mandag, februar 28, 2022

Dagbok 2022: 28.februar

                                                     Akkurat no



Klokka er no16.40, Temperaturen ute er+ 8 grader, men det blæs kald vind. Eg tok ikkje bort all snøen på altanen i går, for eg tenkte den smelta av seg sjølv over natta, det gjorde den ikkje. Snøen på tunet som ligg att er meir og mindre frosen til hard is. 
I dag morgon var det nydeleg vêr og sol, så arbeidslysta var ikkje til å stoppe. Eg hadde bestemt at viss det vart fint i dag skulle eg vaske på soverommet, for då får eg henge ut alle teppe og sengklede, så det vart gjort. Fekk også vaska litt i vaskekjellaren + eit par maskiner med klede.

Etterpå tørka eg støv og støvsuga på stova og gangen. Til middag i dag åt eg resten av grauten frå i går. Då var klokka 15.00. Men eg kunne ikkje gå tur, for foten var ikkje heilt bra.

Men eg hadde ikkje tenkt å gjere meir i dag. Eg skulle nok ha handla litt, men det gjer eg heller i morgon etter treninga, for då skal eg nedover uansett.

Eg sette meg til med strikketøy+ serie. Eg ser sjølvsagt nyheiter innimellom , men eg kan ikkje ha dei på heile tida, det orkar eg ikkje.

Det vart ikkje så fint som eg hadde håpa i dag, og no står det på skjermen min: "Regn kommer", så då veit vi korleis det blir. Eg er like glad , berre det held seg mildt og snøen smeltar.

Då eg kom inn på datarommet, såg eg at eg hadde fått meir spansklekse på nett. Denne veka skal vi øve p å gå på restaurant, bestille mat etc. Vi som har vore med heile tida, har vore gjennom dette før, men det er alltid noko nytt å lære.

 Qué aproveche ! (Bon apetit)



søndag, februar 27, 2022

Dagbok 2022: 27.februar

Dette bildet er frå toppen av Storebakken.

 Klokka er 17.07, temperaturen ute er +7,5 grader C, og i dag har vi hatt sol heile dagen, og no på ettermiddagen har sola varma godt både ute og inne. På føremiddagen var det vind og litt kaldt. Eg var urte på altanen av og til og hjelpte til så snøen skulle smelte fortare,  der er enno litt att, men den fer snart viss det ikkje blir kaldare. 

Eg hadde ikkje lagt ein skikkeleg plan for dagen og då går det berre opp i surr. På føremiddagen sat eg og strikka og høyrde radio, når eg ikkje var ute og tok meg av snøen. Til middag gad eg ikkje å lage så mykje , så det vart risgraut i dag. Åt så mykje godt i går at eg kunne ha ein kviledag. Eg sette meg inn i godsyolen og såg SERIE, men sovna to gonger. Heldigvis hadde eg ikkje kaffikopp i handa i dag. Eg er ikkje så glad i å gå tur med denvonde  foten min, men det gjekk no bra. Eg må ha tynn sokk på vondefoten, elles blir det for trangt. Det skjer ikkje mykje når eg går her åleine-men det er heilt greitt. Komande veke er det på an igjen med trening tysdag og torsdag, og spansk på onsdag.

I siste Møre-Nytt stod der mykje om snøen, som vi har fått så rikeleg av i år. Fram på dalane ligg det mykje snø på markane, men i ulykkesåret 1968 var det 2 meter MEIR enn i år. Det var det året raset gjekk på Riise. Det har ikkje vore ulykker her i år, men det var ei dame som datt ned og skada seg frå fjellet Sylvkallen. Eg veit ikkje akkurat kvar det fjellet er, men det er i Ørsta kommune.

No skal eg lage meg litt kaffi såpass eg held meg vaken. Eg har nesten ikkje lyst å sette på TV og høyre om krigen og Putin som til og med snakkar om atomvåpen.Eg grøssar.

Starevegen i dag.


lørdag, februar 26, 2022

Dagbok 2022: 26.februar

 

Klokka er no 19.15, temperaturen ute er +6 grader C, og det er litt vind,med andre ord heilt perfekt vêr for snøsmelting

Avtalen i dag var at Margrete skulle hente meg cakl.13, og så skulle vi fare i lag til Hareid. Eg brukte litt av føremiddagen til å spade snø frå altanen, men no kan det hende eg slepp å spade så mykje meir.

Margrete og Erlend henta meg som avtalt, og vi hadde ein fin tur. Så snart vi var gjennom tunnelen så var det vår og nesten snøfrie bakkar på Eiksund. På Hareid var det litt meir snø, men langt ifrå så mykje som her. Ikkje ein gong på hi sida av fjorden er det så mykje snø som her på Vallabøen.

Solveig hadde laga mykje spennande mat, det var spansk tapas  med kylling, kjøttbollar, salat, spekemat, potetkløfter og mykje anna. Veldig kjekt å få smake noko som var nytt for meg. Til kaffien  ei stund seinare fekk vi gode kaker, Solveig hadde laga Pavlova, Margrete  ostekake og eg hadde med gulrotkake. Det vart nesten for mykje av det gode. Alle tre gutane til Solveig var der og Håkon hadde med seg Amund. Amund er blitt ganske flink å snakke og han kan namna på heile storfamilien. Til og med namnet mitt kunne han, enda det ikkje er så ofte han ser meg.

Audun har scanna alle bilda som eg har i albuma mine- og det er ikkje få. No kan heile storfamilien finne bilde  frå forgangne tider. Vi er han stor takk skuldig for det var ein kjempejobb. Det var ca. 20 album og han hadde brukt ca. 1 time på kvart.

Nesten kvar laurdag har eg sundagskjensle, slik også i dag. No er det vel dagsnytt på TV-men det er det stort sett heile tida. Eg orkar nesten ikkje å sjå på all elendigheita. Her har vi sytt og klaga over Koronaen og straumprisane- men så blir det krig! Det forventa vel ingen av oss. Greitt nok at det ikkje er krig i vårt land, men den er heller ikkje så langt borte, og den angår oss alle på ein eller annan måte. Vi ønsker vel alle at det skal vere FRED PÅ JORD.                            


fredag, februar 25, 2022

Dagbok 2022: 25.februar

 Akkurat no kom eg inn frå altanen der eg har drive og spada vekk snø. Eg kan ikkje ta så mykje om gongen, for snøen er tung og skal hivast over rekkverket. Eg målte snønøgda til 55cm. Som før skrive har eg brukt å ta snøen etter kvar dei andre vintrane eg har vore her åleine, men i år har eg hatt nok med tunet. Har moka så å seie kvar dag no etter jul.

Klokka er no 17.40, temperaturen ute er 0 grader, eg meiner dei lova høgare temperatur enn det på vermeldinga i går.

Eg har hatt ein relativt aktiv dag i dag. Det første som skjedde varat eg skulle ein tur ned i kjellaren rett etter frokost, og der var fryseskapet så fullt av is at døra hadde begynt å opne seg. Det fyseskapet har eg hatt trøbbel med før, men no er det slutt. No skal det vekk. Eg fekk mykje arbeid med å berge alt som var inni, eg har heldigvis ein stor frysar i kjellaren, og ein mindre i garasjen. Den i garasjen brukte Nils til fisk etc. men sist sommar vaska eg den grundig og lagra plommer og bær der. Så der fekk eg plass til meir no. Eg orka ikkje å begynne og få i orden fryseskapet, men drog ut ledninga og la teppe etc. framom, så vatnet blir fanga opp. Så tok eg fredagsvasken.

Det hadde kome snø sist natt også, tung våt snø, så det vart å moke i dag også. Det er ingen problem med å moke, problemet er å få i frå seg snøen. Torbjørn tok og fresa oppe ved gata, men då han kom lenger ned stoppa eg han for då fauk singelen langt bortpover. Det kan vel ikkje vere så bra for fresaren heller? 

Eg har ikkje vore ute med bilen i dag, men leigebuaren har vore ute med sin. Han mokar til seg sjølv og litt meir. Eg har avtale med han at eg seier ifrå om eg treng hjelp. Men eg tek moking som trim, no når eg ikkje har gått så mykje tur og ikkje vore på trening.Ragnhild, venninna mi, ringde i går kveld og vi prata lenge. Ho er også mykje åleine heime og ho likar å moke snø, ho også.

Margrete skal plukke meg opp i morgon, då skal storfamilien møtast på Hareid.Der var ei pizzastykke igjen i dag, så eg laga ikkje nok anna middag. Etterpå sette eg på TV-men det er begrensa kor mykje eg greier å høyre om krigen i Ukraina, så eg sette over på ein serie som eg held på med for tida-og slappa av med den, heilt til eg gjekk ut på altanen og moka.

Det blir mykje mokeprat og det har det vore i heile vinter, og det er likt for alle. I dag fekk vi nokre solgløtt, men elles har det vore ein lang og mørk vinter.

Så ønsker eg alle :GOD HELG !




 

torsdag, februar 24, 2022

Dagbok 2022: 24.februar

 

                                                       Akkurat no

Klokka er no 16.40, temperaturen ute er + 1 grad og snøen smeltar langsomt, men vi fekk litt ny snø for ei stund sidan. Leigebuaren og eg moka tunet før middag, og det har ikkje lagt ned noko meir sidan.

I dag starta eg dagen med å lage ei gulrotkake som eg skal ha med til Hareid på laurdag. Så rydda eg opp og sette på oppvaskmaskina, blant anna, etter kvart kom eg meg ut og moke. Det var heilt greitt å moke i dag, problemet er å få lagt ifrå seg snøen- I år har eg ikkje moka altanen, men kanskje burde eg gjere det no, det kan bli for tungt, for der er ikkje støypt plate under. Men det er tungt arbeid for ein må løfte spaden over rekkverket- men som sagt, eg har gjort det før.

Det vart 3.dagen med pizza til middag og der er litt igjen til i morgon også, viss eg ikkje finn på noko anna.

Etter at eg hadde ete, sette eg meg med kaffikoppen i hand i godstolen og skulle sjå TV. Plutselig ringde telefonen og eg reagerte med å dynke meg sjølv med kaffi.

Det var Ragnhild som ringde, og ho kunne blant anna fortelje at Tora er på Ørstaheimen. Dei er har spurt før, har sagt at ho hadde flytta til Sjåk. Ragnhild ville kjøpe blomster frå den gamle Velle-gjengen og gå ut til henne med på fødselsdagen hennar den 5.mars. Eg er ikkje sikker på kor gammal ho er , men ho må vel vere sånn ca pluss, minus 90.

No snør det igjen, men eg trur ikkje denne snøen blir liggande. Eg skal kanskje prøve å få gjort litt før eg set meg til med strikketøyet.

Det er ikkje kjekt å sjå TV i dag- trudde at statsleiarane hadde forstått at ein må unngå krig- for ein kvar pris.


                                  Slik ser det ut på altanen min i dag.

onsdag, februar 23, 2022

Dagbok 2022: 23.februar


Klokka er no 18.25, temperaturen ute er +3  grader og det regnar og blæs.
I dag har eg vore mykje på farten. Det starta med spanskkurs klokka 10.30. Eg kom meg ut av tunet med bilen utan å måtte moke, så det gjekk greitt. Kjekt på spansk-kurset. Og etter kurset slutta dekka vi bord etc. til møtet seinare på dag 
Så var det heim att ein tur, der eg blant anna fekk strikka litt på genseren min. Pensjonistmøtet skulle begynne klokka 16, men eg tok laust i god tid og det var bra, for no var snøen på tunet blitt til sørpe, så eg måtte ut og spade vekk noko for å komme meg opp på vegen.
Det var ikkje så mange som møtte på møtet, og dei som skulle underhalde var heime med Korona. Men sidan det var årsmøte, så fekk vi i alle fall gjort ferdig vala. Per Andreassen og eg takka for oss og fekk blomster. 
Eli er alltid oppfinnsom, når vi ikkje fekk spelemenn på huset, rigga ho seg til med laptoppen sin og stort lerret og vi fekk fin konsert-eg trur det var frå Italia. 
Eg køyrer ikkje når det er mørkt, men frå Bakk-Ola og opp hit er det gatelys heile vegen, så det går heilt greitt for meg å køyre. Eg stoppa på Kiwi og handla det eg trong, så slepp eg å fare på butikk i morgon viss eg ikkje absolutt har lyst. Litt rart å ikkje skulle skrive møtereferat, men godt å sleppe. No må eg få på plass varene eg kjøpte på KIWI. Det blir kanskje litt baking i morgon, for laurdag er det familieselskap på Hareid.

Desse løkplantane som eg fekk av Solveig har ikkje fått vore ute enno, og no strekker dei seg i høgda inne på kjøkkenbordet.


 

tirsdag, februar 22, 2022

Dagbok 2022: 22.februar

                                         Pizza til ein!?

Klokka er no16.50, det er + 3 grader ute og hittil i dag har det vore opplett. Men nedst på skjermen min står det : Regn/snø snart, men enno ser eg spor av sol høgt oppe i skyene. Eg har nettopp vore ute og moka litt snø, ikkje fordi det var så nødvendig, men eg hadde lyst å vere ute og trimme litt, sidan eg ikkje går tur. Hadde på meg dei nye støvlane og det gjekk fint. I morgon er det ut igjen, så då må eg få ut bilen, derfor håper eg på lite snø.

I dag hadde eg heimedag og planen var klar. Eg skulle sjå over og eventuelt rydde i alle permane eg har fylt opp med skriverier for Pensjonistlaget. Trur det vart oppi 5 tjukke permar. Men i morgon skal eg tre av-og takk for det. Eg må nok gå åleine på møtet, for Marit er ikkje heilt bra. Ho er forkjøla, men har testa negativt på korona. Men først på dagen skal eg på spansk-kurs og etterpå skal vi hjelpe til å ordne til rommet slik vi skal ha det på møtet. Både spanskkurset og pensjonistmøtet skal vere på Bakk-Ola-marka.

Eg hadde skrive årsmeldinga på maskina og trykt ut eit eksemplar til meg sjølv. I dag skulle eg trykke ut nokre fleire, men printeren var heilt umuleg og nekta å skrive ut. Men eg sende med e-post til Eli, så ho ev.kan trykke opp så mange som vi treng.

Eg har lenge gått og tenkt på at det hadde vore artig å lage heimelaga pizza igjen, det er lenge sidan sist. Eg laga ein deig og så laga eg tomatsaus etc. Deigen såg heilt flott ut og eg steikte botnen litt før eg hadde fyllet på. Det vart litt av ei kake,, det hadde gjort seg med halvparten så mykje deig. Eg åt pizza til middag og har vel to middagar att. Men eg trur eg held ein knapp på kjøpepizza-ikkje frå frysedisken , men på kafé. Det er der eg oftast et pizza -sist gong var faktisk sist sommar i Førde. Men frosenpizza har eg ete seinare. Den tida Nils og eg køyrde Norge og Sverige på kryss og tvers åt vi pizza på kafé nesten kvar dag. I Sverige fekk vi ofte salat til og det var godt, vi kunne ta så mykje salat vi ville, og det passa oss glimrande. 

I dag er det Audun sin fødselsdag, han var fødd i det herrens år 1990, på farfaren Einar Orten, sin 75-årsdag. Det er litt skummelt at barnebarna blir så vaksne-då blir ein klar over kor gammal ein er sjølv. Audun jobbar og bur i Oslo, men er ofte heime på Hareid. Akkurat no er han der.

No skal eg snart sette meg til ved TV-en og strikke, kanskje kjem eg opp til armhola i dag-på genseren min- nei det gjer eg vel ikkje . Det går rundt og rundt no utan stopp, så det egnar seg til TV-strikk. 

Eg likar ikkje nyheitene for tida, likar aldri når nokon raslar med sablane.Og så eg som likte så godt han Putin -men det var før.


mandag, februar 21, 2022

Dagbok 2022: 21.februar

                                                     Akkurat no


Klokka er no17.40, temperaturen ute er + 2 grader. Veret er ikkje så sjarmerande i dag som det var i går, einaste lyspunktet er at snøen smeltar, i alle fall litt. 

I dag måtte eg ikkje ut å moke, for det hadde kome lite snø og leigebuaren hadde moka det som var på tunet, eg moka berre frå trappa til garasjen, men det var seinare . Eg styrte med litt forskjellig før eg shina meg opp og tok ein tur til Vik, dvs. eg var berre på Alti. Ærenda mine var m.a. å kjøpe  ny tannbørste på Clas nye støvlar på skobutikken, tablettar på apoteket m.m. Alt eg hadde bruk for fekk eg på Alti. Dermed vart det berre ein gong å parkere.


Foten som er hoven er ikkje blitt særleg betre, så eg måtte ha noko å ha på føtene som ikkje var altfor vondt. Eg har eit gpar gamle støvlettar som eg brukar, men dei er heller ikkje gode. Eg må ha noko å stige ned i når eg skal utfor døra, og støvlane kjøpte eg eit nummer for store for at dei skal vere behagelege. Eg hadde dei på då eg gjekk opp til pstkassa. Eg trur ikkje dei er glatte heller (Sjå under)Eg får ikkje ha på meg piggskorne slik det er no. Det er over ei veke sidan eg var på røntgen, og eg har ikkje høyrt noko. Eg må kanskje sjekke på Helsenorge ?
 Eg laga meg litt mat då eg kom heim, og etterpå sette eg meg inn og slappa av som vanleg. Klokka var over 4 før eg tok fram strikketøyet.

Over gata i nr.8 er det to som er forkjøla, dei har testa seg og resultatet var negativt. Eg er litt interessert i korleis det utviklar seg, for eg var der i fleire timar i går.

I dag har det for så vidt vore "heimedag" og det blir det i morgon også, men så er det onsdag med både spansk og pensjonistmøte.

I dag fyller kongen år, i morgon er det Audun sin tur-han blir 32.


                                         Bra høge brøytekantar ?

søndag, februar 20, 2022

Dagbok 2022: 20.februar

 

 

Klokka er no16.20, temperaturen ute er + 1 grad. No er det meir og mindre overskya, og på PC-en står det: Regn/snø snart. Men dagen begynte fint med sol frå nesten klår himmel, og for første gong i år hadde vi skikkeleg sol inne i stova-og ute, sjølvsagt.

Eg gjorde unna eit par små jobbar inne før eg gjekk ut og begynte å moke. Det var fleire som tilbaud seg å hjelpe meg, men eg sa som sant er at eg vil ha mosjonen sjølv, for eg får ikkje gått så mykje tur på grunn av den vonde foten. Kan heller ikkje ha på meg piggskorne. Det var fint å vere ute og moke i dag, eg tek det heilt med ro, så eg slit meg ikkje ut akkurat, men eg heldt vel på i ca 1 1/2 time. Eg moka heile tunet, men ikkje rundt bilen til leigebuaren, der har han moka sjølv. Altanen har eg ikkje moka i det heile tatt denne vinteren-det hadde ikkje vore hjelp i heller, for det har kome ny snø kvar dag.

Då eg kom inn att fekk eg melding frå Marit om at ho var åleine heime og ville at eg skulle komme opp. Så eg gjekk over gata og vart verande lenger enn eg hadde tenkt, for vi har alltid mykje å snakke om.

Eg har ikkje verken sett TV eller swtrikka så langt i dag, men det er no enno nokre timar att av dagen. Eg skal kanskje lage meg litt middag når det lid på.

Komande veke er det vinterferie på skulane, og på treninga. Men onsdag er det både spanskkurs og pensjonistmøte, så eg har litt å jobbe med der.

                                           
                                            Sola kliv Honnje (Melshornet) kl.12.30


                                           Mykje snø på altanen




lørdag, februar 19, 2022

Dagbok 2022: 19.februar


 Klokka er no 17.10, temperaturen ute er 0 grader C, og akkurat no er det opplett.

Det hadde kome snø i natt og det snødde utover føremiddagen. Men då det letta opp gjekk eg ut og moka. Då hadde eg sete ei stund og strikka på ein ny genser til meg sjølv. Solveig kom med garn i går kveld, som ho hadde kjøpt på nettet. Eg kan ikkje strikke lestar i det uendelege, så eg trong eit varig prosjekt. Garnet er tynt og rundpinnen nr,2,5 , det er 288 masker rundt og rundt, så det tek si tid før brotet blir 5 cm. Men eg må lære meg litt tolmod.

Det var mykje snø som hadde kome ned sidan i går, eg trur det var 25-30 cm.men det som var litt lurt var at det var is på botnen, det gjorde det lettare å moke. Eg har ingen ting imot å moke snsø, for med ei hoven fot er det verre å gå tur, og mosjon må eg ha. Då eg var nesten heilt ferdig, kom Geir med mokebilen sin, men han fekk berre ta litt som låg oppe ved vegen. Då eg kom inn att vart det meir strikketøy + Serie, begge deler lid under at dei må dele på merksemda mi, mykje av poenga i serien blir oversett og ei og anna maske dett av pinnen.

Til middag i dag vart det speilegg, og så var det tilbake til strikketøyet. Ute klåna det opp og sola var framme ei stung, men så begynte det å snø igjen, heldigvis har det ikkje kome så mykje at eg må ut og moke igjen. 

Når eg ikkje går på butikk eller jobbar i huset på laurdagar får eg sundagskjensle. Det er i grunnen dumt å ikkje ta ein tur på byen på laurdags føremiddag, det gjorde vi alltid før, men særleg i Korona-tida slutta vi med det fordi det var så mange tilreisande på ALTI den dagen.

Det har i grunnen vore ein kjedelig dag, men det kan eg takke meg sjølv for. I går kveld begynte eg på ei ny bok som lovar bra, men det er berre på senga at eg les bøker. No skal eg lage meg ein god kopp med kaffi. Så mykje anna godt har eg ikkje i hus, og det er med vilje.Det kan ikkje vere jul heile året.

Oj! No er det heilt kvitt ute igjen, har aldri før sett så mykje snø kome og gå som denne vinteren.

fredag, februar 18, 2022

Dagbok 2022: 18.februar


 Klokka er no15.45, det er lettskya og opphaldsvêr akkurat no, men vi har også hatt snøbyer i dag - og full sol ei lita stund. Det er med meg som med vesle lerka at når eg ser sola, så trur eg på vår med ein einaste gong.

Det hadde kome litt snø sist natt og det snødde på føremiddagen. Men eg venta med mokinga til eg hadde tatt fredagsvasken. Eg moka ikkje så fint, men tok vekk det meste, såpass det skal gå an å køyre ned på tunet. Leigebuerane kom ut og moka på samme tid.

Eg vart tidleg ferdig med pliktene mine i dag, så eg fekk lese litt i avisa før eg åt eit måltid som skulle liksom erstatte middagen..... eg kjenner på at eg har levd litt for godt i vinter, så no må eg bremse. Eg må bli flinkare å mosjonere også.

Eg hadde festa trådane på eit lestepar som vart ferdig i går, dei skulle eg ha sjølv. Eg tok dei på - og dei var varme og gode. Men det var berre venstrefoten som kom seg ned i støvletten, på høgrefoten tok eg ein tynnare lest, det gjekk bra heilt til eg skulle gå nedover Fonnavegen, så turen vart ikkje fullt så lang som eg hadde tenkt. Foten er ikkje vond før han blir klemt ned i sko, men den er litt hoven, det kan eg sjå, men eg har ikke høyrt noko frå røntgen enno. Det er no ei veke sidan eg var der.

Komande veke er det skulefri og treningsfri, men eg skal både på spansk og på pensjonistmøte på onsdag og då går heile dagen. No skal eg slutte i styret, slutte som skrivar, eg er den som har sete lengst av alle i styret til pensjonistlaget-eg håper dei ikkje gjer noko styr ut av det. No skin sola-og eg føler at eg MÅ ut, men det er no ikkje så varmt akkurat, så eg får heller sette meg inn i stova og sjå på dei upussa vindua. 
Det er fredag og eg ønsker alle ei god helg, og god ferie til dei som skal ha det.



Bok nr.5 -2022: Vablen


 
Denne boka har eg lese på senga, nokre sider kvar kveld. Eg har ikkje heilt forstått kva "bodskap" forfattaren har med denne boka. Men det kan no vere  mi eiga skuld-

torsdag, februar 17, 2022

Dagbok 2022: 17.februar.


                                                              På veg opp Storebakken.

Klokka er no 17.44; temperaturen ute er litt under+ 2 grader, tidlegare i dag var den +6 grader C.

Det har snødd litt og regna litt og sola var så vidt framme ei lita stund, Det er eit kjedelig vêr.

Det vart nesten som ein fridag i dag sidan vi ikkje skulle på trening- men eg kjenner at det er godt å ha noko å gå til, ha litt orden på dagane, liksom.

I dag sette eg meg til å skrive årsmelding for pensjonistlaget. Det er i og for seg ingen stor jobb, men det var mykje papir å gå gjennom for å få alt med, eg er enno ikkje i mål. Mykje av føremiddagen har gått med, utan at eg kan sette punktum. Men no skal eg snart levere i frå meg alle permar og bøker som eg har styrt med i 11år. Då får eg kanskje betre plass i hyllene mine.

Eg begynte å sjå ein serie i går kveld og i dag såg eg eit par episodar før eg kledde på meg og gjekk ut. Det er vodt å ha høgrefoten ned i støvletten, men det går no på eit vis. Eg gjekk ikkje på Vernet i dag, berre på vegen.

Då eg kom heim att laga eg meg litt middagsmat før eg sette meg til å strikke og sjå TV. No har eg sett ferdig serien, så no skal eg ta litt husarbeid, til dømes skal eg sjå om klesvaskane mine er tørre -og så må eg stryke litt- Det er nesten som om eg saknar snømengdene, for då vart eg berre nøydd til å komme i arbeid. No er eg litt for lat.

!7.februar er fødselsdagen til mi "gamle" venninne Ambjørg. Ho er ca. ein månad eldre enn eg. Det var alltid så kjekt å vere i bursdagsselskapa hennar. Det er ei stund sidan eg har snakka med henne no. Eg likar ikkje så godt å ringe til folk, har litt problem med å høyre-og snakke i telefon. Eg veit at ho ofte er innom bloggen, så viss ho ser innom i dag kan eg skrive :Gratulerer med dagen , Ambjørg.


                     Frå toppen av Storebakken med utsikt til Mosmarka.

onsdag, februar 16, 2022

Dagbok 2022: 16.februar



Kveldsmat for to

Klokka er no 17.50, temperaturen ute er + 3 grader og det har vore opplett i dag. Sola har også vore framme, så vidt.

Eg var oppe bra tidleg i dag også, sjølv om spanskkurset ikkje tek til før klokka 11. Så eg fekk  litt tid til det eine og det andre før eg for. I dag fekk vi ommøblere klasserommet vårt slik at vi slapp å sitte med ryggen til nokon. Kurset varer i 2 klokketimar, men vi brukar nesten ein halvtime på å drikke kaffi og ete. Det skal no vere litt sosialt også. I dag fekk eg den store gleda å sitte i lag med Paul Vatnebakk og samarbeide med han.

Terje er med i nemna som skal finne nye styremedlemmer til Pensjonistlaget. Det var med tungt hjerte eg sa opp plassen min i styret,  eg synest at 11 år er meir enn nok. Men eg har likt å vere i styret i lag med Eli, spesielt, og dei andre . Styremøta er også sosiale og eg har likt å vere i lag med dei som bestemmer litt. Men no slepp eg i alle fall å skrive referat etc. Men det blir rart å gå på møta utan å sitte ved styrebordet. 11 år er lang tid i ein slik "jobb". Neste onsdag skal vi ha årsmøte, og då skal eg gjere siste jobben min som "sekretær" og skrive og lese opp årsmeldinga- Møtet er på Bakk-Ola.

Etter spanskkurset i dag køyrde eg ned til ALTI. Eg var på apoteket og kjøpte tablettar. Det var slike eg har på resept og eg var så å seie lens. Eg stakk innom Europris også og kjøpte tennbrikettar og skyllemiddel til klesvasken. No tørkar eg klede på stativ, for eg har ikkje kjøpt ny trommel enno, og kleda blir stive som kjeppar. Var også innom Kiwi ein tur. No ventar eg Einar snart, han skulle stikke innom sidan han var på ein kamp i ørsta. I dag blir det ikkje middag, men han skal få kveldsmat.

I morgon blir det heimedag, sidan treninga vart avlyst. Då får eg kanskje komme i gang med årsmeldinga mi, som eigentleg er ei toårs-melding. I fjor(2021) hadde vi ikkje årsmøte.



tirsdag, februar 15, 2022

Dagbok 2022: 15.februar


Klokka er no 21.50, temperaturen er + 2 grader og i dag har vi hatt både regn og snø-

I dag var vi på trening, men vi køyrde rett heim etterpå. Torsdag blir det ikkje trening, og neste veke får vi vinterferie fordi fysioterapeuten skal  ha fri i lag med barna sine. Men så skal det vere årsmøte i pensjonistlaget på onsdag , så då får eg litt å gjere på førehand. Skrive årsmelding etc.

Eg fekk støvsuga og rydda litt i heimen før eg sette meg til med strikketøy og TV.

 Margrete og Amanda henta meg klokka 19 og så for vi til Volda der elevane på VVS hadde Musikal. Det var ikkje slik teatermusikal som dei har brukt å ha, men ein fantastisk non stop "konsert". Programmet tok vel ein time, og dei hadde hatt to framsyningar før i dag. Det var i den nye hallen som dei har fått i Volda no. Vi var ein heil flokk i lag: Margrete, Svein, Ingrid, Amanda og eg.  Det var Svein Nordal som fekk jobben med å køyre meg heim. Han hadde fått seg ein skikkeleg bra bil, ein BMW. Margrete og dei andre skulle over fjorden, så dei måtte fare i full fart. 

Bildet over er frå programheftet. Bilde av eit bilde, med andre ord. Det er Erlend med bassgitaren. Med "raudt" hår denne gongen.


No må eg finne meg litt kveldsmat

mandag, februar 14, 2022

Bok nr. 4 - 2022: Svar i vesterled




 Denne boka fekk eg i dag i gåve frå forfattaren. Ho er ei "gammal" venninne og tidlegare kollega.

Eg likar tynne bøker, som eg kan sluke fort og greitt, for så å ta den att og lese langsomt. Det kjem eg til å gjere med denne også. 

Rigmor fortel om denne mannen, Arne Eidset, men ikkje berre om han ,men om heile slekta hans (frå Ørsta)) og mykje  frå kystmiljø . Ho har også hatt tilgang på dagbøker han har skrive. 

Boka er på 50 velskrivne  sider. Anbefalt.




Dagbok 2022: 14. februar


                                     Første soldagen i år-

Klokka er no17.40, temperaturen ute er 0 grader C , og eg såg månen i aust for ei lita stund sidan. Han skal vere full i morgon. Det var utruleg deilig å sjå att både sola og månen, det har vore ein mørk vinter til denne tid. Dessverre skal det visst komme nye snøbyer. I dag var slapset på tunet stivfrose igjen så det vart litt abakleg å kome seg utav tunet då eg endeleg kom meg på butikken i dag.

Mandag er heimedag og då prøver eg å få gjort mest muleg husarbeid I dag starta eg med å byte på senga og sette på vaskemaskina. Så rydda eg etter beste evne ei stund. Før eg fann ut at eg ville bake brød sidan det minka i brødskuffa, som eg no har i kjøkkenfrysaren.Mens brøddeigen heva, laga eg grønnsaksuppe til middag. Det er heilt greitt at eg ikkje et den med det samme.

Så fekk eg hyggelig besøk av Rigmor, som er ein tidlegare kollega. Eg sette no på kaffien om eg ikkje hadde så mykje å by på. Men det hadde ho. Eg fekk ei bok som ho sjølv har skrive og gitt ut. Eg har lese om den på Face Book. Og no har eg begynt å lese den sjølv. Den er faktisk vanskeleg å legge frå seg

Eg har vaska tre maskiner med tøy i dag, noko heng på det nye stativet i kjellaren, men så har eg tatt det gamle stativet opp att på altanen. Feilen med det gamle er at det er rusta her og der, så eg kan ikkje bruke det til kvite klede. Seinare kan eg sikkert finne ein slags maling å male over rusten.

I dag tidleg hadde eg fyllt bagasjerommet på bilen med tomflasker, så det vart ein liten tur på butikken før eg åt middag. Eg hadde riskrem til dessert i dag, sidan eg kokte så mykje graut på laurdag.

Eg har litt husarbeid igjen før eg kan ta fri og lese meir i boka, eller strikke ferdig ein lest. Strikkar gjer eg stort sett berre når eg ser TV.


                        Dette bildet er tatt rett mot sola.Derfor ser det mørkt ut.

søndag, februar 13, 2022

Dagbok 2022: 13.februar. Morsdag.

 


Klokka er 19.18, temperaturen ute er + 2 grader og det har regna i heile dag. No håper eg berre at det held seg mildt til all snøen er borte. Det er i alle fall bert på vegane no.

I dag har eg hatt ein roleg dag med strikketøy og TV-og ikkje snømoking.

Ut på dagen ringde Amanda og spurde om eg ville vere med henne og Margrete på kafe/restaurant, og det ville eg sjølvsagt gjerne. Dei kom ut på ettermiddagen med ein stor bukett med tulipanar. Så stor at eg måtte dele den på to vasar. Vi sat og prata ei stund før vi kjørte ned til den indiske restauranten. Men i dag var det ikkje rom for oss i herberget, der var stappande fult med folk. Då prøvde vi oss på Napoli, og der fekk vi kebab, store posrsjonar. Men vi greidde å ete opp alt. 

Det vart ei kjekk morsdagsfeiring, og veldig kjekt at vi kunne vere tre generasjonar sidan Amanda var heime frå Trondheim. Både ho og Eirik har hatt Corona, utan å bli særleg sjuke. Det var som ei forkjøling, sa Amanda. 

Even var ned med mange sekker ved i dag, så no skal eg kveike opp for andre gong i dag. Eg får det ikkje varmt nok med berre varmepumpa. 

Tysdag skal eg på rek igjen, då skal eg få vere med på MUSIKALEN, der Erlend er medi år. Det skal vere i den nye hallen i Volda, der har eg ikkje vore før.

I morgon er det heimedag, og eg har ikkje lagt planer enno. Men berre eg slepp meir snø, skal eg vere fornøgd.

   




lørdag, februar 12, 2022

Dagbok 2022: 12.februar


                                               Akkurat no


Klokka er no 17.53, og temperaturen ute er ca.4 grader C. I dag har det vore overskya, men opplett. Vi skulle ha hatt sola i nesten ein månad no, men vi har knapt sett henne, Men i dag har vi alle fall ikkje fått ny snø.

Eg var så elendig i ryggen i dag tidleg at eg orka ikkje tanken på å moke , sjølv om det var mykje umoka snø ute. Eg kom meg litt etter litt og fekk tatt "fredagsvasken". Så fekk eg lyst på risgraut og kokte  ein stor porsjon. Då fekk eg ny energi og kledde på meg for å gå ut og moke litt. Snøen som låg der var våt og tung, men eg hadde ikkje moka så lenge før eg fekk hjelp. Det var Geir Høydalsvik som kom med brøytebilen sin og ville hjelpe meg. Eg har ikkje sett han før denne vinteren, men han brukar å komme ein tur kvart år når det er mykje snø. Han fortalde at han har vore her forbi mange gonger i vinter, men her har vore så fint moka kvar gong. Sidan det er mykje singel i snøen må vi vere litt forsiktige, men han tok no ei god opprydding, særleg er det brøytekantane som er tunge å ta, men i dag var alt tungt. Då eg kom inn att tok eg fram att sudokuen som eg begynte på torsdagskvelden og ikkje fekk til å løyse. Det var vanskeleg i dag også, men no kom eg i mål. Eg sette meg inn i godstolen med kaffikopp og TV, og slappa av ei stund. Så kom Marit ned ein tur, så vi fekk oss ei pratestund i dag også. Med kaffi ,is og småkaker til. Vi tek det enkelt.

Eg forventar ikkje å få besøk i morgon, men her er i alle fall råd å parkere no. Matias blir vel forundra når han kjem "heim" att. Han streva veldig med å få bilen laus i går kveld.

No blir det vel TV resten av kvelden. Eg har ikkje strikka på mange dagar, for å spare venstre tommelfingeren, men no held eg ikkje ut lenger å sitte "utan noko på hendene". Det er no litt Grand Prix i dag også, men Marit og eg har ein annan smak når det gjeld musikk enn dagens ungdom har.


                                               Før i dag



fredag, februar 11, 2022

dagbok 2022: 11.februar


 Klokka er no 18.42. Temperaturen ligg på ca. 0 grader C og det snør framleis, som det har gjort i heile dag. Men snøen er lettare enn det vi har fått før i veka.

I dag skulle eg vere på Volda sjukehus klokka 13. Eg vakna som vanleg i 5-tida og sov ikkje mykje etter den tid. Eg var tidleg ute og moka tunet. Helge Lid kom og  freste det som plogen hadde lagt opp. Resten var ikkje tungt , men alt tek si tid. Det vart ein liten pause, og då hadde det snødd så mykje at eg måtte moke ein gong til. Då rygga eg bilen opp på vegen og køyrde ein runde, og sette den frå meg så den skulle vere lett å ta att. 

Då gjekk eg innog dusja og kledde meg om og, slappa av litt til eg skulle fare. Eg skulle køyre ned til Vik og ta bussen. Men no ville ikkje bilen opp på gata, eg streva ei stund, men så kom Helge Lid og rygga den opp. Jenta som bur i kjellaren skulle også ta buss til Volda, ho skulle heim til Fiskå i helga. 

Eg nåddde henne att nede ved kyrkja så eg sette i frå meg bilen der og så gjekk vi i lag til bussen. Vi måtte alle over i ein annan buss i Furene. Eg var heldig for eg slapp å bytte buss i Volda for den eg var i køyrde til sjukehuset. 

På røntgen kom eg til ganske med det samme, og det var ei ung jente som tok bilda. Då var eg allereie våt på føtene. Eg hadde tatt på meg tynne lestar i staden for ullsokkane mine, og støvlettane var gjennomvåte. Eg kjem ned i berre eitt par av støvlettane fordi foten er hoven, og det var dei samme eg hadde brukt då eg moka snø. 

Eg spurde i resepsjonen kva tid neste buss kom, som eg kunne sitte på med ned i sentrum. Den skulle komme om eit kvarter, men det gjorde den ikkje. Eg vart lei av å vente, så eg gjekk nedover på mine eigne bein. Våt, opphovna fot, regn/snø og vind, og glatte vegar.  Veret var verre i Volda fordi det bles. Men det gjekk bra denne gongen også. Neste problem var: Kva tid går bussen til Ørsta. Eg såg på tavla, og der stod det, men så kom eg i prat med ei ung dame frå Ålesund som skulle ta Kristiansundbussen, så då gjorde eg det også og korta ventetida med 10 minutt- Det var godt å komme inn i den varme tørre bussen, så heimturen var ein nytelse.


Men eg hadde tenkt ut ein plan. Der bilen stod parkert, var det mykje snø, og det var ikkje sikker eg fekk bilen laus. Dermed tok eg en runde inn på Clas og kjøpte ein LETT snøspade, og den fekk eg bruk for. Nok om det, eg kom men vel heim og fyrte i omnen, før eg laga meg ein god middag med steikt ørret etc. Etterpå vart eg sittande å sløve i godstolen. Ikkje så farleg å la vere å gå tur i dag-mosjon har eg fått nok. Eg skal slappe av resten av kvelden og ta fredagsvasken i morgon.

Når ein har slike dagar som dette, forstår ein kor godt det er å ha sin eigen bil-då blir det ikkje ein heil roman av ein Volda-tur. 

No skal eg sette meg inn att i stolen framforTV-en. Og så ønsker eg alle ei god helg.




torsdag, februar 10, 2022

Dagbok 2022: 10.februar

                                        Dette bildet tok eg kl.15.40

Klokka er no16.30, temperaturen ute er 0 grader og det ser ut som det skal klårne opp litt, men då blir det kaldare.

Eg er så irritert over meg sjølv fordi eg vaknar så tidleg. I dag vakna t.d. klokka 5 og fekk ikkje til å sove lenger. Eg legg meg sånn 12-1 tida, så eg søv ikkje mange timar. Det gjer kanskje ikkje så mykje, men eg blir trøtt når det lid på dag.

I dag skulle Marit køyre til treninga, og Even hadde vore oppe klokka 6 og moka fint der oppe. Eg valde å moke ein del av tunet før treninga, så det ikkje skulle vere all verda å ta når eg kom heim. 

I dag stoppa vi og handla litt på Kiwi på heimvegen. Det hadde snødd ganske mykje mens eg var vekke også, så det vart ein bra jobb å ta tunet. Verst er det med dei store klumpane som plogen legg att. Eigentleg synest eg det er ok å moke snø, men det er litt irriterande at ikkje før har ei shina opp så snør det igjen. Eg veit ikkje kor lenge eg var ute i dag, men eg vart i alle fall svolten. I dag vart "middagen" makrell i tomat på skive. Ikkje det aller beste eg veit, men eg et stort sett det meste.

Foten min er vond når den må vere nede i skoen, elles er det ikkje så gale. I morgon skal eg på røntgen klokka 13-i Volda. Eg køyrer ned til Vik og tek bussen derifrå. Eg må nok moke før eg fer i morgon også, for så lenge det ikkje frys til, vil bilen spinne i snøen. Elles skjer det ikkje så mykje, og det kan no vere like godt. No har eg fyrt godt i omnen, så skal eg slappe av ei stund. Eg får ikkje strikke for tida, for tommelen på venstrehanda streikar igjen, og eg vil at den skal vere bra til eg får garnet som Solveig har bestilt til meg.

Eli ringde i går kveld og vi prata ei heil stund. I slutten av månaden skal vi ha årsmøte  i pensjonistlaget, og no har eg tenkt at eg må  ut av styret etter å ha site der i 11 år. Eg har eigentleg likt å vere i styret slik at eg har noko eg skulle ha sagt. Men nok er nok.


Før moking.


 

onsdag, februar 09, 2022

Dagbok 2022: 9.februar

 


                          Bildet er tatt klokka 20.05. Ufyseleg ver ute


Klokka er no17.22, temperaturen ute er + 3 grader C. I dag har vi hatt snø, regn, hagl og torden -vêr. I går då det var så fint ei stund fekk eg mykje energi, det fekk eg ikkje i dag.

Som vanleg vakna eg i gryotta, men stod ikkje opp før det leid litt på. Spanskkurset begynner ikkje før klokka 11, så det er ingen grunn for å stå tidleg opp. Eg hadde litt problem med snøen på tunet, men kom meg opp på gata. Eg hadde grua meg til presentasjonen i dag, for eg hadde ei heil A4 side som eg hadde pugga, men ikkje var heilt trygg på. Eli har sagt at vi ikkje får stå og flagre med papir, så eg prøvde å greie meg utan, men måtte kike litt etter. Ho som kom etter meg las frå papiret sitt heile tida. Og ho har studert spansk før-.Men eg vart no ferdig med det, og lærte mykje sjølv.

Eg har vore frostig i heile dag. Dei andre på spansken syntest der var for varmt -eg fraus. Då eg kom heim varma eg blomkålsuppa frå i går. Sidan det ikkje var så mykje att,hadde eg oppi litt meir melk, og så fann eg på å ha fleire grønsaker i. Det var frosne grønsaker. Eg trudde det skulle bli godt, men det vart det ikkje. Likevel åt eg nesten alt, for eg vil ikkje kaste mat.

Eg var litt i tvil om eg skulle avbestille røntgen på fredag, for foten er ikkje så veldig dårleg-i alle fall ikkje når eg sit i ro. Og så fann eg ikkje bussrutene på nettet. Men Marit kunne fortelje at eg skulle ringe 177 på telefonen , så ville eg få hjelp . Og det gjorde eg, så no blir det til at eg fer til Volda på fredag. Problemet er at foten er litt hoven enno, så det er vondt å ha på seg sko. Og vondt etter at eg tek dei av.

Eg sette meg inn i godstolen, med Margrete-pleddet rundt meg og TV-en på, eg trur eg sovna litt i dag også. No skal eg gå inn og legge i omnen og få det skikkeleg varmt, eg fyrte opp i dag tidleg også, men når eg sit så mykje i ro, er eg frostig. I morgon er det trening igjen, eg veit ikkje om Marit har bestilt Taxi-men ho snakka om det. Det er fysioterapeuten som må bestille viss vi skal ha det på "Pasientreiser". 

Eg skulle ta eit bilde av vêret i dag også, men telefonen var tom for straum, så den ligg på lading-no er den komen opp i 7%.

tirsdag, februar 08, 2022

Dagbok 2022: 8.februar

I dag fekk eg sjå sola skine inn i huset til meg, både klokka 13 og klokka 15. Bildet over er tatt klokka15.
Men det skya over igjen og no regnar det. Klokka er 17.35 og temperaturen ute er + 3 grader.

Det hadde heldigvis ikkje kome snø sist natt, så eg slapp å moke før vi for på trening. Etter treninga var vi ein tur på ALTI. Marit skulle ha medisin på apoteket, og eg kjøpte ein orkidé på Europris. Eg trudde den var kvit, men i betre lys såg eg at den var gul, og det var i grunnen finare. Handla litt mat på Spar.

Vi kom heim att i 12 tida og i dag fekk eg gjort unna mange småjobbar i huset. Tok opp tørre klede frå kjellaren, planta avleggarar, kokte blomkålsuppe og mykje meir. Der var så fine blomkål på Spar i dag at eg kjøpte meg eitt og laga suppe til middagsmat. Etterpå sette eg meg inn og sløva ei stund, før eg tok fram strikketøyet. Innimellon øver eg på spansken, det er i morgon eg skal fortelje om "Mi familia" på spansk. Og det er kjempevanskeleg å hugse alle orda. Men dei andre i gruppa er ikkje mykje flinkare.

No er det bekmørkt ute igjen-men i dag har vi no sett lyset.



mandag, februar 07, 2022

Dagbok 2022: 7.februar


 Klokka er no16.30, temperaturen ute er + 2 grader og det har vore opplett i heile dag, måtte det berre vare! Eg vakna grytidleg i dag også , men stod ikkje opp med det samme. Litt seinare begynte eg å moke tunet. I dag var det tungt, for snøen hadde delvis smelta og blitt til vatn, men eg fekk no gjort det på den måten som var. Det går ikkje an å bruke fresar her på grunn av singelen.

Etter at eg var ferdig med mokinga, shina eg meg opp og tok ein tur til Vik med bil. Hadde litt problem med å rygge opp på gata, spann litt i singel og snø.Vegane ned til Vik var berre så der var det ikkje problem. Eg køyrde ned til ALTI og kjøpte  eit lite tørkestativ på Clas som eg må bruke no før eg får kjøpt meg ny trommel. Stativet var ikkje dyrt og eg fekk det inn i baksetet på bilen. Kjøpte litt garn på -nille for eg hadde strikka to lestebrot i går som eg ikkje hadde noko å skøyte på med. Eg er medlem på -nille så der blir det ikkje dyrt.Tenkte eg kunne kjøpe mat på Bunnpris så eg slapp å gå inn på andre butikkar. Der var det tilbud på Fjordland, så eg kjøpte ein porsjon til meg sjølv til middag. Det er første gong eg har kjøpt Fjordland og det blir kanskje den siste også. Kjøtt såg eg lite av, men resten var no heilt greitt

Men eg hadde god dessert, nemleg riskrem, av ein fløteskvett eg hadde+ noko av grauten som var att frå sist eg laga.

Eg vart så mett at eg måtte sitte og sløve ei stund før eg tok  fram strikketøyet. 

Ei lita stund i dag hadde eg sol inn i stova, men det var ikkje så klårt at eg såg sjølve sola, men det har i alle fall vore lyst. No håper eg berre på at det ikkje kjem meir nedbør, for i morgon er det trening,
I dag fekk eg brev om at eg har fått time på røntgen kl.13 komande fredag. Det går aldri lang tid for å få time der. Eg har vore på røntgen på sjukehuset i Volda veldig mange gonger, med hofta og føtene mine, så der er eg godt kjent.No er spørsmålet korleis eg skal kome meg dit, men eg får høyre med bussen. Så då har eg noko alle dagane resten av veka. Eg får slappe godt av i dag. I dag vaskar eg litt klede, kan ikkje vaske så mykje om gongen når eg skal tørke på stativet mitt-



søndag, februar 06, 2022

Dagbok 2022: 6.februar

 

Klokka er no 16.50, temperaturen er + 1 grad og det snør. Utan stopp. Det var litt fint på føremiddagen og det såg ut som vi kunne få litt sol i dag. Eg lurte på kva eg  skulle bruke dagen til, sidan eg ikkje kan gå tur. Til vanleg tek eg ein lengre tur om sundagane viss eg ikkje har noko anna å gjere. 

I dag var det smått med brød til frokosten. Eg hadde sikkert funne både det eine og det andre i fryserane mine, men eg bestemte meg for å bake nye brød. Har slikt å gjere. Eg sette brøddeigen og mens den heva, rakk eg godt å moke heile tunet, dvs. Helge Lid fresa vekk det som plogen hadde lagt opp. Då eg var nesten ferdig kom sola fram. Men det varte ikkje lenge før det lava ned igjen. Eg tenkte at eg kunne moke ein gong til, men slo det frå meg då det berre kom meir og meir snø. Eg kan ikkje hugse at det har snødd så mykje før. Men her ligg ikkje så mykje snø på markane, sida det har vor grønt mellom snø-ridene. Ja,ja, det er vel ikkje berre eg som er lei no.

 Eg fekk no baka og steikt brøda mine, men har ikkje smakt dei enno. For eg vart tidleg middgassvolten på grunn av den lette frokosten. I dag hadde eg restar frå kjøtkakemiddagen som Einar og eg hadde på fredag. Eg vart skikkeleg mett, og sette meg inn i godstolen og skulle sjå eitkvart på TV. Det varte ikkje lenge før eg  sovna skikkeleg, heldigvis hadde eg sett frå meg kaffikoppen. No har eg tømt oppvaskmaskina og rydda litt. Men eg går ikkje ut og mokar meir snø i dag; eg håper heile tida at det skal gå over i regn. 

Foten min er akkurat som før, den er ikkje vond når eg sit i ro, men litt vond når eg går. Eg skulle få innkalling til røntgen,  det kan no ta si tid, men som regel må ein ikkje vente så lenge. Eg har vore på røntgen med beina mine fleire gonger, og det er no ikkje noko å kvide mot. Håper berre ikkje dei finn noko som skal oprerast. 

Elles så driv eg og øver på spanskleksa i tide og utide. -Eg fann eit lestepar som eg hadde strikka, men andre lesten var ikkje heilt ferdig for eg fekk ikkje tak i rette garet. I går greidde eg å fullføre lesten når eg brukte små nøste med restegarn. Blei nesten heil fin.Eg har ikkje så mykje spennande å fortelje  for tida. Det ser dokker.Men det er no eit livsteikn.

lørdag, februar 05, 2022

Dagbok 2022: 5.februar


 Klokka er no16.35, temperaturen ute er + 2grader C. Det er overskya, men opplett no, først på dagen var det snøbyer, men eg fekk sjå sola ei lita stund også. I dag vakna eg som vanlig med ei veldig vond venstre-hofte og ein litt mindre vond venstrefot. Så då var det ikkje til å unngå å stå opp med feil fot i dag-.

Men så skjedde det som ofte skjer, hofta og ryggen kjem seg fort, når eg kjem i bevegelse. Etter frokost m.m. fann eg ut at eg sikkert kunne greie å moke tunet i dag. Eg måtte berre presse den låke foten ned i støvletten. Eg fekk moka sånn nokolunde bra, og Even kom og fresa brøytekanten -den var det verste.

Eg var veldig fornøgd med meg sjølv, og gjekk inn og leita etter strikkegarn for å få noko å styre med. Men ute kom der ei voldsom snøbyge som la meir ned enn det eg hadde moka. Men eg trong mosjon, så det var berre å gå ut og ta ein runde til. Det gjekk heilt bra og eg sette meg til med det nye strikketøyet mitt. 

Då ringde telefonen og det var ei frammand dame, trudde eg, men ho let til å kjenne meg og så forstod eg at det var Aud, tremenningen min. Eg har snakka med henne ein gong før, for ein del år sidan. Eg brukte å køyre henne i barnevogn då ho var lita og dei budde i Innvik. Aud er 10 år yngre enn eg, og ho budde med mamma då ho gjekk på haldelsskulen (trur eg det var)på Eid. Aud kunne oppdatere meg på OL, eg har ikkje hatt på verken radio eller TV i dag. Eg bryr meg ikkje om å sjå sport, men må no vere litt oppdatert når det er OL.

Det vart ein lang samtale. Så kom Marit ned ein tur, det var avtalt, og vi har no alltid noko å snakke om. Då ho gjekk opp att var det tid for meg å ete middag, og i dag vart det resten av suppa frå torsdag + dessert. 

Både Marit og eg hadde søndagskjensle i dag. Kvar laurdag, viss eg ikkje har vore på butikk, trur eg det er søndag. I dag hadde eg hatt god lyst til å gå tur, men eg kan ikkje gå så mykje på grunn av den hovne foten-alle sko blir for trange.



Dagbok 2022: 23.mai

                                        Utsikt mot fjorden ? Klokka er berre 16.10, men eg trur ikkje det skjer så mykje meir i dag. Eg har ...