Dagbok 2026:1.oktober

Klokka er no 17.39, temperaturen ute er+15 graderC og det regnar- På føremiddagen var det opplett, så eg fekk klippe ein del plen då, men så måtte eg innog ladde opp batteriet og då det var oppladda og eg skulle ut-då regna det, og eg trur ikkje det kjem til å slutte så snart.

I dag er det altså Eldredagen, og eg skulle  vel ha vore på møtet, eg brukar å vere på dei møta, men no har eg ikkje vore på pensjonistmøta heller, fordi dei sjelden har møta her i sentrum.. Og eg hadde for lite kontanter syntest eg og Vippsen min er ikkje i orden. Det går mykje i VIPPS på pensjonistmøta-

Ergo bestemte eg meg for å vere heime. Og på føremiddagen fekk eg altså klipt oppe ved postkassene og mykje av Skråninga. Men så vat batteriet tomt,så det var berre å gå inn og lage seg litt mat før eg sette meg til å strikke. Det er ikkje heilt trygt det heller for begge handledda mine reagerer på strikking. Begge har vore brotne, men det er no ei stund sidan. Det er vel meir alderen som gjer at ein er meir utolleg,

I morgon vil Solveig komme inn ein tur, då skal vi ringe og høyre om eg får time til nye høyreapparat-det er litt trasig å ikkje høyre kva folk seier. Eg  fekk mitt første høyreapparat mens eg enno var i jobb, og eg har fått fleire, men ingen av dei har fungert godt nok, så i seinare år har eg gått utan, for det meste.

Eg trur ikkje eg få klippe meiri kveld, men kanskje i morgon tidleg? Ser fram til at Solveig skal komme.Det er kjekt å ha ei dotter som er pensjonist.

Dagbok 2026: 30.September

                                                                          Siste klipp i år

Klokka er no18.30, temperaturen ute er no+14 graderC og vi har hatt ein fin sommardag

Klokka er no 18.30. Ute er det lettskya no, men vi har hatt fin sol før i dag.

Føremiddagen rota eg vekk på ein eller annan måte,  då det leid på dag var eg oppe hos Marit ei stund. Men så fekk eg sjå at naboen min dreiv og klipte plen,og då fekk eg blod på tann. Han klipte ikkje på samme måten son vanleg, men eg kan ikkje så mange måtar så eg måtte gjere det slik eg plar. Eg hadde  heldigvis fullt batteri, og det varte lenger enn eg hadde rekna med. Ergo klipte eg litt meir enn eg hadde tenkt. Men NO blir det i alle fall ikkje meir klipp i år , trur eg, (Eg har noko lite eg skulle ha klipt då...)

I morgon er det Eldredagen og den blir feira på kulturhuset her i Ørsta. Eg har no lyst å vere der, men eg har ingen å gå i lag med, så då må eg eventuelt gå åleine. Eg kjenner no mange av dei eg vil treffe, så det er ikkje farleg, men eg har ikkje bestemt meg enno.

Dagbok 2026: 29.september

Klokka er no17.45 , temperaturen ute er +11 grader, og i dag har vi hatt både sol og skyer, men ikkje regn.

I dag hadde eg litt å gjere på føremiddagen, og det var ikkje husarbeid akkurat. Eg skulle ringe ei veninne først og så skulle eg på "Treninga mi" og seie at det blir ikkje noko trening på meg med det første. Det gjekk heilt greit begge deler. På heimvegen var eg innom KIWI-butikken og handla litt mat, det er stadig noko som manglar i kjøleskapet, men no trur eg det held ei stund. Så vart det ein tur opp til Marit som er heime igjen etter ein liten tur.

Etter at eg hadde fått i meg litt mat  ville eg jobbe litt i hagen, men først ville eg få  gummiplanten min opp i ei større krukke som Solveig kom med , det gjekk lett fint og eg syntest den blei finare med ein gong. Så spørst det om planten trivst på den nye plassen han har fått. Han fekk i alle fall meir mold med den store potta. 

Sidan det var så fint ver ,syntest eg at eg måtte gjere litt i hagen, så eg rydda litt her og der før eg sette meg på ein stol under altanen----og så kom Erlend heim frå sin nye jobb og vi måtte no prate, ikkje kvar dag eg ser han, sjølv om vi bur i samme hus. Sånn kan ein heil dag gå for ein pensjonist.

Apropos pensjonist så er det Eldredagen 1.oktober, Då skal der vere "markering" i Samfunnshuset her i Ørsta klokka15.00. Dit skal eg ! Eg har vore altfor lite på møter etc. i seinare tid, men når møta er her i bygda møter eg opp.

Eg har henta inn avisa som kom i dag, men har ikkje lese den ferdig enno.

Anna post var der ikkje i dag heller. De veit kva eg ventar på?

Dagbok 2026:28.september

Klokka er no 17.50, temperaturen ute er +15 grader C. Det har ikkje vore så fint i dag, men når det går mot kveld kjem sola. Eg har heller ikkje vore i så god form i dag, men føler meg bra no. Eg likar å gå ut på altanen og sjå heilt ned på fjorden,det er lenger enn ein tenkjer seg.

I dag hadde eg ein plan og det var å ta fredagsvasken. Det er ei stund sidan sist, men no var her eit visst behov. Fredagsvasken er å vaske skikkeleg på badet og kjøkkenet, elles er her så mykje teppe at det går ikkje å vaske. Då blir det støvsuging litt no og då. Elles har eg ikkje gjort så mykje i dag, men no har eg kvikna til -trur eg.

Eg ser at graset har vakse mykje etter siste slåtten, men eg veit ikkje om vi skal klippe meir i år. Eg får sjå kva naboen gjer.
 

Dagbok 2026: 27.september

 Klokka er no17.45, temperature ute er +17 grader, det er overskya og litt vind. Eg har ikkje vore ute i dag , men eg var ut på altanen ein tur og då tykte eg at hausten var komenog det er vel ikkje så rart. Lauv og gras begynner å bki gule etter ein lang grøn sommar . Heldig vis er det ikkje kaldt.

I dag har eg vore heime åleine heile dagen, det er no litt kjedelig, men eg hadde diverse ting eg skulle gjere, så dei fekk eg gjort. Til dømes måtte eg rydde i kjøleskapet og då fnn eg litt av kvart så det vart ei suppe til middag i dag, Litt anna husarbeid blei det no og, men mest sit eg og strikkar og ser TV-.

Det er så kjekt å få strikke igjen etter eit langt opphald, eg må berre ikkje overdrive. Eg gjekk på Fonnvernet ein kveld, men eg trur ikkje eg kan gå der ofte. Det er mykje som følgjer med det å bli gammal. Alderen er ikkje berre eit tal. Men eg er no bra i stand med mine 86 år så eg skal ikkje klage.Eg går og lurer på om eg skal begynne på treninga igjen, men eg har ikkje bestemt meg enno.

                                                                       Hausten er på veg

Dagbok 2026:26.September

 

TV og srikketøy, ein kopp  kaffi og litt å bite i

Klokka er no 20.10. Temperaturen ute er+9 grader og det regnar litt. Det har ikkje endt så mykje i dag -og det kan vere det samme. Eg var litt spent på om bilen ville starte i dag, og det ville han, så det vart ein tur på butikken. Eg har begynt med å skrive ned med ein gong eg manglar noko, så veit eg kva eg skal kjøpe. Det har visst blitt litt for mykje av eitt og anna i det siste-

Då eg kom heim frå butikken sette eg meg føre å lese heile avisa-og det gjorde eg faktisk sjølv om det tojk si tid-men der var mykje godt stoff å lese i dag.. Kva eg har gjort elles er eg ikkje sikker på ,men då det leid mpt kveld begynte eg å strikke på eon lest, eg strikka ein i går kveld som måtte få ein til med seg. Eg ser no TV innimellom, og så har eg kaffi og litt av kvart attåt. Solveig kjem ofte med noko godt-ho er så flink å bake. 

Det er noko som er rart no når eg er blitt gammal -eg får ikkje til å bake slik som før-ja, det er no mange ting eg ikkje kan gjere lenger-men eg kan ikkje forstå at ein ikkje kan bake om ein er gammal-????????

Eg skal no ta eit bilde å henge på her, men eg må ladde opp telefonen først-

Dagbok 2026; 25.september

Klokka er no 18.41, temperaturen ute er+9 graderCog det regnar litt. Det har ikkje vore fristane å gå ut i dag, men det gjekk bra med turen eg tok i går, eg vart ikkje verre i foten av den.

I dag har eg vore heime åleine heile dagen, og Marit er ikkje heime så eg har ikkje vore over gata heller. Eg syntest det var litt trasig ei stund, men så kom det seg. Eg laga skikkeleg middag til berre meg sjølv, (dvs. eg varma ein porsjon med kjøttkaker frå Fjordland) -og begynte litt etter kvart å trivast med å vere her åleine. Eg har meir glede av datamaskina enn eg har av TV-en, så no har eg vore her inne og høyrt på musikk og strikka ferdig ein lest,-eg må vel lage ein til samme sorten-? Sist vår fekk eg betendelse i høgre handa og det var lenge før eg vart så bra at eg kunne strikke litt igjen, så no kosar eg meg med strikketøy-strikkar lester til alle i familien , så pass mange at dei skal vere hjelpte om eg sluttar av.

Elles så møtte eg no Ingeborg i går, ho er lærar i Oslo og har haustferie no, det kan no hende eg får sjå både henne og fleire i løpet av helga. Desse barnebarna mine er strødd utover heile landet -nesten. Ingen i Nord-Norge no etter at sonen til Rasmus vart ferdig med studiet i Tromsø. Men elles i Trondheim, Bergen og Oslo, men vi har no nokre her i Ørsta/Volda /Hareid  også.

No trur eg at eg nå ha ein kaffikopp før eg tek til på lest nummer 2. 

Sidag det er fredag kan eg no ønske alle ei god helg!

Dagbok 2026: 24,september

 Klokka er no18.06,  temperaturen ute er +10 graderC og sola skin, det trur eg ho har gjort i heile dag. Og for ein dag! Dei fleste dagar skjer det lite og ingenting, men i dag har det hendt mykje.. 

Avtalen var at Solveig skulle komme å hente meg og vere med meg når eg skulle sjekke synet mitt og ev. bestille nye briller, Og Solveig kom sjølvsagt slik ho hadde sagt. Ho har aldri hatt briller eller testa synet sitt, så ho fekk vere med å sjå korleis det gjekk til.Og til slutt bestilte eg nye briller. Trur vi var der i to timar?.Etter at vi var ferdige der gjekk vi ned på ALTI-og kven sat der ved eit bord og venta på oss? Jau, Margrete og Ingeborg, Eg vart veldig overraska , men eg trur Solveig hadde ei lita aning, ja.

Så køyrde Solveig opp til KIWI så eg fekk handle litt der, og etter å ha levert meg i Starevegen fekk ho lov å fare heim.

Eg sette i gang å henge opp att gardinene som eg vaska i går, og strauk i dag tidleg. Eg syntest vinduet var blitt veldig blankt og fint, og det var ikkje noko i vegen med gardinene... som vart vaska i maskin og tørka i trommel. 

Eg vart her brått åleine og tenkte at eg ville finne på noko. Etter ein liten tur i hagen bestemte eg meg for å prøve å gå tur på Vernet, eg har ikkje gått der sidan tidleg i sommar, for eg har vore dårleg både i armar og bein.Eg er betre no, men ikkje heilt bra, så eg ville prøve kva eg greidde. Eg greidde ALT, dvs eg gjekk heile runden, sat lenge på kvar benk og tok det med ro, så no lurer eg berre på korleis eg kjenner meg når eg står opp i morgon. Ein ting var bra i dag, eg kunne gå med staven i høgre handa,det kunne eg ikkje sist eg var der- for då var høgrehanda låk.den er heilt bra no.

Eg har mora meg med å sjå TV med solbriller på-og funne ut at det er veldig bra. Eg sa det til henne som sjekka augene mine i dag og ho kunne fortelle at det var fleire enn eg som hadde funne ut at det var bra med solbriller når ein ser tv- Berre prøv! Prøv å bruke solbriller på datamaskin også. Eg gjer det ofte.

 Klokka er no18.00, temperaturen ute er +9 grader C, og det regnar meir og mindre, På føremiddagen var det bra ver og eg tenkte å gjere litt opprydding ute, men slik vart det ikkje for det begynte å regne.

Eg tenkte å strikke litt og sette på TV, der var det gravferd for prinsesse Astrid, og det måtte eg no sjå, så strikking har det ikkje blitt noko av enno. For mens eg sat der såg eg at vinduet trong pussing , og gardinene skulle vore vaska. Dei andre gardinene vaska eg tidleg i vår men ikkje desse. No fekk desse ein tur i vaskemaskina. Då hadde eg litt å styre med ei stund. Ja, så måtte eg ta ut og rense innmaten i varmepumpa,  det var på høg tid for å ikkje overdrive. Akkurat i dag var det kjekt å få gjort dette, sidan det ikkje var så mykje anna å finne på. Eg brukar å seie at det er alltid noko å gjere for den som vil.

Eg trur ikkje at eg kjem til å henge opp att gardinene i kveld, det kan eg gjere i morgon. EG har ikkje kome i gang med nytt strikketøy, så det blir kanskje neste jobb. I morgon kjem Solveig og skal vere med meg å bestille briller.Eg må ta my synsprøve , for det er lenge sidan sist(og då kjøpte eg ikkje briller) Og så er det veldig bra å ha nokon som hjelper til med å finne den brilleinnfatningen som ein kler best. Eg må innreømme at eg har ei heil skuffe full av utransjerte briller. Men denne gongen skal eg ikkje kjøpe solbriller i tillegg, for solbrillene mine, dei eg har,er heilt perfekte. Eg ser fram til å få besøk, for det er litt kjedelig å vere åleine heile dagane. Og i morgon har vi ei oppgåve.

Dagbok 2026: 22. september

 

                             Utsikt frå trappa-mot vest

Klokka er no 18.15,temperaturen ute er + 13 graderC og det er overskya,men vi har no sett litt sol i dag også. Dagen min starta med at naboen fann ut at bilen min hadde tatt til seg straum og no var køyrbar. Så "diskuterte" eg litt med   Rasmus (på nettet) om kva som var grunnen til at bilen min så ofte stod utan straum, Vi kom fram til ei forklaring.

Sidan eg hadde køyrbar bil fekk eg gjort det eg skulle i dag, nemleg  å handle inn mat og plante på grava. Eg er litt hjelpelaus når eg ikkje har bil, men det hadde eg altså i dag. Eg fekk ikkje til å ta bilde av grava i dag, det var noko gale med telefonen-trur eg. No i kveld gjekk er ut på trappa og tok bilde i aust og vest. Ikkje så interessant akkurat.

Elles har eg ikkje gjort så mykje. I dag var det avis og no har eg endeleg begynt å lese den skikkeleg og det gjorde eg i dag også. Eg trur at avisene har blitt meir folkelege og interesante  enn før. Det er i alle fall slik med avisa vår "Møre-Nytt"

No har eg vore oppe hos Marit ei stund og vi har fått prata litt om korleis det er å vere gammal, ho er nesten eit år eldre enn eg. Det er ikkje kjekt å bli gammal, men det er betre enn å ikkje bli det.Det er vi samde om.

I dag kom han "heim" han som bur i kjellaren min- eg synest det er kjekt at han er her. Eg er ikkje redd for å vere her åleine  heime altså.

No skal eg lage meg litt god mat, vi kan kalle det middag. For morgondagen har eg ikkje program, men torsdag kjem Solveig og då skal eg ta synsprøver og så skal eg få nye briller.

                  Utsikt mot aust.  

Dagbok 2016: 21.september

Viss ein går ut i enden av altanen og ser langt bortover, kan ein få sjå litt av Ørstafjorden

Klokka er no17.50 , temperaturen ute er +10 graderC. No er det rimeleg fint ute og sola er framme, slik har det ikkje vore i heile dag, men veret her er alltid finast når kvelden kjem.

Denne dagen har alt gått meir og mindre på tverke for meg. Det begynte med at eg var veldig trøtt og hadde lite lyst å stå opp. Men det gjorde eg no-til slutt- 

Eg kunne tenkje meg ein tur på butikken, men så var det flatt batteri igjen , og eg kan ingen ting med slikt, så det var naboen som sette det på ladding , som så mange gonger før. Eg veit ikkje om bilen er køyrbar no, men det er ikkje så nøye, eg kan fare på butikken i morgon..

Så la eg opp eit nytt strikketøy, men eg hadde ikkje strikka mykje før eg måtte ta opp att alt-minst to gonger. No veit eg ikkje om eg prøver fleire gongar? -- Jau, det gjer er nok!

Det var liksom alt gjekk på skeive-men ikkje alt, nei. Eg har no vore så låk i føtene lenge,spesielt etter at eg datt med klipparen og fekk hjernerystelse. Eg var redd eg skulle bli ute av stand til å gå, men i dag gjekk eg nesten heilt fint på vegen. Så det var no ei ,lette. Det er no helst om morgonen at føtene ikkje er heilt gode- Men eg er gammal, sjølv om eg ikkje forstår det så godt sjølv-enno.

Denne veka kjem Solveig innover på torsdag, då skal eg til kontroll og få nye briller, såpass er ser litt betre. Det er kjekt å ha med nokon når ein skal ta ut innfatning.

Det er ikkje så mykje å gjere ute i hagen no, så eg får finne på noko inne i staden. Her er nok å ta av.

Dagbok 2026; 20.september

Eg stod på altanen og såg ned på svartsurbær buska mi, der er ikkje mykje bær att, og eg har ete ganske mykje av bæra i år. No er det ikkje ver til å vere ute i, så om der er bær så blir det fuglane som får dei.

Klokka er no18.30 og temperaturen ute er + 10 grader og det regnar. Det er ikkje slik eg likar å ha det, men eg kan ikkje gjere noko med det. 

I heie dag har eg sete og strikka på tjukke kvite lesta, som ei i familien skal få. Solveig kjøper garn og eg strikkar. No er eg ferdig med den jobben så då må eg finne på noko anna snart. Det blir helst til at jentene strikkar genserar etc, mens eg strikkar lestar.

Det er ikkje så mykje som skjer nå ein sit inne åleine heile dagen, men eg har no både laga meg middag og dessert etc. Og så ser eg TV- og i morgon må eg kanskje komme meg ut?
 

Dagbok 2026: laurdag19.september

                                              

I dag var det Amanda som fekk vere med i avisa

No når eg ikkje går på skule eller noko anna, har eg litt problem med å vite kva for vekedag og dato det er-heile tida ,Eg trudde eg hadde funne på noko lurt då eg i går kveld laga ein lapp det stod "Idag er det laurdag19.september", så skulle eg vere orientert. Det virka bra ei stund, men så var eg komen til søndag....Då hadde eg faktisk jobba litt her heime (sjølv om det var " søndag)".,  Men så var eg opp til Marit ein tur, og der var det laurdag. Det er ikkje så lett dette med dagar når ein ikkje har noko å henge dei på., I dag vart eg elles såpass våken at eg fekk hente inn laurdagsavisa. Det skjer ikke ofte.

Eg stod opp grytidleg i dag, som vanleg, men gjekk og la meg igjen og sov til klokka var halv 10-slikt har ikkje hendt før.

Eg går no her heime og puslar, eg hadde tenkt meg på butikk i dag, men fann ut at det var ikkje behov, eg kunne ha fare på grava med den fine lyngen, men det er ikkje så kjekt å halde på med planting etc. når det regnar såpass som i dag. 

Så etter at eg hadde vore hos Marit ei stund , gjekk eg heim og laga meg middag, og etterpå gjorde eg ferdig  lesten eg heldt på med. No har eg berre ein lest att å strikke av det kvite garnet eg fekk av Solveig, så har eg strikka tre par av det. Det er kanskje rart å strikke varme ull -lestar i kvitt, men det har ei årsak.NO må eg visst sette på TV-en og høyre om det er noko nytt i verda.

Dagbok 2026; 18.september

Eg var ut på trappa og tok dette bildet. "Regnfulle dager fremover" stod der på PC-en min. Og eg tviler ikkje . Vi må ta det vi får, men eg kunne tenkje meg litt meir sol og varme, eg synest ikkje sommaren var så varm at det gjorde noko. Eg har likevel vore nokså mykje ute -men ikkje i seinare tid.

PÅ vermeldinga på skermen står det 9 grader Regn. Vi får ta det vi får.

I dag har eg ikkje funne på så mykje lurt, eg har for det meste sete og strikka, men hatt TV-en på. Eg har strikka og rekt opp att fleire gonger før eg hugsa kolleis eg skulle gjere det. No er det slik at døtrene mine har tatt over strikking av genserar og kofter etc. Men eg held fram med strikking av lestar til heile storfamilien, med tanke på at dei ikkje skal fryse på føtene , og det må vere eit lager for det er ikje sikkert kva tid eg sluttar å strikke.-

Tidlegare i dag fekk eg ikkje liv  PC-en min, men heldigvis var den i orden no.. Denne dagen har gått veldig fort, så fort at eg ikkje har fått tid til anna enn strikking, Det var no fint først på dagen, så eg var no ute og fekk ete litt svartsurbær.Eg trur eg må plante fleire busker så eg  får meir bær- det skal no vere så sunt.

I morgon er det ei veke sidan eg var på tur med Margrete, men vi kan no ikkje ha tur kvar helg. Eg køyrer ikkje på tur åleine så eg er avhengig av andre.Og eg synest eg får mykje hjelp og besøk-det set eg pris på -men eg trivst også med å vere åleine.

 

Dagbok 2026: 17.september 2026

Denne blomsten har eg kjøpt sjølv for å ha i den fine skåla som eg fekk på bursdagen min- 

Det blir nok enda finare når blomstrane sprett meir ut

Klokka er no 19.12, temperaturen ute er +10 grader C, og det er overskya , men stiort sett opplett.

I dag var avtalen at Solveig skulle komme på besøk til meg. Det er ymse ting ho må hjelpe meg med no når eg er blitt så gammal. Mellom anna skulle ho hjelpe meg å ta ut nye briller, Men så var det så lang tid sidan eg testa synet at det må testast på nytt, det skal skje neste torsdag. Eg var budd på at det vart slik.

Men vi kunne no gå på "Fru Svendsen " og kjøpe pærekake og kaffi, og etterpå var vi på Aahndal og såg på klede utan å kjøpe noko, men det kan hende eg stikk innom ein annan dag-når eg har fått tenkt meg om. Der var "billegsal" på mykje fine klede. 

Vi var også på KIWI og handla mat til meg, så er det gjort.

Solveig kom ikkje tomhendt på besøk, det gjer ho aldri ,og i dag hadde ho strikka ei god varm kofte til meg. Den blir sikkert populær når hausten kjem for fullt.

Etter at ho reiste ut att har eg sete framfor TV-en nesten heile tida-og strikka. Eg har gått over til å strikke berre lestar til heile slekta , og det er eg veldig fornøgd med.

             Denne lyngplanten kjøpte vi også. den skal vi ha på grava til NIls.

 

Dagbok 2026:16.september

Klokka er no18.00, bildet er tatt for ei lita stund sidan.Då braut sola seg i gjennom skodde og skyer  som vi har hatt rikeleg av i dag. Eg har ikkje vore ute for ei dør. Det eg har gjort i dag det er å ta det eg kallar "fredagsvask" , og etterpå har eg strikka litt. Då måtte eg sette meg inn på datarommet for det var ikkje varmt nok i stova. Varmepumpa står på sjølvsagt, men eg kan ikkje fyre i omnen for der er noko gale med "døra".Det går sikkert and å fikse det, men eg er ikkje så flink til slikt.

Elles er det ikkje så mykje som har hendt i dag i alle fall ikkje her hos meg. Eg er enno ikkje ferdig med å lese avisene. I dag les eg laurdagsavisa. Og der fann eg noko rart; eit bilde av meg og nokre av elevane mine, bildet må vere frå 1980  eller før, for eg meiner Gamleskulen brann i 1980. 17-18 mai Eg stod der og såg det.

Eg har ikkje hatt på TV-en i dag så no lurer eg litt på kva som har hendt i verda-eg får vel vite det snart-

Dagbok 2026:15, september

Klokka er no17.40, Ute er det litt regn og +13 graderC- så eg held meg inne.

Eg har ein liten arbeidsplass her på kjøkkenbordet. Og her har eg alt muleg som eg kan få bruk for, til dømes pennar,blyantar.viskeler, tannpirker, metermål, osb-

I dag har eg sete der lenge, Vi får avisa vår, MØRENYTT i postkassa to gongar i veka, men det er ikkje alltid eg hugsar å hente den der, så i dag fann eg 2 store innhaldsrike aviser. Eg har gått gjennom tysdags-avisa, og så vidt begynt på dagens. Der er mange og lange innlegg, så det er ikkje så fort å komme igjennom.

Men der er mykje som er interessant, og fordi Margrete er med i kommunestyret i Volda får vi relativt ofte eit sitat frå henne.Det fekk vi i dag.

På føremiddagen sat eg ei stund og strikka før eg var ein tur opp til Marit og prata litt med henne.

Elles har det hendt lite og ingenting i dag-men i avisene skjer det mykje. det er ikkje like fredeleg alle stader som her i Starevegen. Eg har gjort meg ferdig med tysdagsavisa ,men har laurdagsavisa igjen og så har eg strikketøy og TV så eg kjeder meg ikkje. Og kanskje får eg besøk av Solveig i morgon-
 

Dagbok 2026: 14.september

 Klokka er no 19.27, temperaturen ute er+10 grader, det er nokså overskya, men opplett.

I dag har eg gått her og tutla åleine og ikkje gjort så mykje til gagns. Eg stod opp tidleg og åt frokost, men la meg nedpå litt igjen. Ja eg går no her mest åleine så eg får litt rare vanar innimellom.

Men det var ein ting eg hadde lyst å gjere i dag, det var å ta bilen min og køyre til butikken. Eg er litt slumsete med å passe på batteriet så det blir tomt både titt og ofte.Så då eg ville ut å køyre for eit par dagar sidan, fekk eg ikkje start på bilen, Så eg måtte snakke med naboen, og han fiksa det som vanleg.(Han må no vere ganske lei av at eg må ha hjelp)Men i dag var bilen i storform så eg kom meg på butikken. Eg kunne ikkje kjøpe så mykje i dag , for eg hadde ikkje så mykje kontantar, men i morgon får eg sikkert det nye bank-kortet mitt i posten.

Elles sit eg og strikkar store ,kvite lestar. Det var strikkestopp i mange månader så det var rart å begynne på igjen, men det går relativt bra. Eg strikkar til Solveig og ho gir lestene vidare, det er slik vi har det i familien. Men eg  surrar litt med oppskrifta så det blir litt å ta oppatt.

I dag kunne eg ha tenkt meg å gå ein tur på Vernet, prøvd i alle fall, for eg veit ikkje kva føtene mine er gode for no. I heile sommar har eg no halde meg heime i hagen og det er ikkje så utfordrande- Men eg gir ikkje heilt opp å gå tur, eg skal i alle fall prøve. Kanskje i morgon?

Dagbok 2026:13.September

Klokka er no ca19.30, temperaturen ute er +9 grader C , det er skya og grått +regn. Ikkje farleg å bli sittande inne ein heil dag då. For  eg har knapt vore ut for døra i dag, men eg var så vidt ned i hagen og fekk i meg litt svartsurbær.  Elles har eg styrt med litt av kvart inne og til sist blei det å legge opp eit nytt "spøt". For det meste står TV.en på, så eg er ikkje heilt åleine. Eg ser no på nettet at Solveig og Øystein er på veg heim.Og no er det nitrist ver ute. Eg kunne ha gått ein tur på Vernet i dag ,trur eg, men då det leid på vart det så dårleg ver. Eg har ikkje så mykje å skrive om når eg har vore her åleine og sete berre å strikka, men de får no vite at det står vbra til i alle fall. No skal eg strikke meir på dei gode varme lestene eg har begynt på. Det er 3.paret no.
 

Solveig og Øystein er i Bergen og besøker Olaug og familien der, Her er Solveig og Tobias. Tobias blir 2 år 1.november

Dagbok 2026:12. September

Klokka er no 19.30, temperaturen ute er +10 graderC , det er overskya og litt regn. Eg har ikkje vore ute i dag, men sete inne og strikka mellom anna, hadde nokre aviser å gå gjennom også. Men så begynte eg å tenkje på mat, så eg tenkte å ta ein tur på butikken -mest for moro skuld. 

Men.......så starta ikkje bilen. Eg trudde alt skulle vere i orden no, men eg kjenner meg sjølv, eg er ikkje flink å passe på alt , så det skjer rett som det eg at bilen streikar. Eg gjorde som eg plar, gjekk til naboen og klaga mi nød og han sette batteriet på oppladding, så no håper eg at det var berre det som feilte. Eg gløymer så ofte det eg skal gjere., så eg får problem stadig vekk.Men så har eg no nokså mykje å passe på også-sidan eg er her åleine. No håper eg at det berre var batteriet denne gongen også.

Eg laga meg middag i dag og så har eg strikka fredig eit lestepar, handa er heldigvis bra no så eg kan strikke. Eg har vore heime åleine i dag, men det gjer ingen ting, for eg hadde ein kjekk dag med Margrete i går. Eg har tenkt på det i dag at Stryn er noko for seg sjølv , så mange klesbutikkar har vi ikkje her Ørsta  og ikkje så mange bilar heller. Men du vide verda kor mange tunellar vi må gjennom før vi kjem fram. Eg har no reist den vegen mange gongar, men kvar gong blir eg forundra  over alle tunellane.Men Margrete er ein stødig sjåfør så eg føler meg trygg når eg sit på med henne.

No er klokka 8 på kvelden og eg har gløymt å sjå nyheiter, får vel meir i løpet av kvelden. Før i tida brukte det å vere laurdagsprogram frå studio i Oslo, no er der ikkje så mykje kjekt på TV lenger. Synest eg. Litt seint å seie GOD HELG , men betre seint enn aldri.

Dagbok 2026: fredag 11. september

 Klokka er no17.22, temperaturen ute er+13graderC   og det er regn og skodde Men eg har likevel hatt ein strålane dag. Takka vere Margrete fekk eg meg ein skikkeleg lang og god biltur. Vi hadde ikkje bestemt noko på førehand, men som oftast plar vi ende i Honndalen og i Stryn. Og slik vart det i dag også. Men eg synest at tunellane på turen vert lengre for kvar gong, På heimvegen tok vi turen over Krøvelseidet. Trur ikkje eg har vore der etter at eg var med 6.klassingane på overnattingstur og då nærmar det seg 10 år -eller meir. Kjekt å sjå seg om i verda!.

Vi handla som vanleg litt klede på Grodås. og så var vi på kafe Stryn, der vi fekk både rikeleg og god mat. Vi har ein tendens å gjere det samme om att når vi er ute og reiser. Eg synest Margrete er sill som fer og køyrer på den gamle mora si.Og eg set veldig pris på turane.

Margrete er ikkje med på bildet, men ho åt like mykje.

Klokka er no 18. 35. Temperaturen ute er +13 graderC og i dag har vi hatt fint ver med sol og litt varme.

Eg hadde ingen planar for dagen, men eg kjem no alltid på noko å gjere. For det må eg ha.

Den første oppgåva i dag var å finne att voksduken min. I fjor hadde eg ei veldig ryddeperiode, og eg fann mykje som eg hadde gløymt. Kven skulle tru at eg hadde nokså mange voksdukar, eg hadde no hatt den same på kjøkkenbordet i årevis. No tenkte eg det kunne vere kjekt å prøve litt gammalt /nytt. Og slik blei det, eg har variert litt med dukar siste året. Men så begynte eg å tenkje på den gamle, den var no veldig fin, kjøpt i Kongsberg ein gong i tida. Og eg har leita og leita etter den-og nesten gitt opp. I dag ville eg prøve ein siste gong-og fann den med ein gong. Så no er alt i orden igjen.

Så gjekk eg ut for å finne meir jobb; det vart enkelt,for eg såg no med ein gong noko som var gale; singelen på tunet har nemleg ein tendens til å  fare ned kjellarbakken og legge seg til der. Eg fylte mange bøtter med singel og bar oppatt på tunet. Det var tungt for ei gammal kjerring, men litt fekk eg no gjort. Elles gjer eg ikkje mykje i hagen  no, men litt blir det. Det er snart slutt på svartsurbæra, men eg har fått hatt dei mykje godt i fred for fuglane, merkeleg nok. 

I dag fekk eg melding frå banken om at det nye bankkortet mitt er på veg.

Det var snakk om at eg skulle få vere med Margrete på tur i morgon, ho har fridag denne fredagen. Trur eg.Vi får sjå kva det blir tll.
 

Dagbok 9.september 2026

 Klokka er no17.40, temperaturen ute er  +13 grader, det er skya, med litt sol innimellom

I dag har eg ikkje gjort mykje, for heile føremiddagen sat eg og såg TV-om gravferda til kongen. Det var no heilt fantastisk altså, men det tok tid. Eg hadde rusta meg ut med garn og pinnar for å ha noko å gjere mens eg såg. Eg begynte på ein kvit lest, og fekk strikka ganske mykje. "Problemet" er at eg strikka fastare og finare i dag enn eg gjorde i går kveld, så no kan det hende eg må rekke opp det eg strikka då.  Det blir vel ei råd.. Etter at det vart slutt på TV-en laga eg meg ein enkel middag før eg var ein liten tur opp til Marit. Det er ikkje noko er treng å gjere i dag, men det kan no hende det blir litt meir strikking. Forresten har eg no diverse lesestoff. Vi får aviser tysdag og laurdag , men eg hugsar ikkje alltid å ta inn post, så i dag var der to aviser+ pensjonistbladet, så no har eg mykje å gå igjennom. Det er ikkje alt som er like interessant.

Eg var ute i hagen og åt to-tre nevar med svartsurbær, dei bæra eg gode og søte i år, men det er ikkje så mykje att. Det er vel eg sjølv som har ete mest.

I morgon er det torsdag, då har eg ingen planar, men fredag skal eg på tur med Margrete, det ser eg fram til.Eg har no bil sjølv, men eg køyrer ikkje så langt åleine. Det er kjekt å fare på tur med Margrete. Det er ikkje bestemt kvar vi skal denne gongen. Solveig og Øystein skal til Bergen og besøke Olaug med familie.Dei er pensjonistar no og kan fare når dei vil-

Dagbok 2026: 8.september

Klokka er no 18.08 , temperaturen ute er +10 grader C og det regnar no. Før i dag var det litt betre ver.

Eg fekk diverse bekymringar , sidan eg måtte på reperasjon med bilen etc. Eg fann ikkje att lommebok og anna, Men det var ei som visste råd, og det var Solveig. Ho kom på føremiddagen og fekk orden på sakene. Lommeboka er ikkje funnen, heller ikkje betalingskort, men ho ordna det slik at eg får nytt. Ja,eg treng ikkje å gå i detaljar, men no meiner eg at alt er i orden. Eg får vel krav frå verkstaden, men det ordnar eg sjølv. Det vart mykje styr for ein liten skade- men eg har gode hjelparar. 

Vi var på butikken og handla også mens Solveig var her, Ho og Øystein reiser til Bergen på fredag, men då har eg Margrete her  til å passe på meg. Eg er så heldig som har tre kjekke born som hjelper meg no når eg er blitt så gammal-rollane har blitt oppbytta sidan dei var små.

I morgon blir det vel å sitte framfor TV-en heile dagen og sjå på gravferda til kongen. Godt at eg har garn så eg kan strikke langsmed. Eg felte nettopp av ein litt tjukk ull-lest, men det må bli fleire slike.

No trur eg at eg skal steike resten av fisken eg fekk av naboen i går. Då Nils levde og var frisk ,fiska han heile tida, og vi hadde fisk og fiskemat til middag nesten kvar dag, men etter at han slutta å fiske vart det sjelden fisk å få. Eg har sagt det mange gonger at det eg saknar i Ørsta er ein skikkeleg god fiskebutikk. Ja, her var no det før. Den tida eg budde heime på Eid hadde vi minst to gode fiskebutikkar og vi åt mykje fisk. Men i dag skal eg nyte fisken eg fekk i går. Gode naboar er gode å ha!

Dagbok 2026:7.september

              Den lengste klematisen såg eg ikkje før i dag, blomstrane var i toppen.

Eg rotar og stressar for tida, eg gløymer og eg leitar, Det må vere alderen som kjem for fullt, eg har no aldri vore flink å hugse, men no er det verre enn før..

Fredag punkterte eg eit dekk på bilen, og i dag var eg på verkstad og fekk nytt hjul eller to.Det gjekk heilt greit og eg kom meg heil heim. Men eitt problem hadde eg, eg finn ikkje att lommeboka mi, eg hadde den då eg var på ALTI sist fredag, men sidan har eg ikkje sett den. Det kan no vere at eg har lagt den på ein lur plass, men det trur eg ikkje. Eg må no stoppe kortet mitt i alle fall. Eg hadde den då eg var innom apoteket sist fredag og sidan har eg ikkkje sett den.Eg var innom apoteket i dag og spurde etter den- men nei.

Eg likar ikkje å tenkje på pengar og slikt, eg vil sitte i fred og ro og strikke, og no kan eg det- Solveig er finansministeren min og no er ho heime att frå Italia så ho kjem vel snart ein tur. Ho slepp no å  klippe plen for det har eg gjort.

Eg har nokre fantastiske naboar, ein av dei fiskar. Og i dag kom han med 2 nyfiska sei-filetar klare til å steike. Eg kunne ikkje vente, eg måtte smake på seien. Eg har knapt nok ete seifilet etter at Nils slutta å fiske og det er der over 8 år sidan. Eg steikte heile eine fileten og åt opp alt, så no er eg meir enn passeleg mett.

Dagbok 2026: 6.september

Klokka er no17.09, temperaturen ute er +16 grader C. Det har regna litt i dag, men no når det går mot kveld er sola framme no og då. 

Eg har vore heime åleine i heile dag, men det har eg ingen ting imot- eg har strikketøy, eg har TV og eg har datamaskin og eg har mat. Så då har eg stort sett det eg treng.

Eg var ein tur ute i hagen og åt svartsurbær, og då såg eg at klematisen blomstra , det gjer den no kvart år, men i år såg det ut som om han stod over-det har dei andre klematisane gjort-så langt.

I dag skulle Solveig og Øystein komme heim frå Italia, men eg veit ikkje om dei har landa enno. Dei får no kjøle seg av igjen no.

I dag trudde eg at eg kanskje kunne gå på Vernet ein tur, kanskje foten min var bra nok, men det vart utsett på ubestemt tid-men eg håper at eg kan gå dit om ikkje altfor lenge.

Det er ikkje så mykje å skrive om når det ikkje sker så mykje, men det er no eit lite livsteikn-så alle får vite at eg har det bra -enn så lenge.

 

Dagbok 2026: 5.september

                            Siste slåtten i år, om ikkje Solveig får lyst å klippe meir.

Klokka er no16.30, temperaturen ute er +18 graderC, det er opplett , men skyer på himmelen , så vi har ikkje mykje sol .

PÅ føremiddagen sat eg inne og strikka på ein lest som eg skulle få til ¨å likne på ein annan lest, slik at dei kunne vere par. Det gjekk ikkje så raskt, men det vart no i orden til slutt. 

I dag kokte eg med risengrynsgraut til middag, eg har ein tendens til å kjøpe melk for å  ha den i hus, men som regel blir det til at eg må prøve å få brukt den til noko. Og i dag var det graut. Ja,ja -eg vil ikkje kaste mat.

 Etter ein pause var eg ute og klipte gras igjen. Det kjem ikkje godt fram på bildet for eg klipte mellom anna på begge sidene av huset.

Eg har ikkje mykje å skrive om når eg går her åleine i huset mitt. Eg kunne no tatt meg ein handlerunde viss eg ville, men det var ikkje så mykje eg hadde bruk for i dag. Eg reknar med at eg blir her åleine i helga.

Eg har blitt mykje betre i føtene mine så eg lurer på om eg kan gå på Vernet igjen.

Solveig og Øystein er framleis i Roma, men dei kjem vel snart heim. Dei andre i familien jobbar sjølvsagt. No skal eg lage meg ein skikkeleg god kaffi -kopp med noko attåt, og så har eg TV og strikketøy. Og sola skin ute, så ein kan ikkje klage. Eg har funne meg mykje gode bær i hagen i dag også .Og frå det digre epletreet drysser det mengdevis me små eple, som ingen vil ha.

Dagbok 2026: 4.september

                                                          Kanskje siste klipp i år

Klokka er no18.30, og eg kom nettopp inn etter å ha klipt plenar. Vart ikkje heilt ferdig i dag så eg får ta resten i morgon. Eg reknar med at veret held seg. 

 I dag var eg ein tur på ALTI på føremiddagen, og då eg kom heim vart eg sittande litt for lenge med strikketøyet mitt før eg kom meg ut å klippe plen.  Eg er litt sint på meg sjølv fordi eg rekker opp og strikkar og rekker opp igjen i det uendelege. Men det er dette med å få to(lestar) heilt like, det er ikkje så lett alltid med mangefarga garn.Og eg er vel litt for nøye på det.

Før i dag har det ikkje vore så stålande ver, men som vanleg kjem sola for fullt  om kvelden- Eg hadde tenkt å klippe berre oppe ved postkassane, men så hadde eg så mykje tid att eg eg fekk ta nesten heile plenen nedafor huset, og no har eg sett batteriet på ladding, så det er fullada i morgon, for det er no kvardag då også.

No skal eg snart finne meg litt godt å ete på fredagskvelden. Eg har ikkje fått til å sette inn bilda enno, men det blir vel ei råd.Det er noko tull med data maskina i kveld.

Dagbok 2026:3.september

 Kjempesøte svartsurbær

Klokka er no17.15, temperaturen ute er+16 graderC, og sola skin. Ho kjem ikkje her før det lid nokså langt på dag, men kveldsol har vi nesten kvar dag.

I dag hadde eg bestemt meg for å ta det eg kallar "fredagsvask"-og då gjorde eg det. Eg likar i grunnen å vaske og styre på, men dessverre har eg ein rygg som ikkje likar det, så eg må ta mange pausar-men eg kjem i mål. Så har eg strikka litt på ein lest igjen, kjekt å få gjere det etter mange månader med vond hand, men eg må passe på at eg ikkje driv det for langt.

No på ettermiddagen tok ein tur opp til Marit, plukka med meg litt svartsurbær frå buska mi, dei er ikkje så gode dei bæra , men dei skal vere veldig sunne,så derfor et vi dei,

Elles så skjer det ikkje så mykje akkurat no; Solveig og Øystein er i Roma og dei andre i familien er vel komne i arbeid for lengst. Eg har vore nokså stillesittande i lang tid fordi eg har ein fot som ikkje er bra, men eg håper framleis på at eg skal kunne gå på Vernet igjen, treffe folk eg kjenner, eller ikkje kjenner, og slå av ein prat.

Men det gledelege er at eg no har bil igjen og kan komme meg til butikkane om ikkje anna. Eg dreg ikkje på biltur åleine altså, men eg har eit ærend til Vik i morgon.

Denne sommaren har eg hatt ute vatneslangen ein gong, elles har regnet frå himmelen halde blomster og tre med det dei treng av drikke.

Eg lurte på om eg skulle klippe den vesle bota ved postkassene i kveld-men eg trur eg ventar til i morgon.

Dagbok 2026 Onsdag 2.september

 Klokka er no5på 8, temperaturen ute er +10 graderC ,og det regnar, det har det gjort i heile dag, trur eg,

I dag hadde eg ærend ned i sentrum, så då vart det ein liten biltur, på heimvegen handla eg mat på KIWI.

I går sat eg og strikka heile dagen mens eg såg TV. Då kvelden kom var eg ikkje nøgd med alr eg hadde strikka, så eg sat og rekte opp mesteparten. Men ein lest var bra, så i dag driv eg og strikkar ein som skal vere attåt den. Det som gjer at eg strevar litt er at eg strikkar med tynt garn og tynne pinnar. Men no e eg godt i gang med nye lestar, og eg treng ikkje strikke dei ferdig så fort som eg gjorde i går-då blir det berre å ta opp att.

Elles i dag har eg vaska ei maskin med klede, det blir ein del klesvask om ein er åleine. Ein ting er eg glad for og det er at eg greier å gå på føtene mine, så eg er ikkje heilt hjelpelaus, eg var ei stund redd for at eg ikkje skulle klare å gå..

PÅ heimvegen i dag svippa eg bort og såg til grava til Nils.Blomsten som Solveig hadde planta stod fin, men der er mykje gras rundt omkring, så eg må ha meg ein tur bort å ordne opp, der er mykje mose , så steinen blir liggande litt for djupt. Men det er ikkje noko å bry seg med-det er likt for alle.

Solveig ser bloggen min nede i Roma i sol og varme. Vel unnt!

Klokka er no18.36, temperaturen ute er +14 graderC, og no ser det ut til at det vil skine opp mot kveld, slik har det vore nesten heile sommaren-sola har venta i lengste laget på å syne seg. Ja, det er ikkje bere sola som gøymer seg bort, eg har til dømes ikkje vore ute av huset i dag, så folk kan no tru at eg ikkje er i form, men eg har ein annan grunn: Strikketøy! Eg var så glad då eg vart så bra at eg kunne strikke igjen etter å ha vore låk i høgre handa lenge, så no sette eg i gang med lestestrikk igjen. I går kveld strikka eg ein heil lest mens eg såg kongen på TV

Så skulle eg strikke ein lest til så det vart par. Eg begynte i dag morgon, men det vart berre opp i tull Eg strikka og rakte opp att gong etter gong-og slik gjekk dagen, eg har knapt nok hatt tid å ete. Eg er komen slik de ser på bildet, og eg skal prøve å ikkje rekke opp meir i dag men gjere lestane ferdige. Men så lenge eg rekker opp igjen like mykje som eg strikkar går det ikkje framover. 

I morgon må eg no komme meg ut igjen om eg ikkje  er ferdig å strikke. Det er heilt gale å stikke heile tida, eg kjenner det over nesten heil kroppen. NOk om det. Solveig og Øystein er i Roma og har det varmt og godt, og det unner eg dei vel. Eg er for gammal til sydenreiser så eg misunner dei ikkje- No får eg prøve å bli fredig med strikkinga mi, det er litt travelt å følgje med kongen og kongehuset når ein skal passe strikketøyet også.

I morgon må eg ha meg ein tur til Vik, eg skal på apoteket og så må eg vel  innom KI WI