Dagbok 20 25: 30.september

 Klokka er no 20, temperaturen ute er + 12 grader og vi har hatt ein fin dag med solskinn og fint ver. Først på dagan var vi, Marit og eg, på trening, som vanleg. Men i dag handla vi ikkje på heimvegen. Eg var litt svolten så eg tok meg mat når eg kom heim og så la eg meg inn på dagsenga. Eg var trøtt for eg sov dårleg sist natt. Eg blei liggande ei stund før eg kom i siget igjen og gjekk ut for å gjere hagearbeid. I dag gjekk eg laus på den gamle jordbæråkeren som ikkje er åker lenger men stort sett berre gras og ugras. Eg har ikkje bestemt meg, men eg trur at eg skal legge ned den eine halvparten, men prøve å få orden på den andre, Det verste er å få vekk er dei store bregnene som har planta seg sjølv- ei i kvar halvdel. Eg trur ikkje eg får opp røtene, men eg prøver i alle fall. Det viser ikkje så mykje att av arbeidet mitt, men der vart i alle fall to store sekker med "boss" Det er" beddet" til venstre på bildet eg har tenkt å ordne opp.

Då eg var ferdig der nede,tok eg kvelden, så då vart det litt mat + TV og nyheiter. Det er nesten slik at eg ikkje har lyst å høyre om alt som skjer i verda-det er så mykje vondt og gale.

Eg skal på spansk-kurset i morgon, og etterpå skal vi på Kulturhuset og feire Eldredagen

                                     Fint å vere ute i hagen i dag.

Dagbok 2025: 29.september

                               Ein kan godt rote litt om ein er heime åleine.

Klokka er no18.48, temperaturen ute er +10 grader, det har vore både litt regn og opplett i dag, men som vanleg er det finaste veret når kvelden er nær.

I dag hadde eg lova Marit og køyre henne til fotpleiaren klokka 12. Før den tid sat eg mykje attmed datamaskina  og liksom øvde på spansken til onsdag. Men det vart no litt Reels også.

Mens Marit var til pleie gjekk eg rundt i gatene og såg meg om, det er lite liv i gågata,  der er nokre butikkar enno, men eg enda på ALTI, der eg trefte ein som høyrer til i storfamilien no. Det var Martin som er sambuaren til Amanda. Han har operert ein arm så han er sjukmeld for tida. Kjekt å treffe han.

Då vi kom heim, var eg snar til å hive alle svarte sekkane med hageavfall som eg hadde, inn i bilen og så køyrde eg på VØR- Då eg klipte Skråninga sist,la eg graset opp i "kassa" der eg har lagt gras før i håpet om at det skal bli mold til slutt. Eg har gjort slik før også og mold blei det, men det tok si tid.Men eg kan ikkje gjere det slik med alt graset(og mosen)

Klokka var over 14 då eg kom heim, så då måte eg ha mat. Etterpå har eg site og strikka og høyrt på dårlege nyheiter på TV. Ikkje kjekt med alle dessse dronene!!!!!

Eg strikkar på andre paret  lestar av garnet eg kjøpte i Volda. Eg tenkte eg måtte ha meir så eg planla ein Volda-tur. Men så plutseleg såg eg ein bunt til-eg hadde faktisk kjøpt 2- utan at eg hugsa det. Men eg vart gledeleg overraska. Så no blir det vel å sitte og strikke heile kvelden, men eg er vel ikkje åleine om det?

I morgon er det trening, onsdag er det spank og Eldredag og torsdag trening igjen. Godt å komme seg ut blant folk. Det er no mykje derfor eg går på spansken, for der treffer eg folk som eg ikkje ser så mykje av elles.

Snakka med Erlend i dag,han var i Bodø og spelte i helga, så han får no sjå seg om i verda ? Eller han får ikkje sjå seg mykje omkring eigentleg. Eg har vore i Bodø minst 2 gonger,siste gongen var då Einar studerte der.

I dag var det litt kjølig så eg kveikte opp i omnen, det er koseleg med vedvarme og eg er glad i å ha det varmt og godt.

Dagbok 2025: 28.september

                                                Himmelen er vakker i aust i kveld. Eg tek bilda frå altanen

Himmelen er vakker i aust i kveld, men det er meldt regn resten av veka, trur eg.

Klokka er no 18.34, temperaturen ute er +12 grader C, det er lettskya og opplett. Eg har litt problem med å få lagt inn bilde,men eg får det kanskje til etter kvart.   Det er ikkje ofte eg seier det, men i dag har det vore ein kjedelig dag for meg. Og kven er det si skuld? Eg får vel ta skulda sjølv, som ikkje finn på noko. Eg torde ikkje gå på Vernet i dag, for eg vart låk i foten igjen etter at eg klipte plen i går. Men eg har ikkje vore så låk i dag likevel

Ergo har eg halde meg inne og i ro i dag. Har sett TV, strikka, laga litt mat, øvd på spanskleksa etc. Eg har meir lyst til å halde på ute, men om sundagane gjer eg som regel ikkje hagearbeid-i alle fall ikkje mykje. Og så er no sundag"kviledagen".

Fekk melding frå Erlend, han hadde vore i Bodø denne helga. Dei fer rundt og spelar snart her, snart der, men det tek vel slutt når hausten kjem for alvor.

Det kan no kome godt med at eg har kvilt i dag for komande veke blir det vel nok å vere med på. Onsdag blir det både spansk og Eldredag til dømes. Eg strevar med å få bilde inn på bloggen i dag, men eg har ikkje gitt opp. 

Eg skal prøve å få inn litt bilde -det pyntar no litt opp på ein kjedelig blogg.

Dagbok 2025:27.september

Nedafor garsjen

Klokka er no 18.13, temperaturen ute er + 11 grader C ,og sola skin enno, som ho har gjort i heile dag, seinsommar eller tidleg haust? Det er i alle fall fint. 

Marit og eg hadde avtalt å fare på butikken i dag, så det gjorde vi først. Då eg kom heim att tok eg meg litt mat før eg sette i gang med dagens arbeid. I dag greidde eg å få klippe alle plenane med unntak av dei to mot gata, der har Gudmund tatt den eine i alle fall. Men der var nok arbeid til meg, først plenen rundt huset og så heile Skråninga. Og det var tungt å fare opp og ned med klipparen i eit mjukt og tjukt underlag av mose; det vart ikkje like fint alle stader, men det vart mykje å ha i sekk eller i grasbingen-der graset skal bli til mold-ein gong. Eg verkte i venstre foten og hofta, slik eg ofte gjer, så i dag vart det ikkje tur på Vernet, men heldigvis er eg bra no.

Eg må innrømme at eg likar godt hagearbeid, så eg skulle med glede ha styrt meir i hagen, men det er ikkje kvar dag de er ute verande og ikkje kvar dag eg er like sprek.

Då eg kom inn att var det noko tull med datamaskina så då sende eg ei melding til Helge, og han kom. Han fiksa det i løpet av eit par minutt. Han var på veg heim, og hadde vore å klipt hekk med mora si. Eg har så vidt fått fram strikketøyet mitt, no er den andre lesten snart ferdig.

Heile plenen og Skråninga er klipt.

 

Dagbok 2025: 26.september

Når eg går på Fonnvernet på kveldstid, sit eg alltid ei lita stund på den første benken for å sjå på sola mellom trea. Desse trea som eg helst vil ha vekk.

Klokka er no19.30, temperaturen ute er +11grader C. Sola har gått ned og det er åt og skymest ute. Hausten er komen, men vi har hatt ein nydeleg dag, med sol og varme.

Sidan det er fredag tok eg fredagsvasken tidleg på dag, i dag både vaska eg og støvsuga, så då vart det ein liten jobb i dag også. Eg orka ikkje å begynne å styre i hagen i dag igjen, så eg tok ein tur opp til Marit og prata med henne før eg åt lunsj. Det var Møre-Nytt i dag som eg måtte sjå gjennom og så fekk eg bladet "Pensjonisten" og der er det Sudoku som eg til slutt greidde å løyse.

Eg sat ei stund ute på altanen og sola meg og drakk brus,det var som den finaste sommardag. Men så vart eg lei av å berre sitte der, så eg tok på meg  litt andre klede og så gjekk eg på Vernet. Eg var ikkje heilt god i foten etter at eg hadde gått der i gå, men i dag gjekk det heilt fint.

Prata ei stund med Marit då eg kom heim att også, før eg gjekk heim til meg sjølv og varma opp risgrauten frå i går.

Eg prøvde å strikke før i dag, men det var heilt umuleg, fingrane ville berre ikkje og verst var det på venstre handa , den eg braut for snart to år sidan,men eg prøvde no og då gjekk det greitt. Så no er det berre å sette seg ned framfor TV-en -og strikke.  Eg vil ønske alle som er innom bloggen ei fin helg.

                             Fredagskveld i Starevegen

 

Dagbok 2025: 25.september

Eg har minst 4 Klematisplantar, men i år har det vore berre sorgen, det har nesten ikkje vore ein blomst å sjå på dei. Men no har altså denne funne det for godt å glede oss med masse fine blomster til slutt.

 

Klokka er no21.11, temperaturen ute er +7 graderC, men vi har hatt ein fin dag med mykje sol. I dag var det trening igjen og vi kom oss av garde både Marit og eg,, men i dag køyrde vi beint heim etterpå utan å fare på butikken.

Eg syntest det var litt kaldt å vere ute, så eg sette meg heller til med littspansk-lekse. Men etter ei stund gjekk eg ut og begynte å jobbe i hagen.Det er mykje å gjere no før hausten kjem for alvor. I dag jobba eg på aust-sida av huset med å rydde litt i bedda og rundt omkring, Eg gjorde ganske mykje,  det viser ikkje så mykje att, men eg har i alle fall fylt to store sekker som skal på VØR med tid og stunder.

Det vart så fint etter kvart at det gjekk and å sitte ute, så eg sat oppe hos Marit ei stund, før eg gjekk heim og kokte ei panne med risgraut. Eg må av og til koke graut fordi eg kjøper melk som eg ikkje brukar opp til noko anna.

Eg har begynt på andre lesten av garnet eg kjøpte i Volda, og eg må ha vore heldig me storleiken på den første lesten, for den andre blir visst heil lik.

I morgon er det fredag og fredagsvask, det er det lenge sidan eg har hatt no, men så kjem eg vel i rute igjen.

I går kveld såg eg ikkje kveldsnytt, så i natt sov eg betre. Eg hugsar mamma; ho såg aldri "Kveldsnytt" når ho var åleine heime. No skal eg sette meg inn i stova og strikke hæl på lesten.

Dagbok 2025:24. september

Utsikt mot aust

 Klokka er 18.25, temperaturen ute  er + 12 grader og sola skin frå ein neste klår himmel, det har vore ein fin dag i dag. Og eg har ikkje øydelagt dagen med å sette på TV-en.

Eg bestemte meg for å gå på spansk-timen i dag. Eg hadde tenkt å slutte, men ville i alle fall snakke med Eli om det. Ho og dei andre som var der var glade for at eg kom, så eg blei verande. Det er no kjekt å vere ute blant folk i alle fall, og ikkje berre gå heime åleine og tenkje på krig og ulykke. I morgon skal eg på trening igjen, så då har eg det å styre med. Det er ikkje mykje eg får gjort i hagen no, så eg har tid til overs.

Då eg kom heim frå spansken laga eg meg litt mat , og så gjekk eg ein tur på Vernet. Der var det fint i dag og eg gleder meg alltid over den fine utsikten  vi har der oppe.  Eg var ikkje heilt god i venstrefoten i dag, så i morgon kan eg ikkje gå, men, då skal eg trene.

Elles har eg sete på "Platten" med Marit og drukke kaffi -og veret vart berre betre og betre, heilt nydeleg no. I går strikka eg ferdig ein lest og i dag skal eg begynne på ein til. Eg strikkar med tynt ullgarn på tynne pinnar, så det er meininga at lestane skal brukast i sko. Eg syntest at den første lesten var fin, så no må eg strikke ein til samme sort.

                                                          Ørstafjorden er stille i  dag

Dagbok 2025:23. september

Klokka er no 19.50. temperaturen ute er + 7 grader C. Då eg stod opp i dag var det nydeleg ver og sol, og så var det kome nysnø i fjella. Det var litt uventa. Mykje av snøen smelta sikkert i løpet av dagen, men det var ei påminning om kva som kan komme.

Marit og eg var på trening i dag, det går bra med føtene mine, dei er ikkje så mykje vonde no.Og bra er det for no kan eg gå på Fonnvernet av og til, men kanskje ikkje kvar dag. I dag tok eg turen og eg likar så godt å komme opp der-for der har eg oversikt. 

Ofte når eg står der og ser utover , ser eg fram mot Melsbygda der vi budde i 5 år, dei 5 første åra i Ørsta. Når vi kjem til november månad i år,  kan vi feire at vi har vore her i 60 år. Solveig var to år og Rasmus berre 1 den første iskalde vinteren på Melle. Der vart vi buande i eit gammalt hus, men vi hadde huset åleine. Eg tenkjer med glede på dei 5 åra eg fekk vere heime med barna mine. Margrete kom til mens vi budde der, så då hadde vi tre.

I morgon skal eg på Spanskkurs, eg hadde eigentleg tenkt å slutte, og der gjer eg truleg, men eg vil no møte gjengen og seie ha det før eg eventuelt sluttar av. Det er ikkje lett å lære eit nyrtt språk når ein er 85, men eg øver ei stund på Reels and short videos på datamaskina kvar dag så litt kan eg.

 

Dagbok 2025: 22. september

Klokka er no17.10, temperaturen på trappa er + 6 grader C, det er overskya og det har regna mykje i dag, men no ser eg litt sol gjennom skodde og skyer.

I dag hadde Marit  eg bestemt oss for å gå på kino, ho brukar å gå av og til,  eg er ikkje så ivrig- men i dag ville eg gå og sjå siste filmen om Downton Abbey, eg har sett filmar  før, og eg har sett på TV.

Eg skulle køyre og eg rekna med at der var mykje folk i dag, så det kunne bli vanskeleg å parkere. Og der tok eg ikkje feil, eg sette av Marit og så begynte eg å leite etter parkerinsplass. Det var ikkje enkelt,  eg har ofte køyrt på oppsida av huset og parkert der. Men i dag var der også stappfullt, så vi måtte komme oss derifrå. Eg såg at det vart vanskeleg å finne noko, så eg køyrde like godt ned til Spar og parkerte der. Mange andre gjorde det samme.

Så var det litt kaffi og kaker og prat før vi sette oss inn i salen. Der var det kaldt og eg fraus gjennom heile filmen.  I tllegg var det høg lyd så eg fekk auka tinnitus. Med andre ord vart det ikkje så kjekt. Det gjekk også opp for meg at det var lenge sidan sist eg hadde sett Downton så eg hugsa ikkje verken folka eller hendingane som hadde vore før. Eg var glad då filmen var slutt og eg fekk hente bilen-og Marit og køyre heim. 

Då var eg  svolten som ein ulv for eg hadde ete tidleg frolkost og klokka gjekk mot 5(17) Heldigvis hadde eg kjøttkaker i brun saus+ poteter frå i går,så no har eg bunkra opp.

Før eg for nedover i dag sat eg og strikka; eg begynte på herrelestar av tynt garn-som eg kjøpte i Volda laurdag. Det var godt å strikke og eg trur det skal bli bra.

I morgon er det trening, og onsdag i neste veke begynner spansk-kurset. Eg har meldt at eg ikkje blir med lenger, men det vil Eli at eg skal. Eg får sjå kva det blir til- det er no kjekt å ha noko å gå til anna enn trening. Det er no eitt og anna som skal gjerast heime før jul, men eg har utsett vask av taket i stova til våren når det ikkje blir så mykje fyring.

No blir det TV og strikk resten av ddagen trur eg. Og kanskje litt kaffi ?
 

Dagbok 2025: 21. september

Klokka er no 17.34, temperaturen ute er + 9 grader og det regnar.Det regnar så det sprutar frå takrenna på garasjen. Eg går ikkje ut i dette veret, men held meg inne med strikketøy og TV. Når eg ikkje bryr meg om å sjå sport, gjekk eg over til "Søren Vesters hage" og drøymde meg heilt bort i planer for eigen hage. Eg har funne ut at det eg treng mest er ei gravemaskin som kan lage eit stort hol i plenen ein stad slik at eg kan få bort kompostkassa.  Så lenge det regnar må eg berre halde meg vekke frå hagen.  Men det var veldig kjekt å sjå hagane på TV-særleg dei engelske.

Men sidan eg ikkje fekk jobbe ute i dag, laga eg meg skikkeleg middag med brun saus og kjøpe-kjøttkaker. Til dessert var det is og kaffi. Så eg har no kosa meg litt i griseveret. Skulle gjerne hatt ein tur på Vernet, men det er for vått. Det er ikkje berre hagar eg er interessert i , men eg ser på alt som veks og gror, og eg har fleire gonger sagt og tenkt at naturfag skulle hatt større plass i skulen. Margrete snakka i går om at dei har øydelagt "Holmane" som ligg ved Velle skule. Dit gjekk vi og hadde undervisning den tida eg jobba der og barna mine var elevar. Barna som går på skule her på Vallabøen får ofte gå ut og opp i skogen for å lære noko der. Naturen er mykje viktigare enn  mange andre ting ein lærer i skulen. Kven var det som ein gong i gamle dagar meinte at vi skulle "Tilbake til naturen?" Det var Rousseau.

Eg hadde nesten gløymt at Marit og eg skal på kino i morgon førmiddag.

Det er"Downton Abbey". 

Dagbok 2025:11.september.

 KLokka er no 20.10, temperaturen ute er + 11 grader og det har vore overskya for det meste i dag; eg har vore lite ute, men det har visst regna litt. Eg var relativt tidleg oppe i dag også, etter frokost sette eg meg til å strikke og sjå TV, det var eit kjekt program på NRK 2. 

Eg hadde ikkje telefonen med meg men då eg seinare gjekk inn på datarommet låg den og ringde. Det var Margrete som var på veg til Ørsta for å kjøpe ein koffert som ho trong når ho og døtrene skal til Paris i haustferien. Ho kom hit først slik at eg fekk vere med og handle i Furene. Det einaste eg kjøpte var ein blomst på Plantasjen. Eg trur blomsten heiter Alpefiol, og den er på alle butikkar for tida, men den var billegare og finare på Plantasjen, eg angrar på at eg ikkje kjøpte to .              Etterpå kjørte vi til Volda og åt middag på Marias. Det var ein stor porsjon og maten var god, litt brus vart det også. Etterpå køyrde vi heim hit og åt litt is med kaffi til. Det er så kjekt med slike dagar når ein får vere i lag ned ei dotter eller ein son og finne på noko. Seinare etter at Margrete hadde reist igjen, var eg ein tur opp til Marit.

Eg fann fram lestelageret mitt i dag, eg hadde gløymt at eg hadde så mange ferdige lestepar, og i dag kjøpte eg meir garn i Volda, ei ny sort tynt ullgarn som passar til lester som ein kan bruke i (fine) sko.Eg kan ikkje sjå TV utan å strikke, det blir liksom heilt feil.

                                                                  Lager av lester

Dagbok 2025: 19.september

Klokka er no 20 om tre minutt, og slik er utsikta frå altanen no, dvs. det er litt mørkare enn på bildet.

Temperaturen ute er ca +11 grader , og det har regna ein del i dag. Derfor har eg ikkje vore ute.

På føremiddagen dreiv eg å vaska og rydda litt, men ikkje det heilt store. I 14 -tida køyrde eg ned til VIK for no måtte eg ha garn. Dei garnrestane eg enno har var av så dårleg kvalitet at eg ville ikkje bruke energien min på dei. Eg parkerte ved ALTI slik eg brukar og gjekk opp i gata til den nyopna garnbutikken. Den er i samme lokalet som den gamle var, men litt annleis inne. Der var mykje garn og god orden, så då eg sa at eg skulle ha garn til lestar var det berre å velje i to av hyllene.

Eg var så vidt innom ALTI, og der såg eg den nye blomsterbutikken som er nettopp flytta inn. Der var veldig mykje blomster og alle kosta noko med -99 199, 299 etc. etc. Det var fine blomster, men eg kjøpte ikkje noko i dag.

På heimvegen fann eg ut at eg ville køyre ein tur fram i Nupen og forbi der vi budde ein gong. Eg er ikkje fram der ofte, men Rasmus og eg var der i fjor sommar. Det var lenger enn eg trudde, og vegen var smal somme stader, men det gjekk fint, og der er snuplass når vi kjem fram.

Då eg kom heim åt eg "middag" før eg sette meg til å strikke. Eg hadde avtalt med Marit at eg skulle komme opp til henne når det leid på. og slik vart det. Eg var der ei stund så vi fekk prate litt, men gjekk heim att til nyheitene.  Då eg gjekk heim fekk eg med meg ein pose med bollar som Marit hadde laga i dag. Det vart god kveldsmat.

 

Dagbok 2025:18.september

 

                 Denne blomsten fekk eg av Solveig i går. Den er veldig fin

Klokka er no16.10, temperaturen ute er + 11grader, det er overskya men opplett no. Det er vel litt tidleg å oppsummere dagen, men skjer det noko meir , kan eg legge det til seinare-.

Eg har løyst "mysteriet" med varmepumpa. Det er ikkje sikkert det var eg som hadde sett den på kjøling, eg trur den har stått der sidan i sommar. Det har ikkje vore varmt om morgonane i heile denne tida, men eg har ikkje brydd meg om det for dagane har vore bra milde, og om føremiddagane brukar eg ikkje å sitte i ro. PÅ ettermiddagane og kveldane har eg tatt fram ein eller annan laus omn fordi eg har syntest at varmepumpa ikkje varma noko særleg. Men eg kom ikkje på at den kunne vere stil på KJØLING. No er alt greit-

Eg sov godt sist natt heilt til 7.30 i dag, Marit og eg var på KIWI og handla, for i dag var det ikkje trening. Elles har eg ikkje gjort meir enn det høgst nødvendige; eg lurte på å gå ein tur på Vernet,men trur ikkje det blir noko av.

Før i tida las eg mykje , mange bøker, og no har eg ikkje lese ei bok på 2 år, trur eg. Men i dag fann eg ei lita tynn bok som eg begynte på, og truleg kjem til å lese ferdig. Før las eg mengdevis av lydbøker, men så vart lydbøkene lagt på telefonen, og det likar eg ikkje, likte betre å ha plater på "platespelar". Når ein les lydbøker kan ein strikke på samme tid, men den boka eg les no, er på papir. Eg håper eg blir glad i å lese bøker igjen uansett.

Denne dagen har gått veldig fort unna utan at det har hendt så mykje.

Dagbok 2025: 17.september

 Klokka er no 18.40, temperaturen ute er+ 12  grader og no skin sola. Tidlegare i dag har det vore overskya og litt regn.

I dag tidleg då eg stod opp var det så kaldt på stova at eg måtte hente inn ved og kveike opp i omnen, for varmepumpa gjorde ikkje jobben sin. Derfor sende eg bod på han som brukar å hjelpe meg, elektrikaren. Han kom ikkje før det leid på ettermiddagen, og saka var enkel, ein eller annan, truleg eg sjølv , hadde sett pumpa på kjøling. Eg har det med å sitte å fikle med ting eg ikkje har greie på.

I dag venta eg Solveig, ho skulle hjelpe meg med diverse. Det er alltid kjekt å få besøk av "barna". Ho hjelpte meg med  nokre papir og betalingar  og styr og så åt vi ei slags suppe som eg hadde laga før ho kom. Og som vanleg er når det gjeld Solveig så hadde ho med ein potteplante til mor. Så no har eg tre nye fine plantar.

I går klipte eg plen, dvs skråninga, utan å bli låk i foten og eg hadde vore på trening først. Så derfor tenkte eg at eg kunne gå ein tur på Vernet i dag, og så gjorde eg det, og det var godt å komme seg ut litt. Eg gjekk "feil" veg i dag, derfor er bilda ikkje akkurat som vanleg. Trefte ingen å prate med i dag. I morgon skal vi ikkje ha trening for ho som trenar oss skulle noko anna. Men eg har avtalt med Marit at vi skal fare å handle i lag.

Då eg kom til brua såg eg ein stor gul bil, ikkje ein vanleg bil men ein med mange "maskiner" eller kva eg skal kalle det. Eg har heile tida hatt lyst til at dei tok bort skog, slik at ein kunne sjå fjorden her. Men det er vel noko anna som skal skje.

SÅ er eg på slutten av runda mi og der står det fine plantar i ei stor "skål".Trur det er parkvesenet som lagar den til. Det er mange som går tur der oppe, kanskje mest i helgane, og det er ein kjekk møteplass som er blitt populær i heile Ørsta og vel så det. Her er det utsikt til Mosmarka.

Dagbok 2025: 16.september

 Klokka er no 20.13, temperaturen ute er + 13 grader C og det har vore opplett i dag, men ikkje sol.

I dag var det trening, som vanleg om tysdagane. Etter treninga handla eg mat på KIWI, som vanleg. Då eg kom heim tok eg på meg arbeidsklede og gjekk ut og klipte resten av Skråninga. Det vart mykje "gras", to sekkar som vart nesten fulle, men der var sikkert like mykje mose som gras. Det er ikkje fint med det samme ein har klipt, men det kjem seg etter kvart.

Etter at eg hadde klipt og vaska klipparen, vart det ikkje gjort noko meir i dag. Eg har berre sete med datamaskina, strikka etc. No blir det vel strikketøy og TV resten av kvelden. Eg angrar litt på at eg ikkje gjekk ein tur, for foten min er rimeleg bra.

Eg syntest ikkje at varmepumpa varma så mykje i kveld, så eg fyrte litt i omnen-det er den beste varmen!

Dagbok 2025: 18.september

 Klokka er no18.20, temperaturen ute er + 13 grader og det har stort sett vore overskya i dag-trur eg-og ikkje regn, men gata var våt då eg stod opp i dagmorgon.

I går hadde eg ein lat dag, og det likar eg ikkje, så i dag la eg opp til arbeidsdag. Noko av det første eg gjorde var å sjekke om betalinga mi til Koppen hadde gått igjennom og det hadde den. Så no er eg vel skuldfri på alle kantar.

Det første eg gjorde i dag var å ta sengetøyet mitt på vask, hive ut teppa på golvet i soverommet og så vaska eg golvet. Etterpå tok eg  datarommet og tok fram skrivebordet og fekk vaska under, der var litt rusk igjen frå vidu-skiftinga. Eg hadde tenkt å  ha med meg Erlend i fall det var tull med alle ledningane, men det gjekk heilt fint. 

Eg hadde sjølvsagt sett på vaskemaskina og trommelen etterpå.

Etter at eg hadde ete litt gjekk eg ut og begynte å klippe litt plen. Klipte oppe ved postboksane, før eg tok indste delen av Skråninga. Meir orka eg ikkje i dag. Marit sat ute på platten så eg var opp og prata litt med henne. No har eg tatt kvelden, dvs. ikkje meir jobbing, berre strikketøy. I morgon skal eg på trening.

Her ser vi dei to plantane som eg har kjøpt i seinare tid. Det ser ut til at dei kan trivast her-

Dagbok 2025: 14. september

 

Klokka er no 17.17, temperaturen ute er +12 graderC og det er litt regn i lufta., så det er ikkje fristande å gå ut.Eg likar i grunn ikkje så godt søndagar, i alle fall ikkje når eg er åleine; eg veit liksom ikkje kva eg skal gjere. Det er nok å ta seg til for den som vil, men ein kan no unne seg ein kviledag. Hadde det vore før i tida, så hadde eg vel slukt ei bok eller to, men eg har mist lysta på å lese. Eg har håpa på at eg skulle få igjen den lysta, men det skjer visst ikkje. Eg kunne no ha gått ein tur, men eine foten er ikkje heilt god. Det eg HAR gjort er å sitte framfor TV-en og stikka ferdig ein lest først og så berre slappa av etterpå.  No skal eg legge opp eit nytt strikketøy så eg har noko å ha på hendene. Middag hadde eg att frå i går, men det var no OK. Eg likar best å styre med noko - ute eller inne.

I dag kjem Solveig og Øystein att frå Roma, dei kjem vel til Vigra. Dei har sikkert litt av kvart å fortelje når vi ser dei att. Kjekt med slike 60+ feriar. Nils og eg var på eit par slike , vi også. Å reise til "Syden" aleine, kan eg ikkje tenkje meg.

No får eg legge opp ein lest og sjå litt meir TV, så kan eg ladde batteria til i morgon, då har eg sikkert nok å gjere. I alle fall viss det blir fint ver så eg kan styre på i hagen. det er det eg likar best.

Dagbok 2025: 14.september

 

Klokka er no 19.26, temperaturen på trappa er + 15 grader C. Det har vore stort sett bra ver i dag, men det kom uventa ei regnbyge rundt klokka 14.

I dag tok eg ein tur på butikken før middag, eg hadde skrive liste så eg fekk med meg mesteparten av det eg skulle ha. Eg venta Einar i dag, han skullle komme å slipe og male rekkverket på altanen, det er slikt som må gjerast nesten kvart år. Han hadde studert alle vermeldingar, så vi venta ikkje regn.

Men så skjedde det at det begynte å regne med det samme han hadde fått malinga på- eller kanskje litt før. Det var ikkje mykje vi kunne gjere med det.

Men eg hadde laga middag, så vi fekk i alle fall mat. I dag vart det fårikål, som hadde kokt både vel og lenge, men vi er glade i mat begge to, og ikkje spesielt kresne.

Etter at Einar hadde reist tok eg og vaska opp for hand alle pannene etc. Det var litt kjekt- til ei forandring.

Eg sette meg inn til TV-en og skulle strikke, men eg sovna litt. Då begynte eg å tenke på grasklipparen min, kor det stod til med han. I går var han heilt ubrukeleg og starta ikkje ein gong, Men eg hadde sett batteriet på ladning, så kanskje??????. Eg henta batteriet og klipparen starta med ein gong og eg for over heile plenen nedanfor huset på ei lita stund. Eg var så glad for at det var liv i klipparen, men der er eit hjul som ikkje er heilt i orden, eg får sjå om nokon kan fikse det. I dag vaska eg klipparen med ein gong og no skal det vere slutt på å sette frå seg skitten klippar. Eg har vore litt slurvete dei siste par åra. Men ein klippar kostar pengar, så ein kan ikkje kjøpe nye til stadigheit. Ein av naboane kjøpte ny klippar på samme tid som eg, og han fer mykje finare med tinga sine enn eg gjer. 

I morgon er det søndag, men eg har ingen planar for dagen. Solveig og Øystein skal kom heim frå Roma i morgon,  dei kjem ikkje med flyet her, men på Vigra.

No skin sola ute -og det er fint. Eg skal gå ut og ta eit bilde.God helg!

Dagbok 2025:fredag den 13.

 Klokka er no 19.40, temperaturen ute er 15  grader, det er opplett, men litt vind. Tidlegare i dag var det sol, i alle fall ei stund. Sidan det er fredag i dag har eg tatt fredagsvasken i huset, ikkje så mykje å vaske her i dag, eg har vore her  åleine, og eg har vore mest ute.

Eg var ute og jobba i hagen etter at eg var ferdig å vaske. Eg rydda litt her og der og fylte opp bilen med svarte sekker som skulle på VØR. IKkje alle var fulle, men eg vil ikkje ha så mange sekker ståande rundt omkring, så det var best å få dei vekk. 9 sekkar hadde eg då eg køyrde på Vør, sekkane var ikkje fulle,så det gjekk greit å få tømt dei. Då eg kom heimatt spylte eg sekkane slik at eg kan bruke dei om att. Her heime er det ikkje plass til meir "Hageavfall", så det blir å køyre det vekk. 

Eg tudde eg skulle få klippe plen i dag, men klipparen er ikkje i orden, i dag ville den ikkje starte eingong og så er det noko gale med eitt av hjula. Eg kan ikkje reparere, men eg vaska  den så godt eg kunne, og sette den på tørk.

Var ein lite tur opp på Platten til Marit og prata ei stund før eg gjekk heim til meg sjølv. I dag skeia eg aldeles ut og laga middag til men sjølv. Det var spekesild, som framleis er favoritten min når det gjeld mat.

I dag fekk eg igjen brev om å betale til Koppen, eg har sendt summen to gonger før, men Banken har sendt pengane tilbake til meg, fordi det mangla noko. Eg skulle ha skrive noko forstod eg. I dag sende eg betalinga for 3. gong, og eg fylte ut med KID, men det var ikkje nok. Då skreiv eg:"Betaling for material" og då trur eg det vil gå bra.I årenes løp har eg sendt mykje pengar til Koppen

I morgon vil Einar komme og male toppen på altanrekkverket, eg trur vi malar det kvart år. Nils sa at malinga sit dårleg på den øvste fjøla fordi den er høvla(tru eg) og  glatt.

Eg var ut på trappa og tok eit bilde og då såg eg at der låg ein svart sekk borte ved muren-den ligg der ikkje no lenger.

Fredag den 13. var ein ulykkesdag, lærte eg i min ungdom, men vi får håpe at det ikkje stemmer i dag-

Eg ønsker alle ei god helg i alle fall. Sundag kjem Solveig og Øystein heim frå Roma.

Dagbok 2025:11.september

Klokka er no20.04,temperaturen ute er + 17 grader, det er lettskya og fint , Eg er akkurat ferdig med å lage kjøttkaker av 1 kg kjøttdeig. Eg skal fylle opp frysaren, det er godt å ha noko på lager. I morgon skal eg ta fredagsvask, så det var greit å rote på i kveld.-

Denne dagen har gått mykje opp i tull. Men vi starta med trening i dag. Etter treninga køyrde vi heim, men så fann eg ut at eg ville ned på ALTI og kjøpe kjøttdeig i "pølse", det har dei på Bunnpris. Litt anna kjøpte eg også. Då eg kom heim laga eg meg litt mat, men eg var så trøtt fordi eg vakna så grytidleg i dag, så eg la meg på dagsenga mi og sovna. Det er veldig sjelden eg søv på dagtid, men altså i dag.... Eg var ein tur opp til Marit, men så fann eg ut at eg kunne lage dei kjøttkakene i kveld for eg hadde ingrediensane som skulle til. Som sagt så gjort. 

Eg har ikkje sett nyheiter i dag, så eg veit ikkje kva som skjer i verda. men no skal eg sette på og sjå og høyre- og strikke. I går mens eg leita etter noko anna, fann eg ein stor pose med restegarn, så no skal eg kose meg med å strikke litt spesielle lestar.
 

Dagbok 2025: 10.september

                                        Den siste Leonardo da Vinci i år, kanskje?

Klokka er no 20.13, temperaturen ute er + 16 grader, det er skya , men opplett. Før i dag har det vel vore noko sol også-.

Dagen i dag har vore spesiell. Eg stod tidleg opp som vanleg, og for no her og styrte til klokka var kvart på 12, då vart eg henta av Ragnhild, for vi skulle til Volda og besøke Tone. På turen plukka vi opp Astrid, og då vi kom til Volda leita vi opp Margrete, ikkje mi Margrete men ei som vi har jobba i lag med på Velle. 

Eg er ikkje ofte i Volda, og når eg er der, held eg meg i sentrum. I dag fekk eg sjå litt meir av Volda og eg er sjokkert over kor stort det har blitt. Ragnhild er godt kjend i Volda, det er ikkje eg. Men du store tid kor mykje fin bebyggelse der er når ei køyrer innover. Det er vel den vegen som går mot Krøvelseidet? Eg var kjend på dei traktene før. Det som slo meg var at bebyggelsen dei fleste stader var veldig fin, med hus som passa i lag.

Då eg kom heim att jobba eg litt i hagen før eg måtte inn å sjå Dagsnytt. Eg begynte med å rydde på muren innafor huset, og klipte ein god del av nokre plantar som heng på kanten av muren. Det gjer eg kvart år. Men eg har mykje att å gjere før vinteren kan kome. Det er bra å ha noko å gjere!!! Og i morgon er det trening.

Dagbok 2025: 9.september

 Klokka er no19.55, temperaturen ute er +15graderC, det rer skya og det kjem ein og annan regndrope.

I  dag var vi på trening både Marit og eg, etterpå handla vi på KIWI, som vanleg.

Eg laga meg litt mat då eg kom heim, og etter ei stund fann et ut at eg kunne prøve å rake litt nede i Skråninga, for det var så stygt når det graset som eg klipte i går,låg utover alle stader. Eg sette i gang, men ryggen var vond; likevel fekk eg fylt nokre sekker og i tillegg fylt opp i bingen der dei skal bli til mold. Som sagt var ryggen vond, men eg gav meg ikkje før eg hadde raka alt.Som de kan sjå av bildet er der ikkje heilt grønt,  nei, det er fordi heile Skråninga er dekt med tjukk mose. Eg lurer på om eg må kjøpe ein mosefjernar, eg veit Rasmus hadde det; men eg veit ikkje kor effktivt det var.

Etter at eg var ferdig, var eg ein tur opp til Marit og drakk kaffi og prata-.

No skal eg sjå TV, men eg har enno ikkje kjøpt garn, så eg får ikkje strikke. TV og strikketøy heng i hop-i alle fall her.

I morgon skal eg på tur til Volda og besøke ei venninne og tidlegare kollega, vi er nokre få att av dei som jobba i lag på Velle skule. Det er alltid kjekt å møtast.

Eg blir henta av ei av dei andre,Ragnhild  som har fin bil og god plass til meg og Astrid også. Eg ser fram til ein kjekk dag.

                                                 Det går mot kveld

Dagbok 2025: 8. september

Graset veks enno.

Klokka er no 20.25, temperaturen ute er +16 graderC

I dag har vi hatt ein fin dag, med sol og varme, skikkeleg "Indian summer".

Eg sov lenge i dagmorgon, noko som eg sjeldan gjer. Etter morgonstell, mat etc, køyrde eg ned til Kulturhuset og stemte. Det var fort gjort, lite folk var der også, at det var mange bilar utanfor hadde ein annan grunn. På heimvegen handla eg på KIWI:

I dag hadde eg tenkt å klippe plen, og eg var så heldig at naboane mine kjøpte bensin til meg- det er litt innvikla å kjøpe bensin på småbåthamna.

Det var mykje å klippe i dag, både rundt huset og i Skråninga. Rundt huset er det ok , men i Skråninga er det tungt, så der klipte eg utan oppsamlar. Men eg kom i mål på ein måte, sjølv om der ikkje ser så fint ut. Når det er så tungt å klippe kjem det av all mosen som er der, den skulle ha vore vekk. I morgon når graset har tørka litt må eg ta riva og rake opp graset og ha det i sekker. Ja, ja, det er godt å ha noko å henge fingrane i. 

Då  det nærma seg kveld var eg opp til Marit og vi sat ute i nydeleg solskin, til sola gjekk ned. No har eg sett på TVen for å få høyre litt om kven som er valde og kven som ikkje får vere med lenger. Men det blir vel lengt på natt før det er klart -og i morgon skal vi på trening, så det er vel best å legge seg i normal tid.

 

                                                   Fin ettermiddag

Dagbok 2025: 7.sepember

                              Den siste rosa for sommaren,kanskje?

Klokka er no16.56, temperaturen ute er+18 grader, og no et det skyer på himmelen,for eit par timar sidan var det strålande sol og varmt.

Eg har hatt ein relativt kjedelig søndag, noko eg sikkert kan takke meg sjølv for. På føremiddagen sat eg og såg TV mens eg gjorde ferdig ein liten lest som eg strikka på.

Etterpå gjekk eg ein tur på Vernet, i dag gjekk eg mot sola til ein forandring. Der var ikkje så mange ute og gjekk i dag, og ingen eg kjende.  Eg er glad for at eg greier å gå igjen, men i dag hadde eg stav.

Då eg kom heim laga eg litt mat og etter at eg hadde ete gjekk eg opp til Marit som sat ute på Platten. Vi har alltid noko å snakke om.

Eg gjekk ut for å sjå om der var noko fint å ta bilde av, men det var ikkje mykje. Eg har fleire sortar med klematis, men i år har det vore lite blomstring mot som det brukar å vere. 

Det som trivst i år er graset, det har eg mykje av, så no må eg få tak i bensin, så eg får slå. Problemet er at eg ikkje kan å fylle bensin på småbåthamna, så eg må ha ein kvan med meg. Elles så skal eg no ned å stemme i morgon, så kanskje eg ser ein redningsmann der?

Eg er lens for garn også, så kanskje eg stikk innom den nye garnbutikken- eg veit ikkje om den er opna enno.

Denne mørkeblå-lilla klematisen har eg tre av, men berre denne blomstrar -så langt , og det  er seinare enn det brukar å vere. Vi har hatt ein underleg sommar. Det som trivst best no er mosen.

 Eg var nede i hagen og såg etter bær, men no var der ingen ting.

Dagbok 2025: 6.september

I dag vakna eg til blå himmel og sol,  og det såg ut til at veret ville vare. Det har det gjort, og no skin sola som ho har gjort i heile dag, temperaturen på skuggesida er +16 grader.

Etter at eg var fedig med morgonstellet visste eg ikkje kva eg skulle finne på i dag,men freistinga til å ta ein tur på Vernet tok overhand. 

Eg tok med god tid, sat på nesten alle benkane og sola meg. Eg trefte ingen eg kjende, dessverre. Men det var så kjekt å vere der oppe uansett og sjølv om eg vart litt låk i foten.

Eg trur det erParkvesenet eller kva dei heiter som syter for at det blir blomster på Vernet også.

                 Sola skein fint i dag og sene heldt seg på avstand, fjellet vi ser er                        Melshornet.

Eg gjekk heile runden i dag, utan stav, og det gjekk bra, men eg kjende på noko i venstrefoten, så eg er litt forsiktig.

                  Her går vegen rett vest og vi ser rett på Helgehornet.

                Frå vegen ser vi ned på fjorden og vi ser sjølvsagt også mykje av                         sentrum. 

Då eg kom heim åt eg middag, som var restar frå i går. Litt seinare gjekk eg opp til Marit, som sat ute. Etter ei stund kom det ei Marit til, så fekk vi høyre litt nytt frå henne også, og hennar familie. Vi har budd her lenge i lag og eg synest vi har gode naboar. Og det er godt å ha. 

No er det snart på tide å sette på TV-en og høyre om alt det vonde som skjer i verda, det er ikkje kjekt og det er lite ein kan hjelpe til med. Mandag skal eg stemme, for eg har ikkje gjort det på førehand. 

Dagbok2025: 5.september

 

                          For nokre dagar sidan låg eg  og sola meg her

Klokka er no 17.33, temperaturen ute er +16 grader C, det er skya og somme tider regnar det litt. Eg har ikkje vore så mykje ute i dag at det har plaga meg.

Eg fekk melding i går om at Einar ville komme og male litt i dag, der var nokre små umåla flekkar som skulle vekk. 

Når Einar er her så brukar eg å lage middag som vi et i lag. Ofte har det vore kjøttkaker. I dag hadde eg ikkje noko i hus, så eg køyrde på butikken og handla, ferdiglaga kjøttkaker til dømes. Før eg for hadde eg laga rikeleg med brun saus og skrella poteter etc. , så då eg kom heim var det ikkje stort meir å gjere.

Einar kjem alltid presis; når han har sagt eit tidspunkt så er han der på minuttet, nesten. Han mala ferdig det han skulle, så åt vi og drakk kaffi  før han måtte fare igjen.

Då eg vart åleine henta eg inn avisa og gjekk igjennom den. Eg las ein artikkel om ei dame som døydde nyleg. Ho og Margete var nære venninner i ungdommen , då dei begge var gifte med to kameratar, ja kvar sin altså.  Dama, som heitte Kari Janne, vart brått svært sjuk og var innom fleire sjukehus utan at dei greidde å berge henne.Ja, dei som er interiserte kan lese sjølv. Der har vore myke lesestoff i Møre-nytt i det siste, men i dag hadde dei sløyfa sudokuen, så då har eg ikkje noko å grunde på i helga.

I dag går eg rundt og trur at det er laurdag fordi eg tok "fredagsvasken" i går.

Eg har fått 2 telefonar i dag, men eg svarer ikkje i telefonen utan at eg veit kven det er som ringer, så eg må slå opp nummeret og eventuelt ringe opp att. Grunnen? Eg klarer ikkje så godt å høyre/forstå kva som blir sagt. Derfor seier eg til dei eg kjenner at dei skal bruke Messenger i staden viss det er noko dei vil meg. Eg likar ikkje desse nye telefonane, dei gamle var mykje kjekkare å prate i. Men dei nye telefonane er mykje meir enn telefon, og derfor må ein ha dei.

I går klaga eg over at eg hadde fått att tinnitusen, men hendigvis så dempa den seg mykje, så no er det berre så vidt eg høyrer den. Det er mykje som følgjer med det å bli gammal-det er ikkje berre eit tal når ein er 85. Men eg føler meg frisk -og det er godt.

Dagbok 2025: 4.september

 Klokka er no16.54, temperaturen ute er +18 graderC, det er skya, men eg meiner at det har regna også. Eg har ikkje følgt så nøye med, for eg har vore inne heilt sidan eg kom heim frå treninga.

Eg hadde ikkje noko spesielt på timeplanen i dag, så eg tok like godt fredagsvasken ein dag for tidleg, så kan eg ha fri i morgon.

Men så skjedde det noko som eg slett ikkje likar. For mange år sidan, kanskje 20, fekk eg tinnitus, og det hadde eg i mange år sikkert ti i alle fall. Etter kvart stilna det og lyden vart borte i mange år. Men så for ei par år sidan kom det tilbake,  det vart ikkje så mykje  og etter kvart vart det stilt. Heilt til i dag. Eg sat og såg TV, og plutseleg var lyden i øyret og no veit eg ikkje korleis det blir. Eg las ein stad for noko sidan at det  var muleg å få bort tinnitus, men no veit eg ikkje kvar eg såg det. Viss eg skal plagast med dette ein gong til - så veit eg ikkje ....

Elles har eg det bra. Eg gjekk på Vernet i går, heile runden  utan å få vondt i foten, så det var no bra. Kanskje eg tek ein tur no også, for å sjå om eg kan få bort tinnitusen,

Dagbok 2025: 3.september

 Klokka er no18.40, temperaturen ute er +18 grader. Det har vore delvis skya i dag, men ei stund var det fin og varm sol.

Eg hadde ingen plan for dagen, men då eg såg at Erlend hadde sett klar kantklipparen, fekk eg blod på tann. Eg hamna nedst i hagen der eg skar ned restane av to store blomsterrøter. Det var ganske mykje arbeid i å få rydda opp.Eg tok også og hadde ny mold over det som var att, så såg det litt betre ut, og kanskje blir der ei lita "tue", om blomstrane kjem lenger opp. Ikkje veit eg.

 Etterpå prøvde eg å fjerne gras og mose frå muren.; men kantklipparen var tom for sen før eg var heilt ferdig. Eg likar godt å jobbe i hagen, men det er ein som ikkje likar det og det er ryggen min. Eg måtte slutte av før eg eigentleg ville. Tok meg litt lunsj før eg gjekk opp til Marit og sat på Platten ei stund, mens det var nydeleg  varm sol.

Då eg kom ned att la eg meg på solsenga på altanen ei stund, men det varte ikkje så lenge før sola vart borte. Då gjekk eg inn og strikka ferdig ein lest.

Eg skulle eigentleg ha klipt plen såg eg i dag, for no har graset vakse- Men eg har ikkje meir bensin, så det må eg skaffe meg.

I morgon er det trening, det er litt godt å ha noko å gå til-og treffe folk. Dei som eg trenar i lag med er stort sett gamle damer og vi har vore i lag i mange år. Men somme tider kjem der nye også. Der er godt å vere for alle er hyggelege.

Dagbok 2025: 2.september

Klokka er no 20.00, temperaturen ute er +17 grader. Det har vore bra ver i dag, opplett og sol av og til. Marit og eg var på trening i , og etter treninga handla vi på KIWI, som vanleg. Men akkurat då vi skulle køyre heim, ringde Marit sin telefon. Ho skulle komme på legesenteret og ta blodprøve. Det var no heilt greit, det var berre å køyre ned med det samme. Og ho fekk tatt prøvene, så for vi heim. 

Eg brukar å seie at bilen min varskuar når han vil ha bensin,  bensinmålaren virkar ikkje. Men i går og i dag hadde eg kjensle av at bilen måtte ha bensin. Eg gruar meg alltid til å fylle, for eg er ikkje blitt vand med å fylle med kort. Så då vi kom heim tenkte eg at eg kunne utsette det til i morgon, og var på veg inn i garasjen med bilen. Men der blinka det raudt på bensinmålaren, som eigentleg ikkje virkar, og eg var snar til å komme meg av garde. Eg ber om hjelp når eg skal fylle og det får eg, så eg treng ikkje vere så skeptisk.

Eg tok meg litt mat då eg kom heim, og eg var så trøtt at eg la meg inn på dagsenga, men eg sov ikkje. Etter ei stund bestemte eg meg for å gå ein tur på Vernet sjølv om eg ikkje er heilt god i foten. I dag gjekk eg heile runden, ikkje fort, og så sat eg på benkane. Eg kjende det sjølvsagt i foten, men det gjekk relativt bra.

No har eg sete og prøvd å få orden på TV-en. Det er eit kvart som ikkje virkar som det skal, men til slutt fekk eg no sjå og høyre litt. Høyrde i alle fall at ungdommane hadde stemt på Listhaug. Litt komisk når ein tenkjer tilbake på dei som stifta partiet. Eg hugsar EGGELIKØR og gamle menn.

 

Dagbok 2025: 1.september

 Klokka er no17.05, temperaturen ute er+ 17 grader C og det regnar. Og eg likar det ikkje, eg får ikkje gjort noko verken ute eller inne slike dagar, brukar energien på å ergre meg over alt eg ikkje kan gjere. Men eg har sete lenge oppe hos Marit i dag, så vi har fått ergra oss i lag over både ver og anna som vi ikkje er fornøgde med-det hjelper å få utløp for irritasjonar.

På føremiddagen sat eg og strikka, men så måtte eg rekke opp  og begynne på igjen-det var også litt irriterande. I morgon skal vi på trening, så då får vi litt anna å tenkje på. Og så håper eg vi slepp regn, for eg har mykje eg vil gjere ute.

No blir det vel å strikke ferdig lesten eg held på med. Dagen har i grunnen gått veldig fort-altfor fort. Og viss eg set på TV-en får rg vel sjå at det har hendt mykje meir i verda enn det vi har opplevd her.

No skal eg sjå å få ferdig den lesten------