fredag, mars 31, 2023

Dagbok 2023: 31.mars

                                                  Akkurat no

Klokka er no19.00, temperaturen ute er+6 grader C og det er strålande vêr. Det har vore fint i heile dag, men det er ikkje så varmt at snøen smeltar.

Eg var som vanleg oppe relativt tidleg i dag og jobba litt i huset, først laga eg glasur til ei kake og hadde den på før kaka hamna i frysaren, så vaska eg opp for hand før eg shina kjøkkenet og tok fredagsvasken, litt meir grundig enn eg brukar og så sette eg på vaskemaskina.

Eg er plaga med ryggen når eg skal gjere noko, så det tek si tid. Eg sette meg ned for å strikke litt, men så kom eg på at eg ikkje hadde fått heilt til sudokuen i går kveld. Eg begynte på nytt i dag og kom akkurat så langt som i går. Eg gav meg til slutt og tok meg litt mat før eg kledde meg litt om og køyrde på butikken og handla litt. Eg hadde tenkt å fare til Vik, men ombestemte meg og handla på KIWI.

Tenkte å ta ein mosjonsrunde før eg kledde av meg ytterkleda, men så ringde det på døra, og der var Margrete og Amanda. 

Det var no veldig kjekt. Vi tok mosjonsrunden alle tre , etterpå åt vi is og drakk kaffi og prata masse, heilt til dei måtte fare. Veldig koseleg med besøk. Eg reknar med at eg får sjå fleire i løpet av påskeferien. 

Det er kjekt med besøk , men eg trivst åleine også- åleine med TV-en.

I dag vil eg ønske alle ei god helg og GOD PÅSKE




torsdag, mars 30, 2023

Dagbok 2023: 30.mars


 Klokka er no 17.36, temperaturen er+ 5 grader C og det har stort sett vore overskya i dag, men ikkje nedbør. Snøen smeltar veldig sakte no når det er så kaldt om nettene-og når heller ikkje sola får skine så skjer det lite. Vegane er berre og tørre , så det er i alle fall bra.

Eg har nettopp vore ute og tatt ein liten mosjonsrunde, men eg gjekk ikkje opp på Vernet i dag. På bildet over kan de sjå Fonnvernet slik det ser ut nedanfrå, men oppå er der snø og is, det erfarte eg i går. I dag gjekk eg berre opp Storebakken og så diverse vegar heim att. Det er ikkje direkte spennande turar, men eg får no frisk luft og mosjon.

               Frå toppen av Storebakken er det fin utsikt mot fjella i sør-vest.



Og slik ser det  ut på tunet heime. Snøen tinar lite.

I dag var vi på trening , Marit og eg, men vi handla ikkje etterpå, så vi var tidleg heime att. Eg hadde ikkje planlagt kva eg skulle gjere i dag, men eg gjekk no her og smårydda og "pynta" litt. Men eg vart svolten så det vart ein tidleg middag i dag, Etterpå vaska eg opp litt for hand så alt var på stell. 

Eg gjekk inn og sette meg å strikke, men eg vart så trøtt at eg måtte legge strikketøyet frå meg. Etter kvart kvikna eg til og tenkte eg kunne lage ei kake, eg hadde sett ei oppskrift på nettet som eg kunne tenke meg å prøve, men hadde meir lyst å laga den "Tropisk aroma" som eg laga i fjor. Men så fann eg ikkje att rette oppskrifta. Dermed prøvde eg noko heilt nytt, så får vi sjå om det fell i smak-Eg er litt usikker på det.

Det vart i alle fall ein gedigen oppvask etterpå-den tok eg for hand-eg synest det er like greitt-somme tider.

No blir det vel å sitte framfor TV-en og strikke resten av ettermiddagen og kvelden

Vi har fått påskeferie no, neste veke blir det ikkje trening. Eg ønsker berre at vi kan få fint ver i påskeferien, slik at det kan vere kjekt å halde til ute.

onsdag, mars 29, 2023

 


Klokka er no17.15, temperaturen er +6grader C og sola skin med full styrke. Då eg sette på PC-en i dag, fekk eg melding om at Eli var sjuk, så det vart ikkje spansk i dag. Eg var sjølvsagt ikkje glad for at Eli er sjuk, men det passa meg godt å ha fri i dag.

Sidan veret var så fint, kunne eg ha ut teppa på soverommet og datarommet og få vaske golva. Så vart det gjort.

Ellen Marie hadde ringt i går og ikkje fått svar, så i dag passa eg på telefonen så vi fekk snakke med kvarandre. Etterpå tok eg ein tur på Vernet, men i dag var det ikkje kjekt å gå der, for dei trakka stiane var glatte og ujamne-og eg hadde ikkje piggsko på meg, så eg gjekk berre på den eine halva av vegen- og heim att på asfaltvegen. Telefonen var tom for straum så eg fekk ikke ta bilde. Men etter å ha ladda opp litt fekk eg ta bilde av krokusane som blomstrar nedanfor tilbygget.

Det spirer også nedanfor garasjen; der har eg planta ut påskeljer og andre løkar som eg har fått i potter. Såg på den gule potterosa, men kan ikkje seie om den har greidd seg over vinteren. Den stod full av knoppar då den første vinterbolken kom. 

Eg fann ut at eg måtte gjere litt meir til gagns, så no har eg laga ein gulrotkake-botn. Eg trur eg har ein i frysaren også, men eg vil no vere sikker på at kaka er god. No har eg sett på ein kaffitår som eg skal kose meg med-med nogo attåt.

I morgon er det trening, men neste veke trur eg vi er fri.

tirsdag, mars 28, 2023

Dagbok 2023: 28.mars


 Klokka er no18.02, temperaturen ute er +5 grader, og sola kom så vidt fram ei lita stund, men det har no vore opplett heile dagen.

Etter treninga i dag var Marit og eg på ALTI og åt marsipankake og drakk kaffi. Etterpå vart det ein tur til Furene, lenge sidan sist eg køyrde dit. Vi hadde ærend på Apoteket der borte, og så handla vi litt når vi likevel var der. Apoteket er der som kafeen var før.

Då eg kom heim ringde eg ei veninne og avtalte neste treff. Så var det å lage seg litt mat, og etterpå har eg jobba med spanskleksa. Det er siste spansktimen i vår, så blir det vel ein lang ferie.

No seint på ettermiddagen kom sola endeleg fram. Men snøen blir nok liggande ei stund enno, viss det held fram med kalde netter.

Eg trur eg sløyfer mosjonsrunden min i dag, eg må heller finskrive spansken-trur eg.Det skal bli godt med ferie.

mandag, mars 27, 2023

Dagbok 2023: 27.mars

 

Klokka er no 16.50, temperaturen ute er +4 grader i skyggen, men sola skin-

Sist natt vakna eg og strekte på beina-og det var skikkeleg vondt i leggane. Dette var noko nytt for meg, men eg var heilt bra då eg stod opp litt seinare.

I dag synest eg sjølv at eg har vore effektiv og fått mykje unna. Det var fordi eg hadde planlagt i går og fordi det vart så fint ver etterkvart 

I dag tenkte eg at eg skulle shine stova til påske. Eg begynte med å pusse kopar og messing og tørke skikkeleg bort alt støv, vaske vinduskarmar , .Eg tok fram påskepynten også, men "pynta" ikkje heilt ferdig- til slutt støvsuga eg teppegolvet. 



Eg var veldig fornøgd med meg sjølv. Oppvaskmaskina jobba samtidig så det var berre å få på plass. Eg tok meg ein liten matbit, før eg skulle ta min daglege spasertur. Då eg kom ut, var det berre ein ting å gjere-eg måtte få vekk litt snøskulle eg komme meg opp på vegen. Eg moka ei lita stund før eg gjekk ein runde på Vallabøen, eg ville ikkje opp på Vernet i dagfor eg trur ikkje der er så godt å gå enno.

Eg moka litt då eg kom heim også, og så var eg ut på altanen og grov fram dei kvite plaststolane og vaska dei og bordet.No håper eg det blir solfylte dagar framover ei tid.

søndag, mars 26, 2023

Dagbok 2023: 26.mars

Eg kom nettopp inn att etter ein"halv-times-runde "på Vallabøen. I dag går det i snø- og haglbyer, og det er lite populært. Det vart glatt på vegane og eg hadde eit par gamle støvlettar som ikkje er så gode når det er glatt. Eg vil helst ikkje ha fleire "FALL" denne vinteren

I dag tidleg låg eg ein time lenger enn vanleg-minst. Etter frokost sat eg og strikka mens eg såg gudsteneste på TV, som vanleg.

Så kom eg på tanken at eg hadde veldig god tid i dag, så eg kunne lage ei kake til påske. Eg satsa på å lage det som på trøndsk heiter "Gul-kak!" Før laga eg ofte den kaka, og hadde ikkje problem med det. Eg laga ei til sist jul, også, men då laga eg ikkje fyllet på rett måte. Det skulle eg gjere i dag, men så vart det akkurat som til jul. Kaka blir etande, men viss eg hadde vore lur, så hadde eg lese HEILE oppskrifta før eg begynte. 

No kjem sola att, ho har vore her mellom byene i heile dag, og kvar gong trur eg det skal vare. Eg har i alle fall ikkje moka tunet, for i morgon har eg ikkje tenkt meg ut med bilen.Så vonar eg at snøen forsvinn i full fart igjen, men det er faktisk meldt kaldt vêr. Eg kan ikkje hugse at det nokon gong før har vore så lite sol om vinteren.

Denne veka blir det trening tysdag og torsdag og så blir det siste spansktimen før ferien på onsdag. Så no håper eg berre at vi kan få litt fint utevêr så eg får rydda rundt huset og i hagen.

Lyspunktet no er at barnebarna, i alle fall nokre, kjem heim til påske, og då kjem dei også hit til meg.


 

lørdag, mars 25, 2023

Dagbok 2023: 25.mars


 Klokka er no 15.40, temperaturen ute er +4 grader og sola skin frå nesten skyfri himmel. Ein nydeleg dag, men kaldt. Inne i huset varmar sola betre enn ute. i dag tidleg vakna eg veldig tidleg, men stod ikkje opp. Fekk sove ei stund til før eg stod opp litt før klokka 7. I kveld skal vi stille klokkene, og då kan det hende at klokka er meir når eg vaknar. Eg er klar over at det å vakne for tidleg er eit luksusproblem.

I dag har eg vore mykje åleine  for Marit er ikkje heime, så eg får klare meg sjølv.

Eg sat og såg TV ei stund og la opp eit nytt lestepar. Så ville eg gå ein tur på Vernet i det strålande  vêret. Naboane hadde alt vore ein runde. Eg tok ikkje på meg piggsko i dag for eg trudde der var bert der oppe også. Det var der ikkje.Der var snø og is som det var godt nedfrose. Eg vurderte å ta ein annan tur, men så hadde eg lyst å gå på Vernet. Eg gjekk seint og forsiktig og heldt meg delvis i rekkverket . Det gjekk veldig seint, men mange kom og gjekk forbi meg og prata litt. Eg sat også på benkane og "kvilte", for det var viktigast å få vere ute. På bildet over ser de korleis det såg ut på den øvste vegen- 



Eg kom meg opp trappa og på vegen nedover var det bra å gå. Men eg vart sittande lenge og prate med ein mann som viste seg å vere presten i bygda. Eg har berre sett han i presteklede, og i dag hadde han jakke med Hovdebygda fotballklubb- eller noko slikt. Dessutan er eg veldig dårleg på å kjenne att folk, eg har alltid vore det, men Nils kjende alle, så då merka eg ikkje så mykje til det.

Då presten gjekk, kom Sverre Snipsøyr og tok plassen hans, så fekk eg høyre korleis han og Else har det. Sverre er så flink å gå og sykle og slik held han seg "frisk".

Eg stressa ikkje med å komme heim, for det var så fint å vere ute. Tok meg ei brødskive og ein kaffikopp, før eg la ut på ein annan tur. Eg køyrde fram på gravplassen og såg til grava, men der var det så mykje snø, at det var ikkje noko eg kunne gjere, anna enn å byte til nye batteri i lykta. På heimvegen handla eg litt på KIWI, eg forstår ikkje kven som et opp alt eg kjøper, for eg er her no mest åleine.


Då eg kom heim att fekk eg til å spade fram hageslangen som har lagt under snøen denne vinteren også. Ser fram mot å få spyle både vindu og anna-der er eit visst behov !

Det er kjekt viss vi får litt vekslande ver, for spanskleksa denne gongen er å skrive "vermeling" for alle dagane i veka. I dag er det lett:" Hoy hace sol".

Det er så nydeleg ute og snøen smeltar på altanen-men det går ikkje fort når det er såpass kaldt. Komande veke blir det å førebu påska, for då kjem dei heim dei fleste av barnebarna++Kjekt det!



fredag, mars 24, 2023

Dagbok 2023: 24.mars


Klokka er no16.30, temperaturen ute er +5  grader C, det er overskya og skodde i fjella, men stort sett opphaldsver.

I dag var det fredagsvasken som stod for tur, og det er ikkje allverda. Men eg hadde avtale med Einar om at vi skulle på Kina-restaurant i Volda i dag. Eg hadde sendt melding om det til Margrete i fall ho var i Volda og ville vere med.

Einar kom til avtalt tid og køyrde til Volda.Men restauranten var ikkje open enno, skulle opne klokka 14 stod der på ein plakat. Einar handla på Mega , men eg sat berre og venta og sende melding til Margrete. Klokka blei 14, og der var ikkje liv i restauranten,Margrete kom og joina oss, og så bestemte vi oss for Marias i staden, der fekk vi god mat og kaffi etterpå. Det er alltid kjekt med "familieselskap"- også i ein mindre dimensjon. 

Eirik var også i Volda ,men han trefte vi ikkje. Han var ein liten tur heim frå Trondheim, ein kamerat var død og skulle gravleggast i Volda. Så Eirik var i gravferda. Han overnattar vel hos Lars i Ørsta, Margrete skulle heim med ferja.

Einar er så omtenksam at han kjøper gule blomster til mormora nå ho fyller i ipåsketida. Og eg er alltid glad for å få blomster. Eg er ikkje sikker på kva den eine heiter, men det skal eg finne ut. Og så skal eg finne nokre finare potter til dei-

Ingeborg er i Paris,  og sender bilde heim.




torsdag, mars 23, 2023

Dagbok 2023: 23.mars

                              Godt å sjå at snøen blir borte på tunet og på taket

 Klokka er no 16.50, temperaturen ute er +8  grader. I dag tidleg då vi for på trening, regna det litt, etter treninga var det nydeleg ver og sol, men no har det skya over igjen. Det ser ikkje ut som om sola likar oss i år, ho varmar ikkje lenge om gongen. Men no har ho endeleg greidd å smelte litt av snøen.

Det var Marit som køuyrde til treninga i dag. På heimvegen stoppa vi og handla på KIWI,dvs. eg skulle ikkje ha noko, men vart med inn og kom ut att med to fulle plastnett. Eg tenkte på at det var snart påske, og då må ein ha litt av kvart i hus. Då eg kom heim ville eg ta trimturen mens eg var kledd for det, eg prøvde først på Vernet, men der var det for mykje snø, så eg tok ein tur på gatene/vegane i staden.

Då eg kom heim att laga eg meg middag av kyllingkjøtt og ris. Etter at eg hadde ete sette eg meg inn i godstolen og slappa av, sola skein og det var varmt og godt om altandøra stod open. Då eg kom til meg sjølv igjen var sola vekke og det var heller kaldt i rommet.

Kvar torsdag føler eg på at veka har vore veldig kort. Det er ikkje til å forstå, men alle seier det samme: Tida går fortare til eldre ein blir. Denne veka har eg vore mykje på farten, og då får eg ikkje gjort så mykje heime. 

Her er nok å ta tak i. Eg ventar på at snøen skal smelte så eg får tak i hageslangen og spyla vindua utvendig. Eg har mykje som skal gjerast men eg får ikkje gjort så mykje som eg vil-og som eg gjorde før. Eg får skulde på alderen. Apropos alder så skal alle over 70 år få enda ei vaksinesprøyte mot Corona. Marit og eg er alltid samde om at vi tek alt vi får av vaksine, og hittil har ingen av oss fått coronaen. Eg har ikkje testa meg ein gong. I dag tek eg det med ro og let husarbeidet ligge til i morgon, då er det "heimedag."


                                     Ingeborg fyller 30 år i dag.

                                Ho er den 3.eldste av barnebarna

onsdag, mars 22, 2023

Bok nr. 5 - 2023: Du er min historie


No har eg lese enda ei bok på senga, dei varer lenge bøkene på den måten. Denne boka var grei å lese på min måte, for teksten var stykka opp i små "kapittel". Eg likte denne boka , men kan ikkje seie så nøye kvifor.



Dagbok 2023: 22.mars

 


Denne unge dama fyller 30 år i morgon. Bildet tok eg på Vernet den 21. februar

Klokka er no18.45, temperaturen ute er +5 grader, det ser ut til å klarne opp, men hittil har det regna litt innimellom.

Eg har ikkje vore mykje heime i dag, mest har eg vore på Bakk-Ola.

Eg heldt meg heime til klokka nærma seg 11, då møtte eg opp på spansk-kurset, det var den nest siste gongen for våren.

Eg kom heimatt etter eit par timar, då strikka eg litt og laga meg  mat og surra rundt ei stund- til det var tida til å køyre ned att, denne gongen på Pensjonistmøte.

Det vart eit livat møte, fullt hus og vel så det, mange eg ikkje kjende, men blei kjend med i dag. Ja, ikkje alle, sjølvsagt.

Først hadde vi orientering eller kva eg skal kalle det, det var ei av damene på SYNSPUNKT som orienterte om sjukdommar og plager med augene, noko som er veldig relevant for eldre folk. Ho var flink! Ho har tatt master på augesjukdommar -i tillegg til skulen i Kongsberg. Vi fekk kaffi, skuffekake og rundstykke i matpausen Etter at vi hadde ete kom toradar-spelemenn og kvinne frå Volda, og Eli tok seg heilt ut i å vere forsangar og dansar, når vi song frå dei nye songbøkene. Alle vart i veldig godt humør etter kvart.

Eli fortalde også om den planlagde tureni juni. Den går til Molde og til  Sundalsøra.

Ho fortalde også om turen til Kristiansund der ho og ei anna dame møtte opp og høyrde på Jan Davidsen.

Eg er enno ikkje fornøgd med håret mitt, men eg såg dei som var verre.   Så det var no ei trøst. Dette "referatet" vart  litt hulter til bulter, men det skal ikkje i avisa.

tirsdag, mars 21, 2023

Dagbok 2023: 21.mars

                                    Snøen smeltar litt om senn.
 

Klokka er no 17.30. Temperaturen ute er +6 grader, det er overskya men opplett.

I dag var vi på trening som vanleg frå 10-11. Så var eg ein tur heimom og bytte klede før eg for til frisøren. Der vart eg sittande i tre timar. Eg hadde bestilt permanent, men eg forstod snart at det var noko anna no enn i min ungdom og barndom. Eg tok permanennt då eg var 9 år, og dei krøllane hadde eg til eg vart gammal. No var det ikkje elektriske hårullar men diverse kjemiske greier. Det tok si tid, ca3 timar, men då klipte ho litt også. Ja eg kan ikkje forklare alt. Det vart ikkje slik som eg hadde tenkt, ikkje krøllar - men volunm. Men viss eg vil ha krøllar kan eg sikkert få det om eg set hår-rullar i. Ho som behandla meg har gått i klasse med Rasmus, så ho spurde no etter både han og jentene,. Systra hennar er ein av naboane våre. Eg er litt spent på korleis det går når eg skal til å stelle håret mitt sjølv. Det kan bli spennande.

Eg hadde parkert bilen nede ved ALTI, det gjer eg når eg har ærend i Vik, for der er alltid plass og det er lett å parkere og ta laust der. Eg stakk innom Bunnpris ein tur og kjøpte litt mat før eg køyrde heim-

Før eg for i dag tidleg festa eg trådar på eit par lestar som eg hadde strikke av garnet eg fekk av Margrete. Det blir vel ikkje så mykje gjort i dag, men eg må no sjå litt på spansk-leksa, for i morgon er det både spansk og pensjonistmøte. Travle dagar!!

mandag, mars 20, 2023

Dagbok 2023: 20.mars


 Klokka er no17.06, temperaturen ute er +7 grader C, og det er no bra, berre det ikkje frys på om natta. Det er mykje snø og is som må smelte før det blir vår, men asfaltvegane og gatene er no berre og tørre no. Eg kom nettopp inn frå ein liten tur, eg tok nokre bilde, men eg får ikkje ført dei over frå telefonen til datamaskina. Bildet over har eg lagt ut på FB før i dag.

I dag tidleg var eg spent på om det var varmt vatn i springen, og det var der. Heldigvis ! Det er så mykje eg skulle ha gjport, men ikkje alt kan eg gjere enno. Skulle ha vaska vindua både her og der, men då må eg ha hageslangen og skylle med-i alle fall på stova og kjøkkenet. Hageslangen ligg og frys under eit tjukt lag med snø-det spørs kva tid den er opptint. Eg har mykje anna på vent også, så eg veit knapt kvar eg skal starte.

I dag fann eg ut at eg i det minste kunne lage plommesylte, eg har enno att plommer frå 2021, då hadde eg mykje plommer på trea, som eg plukka og fraus før eg klipte trea. Så i fjor hadde eg ikkje ei einaste plomme, anna enn i fryserane, der blir det visst aldri tomt. Bra då at eg likar plommesylte og et mykje av den, I dag sylta eg 5 kilo, det er ganske mykje plommer. Eg kunne ha sylta enda meir , men eg hadde ikkje JAM til meir. Eg brukar grøn JAM etter tips frå Solveig- No har eg no pålegg ei god stund-.

Marit ville gå tur i dag, og eg ville gjerne vere med. Så det vart ein runde ut Starevegen og inn att Olavsgata. Både Marit og eg er glade for at vi har kvarandre- og at vi bur så nær. Vi har budd nær før også, då vi gjekk på gymnas, då budde eg i Ålfotehuset og ho med Sørum. Det var første året, andre året budde ho i Alleen, der besteforeldra mine budde. Men vi var ikkje venninner den gongen.

I dag laga eg pannekaker med bacon og blåbærsylte til middag. Etter tips frå Solveig laga eg ei tynn røre med mykje egg og lite mjøl. Det vart heilt perfekt. Men det er vanskeleg å lage små nok rører til ein person, så det vart litt att som eg må ta til kvelds.

Med det samme eg har ete blir eg så trøtt. Eg sette meg inn og strikka litt og høyrde/såg nyheiter på TV. Trur eg sovna ein augneblink. Men så kledde eg på meg og gjekk ein runde på Vallabøen, eg går ikkje på Vernet så lenge der er så mykje snø.

Eg gler meg ikkje til i morgon, eg er nesten litt redd, for då skal eg til frisør, etter at eg har vore på trening. Eg veit ikkje heilt kva eg skal gjere hos frisøren, men eg har bestilt permanent. Det har eg nesten ikkje vore borti før, men mesteparten av livet mitt har eg hatt meir og mindre "sjølkrulla" hår. Det har eg ikkje lenger. Eg veit ikkje kva det blir til i morgon, men det blir i alle fall dyrt.

Som de kanskje ser på bildet over, har eg spanskboka liggande -og utstyr til å løyse sudokuane som kjem i Møre-Nytt. Eg hentar dei ut kvelden før vi får avisa. Den som kjem i tysdags- avisa, brukar å vere lett. Den som er i fredagsavisa er litt verre. Men hittil har eg løyst alle.

No skal eg jobbe litt med spansken før eg tek strikketøyet igjen.



                                        Slik var det her i dag.

søndag, mars 19, 2023

Dagbok 2023: 19.mars


 Klokka er no 17.40, det er overskya og +3 grader C. Snøen smeltar, men det går ikkje fort. Vi treng meir sol og varme. No har eg nettopp gått ein liten tur på ca.ein halv time. Eg gjekk opp Storebakken, der står mange bilar parkert i vegkanten, dei fleste av merket Toyota. I dag kunne ein gå trygt uten piggar.

Dette har vore ein kort og litt underleg dag. I går kveld vart klokka over 2 før eg la meg, likevel vakna eg grytidleg i dag. Då var eg bestemt og bestemte meg for å sove utover morgonen.Og faktisk gjorde eg det. Føremiddagen gjekk elles med til å sjå TV og strikke, og så strauk eg litt klede. Eg åt så mykje middag i går, at i dag vart det berre dessert og kaffi. Marit kom ned og drakk kaffi med meg, is hadde eg også, det er snart den årstida då ein må ha det i hus. Marit og eg er glade for at vi har kvarandre og bur så nær-når vi elles er einslege.

I morgom er det heimedag, så då må eg få gort noko fornuftig. Eg lengtar etter berre markar og hagearbeid.

I dag 19. mars minnest eg farmora mi som hadde fødselsdag på den datoen. Ho vart 91 år.

Eg ser fram til å få raudfarge på den nye veggen på huset. Men først må det bli tørt.

lørdag, mars 18, 2023

Dagbok 2023:17.mars


                                               Bildet er tatt frå altanen ca. 16.30

Klokka er no 16.45, temperaturen ute eca +5 grader, og i dag har vi nydeleg vêr, sjølv om det ikkje er direkte varmt, så varmar sola og smeltar litt av snøen.

I ag var Marit og eg nedover på føremiddagen, vi hadde begge ærend på apoteket.Eg hadde fått fornya reseptane mine, så eg kjøpte litt av kvar sort i staden for å kjøpe etter kvart det er tomt.

Eg var innom SPAR og såg etter om dei hadde fått inn silda som eg er så glad i, og det hadde dei. Marit og eg handla på KIWI også, det er liksom nærbutikken vår. Sidan det var så vårleg og fint, kjøpte eg ein is  på vona det skulle kome nokon, eg har ikkje kjøpt is i vinter.

Då eg kom heim laga eg meg verdens beste middag, krydra spekesild med poteter, kålstuing, tyttebær og raudbetar.Eg åt altfor mykje og heldt på å sovne etterpå. Men så greidde eg å komme meg på føter igjen og gå ein liten tur. 

I dag gjekk eg ikkje med piggsko og ikkje på Vernet. Då eg var komen så langt at eg skulle til å svinge ut Starevegen, såg  eg at der var noko som skjedde i krysset mellom Olavsgata og Vallabøvegen, der var både ambulanse og andre. Eg sjekka Møre-Nytt då eg kom heim og der stod det at det var ei bilulykke, men personane var ikkje skada.

Fekk melding frå Solveig om at ho ville kome ein tur innover kl.18. Ho ville berre ha kaffi og is, så då var det no flaks at eg hadde kjøpt is i dag-.

Før vi for nedover på føremiddagen hadde eg sjølvsagt hatt ei stund med strikketøy og TV. Dette har vore ei litt lat veke, men neste veke blir det meir fart; på tysdag skal eg på trening og til frisør, onsdag er det trening f.m. og pensjonist- møte kl.16.og trening igjen på torsdag. No ser eg fram til å få besøk-.

 
              Det er mykje snø som skal tine før det vert skikkeleg vår.
 

fredag, mars 17, 2023

Dagbok 2023: 17.mars


 Klokka er 18.00 om eit par minutt. Temperaturen ute er +4 grader og det er ikkje heilt fritt for nedbør. Eg har nettopp vore ute på ein liten luftetur, gjekk ikkje på Vernet i dag, men tok ein liten runde på gater og vegar. Sidan det er delvis is og snø på vegane gjekk eg i piggsko. Men eg var ikkje heilt pigg, for eg er låk i ryggen framleis. Men det er ikkje så gale at eg bryr meg så mykje om det. Når eg sit i ro er eg heilt bra. 

I dag har eg gått her heime åleine og stulla. Først festa eg trådar på eit par lestar og så rydda eg opp i garnet mitt, før eg sette i gang med fredagsvasken. Den er det ikkje så mykje i, og bra er det når ryggen trøblar. Elles har eg vaska ei maskin med klede som no er i trommelen, då blir det litt å stryke etterpå. Eg likar i grunnen å stryke. Til middag i dag vart det oppvarma graut og litt spekepølse ved sidan av. Eg har slik enorm appetitt at eg kan ikkje lage så mykje godt.

Eg tok meg på tak og jobba med spansken ei god stund, eg merkar godt at eg ikkje lærer så fort no, som då eg var ung. Men eg har ikkje anna mål med spansken, enn at eg får litt hjernetrim og så har vi det kjekt når vi "studerer" på Bakk-Ola. Komande onsdag skal vi først ha spansk og så blir det pensjonistmøte etterpå. Tysdag er det trening og frisør, så det blir travle dagar. Denne veka har vi nesten hatt ferie.

Margrete er i Tromsø på kurs. Eg er litt misunneleg på alle som får reise hit og dit. Så lenge Nils var frisk, for vi med bilen over nesten heile Norge og Sverige. Dei turane saknar eg. Vi var forresten til Tromsø også ein sommar, då der var 27 varmegrader. Eg såg Oluf på gata. Eldste sonen til Rasmus studerer i Tromsø, og eine barnebarnet til bror min er der også.

Kvar fredag trur eg det er laurdag, og på laurdag er det søndag-viss eg ikkje fer på butikk. Det kan hende eg må handle litt i morgon, men eg håper Marit kan vere med, for det er så kjedelig å fare åleine.

Så vil eg ønska alle ei god helg denne gongen også. Helgane kjem ofte no for tida.

                       Det blir litt moking skal eg komme meg ut i morgon.

torsdag, mars 16, 2023

Dagbok 2023: 16. mars

Klokka er no17.00, temperaturen ute er +3 grader C. Det er overskya , men opplett-

Då eg stod opp i dag trudde eg vi skulle få ein nydeleg og varm solskinnsdag. Men der tok eg feil. Sola var framme berre i små stunder og det var kaldt både ute og inne. Eg hadde ikkje planlagt så mykje i dag, så eg var sittande ei god stund og strikke og sjå tV, før eg kom meg til med noko anna.

Det første eg skulle gjere var å rydde og koste litt på altanen, for eg har drive og mata små og litt større fuglar der, så der var rimeleg tilgrisa.Eg hadde ein gammal piasavakost og fekk vekk det verste.

Der var mykje snø på den ytste altanen, og eg ville prøve å ta vekk noko av den. Kvart år sidan eg vart åleine her, har eg moka altanen fleire gonger kvar vinter, men i år har det ikkje vorte liggande så mykje snø, så eg har ikkje moka. Eg tok eit par spadetak, men det gjekk ikkje. Ryggen protesterte. Eg forstod det ikkje til å begynne med, men så kom eg på at eg hadde moka heile tunet både tysdag og onsdag. Så no vonar eg snøen på altanen hav vit til å smelte.

PÅ denne fridagen fekk eg bytta på senga og støvsuga stova og gangane. Fredagsvasken sparer eg til i morgon.

Marit og eg gjekk ein liten tur ut og inn Starevegen. Ingen av oss hadde lyst og evne til å gå så mykje i dag. Eg laga meg spagettimiddag i dag- og så var det å strikke igjen. Eg skal strikke ferdig den lesten eg held på med no, så har eg to par ferdig denne veka. Solveig har utstyrt meg med garn, og då fell eg for freistinga:"TV+spøt".Det blir litt for mykje av begge delar .Dei lestane eg har strikka no er av tynt ullgarn , slik at ein kan bruke dei i vanlege sko.  Som sagt ørten gonger før, så går tida så altfor for-vekene er ikkje lange no-slik som dei var då ein var ung og berre venta på helg.

Dette er " ryggebuska " mi, den er god å ha når eg ryggar ut av garasjen. Ein gong var buska ein det av ei "sammenplanting" i ein bord-dekorasjon. Eg har ei liknande nede i hagen, og ei bittelita på trappa. Så kast ikkje desse små som ein kan få i samanplantingar, dei kan bli store og fine når åra går.




onsdag, mars 15, 2023

Dagbok 2023: 15.mars


 Klokka er no17.00, det er overskya, opplett og + 5 grader. 

I dag har det vore litt av-veksling i gjeremåla mine. Det første eg gjorde etter frokost var å moke heile tunet med brettet, det tok ca. 1 time, så eg hadde god tid til å gjere meg klar for Spansken etterpå. 

Før eg gjekk ned på Bakk-Ola var eg innom legesenteret og bad dei om å fornye reseptane mine.Eg kan godt ringe ned å få det gjort, men då risikerer ein å bli sittande veldig lenge i telefonen. Vi var ikkje fulltallige på spanskkurset i dag, men vi hadde det kjekt likevel-

Då eg var ferdig med spansken, fann eg ut at eg ville kjøpe bensin på bilen. Bensinmålaren virkar ikkje før dei siste dropane, så eg plar ikkje vente på raudt lys. Det var tydeleg at det hadde minka på tanken, for eg fylte for over 500 kr og det har eg aldri gjort før. 

Neste stopp var ALTI, der parkerte eg bilen og gjekk opp i gata på Fasaden frisør, der eg bestilte time til komande tysdag klokka 12. Eg har bestilt klipp og permanent. Eg diskuterte saka med Ingeborg då ho var her- og ho var enig. 

Eg tok meg ein runde inne på ALTI utan å kjøpe noko, eg kunne ikkje kome på noko eg trong. Då eg kom heim att var det tid for middag og eg sette ei grautpanne på kok. Eg kokar som regel graut ein gong i veka.

No var eg nettopp ute og kika i postkassa, for eg føgjer ikkje med kva dagar det er post. Steig ned i dei store gummistøvlane mine-og datt!!! Men eg slo meg ikkje. Der var to vaksne karar innan rekkevidde, men dei slapp å reise meg opp.

Apropos dette, så har eg fått eit lite problem etter fallet på altanen, det er at tinnitusen min har auka veldig i styrke, men det kan no gi seg igjen, eg prøver å ikkje bry meg om det. 

I dag er eg litt sliten, men i morgon har vi fri. Ikkje trening då heller. Men neste veke er det vell full baluba igjen. Såg nettopp på TV at dei melde nedbør etc. på Trøndelag og Møre og Romsdal-akkurat denne delen av landet har jammen fått sitt.Akkurat no er det fint ute, det var det i dag morgon også, før smeltinga tok til.

                                                            

                                                   Akkurat no


tirsdag, mars 14, 2023

Dagbok 2023: 14.mars

Klokka er no16.10, temperaturen ute er 0 grader og no snøvar det igjen, etter at eg har vore ute og moka i ca.1time.Eg har moka mykje bortunder "ryggebuska" mi for eg må ha litt plass når eg skal rygge opp på vegen og der står ein stor bil på tunet.
Dette har vore ein litt rar dag, for eg hadde ikkje fått med meg at det ikkje var trening i dag. Eg hugsa ar det vart snakka om at vi skulle trene utan hjelp frå fysioterapeuten, men så hadde ho sendt melding på telefonen om at vi vart FRI i dag. Det er berre det at eg ikkje sjekkar telefonen så ofte,men Marit hadde fått det med seg. Sidan eg var påkledd og i orden tok eg ein tur på butikken. Ikkje ofte eg er der før klokka 10 om dagen.
Marit og eg avtalte at ho skulle komme ned til meg å drikke kaffi kl.13. Før den tid rakk eg å øve på spanskleksa, gjere ferdig sudokuen og strikke litt. Då Marit kom, drakk vi kaffi og åt gulrotkake-og PRATA.
Då Marit gjekk opp att moka eg snø, tenkte det kunne vere nok trim for i dag, men eg trur nok at eg må moke fleire gonger før eg skal på Spansken i morgon. Torsdag blir det heller ikkje trening. På Fonnvernet er det berre ei smal rås , så der vil eg ikkje gå. Risikerer ikkje å dette og bryte armar og bein.Eg fann ut at det er noko eg saknar, og det er vottar, for det har eg ikkje. I dag brukte eg dei store grøne, tova vottane som Nils brukte når han fiska.
No skal eg lage meg noko som liknar på middag, men som ikkje har så mange kaloriar i seg.
No lavar snøen ned-og det minner om jul.



mandag, mars 13, 2023

Dagbok 2023: 13.mars


 Klokka er no 17.25, og eg kom nettopp inn døra etter ein liten mosjonsrunde. Eg hadde tenkt å gå på Vernet, men der var for mykje snø. Ein god del snø på vegane også, så det gjekk bra å gå med piggsko. Temperaturen ute er no +1grad  og det er nesten opplett, men grått og trist ver- eigentleg.

I dag var det "heimedag" og eigentleg skulle eg ha støvsuga, men det var ikkje heilt naudsynt , så eg fekk meir lyst til å bake brød. Trur ikkje eg har bakt noko særleg hittil i år. Eg brukar aldri oppskrift når eg lagar brød, det skal godt gjerast at dei ikkje blir gode-og gode blei dei i dag også . Innimellom gjorde eg litt anna husarbeid og så fyrte eg i omnen og strikka ferdig enda eit lestepar. Solveig held meg med garn, ho strikkar større og vanskelegare ting. No har eg halde på med å strikke tynne ull-lester som ein kan ha i vanlege sko. Det vart til at eg åt skiver i staden for middagsmat til middag i dag.

Marit var hos tannlegen i dag, men skulle komme ned når ho var ferdig der. Men det tok meir tid enn vi trudde, så no har vi utsett praten til i morgon.OG eg gjekk ein tur i stafden. Treffer alltid nokon å prate med når ein går etter vegane også.


For to-tre år sidag lærte eg meg å plassere alle verdens land på kartet-utan hjelpemiddel. Mest streva eg med statane i Nord-Amerika. No ville eg sjå kor mykje eg hugs. Europa gjekk bra, men så skulle eg prøve meg på Afrika - og det gjekk ikkje bra. No har eg sete og bala med å plassere landa der-har tatt  atlaset til hjelp og då kjem eg i mål til slutt. Dei store landa går greitt. Men veit dokker kor mange bitte små land der er i Afrika? Eg har ikkje bruke for å vite det, men dette brukar eg som hjernetrim. Og eg synest det er kjekt å lese kart-det har eg alltid syntest. De finn karta på " gruble.net"



søndag, mars 12, 2023

Dagbok 2023: 12.mars


                                                               Klokka 9.30 i dag

Klokka er no 19.30, det er minus 2 grader og skya ute. I dag morgon kom sola og skein ei god stund utover dagen, eg kan ikkje seie akkurat kor lenge vi hadde den, for eg var ikkje heime heile tida.

På føremiddagen i dag såg eg TV, strikka og jobba med Afrikakartet. Eg slapp å moke tunet, for Helge hadde fresa i dag også, men eg spada litt på trappa. Eg laga middag til klokka 13-14 -laks i dag igjen. Så var det å dusje og vaske håret før Margrete skulle komme i 15-16 tida. Og det gjorde ho. Vi køyrde til Haddal der Erlend var med kjæresten Ingrid. Det skulle vere konsert med utlodding på skule-/grendahuset. Dei som skulle spele var korpsa frå Folkestad og Haddal. Erlend spelar med Folkestad og Ingrid på Haddal i lag med fleire i familien, trur det var både far,mor og bror som var med-men skal ikkje seie det sikkert. Der var store langbord, og familen til Ingrid, med foreldre og besteforeldre m.fl fylte nesten eit heilt bord. Vi fekk servert kaffi, og så kjøpte vi oss kaker til. Margrete filma når dei spelte, så det kan hende vi får sjå både Folkestadkorpset og Haddal-korpset på FB.

Margrete køyrde meg heim att, og så fór ho med det samme for å rekke ei ferje.

Det var kjekt å få vere med på noko nytt, og sjå korleis ting fungerer på små bygder. Heilt utruleg at dei kan stille med eigne korps.

Vi kjøpte litt lodd og vann både sjokolade og karamellar. takk til Margrete for skyss og godt selskap.

I morgon må eg sjå til å få gjort noko skikkeleg arbeid, denne "vinteren" som kom no sette ein stoppar for det meste.

          All snøen på altanrekkverket smelta på føremiddagen i dag.

Bok nr.4 - 2023: Den som elsker deg høyt.

Psykologisk uhygge i ny, spennende serie. Fie og hennes lille familie flytter til en spansk fjellandsby for å finne ro etter noen mørke år. Mens ektemannen Simon jobber som sjømann i Nordsjøen, skal Fie og sønnen Lucas etablere en ny tilværelse i det «ekte» Spania, en times kjøretur unna turistene på Solkysten. Huset de flytter inn i, bærer på en historie. En gravid kvinne hørte truende stemmer gjennom hele svangerskapet. Sakte gikk hun fra forstanden, og på selve termindagen tok hun sitt eget liv. Fie blir som besatt av å finne ut mer om kvinnens skjebne, men blir møtt med illevarslende taushet fra omgivelsene, også fra den tette venninnegruppen hun har blitt en del av. Den som elsker deg høyt er en uhyggelig psykologisk thriller fra et lite, avsondret samfunn der alle vet alt om alle. Og der alle har mørke hemmeligheter. «Kristine S. Henningsens nyeste bok innbyr til slukelesning. [...] Den som elsker deg høyt er en super sidevendende sommerkrim.» Elin Brend Bjørhei, VG«Nifst og underholdende. [...] Et forfriskende og feminint tilskudd til norsk krim. » Fredrik Wandrup, Dagbladet «Kristine S. Henningsens nyeste bok innbyr til slukelesning. [...] Den som elsker deg høyt er en super sidevendende sommerkrim.» Elin Brend Bjørhei, VG «... en av de beste psykologiske thrillerne jeg har lest på lenge. Kristine Storli Henningsen er et friskt pust inn i Thriller-Norge.» Bygdebladet

...................................................................................................................................................................

Denne boka har eg lese på senga, nokre få sider kvar kveld før eg sovna. Det kan vere derfor eg ikkje fekk så godt inntrykk av den. For meg vart det ei litt rotete historie, med mange namn  etc. Det einaste eg syntest var litt artig, var at der kom inn spanske ord og setningar, som eg FORSTOD.

lørdag, mars 11, 2023

Dagbok 2023: 11.mars


 Klokka er no18.25, temperaturen ute er minus 3 grader. Det har kome mykje ny snø , men den kom tidleg på dag. Men overskya har det vore. Det hadde gjort seg med litt sol mellom snøbyene.

Då eg stod opp i dag, hadde naboen allereie vore her og fresa. Og det var eg glad for, sidan eg hadde tenkt meg på butikk. Men så sette det i å legge ned kvitt igjen i store mengder. Etter at eg hadde ete frokost etc. kledde eg på meg for å gå ut og moke. Trappa var nedsnødd, så eg måtte grave fram trinna med spade. Mokebrettet var nedesnødd og nedisa så eg måtte til med varmevatn for å få det brukbart. Eg moka og moka mens det snødde og snødde.  Til slutt orka eg ikkje å halde på lenger. Eg trur eg må ta inn mokebrettet om natta viss eg skal moke meir. Eg håper at vinteren kan vere slutt no snart. Men i går minte Einar meg å at det var snø på 17.mai i året 2021. Ein er aldri heilt trygg. Eg slo frå meg å fare på butikk, for det var ikkje heilt naudsynt.

Marit og eg "pratar" ofte på Messenger og det gjorde vi i dag også. Brått fekk eg melding frå henne der ho spurde om eg ville vere med på basar i morgon, på Haddal. Eg forstod ikkje heilt at ho skulle dit, men så tenkte eg art kanskje nokon i familien hadde noko å gjere der. Men eg svarte ikkje verken ja eller nei. Eg fekk svar tlbake, og då viste det seg at det var Margrete som skulle på basar; sidan eg prata med Marit trudde eg det var ho, men ein kan brått oppdage at ein pratar med fleire på ein gong.

Eg var svolten etter mokinga så eg venta ikkje lenge med å ta meg middag, eg hadde att mat frå i går, så det gjekk fort. Sidan har eg stort sett strikka og sett TV. Felte nettopp av ein lest. Eg er litt sint på meg sjølv for at eg ikkje fekk meir ut av denne dagen, men eg har vore i søndags-modus heile tida.

Eg vaskar ikkje opp så ofte i maskina når eg er her åleine. Det var noko som var litt rart. Etter kvar vask låg det akkurat som sandkorn eller smular i botnen på maskina, eg forstod ikkje kva det var, men sette i alle fall på eit renseprogram utan at det hjelpte. 

Men så fekk eg ein lys idé; eg kjøpte ein annan sort vaske-tablettar og prøvde dei, og då var alt i orden. Det er ikkje farleg å bruke dei eg har frå før heller, no når eg veit kva det var.

No håper eg berre på at det kan bli ein slutt på denne snøen, og at sola får kome fram og varme oss.



fredag, mars 10, 2023

Dagbok 2023: 10.mars


 Klokka er no 16.30, temperaturen ute er så vidt under 0 grader og det snør og snør. Eg var i grunnen fornøgd med vinteren slik den hadde vore når vi kom til vårmånaden MARS. Men då kjem den skikkelege vinteren med snø og kulde. Ja, kulden varte ikkje så lenge, men snøen kjem og kjem. Og han er ikkje velkomen -her hos meg i alle fall, men det er lite eg kan gjere med det.

Fekk melding frå Einar i går om at han ville komme innover i dag for han hadde ei avspasering. Eg tenkte eg skulle ta ein runde på butikken i dag morgon for å kjøpe noko godt til middag, men då eg såg all snøen som måtte mokast vekk, bestemte eg meg for at vi kunne ha dei tradisjonelle kjøttkakene som eg hadde i frysaren.

Dermed bruna eg saus og skrella poteter og gulrot, før eg tok fredagsvasken på kjøkken og bad. Då alt var i orden greidde eg å fullføre sudokuen som eg begynte på i går kveld. Eg rakk også å øve litt på "Afrika" før Einar kom. Han var vel nøgd med traktementet; og til dessert attåt kaffien, gjorde vi ende på "gulkaka" frå jul.

Det er alltid kjekt å få besøk av Einar og vi har alltid mykje å snakke om. Han hadde parkert bilen slik at han lett kom seg opp på vegen, etter å ha moka snøen vekk med langkost. Der han bur på Hareid har han garasje i "kjellaren" og det er no veldig bra slika dagar. 

Her har vore mange fuglar og ete av det eg har gitt dei på altanen. Naboen er flinkare å mate dei kontinuerleg så han har fleire gjestar. No skal eg kose meg i ei varm stove med strikketøy på hand og serie på TV.

Eg ønsker alle ei god helg, med eller utan snø.




torsdag, mars 09, 2023

Dagbok 2023: 9.mars


 Klokka er no16.30, temperaturen på trappa er minus 2 grader, men inne i stova er det godt og varmt, og varmekjelda i dag er sola. Eg slo nettopp på varmepumpa slik at det ikkje skulle bli kaldt når sola for vekk. Det har vore nydeleg ver i dag, men veldig kaldt ute.

Marit og eg starta dagen med trening, Marit køyrde i dag. Vi var ein tur inn omKIWI, eg skulle eigentleg ikkje ha noko, men plukka no i hop litt av kvart.

Eg ville ikkje gå på Vernet i dag, så eg tok ein runde her på Vallabøen. Eg tok to bilde på turen, begge frå same ståstad dvs. toppen på Storebakken. Eg gjekk med piggsko i dag også, for når sola skin på vegane, kan det bli glatt. Då eg kom heim att laga eg meg ein lettvint middag, og så sette eg meg til å felle av ein lest. Det tek litt tid det også.

I går kveld fann eg ut at der har kome ein ny sesong på "Outlander" på Netflix , så no blir eg vel sittane å  sjå den-mens eg strikkar. Det er ikkje så mykje anna eg kan gjere verken inne eller ute, når det er så kaldt.

I dag begynte eg å tenkje på noko som eg lærte meg for ei god stund sidan. Det var på Grublenett. Eg lærte å plassere alle landa i verda på kartet. I dag ville eg sjå kor mykje eg hugsa. Europa gjekk fint, der plasserte eg alle rett på første forsøk. Så skulle eg prøve AFRIKA- det var ikkje vanskeleg, det var umuleg. Men eg kom igjennom med hjelp av ATLAS. Så no har eg litt å bygge opp att. Frå før hugsar eg at det vanskelegaste var statane i Nord-AMERIKA, dei streva eg lenge med. Eg klarte alle karta til slutt, men så er det altså borte igjen. Det ein lærer som barn sit som regel fast heile livet,men å lære noko no-det er vanskeleg. Ikkje å lære, men å hugse.

No har det gått enda ei veke og fredagen kjem i morgon. Veret er nydeleg, men alt for kaldt.Vi lengtar etter vå. Marit og eg kjøpte kvar vår lyngplante på KIWI i dag. Den minte om vår.

              Her kunne eg ha gått opp til Fonnvernet om eg hadde villa det.


Dagbok 2024: 19.juni

Klokka er no 17.10, temperaturen er +16 grader C. Det har vore opphaldsver i heile dag,men ikkje sol.  I dag gjekk eg tur på Vernet på tidle...