Dagbok 2024: 30.september

 

Klokka er no 17,50. temperaturen  ute er ca +10 grader , og det kjem ein og annan regndrope. I dag skulle eg opp til Marit klokka13, så eg tok meg ein tur på Vernet først best, det var opphaldsver og ikkje for kaldt- Når eg går turane mine prørver eg å få med meg det som skjer i naturen rundt meg, kva som veks, blomstrar eller visnar. Eg sjekkar også sniglane som ligg i vegen, om dei er brune eller svarte. Men eg tek ikkje luivet av dei.

Då eg kom heim sat eg ei stund os strikka før eg gjekk opp til Marit. Ho skal til Ålesund sjukehus i morgon, ho får drosje begge vegar, men reiser åleine. Det går heilt sikkert bra, for Marit er reisevand-

Vi hadde mykje å snakke om , som vanleg,så eg vart der verande i minst 2 timar. Då eg kom heim åt eg eit par skiver, gad ikkje lage middag i dag.

Eg hadde tenkt å gjere eit storarbeid i hagen i dag, men det begynte så smått å regne . Eg prøvde å rydde litt opp i det hjøtnet sonm eg har kompostane mine mellom anna. Ja, eg fekk no fylt ein sekk i alle fall. Eg vurderer i morgon om eg skal fare på VØR.

Eg har før skrytt av denne rosebuska, som heiter Leonardo da Vinci, eg har minst to av den sorten, og sjå no her, her klatrar Leonardo opp i "Ryggebuska" mi, endå han ikkje ei ei klatrerose i det heile tatt. Viss det ser ut som om det er ei anna rose fordi fargen ikkje er heilt lik, så er det fordi fargen lysnar etter kvart.Eg synest Leonardo tek seg godt ut -også som klatrerose.

I morgon skal eg på trening, det er ei veke sidan sist, og viss det blir ver og føreforhold til det skal eg på VØR, men eg hadde lyst å få med litt meir enn det er har,så eg får sjå kva eg får til. I morgon startar vi i alle fall på månaden oktober som blir ekstra spennande for oss i år. Eg har ein son som skal fylle 60 år i oktober og så ventar eg eit oldebarn på same tid. No må eg ha litt kaffi og TV.

Dagbok 2024: 29.september

Klokka er no 17,43, sola skin og det er +6 grader. Det var ikkje så fint i dag morgon , men det kom seg etter kvart-

Eg vakna tidleg i dag, og stod opp relativt tidleg, det er ein uvane eg har fått-det å stå tidleg opp altså.

Ikkje berre var eg oppe men eg hadde arbeidslyst, så eg sette like godt i gang med å bake ei gulrotkake, så vart det litt rydding og oppvask m.m. Måtte bruke arbeislysta mens ho var der. 

Og så kom strikketøyet fram ............og TV-en på.

I dag tok eg i bruk dei nye bambuspinnane mine, og dei var enda betre enn dei eg hadde frå før. No strikkar eg to lester ein i kvar  ende av garnnøstet. 

Så må eg skrive litt om fårikål i dag også, det blir siste gongen eg nemner den retten, på ei stund i alle fall. For ei stund sidan kjøpte eg ein liten pakke med fårekjøt som eg ville ha i hus i tilfelle.............Men neste gongen eg var på butikk kjøpte eg ein pakke til i tilfelle det kom gjestar.

Ein dag laga eg fårikål berre til meg sjølv, og kjøtet var godt, men med spansk pepar vart det litt voldsomt.

I dag skulle eg lage middag av den andre kjøttpakken, det vart spansk pepar men i moderat mengde. Eg kokte kjøtet både lenge og vel, men maken til kjøtt har eg aldri sett, Det var så seigt at det var med nød og neppe eg greidde å tygge det. Dessverre vart der litt att i dag også, så det blir kanskje ein porsjon til. Men det blir lenge til eg kjøper fårekjøt, trur eg. Eg var frista til å klage på det eg hadde fått, men å klage til dei som står på butikken er ikkje heilt greit, for det er ikkje deira skuld.

Veret vart finare og finare ut over dagen, så det blei ein tur på Vernet i dag også-Eg ser på sauene som går ute, og på snøen som ligg langt nedetter fjellsidene-eg er redd for at sauene frys, for eg trur ikkje dei har nokon stad å gå inn, men dei legg seg kanskje i ein stor dunge og varmar kvarandre.

Eg likar ikkje art det kjem snø så tidleg, det gjer vel ingen, men det var nydeleg å vere ute i dag .

I morgon har eg ikkje noko spesielt å gjere, men blir det ver

 til det, kjem eg til å jobbe ute i hagen, og kanskje køyre på VØR  med hageavfall, alt ein får gjort om hausten , slepp ein til våren. Men eg synest det vart litt for surt og kaldt, vi har ikkje begynt på oktober ein gong.

Dagbok 2024: 28.september

 

Klokka er no 18.03, temperaturen ute er + 5 grader og det regnar litt no og då. 

Då eg stod opp i dag var det snø på garasjetaket og langt nedetter fjellsidene, det var litt uventa, men ikkje noko å gjere med. Eg måtte i alle fall utsette lufteturen min. Men til butikken tek eg bilen så det var ikkje problem å hente heim litt mat- Solveig ville kome ein tur på føremiddagen, så då vart det å lage til litt lunsj til henne og meg sjølv. Kjekt å ha nokon å ete i lag med.

Solveig kom som planlagt og vi hadde mykje å snakke om, som vanleg. Margrete kunne også ha vore her, men ho har fått ein låk arm, så ho måtte ta det med ro heime. Eg har ikkje laga middag i dag, men det er ikkje så nøye med. Eg får alltid i meg nok mat.

Ettar at Solveig hadde fare, fekk eg gått ein tur på Vernet, for det vart ei stund med opphaldsver. Det var friskt og godt ute, men eg håper no at vi skal få litt meir finever før hausten og vinteren kjem for alvor.

Det er for tidleg med snø så langt ned, så eg håper den vert vekke igjen.

Fin himmel i vest. Fjelltoppen som vi ser er Helgehornet. Der har eg faktisk vore eit par gonger.  Fint å få sjå litt blå himmel

Dagbok 2024: 27.september

Klokka er no 18.46, temperaturen ute er +5 grader og det regnar . Det var ikkje slik eg trudde dagen skulle bli, for det var veldig fint i dag morgon då eg stod opp. Det var så fint at eg fekk ha ut alle teppa på soverommet og vaske der då eg tok fredagsvasken. Eg var rimeleg tidleg oppe i dag også, og sette i gang med å jobbe.

Då eg var ferdig med vaskinga ville eg ta turen på Vernet med det samme; eg vart ståande å snakke med ein nabo opp på gata, og rett som det var kom det ein vassdrope, så eg forstod at det skulle komme ei byge, men eg gjekk på Vernet likevel og det blei ikkje så mykje regn før eg kom heim att. På bildet over ser vi det som eg såg då eg sat på benken-eg trudde sola kom tilbake, men slik vart det ikkje, etter kvar vart det berre meir regn og litt kaldt. Eg hadde tenkt å fare over med klipparen i dag for det var så stygt klipt før i veka. Men det var umuleg. Plenen er like mjuk enno og det går mot kaldare tider.

Eg laga meg ikkje vanleg middag i dag, men fann på ein ny rett;det var makrell i bok + hardkokte egg+ brød. Alt er godt berre ein er svolten nok.

Eg hadde hatt altandøra  på vid vegg før på dagen men då eg skulle sette meg å slappe av var det altfor kaldt så eg fyrte i omnen og fekk det godt og varmt.

I dag fekk eg melding frå legen min på Helsenorge, det var resultatet av dei  andre blodprøvene, men det var som dei første, heilt OK,men på grensa til lav blodprosent. Eg veit ikkje om ein kan gjere noko med det, men det er no ikkje noko som eg merkar sjølv.

Tida går så fort, i dag er det tre veker sidan eg var med Margrete og Amanda på biltur. 

Oppom Vernet er det ei dyrka mark som vi kallar Åsmundmarka. Der blir slått gras om sommaren, men på hausten får sauene lov å beite der, Det er nesten ikkje råd å sjå sauene på bildet,  men dei er ovanfor dei kvite høyballane.

Etter at eg åt middag sat eg og strikka ferdig ein lest, men eg har meir garn så det er ikkje krise.

Eg har ingen plan for morgondagen, men eg må i alle fall ein tur på butikk.

Eg ønsker alle ei god helg, det er snø i fjella men ikkje heilt ned enno. Heldigvis

Naboane skal til Italia og der skal dei på cruise-skip. Ho fortalde at der er ei dame,  eg veit ikkje kvar ho er frå, men ho har selt huset sitt og bur no fast på eit cruis-skip-der har ho alt ho treng inklusive mat. Eg trur ikkje eg skal gjere det same.

God helg!

Dagbok 2024: 26.september

Klokka er no 17.09, temperaturen ute er + 12 grader C og sola skin.

Dette har vore ein litt annleis dag, eg skofta treninga sidan eg skulle på besøk  Velle nye skule. Det store nybygget som er sett opp i fleire etasjar inn mot vegen over brua. Det har vore mykje snakka og spekulert på dette huset i byggeperioden, men no er det ferdig og tatt i bruk. Vi som har vore tilsette ved "gamleskulen" skulle få kome og sjå den nye. Vi var ein bra flokk som stilte opp, men berre eg som var så gammal. Eg kjende ikkje alle som hadde kome etter mi tid. Men nokre kjende eg; Ragnhild, som henta og bringa meg, og Geir som også er pensjonist no- Men eg var den absolutt eldste frammøtte.

Det var interessant å sjå korleis ein moderne skule kan sjå ut, likna ikkje mykje på skulane som var før. Eg kan ikkje gi meg ut på å skildre korleis der var, men tilslutt hamna vi i den eldre skulen og der var lærarrommet og kjøkkenet attkjennande og der fekk vi kaffi og noko attåt. Og der fekk vi prate med kvarandre slik som lærarar gjer. Eg fekk sitte og prate med Geir som eg kjenner godt, han er frå Solund, og det er nesten som om han er  slekt.

Det var interessant å sjå bygget og der kjem ikkje det minste lyd frå trafikken inn i romma. Vi fekk også sjå skuleplassen, som ikkje er heilt ferdig enno. Sist eg var og kika der var det berre rot og rusk, no ser eg at det kan bli eit flott leikeområde. Ja, då eg begynte på Velle var det i eit gammalt skulehus, men vi hadde det kjekt der.

No er det heilt andre krav til skulebygningar og innhald . Rektor fortalde mykje om kva som vart gjort både med det eine og det andre. Ragnhild henta meg og bringa meg heim att. Eg kunne ha køyrt sjølv , men sidan ho like vel køyrde, kunne eg sitte på.

Etter at eg kom heim måtte eg ta meg litt mat, og så var eg opp til Marit for å høyre kva legen hadde sagt i dag.

Det blir ikkje tur på Vernet no, for der gjekk eg tidlegare i dag, før vi for ned på skulen.

Dagbok 2024: 25 september

 Klokka er no 18.53, temperaturen ute er +8-9 grader C,det er overskya og det har regna i løpet av dagen.

Denne dagen vart litt rotete,  eg hadde tenkt å få gjort noko ute, men det vart ikkje aktuelt då det begynte å regne.

Eg hadde avtalt med Marit at eg skulle komme opp til henne i dag, og ho ville eg skulle komme i 12.tida. Derfor gjekk eg turen min på Vernet først best. Eg hadde ikkje planlagt noko her heime når veret var slik det vart.

Ragnhild ringde då eg var komen opp til Marit for å høyre om eg ville sitte på med henne i morgon eller køyre sjølv. Ho fortalde at det var berre ho og eg i "gjengen" som skulle på VELLE skulen i morgon. Det var berre vi to som hadde helse til det. Og eg er den nest eldste av oss alle. 

Det hadde begynt å regne kraftig etter kvart, så eg bestemte meg for å kjøpe nye støvølettar i dag, så eg kan vere godt skodd i morgon. Eg har gode støvlettar frå før, men dei skal eg bruke til kvardags. Eg rekna med at skikkelege støvlettar ville koste ca 2 tusen, men det fekk våge seg. Då eg kom heim frå Marit gjorde eg meg klar til å fare nedover, det var dei støvlettane eg skulle ha, og så var eg lens for kalktablettar. 

Ho som ekspederte meg kom med eit par som var heilt nydelege på foten, og fine i det heile tatt, men dei kosta over 2 tusen, så eg syntest dei var dyre. Då kom ho med eit anna par som var nesten heilt likt, skilnaden var berre at der var berre eitt glidelås  på kvar, dermed kom dei litt under 2 tusen. Og eg kjøpte dei. Dei gamle støvlettane skal eg bruke til kvardags, men dei må få litt svart skokrem på tærne.

Det er ikkje så ofte eg er på ALTI og ser meg om, det er ikkje så kjekt å gå og snuse i butikkane åleine. Eg tok ein liten runde i dag,men kjøpte ingen ting.

Eg har ikkje gidda å lage middag i dag, kan no ikkje ha middag KVAR dag heller- Eg har sete mest og strikka, men eg kan ikkje overdrive strikkinga heller, for då blir eg låk i handa.

Eg treng nokre dagar med fint ver slik at eg får rydde opp ute og køyre på VØR.

Eg må avlyse treninga i morgon elles blir det stress.

Dagbok 2024: 24.september

Klokka er no 18.22, temperaturen ute er +11 grader C.I dag har vi hatt sol og fint ver, og det set vi pris på.
Kvar morgon når eg vaknar er det første eg tenkjer: kva dag er det i dag? I dag er det altså tysdag og då er det trening, så det er god grunn til å stå opp og komme i sving. Men då eg kom ned i Vik og hadde parkert bilen  begynte eg å lure. For det var ingen andre bilar på parkeringsplassen. Då måtte eg opp med telefonen og sjekke og då var det tysdag ,heldigvis.
Etter treninga var eg på KIWI og handla og då eg kom heim gjorde eg klart for ein tur på Vernet. I dag var der sol og fint, og eg trefte ein som eg brukar å prate med, ein som eg har kjent lenge.
Etter kvart måtte eg tenkje på middag og det var enkelt, rett og slett det same som i går. Når eg lagar potetstappe, lagar eg alltid til 2 dagar. Eg har så god appetitt at eg treng ikkje ha så veldig god mat.

Det er vått i jorda og  plenen veks godt enno. Eg tenkte at eg kunne klippe plenen i dag viss det var tørt nok. Og så ser eg litt etter kva naboane gjer. Det vart til det at eg klipte plenen rundt huset+ oppe med postkassene. Det var i grunnen litt for vått i graset, men eg kom no i hamn på ein måte. Eg håper at graset sluttar å vekse snart og at det kan bli litt tørrare ver. 

I dag var det litt nytt i avisa . Bandet som Erlend spelar i har fått platekontrakt med eit stort plateselskap. Alle dei andre er eldre enn Erlend og Erlend er i grunnen vikar for ein annan. Men han er med og spelar både her og der. No har eg gløymt kva by dei skulle til komande helg, men det var i alle fall ein by sørpå.

Torsdag skal eg på den nye Velle skulen og sjå meg om i lag med andre pensjonistar. Det ser eg fram til. Både det å få sjå ein heilt ny moderne skule. og det å treffe att gamle kollegaer. Den eldste er 96 år, men har gyldig sertifikat.

Dagbok 2024:23.september

Klokka er no 18.20, temperaturen ute er  +9 grader C, og det regnar. Det har det gjort i heile dag, og eg har halde meg inne utan å få gjort noko der heller. I dag hadde eg tenkt å rydde meir i hagen og køyre bort på VØR, men det måtte eg berre slå i frå meg. DEt var ikkje ute verande etter mi meining. 

Eg har ikkje gjort så mykje inne heller at det gjer noko. Eg måtte rekke opp litt av ein lest eg strikka i går, så no er det i orden. Og så laga eg middag til meg sjølv i dag, det vart pølser og potetstappe. Så vaska eg opp litt for hand, og litt kom i maskina.

Eg sette på TV-en ,men det er ikkje kjekt å sjå nyheitene, det er heilt forferdeleg korleis det er i verda no; med krigar mange stader og sivilbefolkning med barn som blir drept, det er verre enn nokon gong før. Det er nesten som eg har lyst å slå av TV-en, men det hjelper vel ikkje. Eg er alvorleg bekymra for det som skjer. Men  eg kan ikkje gjere noko for å stoppe det.

Eg blir ofte sittande framfor datamaskina om dagane, les litt på FB, øver litt på spansken m.m. På Reels and short videos.

Eg har mykje eg kan gjere inne, men eg ville helst bli ferdig ute først, det er godt å få rydde opp før snøen og vinteren kjem.

Eg driv og strikkar lester innimellom, men i går måtte eg legge frå meg "spøtet" for eg vart så låk i venstre handa og armen heilt opp i nakken. Det var den handa eg braut, ho er ikkje heilt god enno. Men det har vore betre i dag. Torsdag skal vi "gamle" lærarane frå Velle skule få komme på besøk på den nye skulen som nettopp er tatt i bruk. Det ser eg fram til. Ikkje minst ser eg fram til å møte gamle kollegaer som eg ikkje har sett etter at eg slutta på skulen. 

I morgon er det trening, men eg må fare åleine denne veka også.

                                      Starevegen. Heimvegen.

 

Dagbok 2024: 22. september

 Klokka er no 17.33, temperaturen ute er no + 13 grader C, det er skya , men opplett. Det har ikkje hendt mykje i dag, her hos meg, men det er no heller ikkje så nøye med. Eg stod relativt tidleg opp, som vanleg, og då eg kom på at det var søndag vart eg gledelig overraska-eg trudde det var mandag. Det er ein heil jobb etter kvart å passe på kva dag det er. Eg tok like godt og gjekk ein tur på Vernet først best, ofg eg var der ikkje åleine i dag heller, men møtte ingen eg kjenner og eg gjekk rette vegen rundt. Eg har ikkje snakka med ei sjel i dag, 

Eg tenkjer ofte at eg vil gå ut til Hovdevatnet, der gjekk Nils og eg veldig ofte, men åleine kjem eg meg ikkje til, Det var nokon som sa at det var så dårleg veg ut der no, men det kan no ikkje vere så veldig gale på den korte strekninga. Eg må prøve å komme meg av garde åleine ein dag.

Oppe hos Marit er det fullt hus i dag, dei er ein stor familie etter kvart, med barn, barnebarn og oldebarn. 

Eg kan godt vere åleine, det gjer meg ingen ting, det eg ikkje likar er at eg ikkje kan strikke og styre  på slik eg vil på grunn av handa.

I dag har eg hatt middag av resten av fårikålen, det var ikkje så festlig. Det første fårikålkjøtet eg laga var godt, men det andre var ikkje noko særleg, men det gjekk no ned og så hadde eg rikeleg is til dessert.

Deretter vaska eg opp både for hand og i maskin. Elles har eg stort sett sete og halvsove framfor TV-en, så det er ikkje mykje å skrive om. I morgon er det heldigvis ikkje helgedag, så då er det no mykje å finne på. Eg studerer på kva eg skal ha på  meg torsdag når vi skal på Velle skule. ?

                                             Det er ikkje berre eg som går åleine på Vernet.

Dagbok 2024: 21.september.

                 I dag gjekk eg rongsøles på Vernet, altså MOT SOLA, det gjer eg                         berre av og til, mellom anna fordi eg då må gå ned trappa.

Klokka er no 17.22, temperaturen ute er + 15 grader og det er opplett, og eg sit og angrar på alt eg ikkje har gjort i dag. Dagen vart lenger og drygare enn eg hadde trudd. Kanskje fordi eg står opp relativt tidleg. Ikkje fordi eg har lyst, men fordi eg ikkje får til å ligge så lenge.

I dag gjekk eg ein runde på Vernet i 10-tida, der trefte eg ei som eg jobba i lag med på Velle i si tid. Og vi hadde no litt å prate om, men det er ikkje så sjeldan vi møtest der eigentleg.

Då eg kom heim, køyrde eg ned på KIWI for å handle, der trefte eg også ein tidlegare "kollega" som inviterte meg til å komme og sjå den nye skulen  torsdag kl.12.30, trur eg det var. Vi gamle lærarane frå VELLE har venta på ei slik innbyding, og no skal det endeleg skje. Det er mange eg ikkje har sett snurten av sidan eg slutta for over 20 år sidan.

Eg tok meg litt mat, men tenkte ikkje så langt at eg kunne styre med noko ute i dag, veret var så bra at det kunne gå an. I staden sette eg meg til å sjå TV og strikke. Det hadde vel litt med det å gjere at eg ikkje hadde kledd meg i arbeidsklede; og så er det somme tider eg får besøk på laurdagar.- 

No er det såpass seint at der er ikkje noko meir å tenkje på. Kanskje eg skal lage litt middag ?

Det er litt stussleg no når Marit må halde seg i ro, for det er henne eg brukar å fare i lag med på butikkar etc.

Både ovafor og nedafor Vernet er der store åkrar med lupiner, men denne her og nokre til, er visst litt for optimistiske og trur at det er vår. 

Dagbok 2024: 20.september

 Klokka er no18.41, temperaturen ute er 13 graderC. Eg vart skuffa då eg stod opp i dag, inga sol var å sjå og skodda låg heilt ned på jorda. Skodda har vi litt att av enno, men det er i alle fall opplett.

I dag har eg ikkje kome meg ut verken på Vernet eller i hagen. Fredag er vaskedagen min, men vaskinga er no fort gjort unna slike dagar når eg ikkje kan ha ut verken golvteppe eller sengklede. Så det vart   fort unnagjort.  Til slutt kveikte eg i omnen og fyrte aldri så lite.

Eg hadde ikkje lyst ut verken på Vernet eller i hagen, så eg laga meg ein deilig middag i staden. Eg hadde mandelpoteter og kål og ein pakke med spekesild, Så då laga eg faviorittmaten min til middag. Etterpå blei eg sittande å drikke og strikke framfor TV-en. Eg har ikkje dårleg samvit om eg ikkje får gjort så mykje kvar dag, eg er no pensjonist !

Eg klipte plen i går, men der er så tjukt med mose under graset at eg går som på eidundyne. Eg ser at eit par av naboane stiller klipparen heilt ned, så eg lurer på om dei tek mosen i same slengen eller om dei ikkje har mose. Eg vurderer å prøve på min eigen plen.

Dei to største buskene på bildet, blomstrar no, og eg synest det er litt for seint. Men eg trur at eg kanskje klipte dei seint på hausten i fjor, så det kan vere det som gjer det. Elles held eg no på med å førebu plantane på vinteren både her og der. Det er mykje godt arbeid i ein hage og det er eg glad for, så lenge det er råd å vere ute og jobbe utan at det regnar.

No må eg inn til TV-en og sjå på alt det fæle som skjer i verda, Men nokre lyspunkt er der vel også.

GOD HELG !

Dagbok 2024: 19.september

 

Klokka er no17.45, temperaturen ute er + 20 grader og vi har hatt ein fin sommardag i dag igjen.

Eg var på trening som vanleg om torsdagar, og då eg kom heim att tok eg ein runde på Vernet i det nydelege veret. Etterpå gjekk eg ein tur opp og prata med Marit ei stund, ho er plaga med verk i kroppen. 

Då eg kom ned att tok eg meg litt mat før eg gjekk ut og begynte å slå plen.Eg har slått rundt huset + Skråninga, så no er eg passeleg lei av alt graset. Naboen slo plenen  ovafor garasjen min, som vanleg. Det som står att er det vesle stykket ved postkassane.I tillegg til slåtten har eg klipt ein god del gras med hand rundt busker etc. 

Eg tok mange bilde på turen moin i dag, og eg meiner eg har lagt dei inn på PCen, men dei er ikkje der-enno i alle fall.

I morgon er det fredag og då er det to veker sidan vi var på tur ut i øyane, tidag går farleg fort. Solveig og Øystein er komne heim frå Nice, men eg har ikkje snakka med dei enno. 

Eg er heilt håplaus når det gjeld å halde orden på saker og ting. I går rydda eg fint opp etter meg og tok godt vare på alt "verktøy" eg hadde brukt , eg la det på ein "lur" plass;  men då eg skulle bruke det i dag, fann eg det ikkje att- Lurer på kven som har "stole" det. (det dukkar vel opp att) 

Dagbok 2024: 18.september

No er klokka 17. 50, temperaturen ute er + 21grader og det har vore ein nydeleg sommardag-

Eg vakna som vanleg litt tidleg, men luska ut på kjøkkenet gfor å få frokost. Då kom eg på at eg skulle møte fastande på legesenteret for å ta blodprøver. Så det blei dusj i staden for mat. Egkøyde bned og var der litt etter klokka 9 og fekk tatt mange prøveglas med blod, så no minkar det vel i kroppen. Å ta blodprøver no er bere moro i staden for slik det var mange gonger før, minnest legar som stod og stakk og stakk utan at blodet kom.

Det var veldig kjekt å kome heim att og få seg frokost. Etter frokosten gjekk eg ein runde på Vernet mens sola enno stod i aust.

I dag har eg jobbe ute i hagen nesen heile tida. Eg måtte ta ein liten pause fordi venstrehanda mi ikkje likar så mykje klipping og styr. Eg har jobba mykje, men ikkje alt viser like godt igjen. No har eg tatt kvelden, og skal sjå om eg finn meg litt middagsmat-eller noko anna. Ein nydeleg dag har det vore. Gjev vi få fleire slike.

 

Dagbok 2024:17.september

 Klokka er no 16.40, temperaturen ute er + 17 grader, det er overskya, men opplett og fint, på ein måte-

I dag har eg hatt eit relativt tett program. Først på treninga, så på butikken, heimom ein tur før eg gjekk på Vernet. Då eg kom heim skulle eg jobbe i hagen, men så kunne eg sette på ei gryte med fårikål, for no hadde eg endeleg fått tak i heil pepar, noko som eg ikkje har funne på butikken før. Rettnok var peparen spansk, men det var vel greit nok? 

Eg hadde kjøt og kål i "gryta"+ vatn og salt. Ja, og så peparen, det var ikkje små brune frø, men noko som var større , men eg heiv no nedi ganske rikeleg av sorten. Og så fekk maten passe seg sjølv mens eg skulle klippe laurbærheggen (eg trur det er det buska heiter). Eg klipte og klipte utan at buska vart så mykje mindre , men eg hadde to store svarte sekker fulle med avklipp. 

Eg rydda opp etter meg ute før eg gjekk inn og såg til fårikålen, den såg god og godt kokt ut. Kjøtet var møyrt og fint. Men der var eit MEN-og det var den spanske peparen. Sikkert ikkje noko i vegen med den, det var berre at der var "litt" for mykje av den. Men eg fekk fårikål middag, kokte rikeleg med poteter så det gjekk no bra. Men i morgon skal eg koke ny fårikål av kjøtet som var att og ikke ha spansk pepar i . Redninga i dag var ein god porsjon is til dessert.

Det ser ut til å bli fint ver etter kvart, eg treng opplett for å få gjort hagen i stand til vinteren.

Her er buska mi, eg har klipt mykje av den, men den er nesten like stor somden var. Det kan no hende eg klipper litt meir med tid og stunder.Det er fint ute no når det er opplett, det kan vere fint på denne årstida også, dersom det er opplett og helst litt sol.

Dagbok 2024: 16.september

Klokka er no18.15, temperaturen ute er 12 grader C og det er overskya, men ikkje regn, eg trur det var litt finare tidleg i dag, meiner eg såg sola i dag morgon.

Eg hadde diverse planar for dagen, så eg kom meg ut og i arbeid ganske fort. Eg ville bort på VØR med hageavfall. Hadde fleire sekker ståande rundt omkring -og dei ville eg ha vekk.

Og så måtte eg klippe bartrea ved kjellerdøra, for det hadde så lange greiner at dei kunne stenge for gjennomfarten, Eg klipte dei mykje for to år sidan, då vi heldt på å skifte tak, men no hadde dei vakse godt.
 

Eg lasta inn i bilen fleire svarte sekker og skulle køyre på VØR med dei, men så blei eg redd for at eg kunne ha for lite bensin på bilen, eg veit aldri kor mykje eg har, for bensinmålaren virkar ikkje. Men eg plar seie at eg har det på følelsen når bilen treng påfyll. Så eg var innom Shell og fylte på for sikkerheits skuld.

Det var fort gjort å tømme sekkane i dag, og så køyrde eg rett heim. Einar hadde sendt melding om at han ville komme innom på vegen til Volda, der han hadde eit ærend i dag. Det virka som om han ikkje skulle vere her så lenge, så eg laga ikkje middag, men steikte vafler og koka kaffi , så hadde vi ei koseleg pratestund, som vanleg. Etter at Einar hadde fare, gjekk eg ein tur på Vernet, sjølv om veret ikkje var heilt trygt. Det kom nokre små dropar frå himmelen , men det var stort sett opplett.

I dag fyller kusina mi som bur på  Skjedsmokorset  86 år-og i fall ho er innom bloggen vil eg gratulere henne her også. Ellen Marie og eg har alltid vore gode venner, vi budde begge på Eid til ho var ferdig på realskulen, då flytta familien til Sørumsand, så då vart det skjeldnare vi traff kvarandre. Men vi har kontakt framleis.

Dagbok 2024: 15.september

 Klokka er no 16.57, temperaturen ute er+ 15 grader C, og det er skodde og regn. Eg skulle gjerne hatt litt tørrare ver slik at eg hadde fått rydda opp i hagen før vinteren kjem, Vurderer å køyre eit lass på VØR i morgon.

I dag då eg bvakna var eg heilt ute av tida, eg greidde ikkje å finne ut kva dag der var, så eg måtte berre stå opp- og litt etter litt fekk eg orden på tida. Men sjølv om det var søndag så la eg meg ikkje inn att i senga, menlaga frikost etc. og då klokka var nærmare 10 gjekk eg tur på Vernet. Eg var der ikkje åleine, trefte til og med ei som eg kjende.

Veret var ikkje heilt trygt med store svarte skyer, men sola braut igjennom no og då. Det er kjekt med ein liten morgontur på friske bein.

Her i huset har eg ikkje gjort mykje i dag, det har mest vore TV og strikking.

Men eg laga meg skikkeleg middag i dag, eg hadde tenkt å koke fårikål, men så hadde eg ikkje heil pepar så eg tok spekesild i staden. Og det vart eit nydeleg måltid-eg åt sikkert altfor mykje,men det får vere greit for ein gongs skuld. Etter middagen har det gått med ein del drikke.

Eg hadde i grunnen tenkt å gå ein lengre tur i dag, men var ikkje heilt nøgd med veret så det vart å sitte inne i staden.

Slik var det då eg kom heim i 11-tida, seinare vart det skikkeleg vått.

Solveig og Øysrein har hatt ei veke i Nice, men skal kome heim att i dag.

Dagbok 2024:14.september

 

Klokka er no 17.52, temperaturen ute er+13 grader C og det er overskya. Veret var finare først på dagen.

I dag stod eg opp til vanleg tid, men eg hadde ærend på ALTI, på apoteket, for eg var heilt lens for nokre tablettar. Men då eg kom på apoteket hadde dei ikkje att slike tablettar som eg skulle ha, og dei skulle ikkje få att sorten før på tysdag. 

Eg vart oppmoda til å fare bort i Furene, for der er det også apotek - i bygget til Coop. Ja, det var ikkje anna å gjere enn å køyre bort, så det gjorde eg og fekk tablettar.  Så handla eg litt på Coop med det samme, og var også innom Plantasjen og kjøpte ein fin blomst som eg tenkte å gi bort, men bestemte meg for å behalde sjølv.

Då eg kom heim att blei det ein runde på Vernet, men så mykje meir vart det ikkje. Eg var trøtt og sliten av ein eller annan grunn, så etter at eg hadde tatt meg litt mat, sette eg meg inn i stolen min og skulle sjå TV-men sovna.

Så lenger kom eg ikkje i dag. No må eg vel snart tenkje på middag også, men det hastar ikkje. Kvelden er lang.

Tidlebg på dagen var det sol, men no har det skya over, og eg synest det er litt skymt. Sommaren er i alle fall forbi no.

Dagbok 2024: fredag 13.september

 Klokka er no17.26, sola skin inn vinduet på meg, men det varer vel ikkje lenge, for på skjermen står det Regn kommer. Temperaturen er +10 grader C-.

Eg vakna veldig tidleg i dag, men greidde å ligge i ro til det var tid til å stå opp. Det som gjorde meg litt uroleg var at eg skulle til legen. Eg skal kontrollere blodet mitt kvart halvår, det var derfor eg hadde tinga time.Uansett er eg alltid litt spent på legebøsøka. Eg er så heldig at eg har fått ha samme legen i mange år, kanskje 30-40 år. Ikkje veit eg. Men ho er nordfjording, som eg, frå Stryn. Eg greidde godt å overtyde henne om at eg er veldig frisk, og eg trur ho trudde meg. Blodtrykket var så fint at det kunne ikkje bli betre, sa ho. Men om eg er så frisk som eg trur, veit eg ikkje før eg får resultatet av blodprøvane. Det er veldig mange prøver, men dei er så flinke med det no- ikkje slik plunder som det ofte var før i tida. Ja, eg får som regel resultatet på "Helsenorge".

Eg var innom butikken i dag også for det var noko eg hadde gløymt i går. Og då eg kom heim var det å starte på fredagsvasken. Det gjekk relativt fort sidan eg hadde både støvsuga og anna i går. Middagsmat hadde eg også att frå i går, så det var lettvindt.. Etter at eg hadde ete sette eg meg inn i stova og såg nyheiter på TV. Trur eg sovna litt innimellom. 

Eg har telt på knappane om eg skal gå på Vernet, men eg trur eg let vere og heller slappar av litt. Akkurat no er det fristande å gå tur, men godstolen fristar meir. Fredagen for ei veke sidan var vi på tur "ut i øyane" og det var litt av ei oppleving. Denne helga kjem dei vel att dei som har vore i Nice.

Marit har besøk av slektningar i dag, så eg får ikkje snakke med henne på ei stund. Vi brukar å prate heile dagane på maskin og nettbrett slik at vi held orden på kva den andre tek seg til.

Sidan det er fredag vil eg ønske alle ei god helg. Det hadde vore kjekt om vi fekk nokre skikkeleg fine dagar før hausten kjem for alvor. GOD HELG!

Eg ser at Gry har lagt ut bilde på FB, "Nysnø i Saudehornet".

Dagbok 2024: 12.september

 Klokka er no 18.23, temperaturen ute er+8 grader og det regnar. Eg har slått frå meg å gå på Vernet i dag.

I dag morgon reiste vi på trening, Marit og eg, og på heimvegen handla vi på KIWI -som vanleg. I staden for å gå på Vernet gjorde eg ein liten innsats her heime, til dømes støvsuga eg teppegolva, bytta på senga, vaska og tromla ein klesvask, sette på oppvask også og så laga eg middag til meg sjølv:heimelaga potetstappe + pølser. Vaska opp for hand også, før eg sette meg inn til TVen med kaffi og strikketøy. Forresten hadde eg fyrt opp i omnen så det var godt og varmt.  Eg gjorde diverse som eg slepp i morgon når eg skal ta fredagsvask. 

Men aller først i morgon skal eg til legen; eg er absolutt ikkje sjuk, har ikkje vondt og har mykje energi. At eg er dårleg i ryggen har berre med alder og slitasje å gjere. Men eg må teste blodet mitt 2 gonger for året fordi der er noko som kan utvikle seg til sjukdom. Hittil har prøvane vore fine, eller i alle fall bra nok.

No har eg lagt på reint sengetøy, men eg fekk ikkje vaska soverommet for der er så mange teppe på golvet, og dei kan eg ikkje henge ut i dag, så det vart berre litt støvsuging.

No har eg snart så mange sekker at eg kan fare på VØR, men eg ventar på tørrare ver.

Dagbok 2024:11.september

Der var ein stor flokk med skulebarn på Vernet i dag.

Klokka er no 17.14, temperaturen ute er +13 grader C.  I dag har vi hatt både litt sol, og litt regn. Eg var skuffa over e\at det regna då eg var ferdig med frokost etc. Men eg tok ein tur på Vernet først og håpte det vart betre seinare,det var no ikkje så mykje regn heller.

                                                         Utsikta frå Vernet i dag,

Eg åt lunsj i 14-tida og etterpå gjekk eg ut og jobb til klokka var 17. Det høyrest ikkje så mykje ut, men eg fekk no gjort det eg ville.

Det første eg gjorde var å bere fleire bøtter med mold opp oi hola der rabarbraen stod før. Så hadde eg masse grasfrø oppi, tok rikeleg for frøa var nokre som eg fann i tilbygget då eg rydda der, Veit ikkje kor spire-glade dei kan vere. Men tida vil vise det. 

Så var eg ned og raka litt under epletreet, men så fekk eg auge på ein skikkeleg jobb som måtte gjerast først best. Når eg klipper med grasklipparen køyrer eg ikkje heilt ned på muren mot naboen, så der gror det opp både gras og ugras, nesten heile denne muren reinska eg i dag. Eg har stolen med meg og sit så mykje eg kan, for elles protesterer ryggen. Det ser kanskje rart ut å sitte og rake, men det bryr eg meg ikkje om. PÅ veg inn att såg eg litt av kvart som eg skulle ha gjort -og litt gjorde eg.Når eg får gjort ein skikkeleg jobb-er eg fornøgd med dagen. I morgon er det trening igjen. Og meir veit eg ikkje enno.

                                                                   Rabarbra-hola skal bli grøn..

 

Dagbok 2024: 10.september

Klokka er no 19.58, temperaturen gjekk ned til + 10 grader då regnet kom etter at vi har hatt ein fin dag med sol og varme.

Eg har hatt ein"travel" dag-  Først var Marit og eg på trening,så var eg på butikken på heimvegen, Eg tenkte eg skulle gå ein runde på Vernet, men kom til at eg måtte prioritere plenklipping og anna hagearbeid, for det såg ikkje så fint ut på tomta.

                                                               Victoriaplommer 

Så gjekk heile ettermiddagen med til å plukke plommer og klippe plommetreet,og etter kvart fekk eg klipt det meste av graset+ at eg samla nedfallseple i to sekker. Eg legg ein plan for korleis eg skal kvitte epla. Det tok si tid, men eg kom i mål.Plenen blir ikkje skikkeleg fin, for graset er aldri tørt nok når eg klipper -det har vel med ver og årstid å gjere.

Det er langt frå at det blir perfekt, men det får vere bra nok. Eg likar å styre på ute når eg får gjere alt slik eg vil. Og i dag var ikkje ryggen så vond heller, og det er no bra. No har det begynt å regne også , etter ein fin dag.

Slik ser plenen ut når eg klipper, det er fordi graset og underlaget er for vått .

Men ein kan ikkje vente å få det tørt, for no regnar det igjen.

 

Dagbok 2024: 9.september

 Klokka er no 18.32, temperaturen ute er+12 grader og det har regna i heile dag, trur eg-og skodda er sid og tett. No har eg vore ein tur på Vernet, eg har tatt fri i 3 dagar, så i dag syntest eg det var lett å gå.

For mange år sidan kjøpte Nils og eg like regnjakker. Av ein eller annan grunn har begge jakkene blitt hengande nede i kjellaren, nesten ubrukte. Ein dag i førre veka tok eg den eine og brukte ute i hagen, og eg fann ut at den var fullt brukbar. I dag tok eg den på meg og gjekk på Vernet, der er store gode lommer og hette etc. Skikkeleg god å ha på tur. Litt stor var den, men det var kanskje Nils si? Det skal eg undersøke.

Då eg stod opp i dag var eg frisk og rask, og det er eg framleis. Men noko gale eg det no alltid.No er det ryggen min som er verst, særleg viss eg sit i ro og strikkar ei stund, og det gjer eg no. Elles har eg ikkje gjort så mykje i dag, berre vaska litt klede, rydda litt i skuffer og skap etc- Apropos skuffer så var eg himlande glad i dag då eg fann ein 30  cm lang linjal i ei skuffe, for det var noko eg sakna, har hatt berre ein liten stubbe av ein linjal, og ikkje nok med det- der var ein linjal til samme sorten så no er eg godt hjelpt.

Til middag i dag kokte eg risgraut, for eg ville bruke opp noko melk eg hadde.

I morgon skal Marit og eg på trening, så får eg sjå om fysioterapeuten har noko å hjelpe ryggen min med. Det er ikkje lett å trene ryggar, det veit eg frå før. I dag var det slik at når eg styrte med noko, var det bra, men når eg strikka vart det låkt. Og eg har no så lyst å strikke.

Hagen får eg ikkje gjort noko med så lenge det er så vått, men der er mykje godt arbeid på vent.

                        

               Det var ikkje vidare god utsikt i dag, men slik kan det også vere.

Dagbok 2024: 8.september

 Klokka er no 20.15, temperaturen ute er ca 17 graderC. Dagen starta med sol og varme, men så vart det verbyte med regn. Same for meg for eg skulle ingen stad,men vere heime. 

Eg har ikkje vore sjuk i dag, men er heller ikkje i toppform; eg er litt forsiktig med maten, har stort sett livberga meg på kjeks , ost og Coca Cola . Cola er medisin for magen, men dokteren hadde sagt til Marit at den skulle vere med sukker. Eg har masse Cola i hus, men alt var utan sukker. Får håpe den hjelper likevel.

Eg har vore heime åleine heile dagen,så eg har fått gjort litt av kvart. Eg har mellom anna strikka ferdig ein lest og begynt på den andre, så har eg vaska klede og tørka i trommelen; eg fekk gjort ferdig sudokuen (den vanskelege i fredagsavisa)og eg har sett mykje TV-det brukar eg ikkje å gjere til vanleg. Eg brukar å halde meg mest til datamaskina.

Det vart ingen tur på Vernet i dag, og ingen andre stader heller, men eg reknar med at eg skal vere i form til treninga tysdag.

                 Bilda har eg tatt frå trappa, eg har ikkje vore lenger i dag.

Dagbok 2024: 7.september

 Klokka er no18.00 og temperaturen ute er + 26 graderC. det har vore ein nydeleg dag, som eg dessverre ikkje har fått nyte.

Eg er svært sjeldan sjuk, men i går kveld etter at eg hadde slått av datamaskina,oppdaga eg at eg var både låk i kroppen og kvalm.  Eg lurte på om det kunne vere matforgiftning eller noko slikt. Men eg la meg no inn i senga til slutt, og har ikkje skikkeleg stått opp enno,  Eg er oppe berre på prøve.

Eg var litt mismodig til å begynne med, for eg er ikkje vant med å vere sjuk. Eg var så svimmel at eg kunne knapt gå. Og så den fine dagen! Eg har lege i senga mi til no, med open altandør. Eg var så svimmel at eg kunne ikkje gå, men eg fann ut at viss eg tok brillene på, gjekk det betre. No er eg oppe på prøve, og har fått i meg ein liten sluk med Coca Cola. Eg ser at det går litt framover-  litt surt å misse ein slik dag. Men eg skal ikkje klage berre eg blir bra. håper det beste.

Dagbok 2024: 6.september

 Klokka er  no 19.40, temperaturen ute er +20 graderC, og det har vore ein nydeleg sommardag. Føremiddagen gjekk med til helgavask og førebuing til tur. Margrete spurde i går om eg hadde lyst å vere med på tur i dag, og det var ikkje nei i min munn. Eg seier ofte at eg saknar bilturane som Nils og eg hadde rundt omkring,ofte utan mål og meining. 

Så i dag fekk eg in slik tur, i lag med Margrete, Amanda og dei to yngste hundane Albert og Dennis. Margrete ville ut mot havet, og det var ikkje meg imot. Eg likar så godt å sjå utover havet,

Eg angrar på ein ting og det var at eg skulle hatt med kart, det hadde eg alltid når NIls og eg farta omkring. For då visste eg kvar vi var og kvar vi skulle. Heldigvis var Margrete meir kjend enn eg. Men eg hadde no vore dei fleste stadane før eg også, sjølv om eg ikkje kunne finne vegane tilbake..

Vi starta med å køyre ut til Runde, det var ein del skodde over havet, men somme gonger kom sola fram. Det var ikkje noko spesielt vi skulle der, berre sjå oss litt omkring og sjå utover "havet"-og så måtte hundane få strekk på beina dei også.

Det var mykje skodde somme stader, så det var litt spennande å fare over dei høge bruene i relativt dårleg sikt. Men Margrete greidde det fint. Ho er ein flink sjåfør-

Runde i skodde og sol.

Eg trur ikkje eg kan gjengi køyreruta våt heilt rett, men vi var i alle fall innom Fosnavågen før vi reiste ut til  Kvalsvik.     Der var det nokre digre sauer som gjekk og beita, og litt lenger ute var det eit fyrtårn, Margrete gjekk ut dit, men ikkje vi andre. Margrete har ei som som ho jobbar i lag med som er der ute frå og hadde fortalt om ei grav frå bronsealderen(?)som vi trur vi såg.

I Kvalsvik såg eg nokre store digre sauer, vi trudde det mått vere villsauer

Så var vi tilbake i Fosnavåg, der vi fann ein Kina-restaurant og fekk oss middag. Etter maten og litt fotografering, køyrde vi beine vegen heim- og vi var førnøgde med dagen.-

Takk til Margrete, Amanda, Albert og Dennis, for ein kjekk dag-

                                          Margrete i Fosnavåg.