No er eg litt stressa, det blir eg alltid når det er noko eg ikkje får til. Nok om det. Elles har det vore ein heilt OK dag. Først var eg til legen og fekk attestert på at eg både høyrer og ser m.m. og så køyrde er i full fart bort til det huset der eg har fornya sertifikatet før om åra, men der var stengt. Så no driv eg og skal prøve å finne ut korleis eg skal fornye. 

Elles har eg vore ei god stund oppe hos Marit og fått referat frå konfimasjonen, blant anna. Eg gjekk ein tur på Vernet enda det regna bitte lite grann, og det møtte eg ei eg kjenner. Vi diskuterte klipping av plen og fjerning av mose. Eg fekk ikkje gjere noko i hagen i dag for det begynte å regne. Eg måtte fyre litt i omnen både i går og i dag for å få brukbar temperatur inne. Så håper eg berre at blomstrane toler det. ikkje alle er like fine enno, men nokre står og blomstrar flott.

                                      Ser de barna som er ute og går

Dagbok 2025: 4.mai

 Klokka er no17.21, temperaturen ute er + 9 grader og sola skin. Det har vore ein fin dag, men ikkje så varmt som vi hadde det litt sidan.itt sidan  som vi hadde de for litt sidan.

I dag har eg vore heime åleine , men eg hadde ein rtur på Vernet og i dag fekk eg ei ny venninne. Ho likte å prate med folk ho treffer og ho presenterte seg som Inger, meir veit eg ikkje om henne, men det var kjekt å prate med henne. Marit og eg snakkar ofte om at vi må ha nye venner -dei gamle går bort. I dag er Marit i konfirmasjon til barnebarnet Mari-Ella.Dei held til på Kulturhuset så vi merkar ikkje noko her i gata. Men eg hadde no ut flagget likevel, det stod så lageleg til .

Etter at eg hadde fått meg litt mat etc. gjekk eg ut i hagen og tok opp løvetannrøter, eg har ein heil svart sett nesten full, men eg greidde ikkje meir i dag-det er den ryggen, elles er kroppen bra i stand.

No kjem det til å bli ei travel veke for "pensjonisten". I morgon skal eg til lege kl.11.Det er fornying av førarkortet som står på planen  min. Tysdag er det trening som vanleg , onsdag  veit eg ikkje kva eg må gjere, men torsdag er det både trening og frisør, og fredag går det sørover-om eg ikkje tek feil. Konfirmasjonen er på laurdag og så blir det heimreise sundag. Eg er heilt ute av reiselivet, med unntak av dagsturar, så eg veit ikkje korleis det går. Men det går vel bra-får eg håpe. Gler meg til å komme til Kongsberg igjen, dette er den tredje og siste konfimanten i den familien- og den siste av barnebarna mine. KOnfirmasjonen til oldebarna rejknar eg ikkje med å få med meg.

I dag matar eg Lollo, sidan Marit ikkje er heime. Men katten veit kvar han får mat, så eg kan berre rope på henne , så kjem ho.

Vegen mot aust. Det var nysnø i fjelltoppane i dag, men eg trur den smelta fort. I dag såg eg på rosetrea mine, dei såg noko dårlege ut, men eg skal klippe dei første veka i mai tenkte eg, for det har eg lese at ein skal gjere. Men så kom eg på:FØRSTE VEKA I MAI-DET ER NO !

Det er veldig mykje som skal gjerast i hagane no framover, men berre ein greier det så er det kjekt.

Dagbok 2025: 3.mai

 

 

Klokka er no 22.41, temperaturen ute er +2  grader, og i dag har vi hatt både opplett og litt regn-men ikkje sol, ikkje særleg mykje varme heller. Såg at der var kome litt nysnø i fjella somme stader.

Eg hadde studert litt på kva eg skulle bruke dagen til, men det vart berre det vanleg, på KIWI for å kjøpe mat. og ein tur på Vernet. Før eg gjekk på butikken svinga eg bortom gravplassen og sjekka om der såg bra ut. Det gjorde der, for påskeliljene var ikkje avblomstra. Då eg kom heim tok eg ein runde på Vernet, der var ikkje mykje folk idag. Eg laga meg mat, såg litt TV og strikka. Det enda med at eg sovna og det kunne eg godt gjere så tidleg som eg sprett opp om morgonane.

Marit var heime åleine og ville at eg skulle komme opp, så vi hadde oss ei god pratestund med kaffi og noko attåt. Dei skal ha konfirmasjon i morgon, det blir stort selskap på Kulturhuset. Marit fortalde at då dei heldt på å gjere seg klar og fare, ville Lollo, katten; gå ned til meg. Og i morgon vil ho sikkert vere her for då er det tomt hus der oppe, og eg har katte-maten her.

No i kveld har eg sete og sett Stjernekamp, og eg vart ikkje forundra over at KIM vann, det sa eg før serien begynte. Har er så godt kjend frå demens-kora og han er flink og sympatisk.

Eg hadde litt plunder med å få TV-en på rett spor men til sist vart det heilt perfekt, med skriftleg norsk tekst, slik som eg vil ha det-på alle program. 

I morgon, sundag, veit eg ikkje kva eg skal ta meg til, men eg har mykje å velje mellom.

Dagbok 2025: 2.mai

No er klokka 18.24, temperaturen ute er + 6 grader og det regnar.

Eg kom nettopp att frå ein tur på Fonnvernet, det var friskt og godt med litt vind og regn. Vi treng litt regn om våren til alt som skal vekse og gro, men eg skulle ønske eg hadde fått rydda opp meir før regnet kom.

Sidan det er fredag tok eg ein liten fredagsvask på føremiddagen, så tok eg meg litt mat før eg sette meg til å få er sudoku i mål. Men før eg hadde greidde det fekk eg besøk av  Amanda og Erlend. Det er så greit at Amanda har sin eigen bil, slik at dei kan ta ein Ørstatur og besøke meg og Lars til dømes. Kjekt å få besøk i alle fall. 

Eg var litt i tvil om eg skulle gå på Vernet i regnveret, men eg gjekk og syntest det var godt å ere ute.Eg har dessverre ikkje fått gjort så mykje i hagen -mykje på grunn av veret. Men der står store oppgåver og ventar. Erlend og eg skal ta ned plommetreet, og så har eg snakka frampå om vi skal lage ein potetåker. Eg kan no ikkje ha plen over alt !

Her ser vi dei tre små trea som Wenche planta i fjor; dei kjem sikkert til å vekse fort når dei kjem i gang.Bra at eg laga til dette jordstykket i fjor, for i år veit eg ikkje om ryggen toler så mykje.

Her stod den store klungerrosa "Rosa Moyesi"som Rasmus hjelpte meg å fjerne i fjor. Eg veit ikkje kva som skal skje her. Men eg har no kjøpt nokre sekker med mold som kan komme godt med. 

Eg må innrømme at eg har ein altfor stor hage til at eg kan stelle den heilt åleine no når eg er gammal og har dårleg rygg. Skal ein hage vere fin å sjå til, krevst det ein god del arbeid. Naboane mine på begge sider har fine og velstelte hagar, men dei er to.Elles så er det no litt av kvart å sjå rundt omkring.  Eg lurer på om eg skal låne ei geit eller to over sommaren?