Dagbok 2016: 31.august

Klokka er 20.00. Temperaturen er + 15 grader C og det har ikkje regna så veldig mykje i dag, ikkje slik som i går.
Dagen har vore prega av pensjonistmøtet som var no i ettermiddag/kveld. Men vi var nedover og dekka på og ordna til i 11.30 tida. Nils køyrde meg og venta på meg, mens eg jobba. Det var kjekt for dei andre i styret å sjå han att og vice versa. Han har vore betre i dag, det går opp og ned, men han var sliten då vi kom heim att. Han blei ikkje med på møtet, men eg fekk sitte på med Marit.
Det har kome nye møblar i flatsalen, og det var kjekt. Det blei ein liten diskusjon om kva farge stolane var-alle med unntak av meg, meinte dei var svarte; eg insisterte på at dei var brune eller mørk lilla. Vaktmeisteren kom og bekrefta at dei var mørk lilla, med ei lysegrøn pute å sitte på. Borda var kvite, og appetittlege samanlikna med dei vi hadde før.
Vi var heimover og slappa av litt og åt litt før eg reiste ned att i god tid før møtet. Fekk tid å stikke innom biblio før møtet.
Det var stort frammøte, mange fleire enn forventa, nye medlemmer har vi også fått. Mykje av framgangen vil eg skulde på leiaren som har gjort ein formidabel jobb. No skal eg skrive referat i morgon, så eg kan ikkje røpe alt her. Men vi lodda ut lyngplantane som stod på borda til pynt, og eg vann den eine. Ingen, så vidt eg kan bedømme, var sure for at vi hadde lagt på inngangsbilletten frå 50-til 100 kr. Grunnen til det er at Sparebank 1 ikkje lenger sponsar oss. Men for 100 kr får ein altså pizza, kake, kaffi og god underhaldning.
Nils ser fotball no, men vi kom brått på at vi har gløymt å sjå opptaket av "Skal vi danse"-så vi har å gjere på utover kvelden.
I dag er det siste dagen i august, pappa og besta sin fødselsdag. Besta var fødd i 1879, pappa i 1899. Eg synest det er litt rat at far min var fødd på 1800-talet. Det verkar veldig lenge sidan.
I min barndom begynte skulane 1.september, så 31.august var siste feriedagen.
No har eg ein klesvask som eg skal legge i hop før eg tek kveld.

Bok nr.58 - 2016: Storesøster

«Storesøster» er en Staalesen-krim som fører oss tett på Varg Veum selv.

Den knapt tjue år gamle Emma dro til Bergen for å utdanne seg til sykepleier, men etter noen måneder tok hun farvel med dem hun delte leilighet med, uteble fra studiene og sluttet å svare på telefon eller sms-er. Politiet anser det ikke som en forsvinningssak verd å etterforske. Emmas gudmor, Norma, er bekymret, og reiser fra Haugesund for å be VargVeum om hjelp. Hun har også en annen grunn for å oppsøke ham: Norma Johanne Bakkevik er Veums eldre halvsøster. Hun ble bortadoptert som spedbarn, og de to har aldri møtthverandre før.

For Varg Veum blir jakten på å finne ut hva som har skjedd med Emma også en reise tilbake i tid. Etterforskningen avdekker halvt fortrengte ugjerninger og oppmagasinert hat, og førerVeum på sporet av et fellesskap som utfolder sin livsfarlige virksomhet i internettets dunkle anonymitet. Møtet med storesøsteren skal også komme til å vise Veum ukjente sider av hans egen forhistorie.
.....................................................................................
Eg må innrømme at Stålesen ikkje er blant favorittane mine. Synest denne boka til tider var ganske kjedelig. Og sjølv om alle samanlikningane (ikkje direkte metaforar) kan vere litt artige, blir det for mange av dei.
Det er likar best er miljøskildringane og det historiske stoffet.

Dagbok 2016: 30.august

Klokka er 19.00, temperaturen ute er + 15 grader C og det har regna i heile dag.
For meg som har vore mykje ute i sommar er det ei straff å bli gåande inne. Men for å få gjort noko eg skulle ha gjort for lenge sidan, var regnvêret kjærkome.
I dag fekk eg endeleg vaska overskapa på kjøkkenet, ein jobb som eg har ein tendens til å utsette, ikkje fordi det er ein stor jobb. men eg må KLATRE- og det likar ikkje hofta mi. Men eg brukte bordet, så eg stod godt og heile jobben var gjort på ei lita stund.
Så kom kamerat Kjell med makrell, og han sat ei stund og prata med Nils, som framleis ikkje er i form.
Eg raida kjøleskapet og fann både fløte og rømme, så eg kokte ein klatt rømmegraut. Prøver å feite opp Nils, men eg er redd for at det er eg som profitterer på det.
Sidan eg ikkje hadde noko spesielt eg måtte gjere, og sidan Nils likevel ligg på sofaen, sette eg meg i liggestolen med Stålesen. Det går litt treigt med den boka, for eg har det med å sovne og  må lese om att.
Til "middag" fann eg nokre pølser og poteter som eg steikte på panna, må få unna litt restar. Det er ikkje hjelp i å lage til så mykje, for Nils har ikkje appetitt. Det blir tvangsforing.
Eg følte meg ikkje særleg nyttig i dag, men så fekk eg eit oppdrag.
Eg skulle skrive av ein song til pensjonistmøtet i morgon og trykke det opp i 40 eksemplar.
Eg fann songen på nettet i ørten variasjonar, men sette no i hop det som eg tykte var rett. Problemet mitt er at eg har ny datamaskin som eg ikkje er heilt fortruleg med, så det blei mykje klabb og babb før alt var i orden. Då måtte vi skifte blekkpatron-heldigvis hadde vi ei på lager. Så no er jobben gjort, og eg har lært ein god del.
I morgon blir det full fart med førebuing til møte etc. Det plar alltid vere fint vêr når vi har pensjonistmøte, så kanskje det letnar litt i morgon?

Bildet over: Viss eg ikkje tek feil, så fekk Ingeborg hundane av oldemor Johanna. Ho hadde fått dei av Nils ein gong i tida. Slike pyntefigurar var veldig populære på 1950-talet, då det igjen vart noko å få kjøpt i butikkane.(Eg fann dei under skapryddinga i dag.)

Dagbok 2016: 29.august

Klokka er snart 21.30. Temperaturen er ca.+13 grader C og akkurat no begynte det så smått å regne litt. Elles har det stort sett vore opplett i dag.Bildet øvst på sida kan sjå litt rart ut, men eg har altså stått på altanen og tatt bilde av clematis-blomstrane ovanfrå. Der er tre sortar: Mørk lillablå, lys lavendel og rosa/kvite. Under er det bilde av den eldste clematisen, og nedst av dei tre sortane i "skjønn forening".Det er meir og mindre tilfeldig at det blei slik.

Håkon skulle kome og plukke plommer i dag, meir og mindre etter ordre frå Einar. Det vart litt seint før han dukka opp, så det vart mørkeplukking til slutt. Men han tok det som var i toppen av treet.Trur ikkje der er så mykje att no.

I dag har eg ikkje gjort mykje. Eg fekk ikkje lov av Nils å klippe plen, så den planen gjekk i vasken. Graset er ikkje så  langt, men det er meldt regn aldri så langt framover i tid. Så baka eg brød og farga håret i staden.

Nils hadde time hos fastlegen klokka 14.30, så vi kom oss ikkje til med så mykje. Det var rutinekontroll og ikkje noko spesielt. Han måtte seie frå seg timen tidlegare, då var han ikkje i form til å  møte opp. Han er ikkje så veldig i form no heller, men er no oppe for det meste.

Eg var ute og raka litt under plommetrea. Opalplommene modnast ikkje jamnt, og nokre rotnar før dei dett ned.

I dag fekk Nils lyst på Taco igjen, så då laga eg det. Vi er så glade for at han får i seg mat, same kva det er. Eg sette meg i godstolen med lydbok etter at vi hadde ete, og sovna. Etter min smak er Stålesen ganske kjedelig, og denne boka eg les no er ikkje hans beste. Eg vakna då Håkon køyrde ned på tunet.Og så kokte eg kaffi, så no spørs det om det blir ein sein kveld.

Dagbok 2016: 28.august

Klokka er snart 20.00. Temperaturen ute er ca. +17 grader, det har vore opplett og til dels sol i heile dag.
Eg har vore både ute og inne. Før middag laga eg ei "eplekake" med plommer i staden for eple. Den blei ikkje så verst til tross for at eg hadde hatt for lite sukker i den, las feil på oppskrifta. På den andre sida hadde den blitt for søt om eg hadde følgt oppskrifta.
Til middag i dag vart det Gilde kjøttkaker i Toro saus, vi et av lageret vårt!
Etter middag la eg meg ut på altanen med lydbok- og sovna.
Vi venta Einar ca. 17.30, og han var presis som alltid. Han plukka plommer, både til å ete og sylte. Men han let noko henge att, så Håkon også skulle få glede av å plukke. No har Jørn vore her og plukka litt spiseplommer. Problemet med Opal er at dei modnar ujamnt. Rivers Early kan ein plukke alt på ein gong. Eg håper det held seg opplett i morgon også, så vi får plukka det meste.
Elles har det ikkje hendt noko spesielt i dag. Leigebuarane har kome att frå ferien, grunnen til at dei vart forseinka var at dei hadde fått trøbbel med bilen i Sverige, så dei måtte på verkstad.
No har eg begynt på "Storesøster" av Gunnar Stålesen, ikkje stor litteratur akkurat, men Lasse Lindtner les godt så det er litt artig å høyre.
I kveld skal eg sjå serien Ku´damm - kjekt med noko anna enn engelsk, og noko anna enn krim.

Bok nr.57 - 2016: Livet til det betre

Sjarmerande om livet, kjærleiken og tapre unge menneske frå lesarfavoritt Anna Gavalda. To lydbøker for prisen av ei! Her får du også historia om Billie, som tidlegare er gitt ut på lydbok!
Få forfattarar skildrar sårbare menneske med større hjartevarme og humor enn franske Anna Gavalda. I ein leiken og lun tone fortel ho om menneske som jaktar på kjærleiken, så skjør og lett å øydelegge.
Mathilde. Yann. Bille. Tre historier. Tre unge menneske som leiter etter noko meir. Mathilde har kutta ut studia for ein jobb ho ikkje liker, Yann lever i eit ulykkeleg samliv og Billie, som ikkje kjenner anna enn fattigdom og juling, oppdager ein dag at vennskap finst. Alle er dei bestemte og tapre og vil heller satse og risikere å feile enn å leve middelmådige liv.
................................................................
Eg såg fram til å lese denne boka, sidan eg likar bøkene til Gavalda. Dette er eigentleg tre separate fortellingar som på ingen måte heng i hop. Men alle skildrar dei menneske som lever eit miserabelt liv på ein eller fleire måtar. Dei to første fortellingane var berre sånn passelige-eg vart litt skuffa. Var det "Saman er ein mindre åleine" på nytt? Eller?
Den tredje fortellinga "Billie" har eg lese før, den har kome i lydbokform åleine. Men med min hukommelse gjer det ingen ting at eg har høyrt den før, for eg hugsa ingen ting.
Og kva skal eg seie? Mest lyst har eg å seie at her "dansar forfattaren fletta av meg"-men då er eg vel litt påverka av språket i fortellinga. Eg trur ikkje alle ville applaudere språket, men for meg funka det heilt suverent. Og ho som les er berre fantastisk.

Dagbok 2016: 27.august

Klokka er 23.15, temperaturen er+ 13grader C, og i dag har vi hatt bra vêr. Opplett det meste av dagen og gløtt av sol.
Det var ganske grått først på dagen, så då fekk eg gjort skikkelig "fredagsreint" på kjøkken og bad. Tok nokre skuffer i same slengen.
Sidan vi skulle på kafé trong vi ikkje å tenke på middag.
Klokka 15 var vi i Volda og møtte Margrete og dei to yngste, Eirik kom litt seinare for han var på jobb.
I dag vart det pizza på Marias, og det smakte godt. Nils greidde ikkje å ete så mykje, men han orka i alle fall å vere med. Kan ikkje vente at han er heilt oppe og står enno.
Margrete og Amanda skulle til Ørsta på kino, gutane reiste heim til Straumshamn.
Vi reiste heim til oss sjølve, og eg presterte å sovne på sofaen; eg sov dårleg sist natt. Verkte både i ryggen og hofta etter at eg stod opp også. Men no veit eg kva som hjelper, det er å vere i aktivitet.
Nils hadde plukka ein del plommer til Margrete, men sylteplommene har Einar sagt at han vil komme og plukke. Ja, det går no an å ete dei også. Håper at det ikkje blir altfor mykje regn med det første.
No har vi sett utruleg mykje TV-det blir nesten i meste laget i helgane-elles i veka blir det ikkje så mykje eg ser.

Dagbok 2016: 26.august

Klokka er 19.30, temperaturen ute er + 14 grader C og det har regna i heile dag.
Når vêret er slik misser eg heilt piffen, så i dag har eg "gjort" lite og ingenting. I tillegg har eg ei kjensle av at det er laurdag, kanskje fordi vi har vore nedover ein tur.
No har vi nettopp ete middag, og Nils ser fotballkamp. Eg har helde på å rippa bøker og strikka. Eg saknar å vere ute og "jobbe", men det kjem vel dagar etter desse.
Nils fekk brev frå legen sin i Ålesund i dag, han skal ikkje ha fleire behandlingar med det radioaktive stoffet, men vi skal ut på Åse i slutten av september å få vite kva som skal skje vidare. Eg kopierte brevet frå legen, og Nils leverte det på legesenteret, og i ettermiddag ringde fastlegen. Nils fekk time med han komande mandag, så blir det vel lagt opp ein strategi.
I alle fall er Nils i mykje betre form no, og når det lei på dag fekk han lyst på middag. I dag blei det pølser med poteter og surkål. Heldigvis har eg eit assortert matlager, så eg kan diske opp med det han vil ha.
Vi var altså nedover før middag i dag, for å levere brevet og for å hente siste Stålesen på biblio. Vi var begge inn på Amfi i dag, og etterpå var vi på Felleskjøpet og handla vaskepulver og toalettpapir. Eg kjøper store pakkar med OMO og då får eg ein rabattkupong, slik at eg får kvar 5.pakke gratis.
Elles har det ikkje skjedd mykje- og det er kanskje det beste. Eg har litt attelet for plommene, at dei skal sprekke i alt regnet. Eg likte godt sylta eg laga i går, den var sur og sterk i smaken. 1 kg sukker til 2,5 kg plommer-det kan hende at den yngre garde ikkje likar den, men eg har aversjon mot det meste som er søtt.
No skal eg felle av eit par restelester som eg har "spøta oppatte " (på gamle brot). Eg er veldig økonomisk på somme område.
Sidan det altså er fredag, og ikkje laurdag, vil eg ønske alle ei fin helg. Det er meldt litt betre vêr i morgon. Då skal vi på kafé etter at Eirik er ferdig på jobb.

Dagbok 2016: 25.august

Klokka er 18.30, temperaturen er + 18 grader C. I dag har det vore overskya, men opphaldsvêr.
Eg tenkte på det at det er meldt regn, meir og mindre, heile veka, så no måtte eg nytte høvet og få klipt plenen rundt huset så snart det vart tørt nok. Først klipte eg litt med kantklipparen, så tok eg den elektriske. Men eg blei litt irritert då eg var ferdig og oppdaga at eg ikkje hadde stilt heilt ned, slik som eg trudde. Deler av plenen fekk ein omgang til. Så no er alle plenar klipt denne veka også. Så sant det ikkje regnar likar eg best å vere ute.
Vi steikte nokre karbonadar til middag, Nils får i seg mat, men glupande appetitt har han ikkje.
Eg skulle slappe av med lydbok på sofaen, men fann ikkje roa, så etter ei stund gjekk eg ut og plukka små blå plommer. Der er ganske mykje av den sorten, og høgt heng dei.Spseplommene, Opal, modnar noko ujamnt. Vi et etter kvart, men kan ikkje ete alt. Det er ikkje dei store mengdene i år.
Eg sylta 2,5 kilo Pivers Early  i dag. Viss andre i familien vil ha gode sylteplommer, så er det fritt for å komme og plukke. Nils er såpass bra no at vi kan ta imot besøk. Det passar best på ettermiddagstid. Laurdag har vi avtale om kafé-besøk med Margrete & Co.
Eg var innom fysikalske og bestilte time for behandling og trening av rygg. Det var rett etter jul. I dag ringde fysioterapeuten og sa at no kunne eg få komme. Men eg sa som sant er at eg har vore bra i sommar og at eg får nok trim, så eg ville utsette behandlinga til haust/vinter. Det var heilt i orden.

Dagbok 2016: 24.august

Klokka er 19.45. Temperaturen ute er ca +18 grader C, men i dag har det vore overskya og regn. Eg kjende det på kroppen i går, og i dag var gikta på plass. Men det går seg vel til......
Eg saknar å styre på ute, men det var godt med ein litt roleg dag også.
Etter frokost kom støvsugaren fram for første gong på nesten 14 dagar. Alle teppegolva fekk gjennomgå-og det var nesten som å klippe plen, for sveitten rann.
Eg måtte dusje og vaske håret før eg møtte til styremøte på biblioteket klokka 12.
Då eg kom heim laga eg skikkelig middag. Steikte makrell og kokte poteter; trur det er fleire veker sidan eg åt ei potet.
Maten smakte godt, og etterpå la eg meg på sofaen med ei flunkande ny lydbok som eg fekk med meg frå biblio i dag. Ja, eg måtte sjølvsagt rippe den først og få den inn på MP3-spelaren.
No et Nils resten av makrellen, så han er ikkje verst i form no. Han har begynt å ete bra og legg på seg igjen.
Han var ned i hagen og plukka plommer- både Opal og Rivers Early, dei sist nemnde er gode til sylte og burde vel plukkast snart. Det kjem vi til å trenge hjelp til, for verken Nils eller eg kjem til å klatre i år. Dei som vil sylte kan plukke. Der er ganske mange plommer, men dei er små. Trur dei er små fordi treet er gammalt, det eldste vi har.
På grunn av at mange pensjonistar skal vere med seniordansarane til syden, skal vi ha det første møtet i haust alt neste onsdag-den 31.august. Men vi kallar det "septembermøte"-vi brukar ikkje å ha møte i august. No håper vi på godt frammøte og mange nye medlemmer.

Bok nr.56 - 2016: En nødvendig død.

Nervepirrende spenning i den femte lydboken om Svend Foyn!
Tønsberg-advokaten Svend Foyn oppsøkes av Kaja Bye. Hun har rømt med sine to små døtre til et sommerhus i Vestfold. Hun blir forfulgt, trakassert og truet på livet av sin ektemann Jonas Bye, et kjent og aktet ansikt fra mediene. Svend Foyn påtar seg å hjelpe henne med å få ordnet skilsmisse, men blir raskt viklet inn i et spill der han stilles ovenfor et drepende dilemma. For Jonas Bye er ikke bare TV-kjendis, han har også ganske mektige og brutale venner.
Rivertonprisvinneren Jan Mehlum har fått et stort publikum med sine bøker om Svend Foyn - Tønsberg-advokaten med mislykket karriere, men stort sosialt hjerte, skilt pappa med tenåringsdatter og sanktbernhardstispe, Jaguar-eier og Coltrane-elsker. På denne svært velregisserte lydboka fra Radioteatret finner du Øystein Røger, Cecilie Mosli, Trond Espen Seim, Lasse Lindtner og Minken Fossheim i hovedrollene.
"En nødvendig død" er en NRK-dramatisering av den femte, frittstående kriminalromanen i serien om Svend Foyn fra Jan Melhum.
.......................................................................
Eg har lese dei fleste bøkene til Jan Mehlum, og for ei stund sidan fann eg to nye bøker av forfattaren på biblio. Då eg kom heim fann eg ut at det var høyrespel, og då leverte eg dei tilbake. Seinare angra eg, og i går lånte eg bøkene på nytt. No har eg høyrt den eine og likte den godt. Det er få personar og dei fleste "kjende" eg frå før.

Dagbok 2016: 23.august

Klokka er 19.30, temperaturen +20 grader C og vi har hatt enda ein nydeleg dag med sol og varme.
Ja, sjølv om denne sommaren har vore spesiell for oss, og ikkje så veldig god, så har i alle fall eg fått vore mykje ute og fått mykje god mosjon. Nils har hatt mange trasige dagar, men no er det verste over for denne gongen. Om han skal ha ei behandling til veit vi enno ikkje, men må han så tek han det på strak arm.
Sidan det er meldt regn i morgon og mange dagar framover måtte eg ta litt plenklipp i dag. Tok plenane opp mot vegen før middag, og så kom det fleire hyggelege naboar og slo av ein prat. Eg fekk ikkje begynne så tidleg med klippinga fordi det var mykje dogg i graset.
Det har vore lite middagsstyr med oss i det siste, Nils har ikkje hatt lyst på verken det eine eller det andre, i dag skulle vi ha steikt makrell, og det likar han. Men så fekk han brått lyst på Taco ! Og sidan eg hadde ingrediensar i hus, gjekk det ikkje lenge før maten var klar. Vi åt godt begge to.
(Nils vil gjerne ha mat med sterk smak for smaksansen fungerer ikkje som den skal.) Etterpå måtte vi ha ei kvilestund.
Sidan Nils var såpass at han kunne vere med ut og sette i gang bensinklipparen fekk eg klipt bio på heile skråninga etter middag. Så no får regnet berre kome. Skulle i grunnen klipt rundt huset også, men har klipt der to gonger i løpet av ei veke, så det får vere nok!
Så spylte vi alle klipparane, eg vaska hagemøblane og rydda opp rundt huset, for no ventar vi leigebuarane tilbake med det første !
I morgon skal vi ha styremøte i pensjonistlaget, så då lyt eg få tankane bort i litt anna enn gras. Det er kanskje bra? (Faktisk trur eg at alt hagearbeidet har gjort meg godt, men no kjenner eg tydelig i venstre hofta/foten at regnvêret er i kjømda. Trur eg skulle budd i ørkenen.)

Dagbok 2016: 22.august

Klokka er 21.15. Temperaturen er + 17 grader C , og sola har nettopp gått ned .Det har vore ein nydelig dag, til tross for sid skodde om morgonen. Det varte ikkje så lenge før skodda var borte.
Dagane går fort når vêret er fort når eg kan vere mykje ute.
I dag starta eg med å vaske soverommet, og sidan eg hadde så godt grønsåpevatn vaska eg bad og kjøkken også.
Eg skulle  ikkje klippe plen, i staden tok eg fram kompostkverna og mol opp greiner, bregner og anna som eg klipte bort. Det blir litt ryddigare i hagen for kvar dag, men blir det vêr til det, så har eg mykje meir å gjere.
Nils har ikkje vore like sprek i dag som i går, men han har i alle fall vore oppe. Ut på ettermiddagen tok vi ein tur nedover på biblioteket og på Amfi. Nils sat i bilen mens eg ordna opp med resten. No har har site og sett fotball på TV mens eg har rippa og strikka. Men i kveld begynner ein ny dansk serie som eg kanskje skal sjå.

Bok nr. 55 - 2016: Knusende stillhet

Tony Hill har god trening i å se mønstre, avsløre årsakene bak menneskets obskure handlinger. Denne gangen må han til bunns i en rekke selvmord. Ofrene er unge kvinner som har vært utsatt for grov nettsjikane, med det resultat at ikke orker mer. Men Tony aner han at det er noe mer som ligger bak. Kan det være snakk om drap? Hans tidligere partneren Carol Jordan bekjemper for tiden sine egne demoner. Men til tross for personlige problemer, og med livet som om innsats, starter de to jakten på en meget farlig og utspekulert drapsmann.
Val McDermids niende bok i den populære serien om Tony Hill og Carol Jordan.
.................................................................
Denne boka er nr.9  i ein serie, og eg har sikkert lese fleire av dei. Men eg greier ikkje å halde orden på alle etterforsker-teama i alle krimbøker. Denne boka merker seg ikkje ut mellom alle dei hundrevis av krimbøkene eg har lese. Ei stund var den interessant, men så gjekk eg lei. Det blei relativt langdryg på slutten.

Dagbok 2016: 21.august

Klokka er snart 19.00. Temperaturen ute er + 20 grader C og det er fin sol. Tidlegare i dag har det vore meir skya.
Sundagane er det ikkje så mykje eg kan gjere ute, men eg hadde ein plan. Eg hadde 4 GODT modne bananar liggande, så eg skulle lage banankake. Eg veit ikkje kvar eg har gjort av oppskrifta mi, så eg måtte ty til nettet . Der var det tusenogein oppskrifter på banankaker, så det var berre å finne ei som var lettvint. Det vart ei slags nokså flat skuffekake, men den er i alle fall godt etande og bananane vart berga.
Nils låg utover føremiddagen, men eg hadde klesvask som skulle vaskast og brettast og diverse anna å henge fingrane i.
Han stod opp i dag, det er lenge sidan sist, så eg nytta høvet til å bytte på sengane.
Etter ei stund begynte han å snakke om mat, og som eit slags kompromiss enda vi opp med ein skikeboks med Torosaus- Bali kyllinggryte til + ris, ananas og mais. Det smakte faktisk godt, og Nils åt to porsjonar. Eg åt sikkert for mykje,for eg har vore heilt stinn etter middag. Det var minst ei veke sidan eg har ete anna enn brødskiver.
Og så skulle han forsyne meg ha kaffi også! Det er veldig lenge sidan han har orka. Eg synest det er så kjekt at livet er litt meir normalt, og det vi er spente på no er om han får sleppe siste dosen, eller om nok er nok.
Elles så skjer det ikkje så mykje når vi går her og tutlar, men plommene modnar.

Dagbok 2016: 20.august.

Klokka er 19.15. Temperaturen ute er +  20 grader. Sola har vore av og på i dag, mest på, og no skin den. Eg har nettopp dusja og vaska håret, så no har eg tatt helg. 

Eg har hatt ein relativt hard arbeidsdag i dag, men det er ingen som tvingar meg. Andre strevar seg opp på høge fjell, men eg mosjonerer i hagen.Og likar det.

Eg skal vere ærlig og innrømme at eg ikkje var så tidleg oppe, men så  hadde eg ei bra arbeidsøkt. I dag hadde eg som mål å male opp nokre greiner på kompostkverna. Det låg nokre greiner av eit ripstre att, så stussa eg barlinda utanfor kjellardøra og (det verste) eg klipte heilt ned den store New Dawn-rosa på tilbygget. Den irriterte meg av fleire grunnar. Den var altfor høg og låg framover, dessutan dryssa den heile tida-og den var ikkje særleg vakker. Eg har klipt den ned før og den har vakse opp att, men om den ikkje gjer det denne gongen, lever eg bra med det. 

Eg var nesten ferdig å male opp alt, då stod maskineriet i sju steinar. Eg visste kva som gjorde det, men eg måtte inn å høyre med Nils kva verktøy eg skulle bruke for å fikse den. Men då stod han opp, kledde på seg og kom ut og fiksa maskineriet sjølv. Ivar kom opp ein tur og prata litt og det var veldig hyggelig. Kjekt for Nils å prate med folk,  han blir fort sliten, men etterpå greidde han å vere oppe så lenge at han fekk sett handballkampen.

Eg fann ut at sidan eg måtte sette i gang maskineriet igjen, kunne eg like godt rydde i bringebæråkeren, og det gjorde eg. Til slutt klipte eg plenen rundt huset og tok med rusket som låg att. I dag klipte eg rundingen for første gong. Då var eg ganske sliten, og i tillegg ser eg ut oppover armane som om eg har vore i kamp med ilske kattar. Slik går det når ein ikkje har vit å bruke langerma klede når ein jobbar med roser.

Nils la seg att etter kampen, då var han sliten. Det går ikkje fort framover.

No skal eg ut og hente ei plomme til Nils-og ei til meg sjølv.

Her er tre ulike clematisplantar -og alle tre blomstrar. Dei får betre plass no når rosa er borte.

Dette er den eldste clematisen. Eg har tatt to avleggarar av den og planta andre stader.

Dagbok 2016: 19.august

Klokka er ca 20.30, temperaturen er + 17 grader og skodda ligg langt ned i fjellsida. Men i dag var det faktisk sol og sommar nokre timar midt på dagen.
Nils har lege det meste av dagen, men han kava seg fram såpass han fekk dusja og barbert seg. No har han stått opp igjen og fått på seg klede. Han sit i reclineren og ser fotballkamp. Og det er eit framsteg.
Eg hadde tenkt å støvsuge i dag-men fann ut at det på ingen måte var eit behov. Det er stort sett berre eg som har luska rundt siste veka-i tillegg har eg vore mykje ute, så eg har ikkje laga så mykje støv.
I staden gjekk eg ut og raka skråninga, vart lei av å sjå på høydottane som låg att. Gjorde litt anna hagearbeid også.
Seinare på dag var eg ute og plukka rips med saks igjen. Men eg har skylt bæra i kaldt vatn og fått bort både lauv og anna smårusk. Har ikkje reinska dei, for desse bæra er berre til saft. No har eg 10-12 kilo med gryteferdig rips i frysaren om nokon kjenner trong til å safte dei. Trur dei ligg trygt her.
Fekk meg ei lita sole-/ lesestund på altanen seint på ettermiddagen.
Elles så går eg pasienten litt til hånde innimellom. Og slik går dagane. Vi har det på ingen måte vondt, men ser fram til at Nils skal komme til krefter igjen-og få att matlysta
No er plommene begynt å modne, vi har smakt litt på dei i dag, men det kan hende vi treng litt hjelp til hausting seinare. Eg skal seie ifrå når vi ønsker besøk, slik det er no, er det berre slitsomt for Nils å ta imot folk. Det trur eg alle forstår. Men det går an å ringe og prate litt med han viss nokon har lyst til det.
Så er det fredag igjen og så er det berre å ønske alle ei god helg. Her er vi plaga med skodde, som så ofte før. Eg innbiller meg at veret er finare sør om fylkesgrensa.

Dagbok 2016: 18.august

Klokka er snart 20.00. Temperaturen ute står på +17 grader, men eg tykte det vart kaldt, så eg sette på varmepumpa og kveikte i noko rusk i omnen. Såg kva som laga seg til i går kveld, for då seig skodda på, og sist natt regna det litt. Skodde har det vore i heile dag også - den blå sommaren varde berre to dagar. Vona er at han kjem att.
Nils har vore betre i dag, men ikkje så bra at han har stått opp. Han har det best i senga, seier han-eg ser fram til at han skal kome seg på føtene att.....om ikkje altfor lenge.
Eg har hatt diverse å styre med i dag også. Først vaska eg bad og kjøkken grundig til helga, så dusja eg og vaska håret sidan eg skulle på biblioteket og butikken. Men eg måtte vente til Marit var ferdig på trening, då for vi nedover i lag.
Eg har aldri sett så mange bilar utanfor Kulturhuset som i dag, og bibliotekaren kunne fortelle at det var kurs for lærarar i samband med skulestart. Kva slags lærarar veit eg ikkje.
Fann meg berre ei bok som eg ikkje har lese- krim sjølvsagt. Og så tok eg med meg to radioteaterbøker, som eg har lånt før utan å lese dei.
Etterpå var eg på apoteket og på Coop. Men no er det snart på tide at vi begynner å ete att, for huset er fullt av mat. Nils lever på styrkedrikk, vørterøl og yoghurt, eg et ei og anna brødskive. Men eg har berre godt av litt smalhans.
Plommene begynner så smått å modnei toppane, så eg har planar om å ta ei rive og hente ned nokre.
Det var godt eg vart ferdig med klippinga i går, for i dag hadde det blitt enda verre.
Etter at eg kom heim, sette eg meg til å rippe bøker, mens eg festa trådar i to par lester og stoppa hol i eit anna par.
Eg var ikkje heilt i form sjølv i dag, for eg sov dårleg sist natt, så eg la meg på sofaen med lydbok og sovna aldri så lite. Vart sjokka då eg såg at klokka var 19.30, men kom på at den sikkert hadde vore meir enn 18 då eg halla meg nedpå.
Fekk melding frå ei venninne som ville ha meg med på kafé i dag, men eg hadde avtalt med Marit i går, så kafébesøket får vente. Ja, om Nils er sløv og slapp enno, så går det sakte men sikkert framover. Vi får håpe han vert likar  i morgon.

Dagbok 2016: 17.august.

Garasjevegg med blomkarse. I år har den sådd seg heilt sjølv.

Klokka har passert 19.30. Temperaturen er + 22 grader C. Det har vore enda ein strålande sommardag-med tanke på vêret. Då eg kom ut og skulle klippe plen kl.10.30 var det enno så mykje dogg i graset at eg måtte sette klippinga på vent. Men eg jobba med kantklipparen til eg kunne begynne for alvor. Det var skråninga som ffekk gjennomgå i dag. Det er 14 dagar sidan sist eg klipte-bio-med motorklipparen. I dag hadde eg ikkje hjelp, så eg måtte bruke el-klippar utan  "drag"-og lange skøyteledningar. Det var tungt og slitsomt, men eg kom i mål til slutt. Særleg pent vart det ikkje, for graset var såpass vått eg klipparen "spytta" heile tida. Eg tok mange pausar- måtte inn og drikke rett som det var, og sveitten rann. Men eg likte det ! Eg likar hardt fysisk arbeid og er lykkelig fordi eg greier det. Men no er eg heilt hekta på plen, synest eg har drive med plenklipping heile sommaren, men det er no berre 1-2 dagar  for veka.

Nils har vore like dårleg i dag som i går, han har lege heile dagen. Han har det best når han ligg i senga, seier han, med opne dører og glas. Han får ikkje i seg mat, men  drikk styrkedrikk frå apoteket og et yoghurt. Og han har ikkje vondt. Vi får berre gi det tid. Det er ingen vits å komme på besøk så lenge han kjenner seg så uvel

Anne Marie ringde i dag, der sør styrtregna det, så det spørs kva vi får i morgon.

No på kvelden har eg site ute og prata med diverse naboar, og i morgon skal eg vere med ein av dei nedover og handle litt. Vi er velsigna med gode og hyggelige naboar.

I dag begynte yngstemann, Ingar, i første klasse på barneskulen.

Vebjørn skal opp i 5.klasse og Eivind startar på andre året i ungdomsskulen.

Ingeborg studerer vidare på Menighetsfakultetet, Eirik skal studere engelsk på Høgskulen i Volda, Amanda skal begynne på musikklinja på VVS og Erlend gjer spranget frå barne-til ungdomsskule.

Dei to eldste på Hareid held fram som før. Håkon skal studere på Høgskulen i Volda, eg trur det er idrettsfag, og han har fått seg sambuar og flytta til Volda . Olaug har flytta til Bergen for å bli tannlege.

Eg ønsker alle lykke til med skule-/ studieåret.

Barnebarn

Dette bildet kom på Facebook i går. Ei av døtrene til Margrete hadde klipt seg-og stilte med heilt ny frisyre. Men var det Ingeborg eller Amanda?  Eg må vedgå at eg tvilte. Det likna på begge to-eg visste at Ingeborg skulle klippe seg, men det likna mest på Amanda, Kanskje! Eg måtte berre spørje, og det er Amanda. Men sjølv Margrete hadde vore i tvil. Amanda skal no bu på hybel hos farmora i Volda og begynne på 1.året på musikklinja på VVS.

Den yngste av dei 11 barnebarna våre, hadde sin første skuledag i dag-17.august.

Det ser ut som om han er moden for nye oppgåver. Vi ønsker Ingar lykke til.

Dagbok 2016: 16.august

Klokka er 20.15. temperaturen er + 19 grader C og det har vore ein strålande dag- når det gjeld vêret.

Elles har det vore trasig på den måten at Nils har vore så elendig. Han har ikkje vondt, men er kvalm innimellom, slapp og appetittlaus. Han har lege i senga heile dagen og ligg der enno. Eg er inn og snakkar med han innimellom, men han har ikkje noko imot å ligge der åleine.

Eg var komen ut for å klippe plenar då klokka var ti, og jobba ute med diverse avbrot til klokka 15. I tillegg til å klippe plenar, tok eg fram kompostkverna og mol opp dei to ripsbuskene eg har klipt ned. De kan sjå restane på bildet over. Røtene skal opp med tid og stunder.Eg brukar trillebåra og fyller den med gras anna mask og køyrer det ned i komposten. Då slepp eg å gå ned så ofte. Det var ganske mykje gras i dag, sidan det er ei stund sidan siste klipp. På bildet under kan de sjå at det kjem nytt gras på "arret" etter badebassenget. Men skråninga har eg ikkje klipt enno.

Mange naboar går forbi eller kjem bortom for å høyre korleis det er med Nils. Alle saknar han, for dei er vant til at han er ute på tunet eller i garasjen og slår av ein prat. No må dei prate med meg i staden.

Når gale skal vere, er eg i alle fall glad for at eg har arbeid eg kan gjere ute.

I kveldinga sat eg oppe hos Marit på uteplassen hennar og prata, etterpå åt eg av stikkelsbæra til Anne Elise.

Låg ute på altanen med lydbok ei lita stund, men vart lei av det. No skal eg ha meg litt mat, har berre ete ein liten yoghurt sidan frokost. Eg et ikkje så mykje meir enn Nils, men trur ikkje eg tek skade av det.

Bok nr. 54- 2016: Møte ved milepælen

Romanen Møte ved milepælen er et av Sigurd Hoels hovedverk, skrevet rett etter annen verdenskrig. Det spørsmålet han reiser, er igjen et aktuell debatt-tema:
Hvorfor ble noen mennesker landssvikere? Ikke bare forbryterne, men også domsmenn og dommere settes her på anklagebenken.

Hovedpersonen forteller historien om sitt liv og om hvordan folk ble landssvikere på grunn av ham, som ble ansett som den”plettfrie”. Men dette er også en roman om kjærlighet. Under dramatiske omstendigheter treffer mannen igjen den kvinnen han elsket, men svek en gang. Det blir et møte som bringer spørsmålet om skyld i et annet lys.

I 1979 dramatiserte Helge Hagerup denne klassikeren for Radioteatret. Jan Bull satte stykket opp med et stjernelag av skuespillere.
Medvirkende: Per Theodor Haugen, Tor Stokke, Tone Danielsen, Erik Hivju, Arne Lindtner Næss, Arne Lie, Erik Hivju, Ellen Horn, Knut Risan, Bjørn Jenseg, Jannike Grønneberg, Bentine Holm, Hilde Sophie Plau, Hallvard Lydvo, Rolf Arly Lund mfl.
.............................................................
Eg var ikkje klar over at det var ei dramatisering då eg lånte boka-som består av to CD-plater. Eg trur eg hadde likt betre å høyre boka  på vanleg måte. Og boka var vel meir aktuell tidlegare. No må ein lese i lys av historia.

Dagbok 2016: 15.august

Klokka er 20.35, temperaturen er + 16 grader C og skodda sig inn og ned.
Vart skuffa i dag tidleg, for eg hadde budd meg på solskinn og plenklipping, og så var det skodde og regn og vått gras.
Men eg fann ut at eg kunne bruke kantklipparen og det gjorde eg. Hadde tenkt å klippe plen seinare, men så langt kom eg ikkje.
Nils var litt betre i dag enn i går, men langt frå i god form. Eg kokte ein kaloririk graut til han, som han fekk i seg. Eg hadde ein pakke fløyte som var ute på dato; eg blanda den med eit par-tre spiseskeier med kveitemjøl og kokte til den sleppte feittet, slik som rømmegraut, så hadde eg litt heilmelk i og eit halvt beger lettrømme+ salt og sukker. Eg åt også litt av den, det var ingen stor porsjon, og eg trur det er den beste rømmegraut eg har smakt.Eg har ei veninne som likar best rømmegrauten når den er kokt av ei blanding av fløyte og rømme, mens eg alltid har likt rømmegrauten så sur som mulig.(Nesten)
I dag hadde vi ærend nedover begge to, vi skulle begge ha medisin og eg skulle på biblio. Eg sjekka opningstidene på Facebook og der stod det at det var ope til klokka 19.00 i dag. Vi venta med å fare nedover, for Nils skulle sjå Warholm springe, så biblioteket var stengt då vi kom.Sommarstenging klokka 16.00. Eg var noko irritert for den einaste boka eg har på beddingen no er ei dramatisering av Møte ved milepælen, og det er ikkje noko å lese på senga. Dessutan er den på berre to plater og eg er snart ferdig med den første.( Då eg kom heim sjekka eg facebook igjen og der stod det :Ope til klokka 19. For sikkerheits skuld var vi nedatt og sjekka-men det var stengt.)
Vi handla på apoteket og Coop før vi for heim.
Vi sat ute ei lita stund, men når eg set meg ned ute ser eg berre alt som skulle ha vore gjort. Nils var sliten så han måtte kvile. Eg talde på fingrane om eg skulle klippe plen, køyre kompostkverna eller plukke bær. Det blei det siste. Vi har berre eitt ripstre no, men der er masse bær som er delvis øydelagde av alt regnet, og kun kan brukast til saft. I dag vart det sakseklipp. 1. Klipp av greinene med ei stor saks. 2. Klipp raklane av greinene med ei lita saks. Utruleg effektivt ! Til slutt skylte eg bæra, plukka vekk blada og fraus dei. Så kan dei få koke saft dei som vil, trur ikkje det blir eg.

Bok nr.53 - 2016: Lycke

Handlingen kan ramses opp slik: Åtte år gamle Lycke forsvinner og TV-reporter Ellen Tamm blir følelsesmessig engasjert. Lyckes skilte foreldre oppfører seg mistenksomt, det samme gjør hennes stemor. Den eneste som ikke blir mistenkt, er også den som er morderen. Det skjønner leseren litt for fort.
For Mikaela Bley har en voldsom trang til raskt å føre leseren i to bestemte og låste spor: enten handler det om pedofili eller så er det en konflikt mellom foreldrene som har utløst ugjerningen. Men leserne skjønner jo at det ikke kan være så opplagt.
I tillegg dikter Bley opp en skandaløs og utroverdig pressekonferanse, der journalistene får stille de merkeligste og følelsesløse spørsmålene til Lyckes foreldre.
Det er ikke det at «Lycke» er direkte dårlig – men den er ikke spesielt bra. Den er så ordinær at man ikke helt forstår hvorfor den er utgitt – og spesielt ikke oversatt til norsk.(VG- stort betre kan det ikkje seiast).
...............................................................
Når eg tenkjer på at det vert skrive mange GODE bøker som ikkje blir utgitt i lydbokversjon blir eg litt oppgitt over at dei brukar ressursar på heilt likegyldige  manus som dette.
Men den var lettlesen og nokså underhaldande så den var grei nok som tidtrøyte, og den var ikkje så rosa som eg først trudde

Dagbok 2016: 14.august

Klokka er ca. halv ni. Temperaturen er + 16 grader C, og skodda kjem krypande nedetter fjellsidene.
Skodde var det i dag tidleg også, men det skein opp og vi hadde sol og sommar nokre timar.
Nils har vore elendig i dag, noko som ikkje var heilt uventa. Han låg mykje av føremiddagen, og etterpå sat han i ein stol. Heldigvis for han er der mykje sport på TV.
I dag berre måtte eg ut og styre litt i hagen, det kan ikkje vere til sjenanse for nokon når eg ikkje brukar maskiner og bråkar? Først rydda eg bedet oppe ved garasjen, så kom naboane og prata litt, og så sette eg i gang med ripsen. Først demonterte eg eine ripstreet-det skal vekk! Men der var litt fine bær på treet som eg plukka, rensa og fraus. Etterpå klipte eg to-tre greiner av det treet som skal få stå, der var kjempemykje bær på greinene, men dei egnar seg berre til saft. Eg skylte bæra og fraus dei. Der er mykje bær att, men dei må plukkast frå treet, kan ikkje klippe det så mykje meir no. Trur eg.
Stikkelsbæra er modne, men der er ikkje så mykje i år, så det blir berre å gå og ete på.
Nils har ikkje ete stort i dag, men eg får no i med så mykje at eg ikkje svelt i hel med det første.
No i kveld var eg ut ein tur og rydda skikkelig opp att etter meg. Innimellom har eg strikka på eit lestepar og lese i boka mi. No er eg snart lens for lesestoff igjen, dei var så korte dei bøkene eg lånte sist.
Det er trasige dagar når NIls er så utslått-men vi håper det er ein overgang.

Dagbok 2016: 13.august

Klokka er 18.30. Temperaturen er + 14 grader og det er fotsid skodde og regn. Eg har ikkje vore ute for ei dør i dag heller, og føler på at det har vore enda ein sundag. No lengtar eg etter å komme ut og jobbe i hagen, det er deprimerande å bli gåande inne heile dagane.
Sist natt sov eg veldig dårleg, verkte i begge føtene heile natta, men så snart eg stod opp var eg bra. Og det var no bra.
Nils låg det meste av føremiddagen, eg brukte åleinetida til å strikke, lese og bake brød.
Litt seinare laga eg middag, i dag vart det steikt bacon med spagetti og tomatpuré. Det var ikkje så mykje Nils fekk i seg, men han tek nok ein porsjon til når det lid på.
Eg har vore lat og lege på sofaen og lese bok. ein kan bli lei av det også.
Eg gler meg til det blir ute-vêr igjen, for eg har mykje å ta att. Ripsen er kanskje heilt øydelagd av regnet, men kanskje vi bergar plommene, såg dei heldt på å få farge. Godt dei ikkje var modne før regnet kom.
Har ikkje mykje å berette i dag, så dette er berre eit livsteikn. Trass alt har vi det bra.

Bok nr. 52 - 2016: Morfar, Hitler og jeg.

Ida Jackson er barnebarnet til Per Pedersen Tjøstland - SS-mann, frontkjemper og redaktør for den nasjonalsosialistiske ukeavisen Germaneren. Hun fikk vite om morfarens bakgrunn ved en tilfeldighet.
"Morfar, Hitler og jeg" handler om hvordan hun måtte se familien sin - og seg selv - i et helt nytt lys. Hun lar leseren bli med på en reise inn i det ideologiske universet til Germanske SS Norge, kanskje den mest ekstreme organisasjonen i norgeshistorien. Forfatteren bruker det personlige for å formidle norsk krigshistorie på en ny måte. Og hun bruker møtet med fortidens ekstremisme for å forstå ekstreme strømninger i dag.

"Jeg er født i et Norge der krigen er et tema for actionfilmer, dataspill og humorprogrammer, der nazisme er synonymt med Caps Lock-misbrukende tapere i Dagbladets kommentarfelt. Jeg har vokst opp i en tid da krigen var et eventyr der alles besteforeldre var helter. Bortsett fra mine, viste det seg. En liten Wikipedia-artikkel avslørte at jeg ikke var etterkommer etter en «god nordmann»."
.........................................................................
Det er ikkje så mykje meir å seie om denne boka: Det er berre å lese den. Her var i alle fall mykje som eg ikkje kjende til når det gjeld 2. verdskrigen. Eg synest at forfattaren har gjort ein god jobb når det gjeld å fortelje om morfaren sin. Margrete har skrive om boka før. Anbefalt !!!!

Dagbok 2016: 12.august

Klokka er snart 19.00, temperaturen er + 14 grader C og det styrtregnar ute.
Sist natt sov eg godt og lenge, og vakna i dag tidleg så låk i ryggen at eg trudde ikkje eg kom meg opp. Det gjorde eg, og då eg hadde bevega meg litt rundt, var eg heilt fin.
Men eg var glad for at vêret ikkje var så fint, for då hadde eg måtta klippe plenane, og no var dei så grøne og fine at eg hadde ikkje lyst å øydelegge dei.
Nils har vore relativt bra i dag, men reaksjonen kjem kanskje ikkje før det har gått nokre dagar.
Akkurat no er han ute i hamna med Jørn, som skal ha ut båten sin etter at den har vore på sørvis i Fosnavåg. 
Det einaste eg har gjort i dag er at eg har støvsuga teppegolva og sett på ei vaskemaskin.
Har ikkje laga middag enno, men vi åt egg og sild til lunsj.
I går kveld fann Nils ut at han ville ha pizza, så vi var ned på Kiwi og kjøpte. Han åt ein liten bit-så var det nok. Eg kan ikkje halde på å lage mat som han ikkje vil ha, heller.
Eg har problem med å halde styr på vekedagane. I dag er det fredag men i hovudet mitt er det laurdag, så får vi sjå kva det blir i morgon.
Elles har eg strikka og høyrt bok, mens Nils ser sport på TV.
Eg saknar å vere ute og jobbe i hagen; det blir vel slutt på regnet ein gong. Det er i alle fall ikkje snø i fjella lenger, ikkje som vi ser i det minste. Har nok å styre med inne, men kjem meg ikkje i sving liksom.
Ønsker alle ei god helg, og neste veke er det vel mange som skal begynne på jobb igjen. Akkurat det er det godt å sleppe no når vi er gamle.

Dagbok 2016: 11.august

Saudehornet i dag. Bildet har eg "stole" på Facebook.

Klokka er ca 19.30, temperaturen ute er + 13 grader C og sola skin.

Vi sov ikkje godt sist natt, det er rart med det når ein veit ein skal tidleg opp og  ut på reise. Sjølv om det ikkje var så mykje spenning knytta til dette sjukehusbesøket, er det noko som foregår i bakhovudet.

Vi stod opp før klokka var sju, noko som var heilt vanleg før, og då låg det nysnø langt ned i Vallahornet som er ca 800 meter høgt. Då vi kom om bord i bussen, viste temperaturmålaren at det var + 7 grader ute. Ikkje akkurat sommartemperatur.

På sjukehuset gjekk det greitt, berre eitt lite uhell. Ho som tok blodprøve kom til å stikke såpass hardt at blodet fossa og vætte ut skjorta, så Nils måtte få låne ei sjukehusskjorte mens vi var der. Det var mest på grunn av at dei var redd for at det var radioaktivt blod. Men det var det ikkje, kunne ein lege forsikre om. Ho som tok blodprøva visste kanskje ikkje at Nils går på "tynnar". 

Vi hadde ikkje møte med legen i dag, så vi veit ikkje noko meir enn det vi visste før. Bussturane gjekk fint begge vegar, men eg trur vi var 4 passasjerar utover og 6 heim att.Det må no bli ganske dyrt å køyre nesten tomme bussar- kvar time.

Då vi nærma oss Ørsta begynte vêret å bli stadig finare og på Rjåneset var det sol og finevêr. Det to bilda  øvst på sida tok eg frå trappa med det same vi kom heim.

Vi fann oss noko mat, og eg hadde meg ein runde rundt huset. Jørn kom og skulle snakke med Nils, men då vi vart åleine att flata vi ut og sovna. Noko skikkeleg middag har vi ikkje hatt enno, men det er enno mykje att av kvelden.

Bilda under teksten tok eg klokka 19.30. Mykje av snøen er borte no.

Pensjonistlaget reiste på tur i dag, dei skal blant anna til Gålå og sjå Peer Gynt. Eg er glad for at vêret betra seg.

Dagbok 2016: 10.august

Klokka er 18.15, temperaturen er +9,9 grader C og det regnar- ikkje berre litt, men mykje. Der deler vi skjebne med det meste av Vestlandet og vel så det. Sat og såg ut ista og lurte på om det var regn eller snø som kom frå himmelen. Forresten har vi fått snø i dei høgste fjelltoppane.
Men etter at dette vêret er over, får vi nydeleg sommarvêr- DET er eg heilt sikker på. Og så håper eg på litt betre vêr i morgon, eg likar ikkje Vardalstranda i ekstremvêr- med tanke på store elvar og ev.ras.
I dag har vi vore inne heile dagen - med godt samvit, og eg har no fått "gjort" eitt og anna. Til dømes tok eg fredagsvasken i dag, sidan vi skal vekk i morgon, støvsuginga tek eg fredag. Har vaska, tørka og lagt i hop ein klesvask, laga middag, stoppa sokkar etc.etc. Men eg somna på sofaen etter middag, blir så trøtt i slikt vêr. Har lese litt i boka mi også, mens eg stoppa. Eg trur eg må vere litt pervers for eg likar å stoppe sokkar/lester. Ikkje at eg gjer det så fint, altså.
Nils har vore i bra form, men sit stort sett i reclineren - og ser TV innimellom. Men så snart han kjem seg litt, er det ny forsyning. I morgon må vi tidleg opp, for vi skal vere på Åse sjukehus klokka 10.00. Må ta 8 - bussen herifrå då.
Eg er glad plommene ikkje er modne for då hadde dei blitt øydelagde, no er det håp om at dei kan modne når sommaren kjem att. Eg trur graset veks fort no når det blir så rikeleg vatna, men det går nok ei stund før eg får klippe det. Det er ei veke siden eg klipte no. Vi skulle ha hatt ei geit!

Dagbok 2016: 9.august.

Klokka er 19.45, temperaturen er +11 grader C og det har regna i heile dag. Grått og trasig har det vore ute- og energien min er proporsjonal med vêret om ein kan seie det slik. Lågtrykk = låg energi. No har vi ikkje nokon direkte problem verken med flaum eller anna, så vi burde ikkje klage, men vi er utan TV i alle fall. Gale nok det. Men Nils ringde til Tussa og der arbeidde dei hardt for å få ordna feilen. Rett over vegen har dei også Tussa fiber og dei har TV.
I dag var vi oppe litt tidlegare enn vanleg. Nils var ikkje i form, så vi kunne ikkje fare nedover og handle før han kom seg til litt. Eg hadde for så vidt ikkje noko imot å sitte og lese i boka mi ei stund. For å bøte på husmorsamvitet strikka eg på ein lest mens eg hadde bok på øyret.
Klokka blei over 12 før vi kom oss ned på Amfi. Eg hadde ærend på apoteket og på parfymeriet i tillegg til Coop. Handlar rikeleg når eg først er på butikken.
Eg hadde tenkt vi skulle ha fiskekaker i dag, men då vi kom heim fekk Nils lyst på Taco. Og sjølvsagt var det akkurat tacolefser og krydder eg mangla i mitt rikhaldige varelager. Dermed måtte vi nedom nærbutikken og få tak i det.
At vi åt godt begge to er ikkje vanskeleg å forstå. Nils vil helst ha "sterk" mat, for smaksevna er noko redusert." Eg et kake og ka det er", som han sa onkelen min då han var liten og kom inn til naboen som var midt i julebaksten.
Etter at vi hadde ete var eg så dum som eg av og til er, eg la meg på sofaen og sovna. Og ingen ting er så kaldt som ein uoppvarma skinnsofa, så eg vakna med "frostskadar". Nils måtte fyre i omnen og så kokte eg kaffi- berre til meg sjølv. Nils synest ikkje om kaffi for tida.
Eg har tusen ting eg kunne gjere inne, men eg har ikkje lyst. Eg har lyst ut og jobbe i hagen ! Frøa som vi sådde der badebassenget hadde stått ligg og flyt i vatn. Vi skulle sjølvsagt ha hakka opp jorda før vi sådde. Der bassenget stod har jorda lagt i press på månadsvis, ein slikt basseng fullt av vatn veg jo mange hundre kilo.
No har eg lese ut boka mi. Den neste boka blir vel den om Hitler, den les Margrete også no.

Bok nr. 51 -2016: Svømmeren.

En altfor varm natt i Damaskus tidlig på 80-tallet må en amerikansk spion forlate sitt nyfødte barn til en usikker skjebne. Det er et svik han ikke klarer å forsone seg med. For å glemme tar han farlige oppdrag i Beirut, Afghanistan og Irak. Alt som kan holde tankene unna.
Tretti år senere blir den svenske EU-juristen Klara Walldéen oppsøkt av sin tidligere kjæreste og forsker på krigsforbrytelser, Mahmoud Shammosh. Han er kommet over hemmeligstemplet informasjon og trenger hennes hjelp.
Samtidig, i Brussel, forbereder den arrogante lobbyisten George Lööw seg på å representere en ubehagelig klient med en skjult agenda. Langsomt dras han inn i et dødelig politisk spill der både regler og motspillere er diffuse.
Trådene veves sammen en stormfull julaften i den svenske skjærgården, der fortiden innhenter nåtiden og alt kommer til overflaten.
Svømmeren er en krim full av spenning og overraskelser, i en verden av skiftende allianser og tvilsomme overenskomster. Men det er også en historie om skyld og oppreisning. Om hvordan man blir formet av sin fortid, og at man ikke kan skjule hvem man er.
..........................................................................
Dette er det eg kallar ein "puslespelroman"- forfattaren tek oss med til ulike stader og til ulike tider. Han fortel historier om dei ulike menneska og let oss bli kjende med dei. Men heile tida veit vi at historiene på ein eller annan måte heng saman. Puslespelet blir lagt. Dette er blitt ein svært vanleg måte å bygge opp romanar på, men det er litt utfordrande å lese desse bøkene, særleg i lydbokformatet. Når det er sagt så er det berre ein ting att å seie: Dette var ei spennande bok som eg hadde problem med å legge frå meg. Og boka er godt skriven!

Dagbok 2016: 8.august

Klokka er snart 19.00. Temperaturen ute er +13  grader C og det regnar.

Før middag var det opplett og eg planla å gjere ein jobb i hagen i løpet av dagen.

Det var ikkje snakk om plenklipping i dag, så eg sette ein deig og baka tre store brød, no begynte vi å bli lei av kjøpebrød.

Mens brøda stod til heving plukka eg bringebær og begynte å demontere eit ripstre med tanke på å ta det heilt vekk til slutt. Eg var inn og baka ut brøda, men gjekk ut att når dei var komne i omnen. Måtte prate litt med naboar som var komne att frå ferie, før eg begynte å jobbe igjen. Det vart ikkje lange stunda før brøda var ferdige. Vi måtte sjølvsagt smake på dei varme, ferske skivene-og så begynte det å regne. Det vart med andre ord ikkje mykje gjort ute i dag. 

Så ringde Margrete. Ho og ungane var på handlerunde i Ørsta og spurde om dei kunne komme oppom. Sjølvsagt kunne dei dei - eg måtte velje mellom sveler og vaflar, og i dag vart det vaflar. Ho kom med ei fin lilje i potte. Eg har fleire slike liljer frå før, men dette var ein ny farge. Eg plantar dei ut etter avblomstring og eg har liljer som er mykje meir enn 10 år gamle i bedet ute. NB: Det er ikkje eit krav om blomster om nokon skulle komme på besøk. 

Amanda og Erlend har vore i Portugal på ferie, så vi fekk no høyre litt om korleis dei hadde hatt det der..

I dag har Nils vore i god form, håper det varer til torsdag, då er det ny behandling.

I morgon MÅ eg på Amfi og handle, det er lenge sidan eg var innom der.