Men det skya over igjen og no regnar det. Klokka er 17.35 og temperaturen ute er + 3 grader.
Det hadde heldigvis ikkje kome snø sist natt, så eg slapp å moke før vi for på trening. Etter treninga var vi ein tur på ALTI. Marit skulle ha medisin på apoteket, og eg kjøpte ein orkidé på Europris. Eg trudde den var kvit, men i betre lys såg eg at den var gul, og det var i grunnen finare. Handla litt mat på Spar.
Vi kom heim att i 12 tida og i dag fekk eg gjort unna mange småjobbar i huset. Tok opp tørre klede frå kjellaren, planta avleggarar, kokte blomkålsuppe og mykje meir. Der var så fine blomkål på Spar i dag at eg kjøpte meg eitt og laga suppe til middagsmat. Etterpå sette eg meg inn og sløva ei stund, før eg tok fram strikketøyet. Innimellon øver eg på spansken, det er i morgon eg skal fortelje om "Mi familia" på spansk. Og det er kjempevanskeleg å hugse alle orda. Men dei andre i gruppa er ikkje mykje flinkare.
No er det bekmørkt ute igjen-men i dag har vi no sett lyset.
Ingen kommentarer:
Legg inn en kommentar