Dagbok 2025: 30.november

 Klokka er no16.30, temperaturen er under 0 grader , det har kome meir snø, og sikkert is også.Eg har ikkje vore ute og sjekka, men det ser skummelt ut. Men i morgon skal eg vere heime, så det er ikkje så farleg..

Eg hadde ein plan for denne dagen, men den måtte eg berre legge bort. Eg hadde tenkt å begynne å ta franm julepuynten og pynte litt kvar dag framtil jul. Julepynten har eg i kjellerbuda, for å sleppe å gå opp på loftet. Det første eg skulle ha tak i var stjerna som eg plar ha i stuevinduet, men den var ikkje å oppdrive, så kanskje den vart vraka i fjor. Eg hugsar ikkje.

Så var det lampen eg plar ha på kjøkkenbodet framfor glaset,den fann eg , men den lyste ikkje, eg veit at eg har lyspærer til den, men dei låg ikkje på plassen sin.Men det går fint å kjøpe nye pærer på Clas.

Eg fekk no pynta litt på gangen i alle fall. Det som er kjekt med julepynt det er at den som regel er gammal og ber på mange minne. advent-skransen fekk vi for mange år sidan frå Mimi og Rolf, i år fekk den fine, nye lilla lys. Så ltt fint blei det no. Men eg har no mange dagar att der eg kan"pynte". Ute har eg berre litt på døra, men alle naboane på andre sida av gata lyser opp for oss også.

Eg har ikkje gjort noko særleg i dag, men eg har strikka litt og så laga eg middag, det er ikkje så ofte eg gjer. Men i dag fekk eg livretten min, spekesild(kryddersild)med poteter og anna tilbehør.

Eg likar ikkje at det har blitt kaldare, det kunne ha vore fleir milde islause dagar, men eg har ikkje noko eg skulle ha sagt. I morgon er det ikkje noko eg SKAL, men eg ville gjerne hatt ein tur til VIk , viss ver og føre tillet det. Eg treng julepynt og medisinar (men er ikkje heilt lens).

Elles kan eg opplyse om at eg greidde den vanskelege sudokuen i Møre-Nytt denne helga også.

Dagbok 2025: 29.november

Klokka er no18.00 temperaturen ute er +1 grad og det er overskya. Og som de ser på bildet har vi fått ny snø, noko eg ikkje er så glad for.

Dagen i dag starta tidleg, som vanleg. Eg var oppe klokka 6, og då tok eg like godt og laga frokost, før eg gjekk og la meg igjen med håp om å få sove litt til. Det vart ikkje så mykje søvn, men eg låg no i ro ei stund før eg stod opp igjen.

Eg hadde  litt forskjellig å styre med før Einar kom, presis som alltid, men det verken han eller eg hadde planlagt var at det skulle komme så mykje snø,  no når vegar og gater var fine og snøfri. Men vi åt litt og drakk kaffi etc. 

Eg hadde kjøpt lys til grava, og så skulle vi kjøpe krans,  det gjorde vi ikkje i dag, når veret var slik. Men vi tende dei to lysa eg hadde kjøpt og sette dei på grava, så får kransen komme seinare .

Vi handla på Spar i dag, det var eg som ville det for der har dei så god spekesild/kryddersild, - der var ein pakke att.

Vi måtte ha litt mat då vi kom heim att, og så fekk eg Einar til å henge opp dørkransen min, slik at eh kan pynte litt eg også. I morgon kan det hende at eg tek fram litt av kvart av julepynt og begynner å lage jul i heimen, eg har no julegardinene på plass for lengst.

Kvart år får eg ein fin juledekorasjon med Einar, den får eg som julegåve til advent, i dag hadde han med ein slik som han hadde kjøpt.
 

                        Eg ønsker at vi alle kan få ha ei god adventstid.

Dagbok 2025: 28.november

                                            Det lyser i stille grender...............
 

Klokka er no 17.44, temperaturen ute er ca +9 grader C og det er no berre nydelig-dvs, temperaturen. Elles er det vått og mørkt, men som de ser av bildet er det somme som lyser opp tilveret for oss andre også..

Eg kan ikkje seie at eg likar veret, men eg likar at det ikkje er kaldt. Men i dag har ikkje humøret vore på topp. Det begynte med at eg vakna og stod opp, men det var for tidleg så eg la meg igjen, dette hende fleire gonger. Og då eg  endeleg stod opp for godt var det ikkje så tidleg som det skulle ha vore. Men eg fekk no tatt fredagsvasken min før det var så seint. Seinare var eg opp til Marit såpass vi fekk oss ei pratestund, det var fleire dagar sidan sist.

II dag fekk eg Møre_Nytt med tre nye sudokuar og eg har ikkje løyst ein einaste  fullt ut enno. Det er slikt som irriterer meg grenselaust. Men eg reknar no med å komme i mål denne gongen også. Det gjorde eg sist.

I morgon vil Einar komme innover, og då skal vi stelle til på grava med krans og lys har vi tenkt.

Og så blir det vel litt handel på butikk. Eg synest der var så dumt at dei la ned kafeen i Furene, for då kunne ein handle på Coop -og ete på kafeen. Men vi har no mange andre kafèar rundt omkring.

Det er visstnok fredag i dag så då vil eg ønske alle ei god helg.

Dagbok 2025: 27.november

 Klokka er no 15.30, temperaturen ute er + 3 grader C, det er overskya men opplett.  I dag var det bert på vegane då eg køyrde til treninga. Marit skulle ikkje på trening i dag, for ho hadde legetime, så eg for åleine.Eg køyrde beine vegen heim etter treninga. Eg hadde tenkt å gå opp til Marit når ho kom heim, men slik vart det ikkje, for ho var ikkje heilt frisk.

Eg åt litt mat og så vart eg sittande i ein stol utan å gjere noko som helst, det er veldig ulikt meg , men eg var så trøtt.Men eg kvikna til, så no har eg fyrt opp i omnen og tatt meg av ein klesvask etc. Men så mykje blir det ikkje med meg i dag, for eg er låk i ryggen; det er eg no ofte, så det er eg vant til.I morgon er det vaskedag, så eg tok ut oske av omnen i dag, så er det gjort. 

Komande veke er det julemøte i pensjonistlaget, på hotellet. Eg har ikkje meldt meg på, men eg var der ikkje i fjor heller. Marit har heller ikkje meldt seg på. Eg har ikkje vore på så mange møter heller;  sidan mange møter har vore på Rjåneset. Når det er møte på kulturhuset her, då møter eg opp. Eg var no i styret i 11 år, så eg skulle gjerne ha vore på fleire møte, men det er litt dumt at eg ikkje køyrer når det er mørkt.

Då det gjekk opp for meg at det er første søndag i advent komande søndag vart eg litt stressa, for no må eg til å finne fram all pynte og få lys og lykter på plass. Eg vil no ha pynten framme ei stund når eg først får den på plass. Eg skulle gjerne hatt den store "ryggebuska "mi full av lys, men det får eg vel ikkje til. Ein av naboane har eit stort tre fullt av lys og det er no FINT i mørketida.

                               Eg tenkte at han som moka tunet så fint, ville like å sjå det igjen.

Dagbok 2025: 26.november

                              Dette bildet tok eg nettopp klokka 18.35
 

Klokka er no 18,40, temperaturen ute på trappa er no +5 grader, så no går det mot varmare dagar , og det er heilt greit for meg. Eg synest dette har vore ein tullete dag, for eg har ikkje gjort så mykje til gangs-  I dag var det siste spanskdagen før jul, og tida før eg skulle dit, brukte eg til å øve på leksa. Det er manga som har slutt på kurset og dei fleste som er att er slike som kan mykje frå før, som har budd i Spania og andre land der dei snakkar spansk, så eg føler meg ikkje heilt på topp i lag med dei. Men det er ikkje så nøye, eg går der mest for å komme i lag med folk- Eg handla litt mat på heimvegen, og åt litt etter eg var komen heim. Så sette eg meg til med strikketøy, dvs. lest. Eg begynte på eon lest i går kveld, men måtte ta opp att litt av det eg hadde strikka, og så vart det strikke og ta opp att ørten gonge, men no har eg endeleg fått strikka ferdig hælen, så då går vel resten av seg sjølv- . 

I morgon er det trening igjen, og vegane er snart berre. Det var fint å køyre nedover i dag også.

Eg var innom KIWI på heimvegen i dag, og då kjøpte er to lys til grava, viss Einar kjem innover så kan han og eg pynte opp litt til jul. Vi har snakka om det.

Det var godt å få juleferie frå spansken, for det er no litt jobb med den om ein skal lære nok. Eg har enno ikkje bestemt meg om eg skal gå på julebordet i pensjonistlaget , men er er kanskje for seint alt.

                                                          Dei selde dei berre slik; to og to.

                                                       (Lys til grava)

Dagbok 2025: 25.november

                                               Dette bildet tok eg akkurat no klokka 16.15

Klokka er no 16.19, temperaturen ute er  minus 4 grader, men dei melder mildver på sikt. I dag har det vore veldig fint, men kaldt ver. Det var fint å køyre nedover i dag tidleg også, når det er så kaldt er det ikkje glatt og det var faktisk sol. Etter at vi hadde vore på treninga, Marit og eg,  handla vi på KIWI. Eg handla relativt mykje for det var ei stund sidan sist. Då eg kom heim måtte eg ha meg litt mat før eg kveikte i omnen og sette meg til å småsove. Eg driv enno med å vakne og stå opp veldig tidleg, så det er ikkje rart at eg blir trøtt når det lid på.

Eg har jobba med spansken, men der går det smått, eg greier fint å lese og forstå tekstane, men når eg skal lage teksten sjølv blir det litt vanskelig, i morgon får vi heldigvis juleferie.

Har litt trøbbel med printeren min, slik var det sist eg skifta blekkpatron også,men då var det Helge som fekk det i orden til sist; det hugsar både Erlend og eg. Så eg må kanskje rope på Helge igjen, eg går ut frå at han er komen heim frå Spania no.

I avisa i dag står det at pensjonistlaget skal ha førjulstreff på hotellet og at ein må melde seg på. Eg får no sjå kva det blir til. I fjor var eg i alle fall ikkje med, og eg har ikkje vore så ofte på møta -fordi dei har halde til på Rjåneset, og så langt køyrer ikkje eg, og i alle fall ikkje viss det blir mørkt. Så eg har ikkje bestemt meg enno.

I dag har eg kjøpt lilla lys til advent. Det er lenge sidan sist eg gjorde det det, for eg likar i grunnen best å ha kvite lys til advent. Det er mange som har pynta opp ute alt, men det er berre fint med alle lysa. Det kan no hende at eg kunne ha lys ute også no, når eg har ein som kan hjelpe meg å få det til. (Eg tenkjer sjølvsagt på Erlend).Eg får ta ein tur på Clas.
 

Dagbok 2025: 24.november

 

Snart jul        

Klokka er no 17.02, temperaturen ute er minus 2 grader på målaren min, men på datamaskina står det minus 6 grader. Kva som er rett veit eg ikkje, men det er i alle fall kuldegrader ute no.

Dagen i dag vart litt lite effektiv for mitt vedkommande, men eg tek skulda for det sjølv. Eg skulle gjere spanskleksa mi i dag, men då måtte eg printe ut noko på datamaskina, men så var der ikkje meir "blekk" på printeren , så eg måtte kjøpe det. På Clas Olson. Der var eg kort tid etter opninga og fekk det eg skulla ha. Men eg ville ikkje sette den inn sjølv, for sist gonge eg gjorde det gjekk det heilt gale. Men eg hadde hjelpar i huset så det var ikkje farleg. Han ordna ut mens eg var oppe hos Marit i lag med den andre Marit- eg hadde eigentleg gløymt at eg skulle dit i dag. 

Men eg hadde kontakt med Erlend over telefonen og han sa i frå når han hadde gjort jobben sin. Då eg kom heim og skulle til å printe ut, skjedde det ikkje noko. Då kom eg på at slik var det sist eg fekk inn nytt "blekk" også, men det gjekk i orden til slutt. Det er berre det at eg hugsar ikkje korleis. Eg trur ikkje vi gjorde noko spesielt, men det vart i orden i alle fall.

Eg jobba litt med spansken før eg sette på TV-en, den har vore heilt i orden lenge no, først i går begynte den å tøyse, så no har eg den også å "reparere på." Men den virkar no i alle fall. Eg blir litt irritert på alle desse maskinene av og til, men eg vil no gjerne ha dei -uansett. Det er berre det at eg skulle ha vore litt flinkare å "reparere".

Det var fint å køyre bil i dag, så eg håper "føret" held seg til i morgon, for då er det trening.

Eg har ikkje laga meg middag i dag, så no kokar eg graut til kvelds-eg kjøper alltid melk for å "ha i hus" -så eg må no bruke den til noko.

Dagbok 2025: 23.november

 

Klokka er no 18.53, temperaturen ute er pluss 1 grad C Det er bekmørkt ute, men heldigvis er det mange som pyntar hus og hage med el-lys. Det lyser opp i mørketida.

I dag har det vore ein kjekk dag, særleg no på slutten. Erlend som bur her med meg fyller 22 år i morgon, så vi feira han i dag. Margrete spanderte middag på den indiske restauranten her i Ørsta. Der er det god mat. Etterpå skulle dei køyre Erlend og meg opp att hit, så då fekk vi litt is og kaffi her hos meg. Som de ser på bildet var vi ikkje så mange, men kjekt likevel å kome i lag. 

Tidlegare på dag jobba eg litt med spanskleksa, strikka litt og såg TV. Eg saknar turane mine på Vernet, men foten er ikkje heilt god, så eg tek det litt  med ro.

Det er ikkje så mildt ute at snøen smeltar noko særlig, men det går bra å køyre bil, trur eg. I morgon treng eg ikkje å fare ut, men tysdag er det trening. Eg kunne ønske at det vart så mildt at isen smelta på vegane og på tunet -der er ikkje så mykje att.

                                                                       Det går mot jul

Dagbok 2025; 22,november

Klokka er no 15.27, temperaturen ute er+4 grader C og det regnar aldri så lite. Eg er glad for at det ikkje kom meir snø no. Eg har ikkje vore ute med bilen i dag, og no mørknar det, så då er det for seint. Eg hadde ikkje så mykje ute å gjere, eg tenkte kanskje å handle litt til helga, men det slo eg frå meg. Barn og barnebarn er så redde for at det kan hende så mykje om eg køyrer på glatte vegar, så var tryggast å halde seg i ro. Eg sette meg til med sudokuen min, og var nesten ferdig då Solveig og Øystein kom. Solveig hadde sendt ei melding som eg ikkje hadde sett. Eg visste at dei skulle komme, men ikkje tida.

Solveig hadde kjøpt med seg kaffimat så ho og eg kosa oss meg kaffi og gjærbakst frå Hareid, mens Øysten moka snø. Eg syntest det var heilt unødvendig all den tid det gjekk and å køyre ein bil ut og inn av garasjen men han måtte no få lov å å pynte på det når han absolutt ville.

Eg hadde prøvd å få snø vekke frå altanen, men der ligg det mykje att enno-men det smeltar litt etter kvart. Etter at Solveig og Øystein hadde fare la eg siste hand på sudokuen  min, så no er alle tre i boks. Eg har også lese ein god del i avisa, eg synest Nør Nytt har blitt meir interessant i det siste.

Det er ikkje heilt lyst ute lenger og klokka er ikkje 16 enno, og mørkare skal det bli før sola snur om ca 1 månad. I morgon skal eg få vere med Margrete &Co og feire yngstemann med dagen, han fyller 22 år viss eg ikkje tek feil-.

 

Dagbok 2025; 21.november

 

Klokka er no15.47, temperaturen ute er + 1 grad, men eg veit ikkje om det er snø eller regn som kjem ned; har ikkje vore så mykje ute i dag. Eg presterte å ligge til klokka var nærmare 9 i dag, dvs. eg stod no opp eit par gonger og la meg igjen. I dag var det vaskedag, og eg har både vaska og støvsuga, tatt ut oska og kveikt i omnen.Må ha litt vedvarme attåt varmepumpa.

Då eg var ferdig med vaskinga gjekk eg ut og henta avisa, Møre-Nytt. Den avisa har endra seg veldig i det siste. no får vi lange artiklar om diverse folk og hendingar, Men eg har sakna sudokuane, så gleda var stor i dag då eg såg at der var ei heil side med sudokuar, kryssord etc. 

Så snart eg hadde rydda vekk lunsjen min, var det  å gå laus på sudokuane. Dei to første gjekk som smurt, det var den lette og den "Middels", den vanskelege er nesten ferdig den også, men det spørs ?

Eg har no jobba aldri så lite med spanskleksa også. Men strikketøyet har ikkje kome fram enno. Eg har ikkje vore på butikken i dag, der brukar eg å vere laurdagane før middag. Rasmus skriv og åtvarer meg om glatte vegar, men her er det no meir som ei sørpe,eg trur ikkje snøen smeltar så fort -det var berre ei varmegrad ute no.

Søndag skal er få vere med å "feire" Erlend som fyller 22 år på mandag. Lett å hugse datoen hans, sidan det er akkurat ein månad før julaftan.

Eg skulle ønske vi fekk litt mildare og finare ver no, men eg er nøgd berre vi ikkje får det for kaldt og -for mykje snø.

No står det berre att å ønske alle ei fin helg-uansett ver.

Dagbok 2025: 20.november

Vakker morgon i dag.

 Klokka er no 18.50, temperaturen ute er minus 4 grader C, men det har vore ein fin dag med sol og klår himmel,  Det gjekk fint å køyre til treninga i dag, trur dekka mine er veldig bra. Etter at vi hadde vore på trening var Marit og eg invitert til kaffibesøk hos den andre Marit. Og der var det litt annleis enn når Marit og eg går til kvarandre, Fin duk, fine koppar og fin mat. Vi såg på klokka då vi gjekk heim, vi hadde vore der i 3 timar.  Men vi hadde hatt det kjekt og prata om mangt og mykje. 

Eg kveikte i omnen då eg kom heim og sette meg til med ein forbaska lest som eg strikka på i går; strikka og rekte opp att gong på gong, det var heilt utruleg at eg skulle bale sånn med ein lest, eg stikkar no ein lest nesten kvar dag. Det vart litt att og fram i dag også, men no er den ferdig-eg nektar å ta opp att fleire gonger.Og så har eg lova meg sjølv at eg skal skjerpe meg litt.

I morgon er det heimedag og vaskedag, og det er meldt mildare ver. Vi snakkar om at det har vore kaldt nokre dagar, men eg hugsar då vi kom til Ørsta for å bu her, for 60 år sidan. Då stod gradestokken på minus 21,dag etter dag og vi fyrte på spreng. Solveig og Rasmus var 1 og 2 år gamle, og Rasmus kom knapt nok ut heile vinteren. 

No ser eg fram til søndag, då skal eg i bursdagsselskap til eitt av barnebarna, han som bur her i sokkelen hos meg, han har fødselsdag akkurat ein månad før julaftan.

Dagbok 2025: 19.november

 Klokka er no 20.06, Og temperaturen ute er heile 9 minus. Det minner om då vi kom til Ørsta for 60 år sidan i november, men då var det enda mykje kaldare.

Dagen i dag har vore litt av kvart, Eg stod opp klokka6.30 i dag, men år frokost før eg gjekk ut for å moke snø. Eg hadde lyst å fare på Spansken i dag, men då måtte eg ha bil. Eg såg at eg måtte eventuelt spade vekk noko snø og det gjorde eg, men eg fekk ikkje vekk nok så eg måtte gi meg på det. Så eg gjekk inn att og la meg på datarommet og jammen trur at at eg sov litt også. 

Eg hadde ikkje heilt gitt opp og då eg såg ut , såg eg at ein eller annan av naboane hadde vore der og tatt bort snøen som plogen legg att. Så då kom eg meg på Spansken i dag også, nest siste gong før jul. Eg var veldig glad for det.

Eg fekk no prøve ut dei nye dekka mine i dag, dei funka som dei skulle, men det var eit røft føre i dag -og i tillegg mykje trafikk. Det er det alltid der som vi har spanskkurset. Alle skulane ligg no der omkring.

Då eg kom heim starta eg like godt på spanskleksa til neste veke mens eg var i siget, seinare kveikte eg i omnen og så vart det strikketøy og TVresten av dagen og kvelden. Eg kveikte i omnen ei stund, men så greier varmepumpa resten. Den står på heile døgnet, så her er aldri kaldt- 

No er eg spent på om eg får ut bilen i morgon også, så Marit og eg kjem oss på trening. Etter treninga skal vi til ei anna Marit.

Dagbok 2025: 18.november

                Akkurat no er dette utsikta frå gangdøra.. Det har slutta å snø, og temperature har gått ned til minus 2 graderC

I dag skulle vi eigentleg på trening, Marit og eg, men det var ikkje håp om å få bort snøen og ut bilen så vi måtte melde avbod.

Litt seinare kom Helge med  fresaren og freste opp heile tunet, eg moka trappa og litt rundt omkring med spade, men det varte ikkje så veldig lenge før ryggen protesterte. Eg syntest eg måtte gjere noko til gagns om ikkje anna, så eg varma opp frosen melk og laga brød i dag også. Dei vart ikkje heilt perfekte,  eg et no stort sett kva det er, men eg har bestemt at eg skal ikkje bake meir på ei stund.Eg fekk no vaska opp i maskina og litt for hand.

Elles veit eg ikkje kva eg har styrt med i dag-anna enn at eg har strikka på ein lest, det gjer eg kvar dag, men i dag vart det litt plunder og opprekking, men no er alt i orden. Eg har ikkje sett på TV-en i heile dag, så no blir det vel mykje nytt å høyre. I morgon skal eg på spansk-kurs dersom eg kan ta ut bilen, det er litt langt å gå på snøføre, med vond fot og låk rygg.Men elles har eg det bra.

Dagbok 2025: 17.november

Dette bildet tok eg i dag. Det er Leonardo da Vinci rosa som held ut enno-i snøen under "Ryggebuska"'

No er klokka 17.36, temperaturen ute er +1grad , men det er opplett no. Eg moka tunet i går kveld, men det hadde snødd i natt så eg gjekk ut i dagmorgon og begynte å moke igjen. Men då ropte naboen at han skulle komme og ta det maskinelt. Eg var sjølvsagt glad for det. Det gjekk heilt greit å køyre ned til legesenteret. Det var ikkje så mykje eg skulle der, men eg måtte no legge att ei blodprøve. Ho tappa blod i berre eitt lite glas, og eg er no vant til at dei fyller mange. Då eg sa det, fekk eg til svar at no er det nok med ein liten skvett-dei finn alt dei skal der.Det går framover. Eg handla ikkje i dag, for i morgon er det trening, så då skal vi kanskje handle på heimvegen både eg og Marit

Før eg for nedover sat eg og strikka her på datarommet, her går det fort å få det varmt.  Men no mot kveld måtte eg fyre på stova for det er der TV-en står. Så mykje meir har det ikkje hendt i dag. I morgon blir det å pugge spansk, det er berre to gonger til før jul.

Eg høyrer mykje på denne karen. Han syng for det meste salmar etc. men også andre irske og keltiske songar, ja stort sett det meste. Eg leita han opp på nettet og no får eg meir og meir av han. James Kilbane heiter han. Kjekt med musikk til arbeidet/strikketøyet.Eg har masse garn no , som Solveig har kjøpt for at eg skal strikke lestar. Ho lagrar dei for framtida.

Dagbok 2025: 17.november

 Klokka er no17.54, temperaturen ute er +1 grad. Eg har sete inne no ei stund og visste ikkje at det hadde kome meir snø. Eg var ute tidlegare i dag og moka vekk såpass med snø at eg fekk ut bilen og køyrde ein liten prøvetur. Eg håpte på at det ikkje skulle komme meir snø, men det har det altså gjort,mens eg har sete inne og fyrt i omnen og strikka.. Men eg tek det ikkje så tungt for eg greier å moke såpass at eg får ut bilen før klokka 13 i morgon. Då har eg legetime. Det er ikkje noko spesielt men eg går til kotroll to gonger for året, og det er no viktig nok.

Det er ikkje så mykje å berette i dag, eg har stort sett gjort to ting, ete og strikka. Det er sikkert mykje anna eg kunne ha styrt med, men eg blir no litt lat i dette veret. Vinteren kom så brått og uventa, men eg meiner at noko av det samme skjedde i fjor, då dar det i alle fall ein periode med snø og kulde før jul.

Eg har ikkje mykje å berette i dag, men det eg kom til å tenkje på var November månad for 60 år sidan. Då kom heile familien flyttande til Ørsta, det var to born den gongen, Solveig som var 2 år, og Rasmus 1. Vi flytta inn i eit gammalt hus på Melle, der vi vart buande i 5 år. Om huset var gammalt, så hadde vi det i alle fall heilt for oss sjølve, for det var ingen som ville leige ut til ein familie med to små born før vi fekk flytte bort på Engeset til Gudrun. No seinare har eg tenkt at åra på Melle var gode år -då eg fekk vere heime med borna.

Dagbok 2025:15.november

Klokka er no 17.37, temperaturen ute er +3 grader C, men på datamaskina står det: Varsel om snø. Det likar eg ikkje. Som de ser av bilda mine ligg snøen i ro, den har kanskje smelta litt, men det er ikkje muleg å køyre ut bilen t.d. Eg brydde meg ikkje om å moke i dag, for eg kunne halde meg i ro.Men eg leita no fram att mokebrettet i tilfelle det skulle brukast.

I dag har eg stort sett halde meg i ro inne. Eg har strikka, sett TV-og så kom eg brått på at eg hadde ein liter melk som gjekk ut på dato. Det er typisk meg; eg kjøper melk for det må eg ha i hus, men så blir den ståande heilt til den er ute på dato, og då må eg prøve å bruke den til til dømes å koke graut. Det skulle eg gjere i dag, men så hadde eg ikkje risengryn som eg kunne koke graut av ; eg hadde veldig mykje Jasmin-ris, men ikkje Grøtris. Ergo måtte eg lage noko anna, og det var brød. Tre fine brød vart det og ikkje så verst gode. Eg heiv berre opp i skåla det som var i posane, av mjøl og havregryn etc. Middagen min i dag vart faktisk heimbakt brød med diverse pålegg. Det er mykje rot når eg bakar, men eg hadde no god tid til å rydde opp.

Innimellom ser eg Tv og strikkar. I dag såg eg eit fint program med Elvis Presley. Han var noko heilt for seg sjølv, ingen andre har hatt ei liknande karriere eller eit slikt liv. Livet hans begynt tragisk med tvillinbroren som døde . Og så enda det også trist. Støtt når eg ser Elvis på TV tenkjer eg: viss tvillingbroren hadde fått leve, hadde han vore som Elvis?

Sjølv om eg går her åleine og tuslar så går tida fort. I dag har eg enno ikkje fyrt i omnen, men har sjølvsagt varmepumpa på.

                                                         Utsikt mot Mosmarka i kveld

 

Dagbok 2025: 14.november

 Klokka er no 16.23, og det mørknar ute. Temperaturen ute er+1 grad og det er overskya.. Vi er vel ikkje åleine om å få eit lite vintersjokk, for så tidleg er det ikkje vanleg at vi får snø. Eg orka ikkje å begynne å moke, for eg reknar med at snøen renn vekk etterkvart, men eg tok spaden og moka trappa og laga ein veg til postkassa. Då eg seinare på dag gjekk ut i garasjen etter ved, vassa eg berre gjennom snøen. Når ein har vond rygg kan ein ikkje ta det så tungt. 

Eg måtte ut att i garasjen for eg hadde ikkje slått av lyset.

Eg spada meg ein liten veg til postkassa. etter at eg hadde moka trappa.

Det er alltid styr med den første snøen, men at den skulle kome så tidleg i år, var eg ikkje budd på.

Elles har eg vaska fredagsvask, bytta på senga og vaska ei full maskin med klede som eg har tørka i trommelen og lagt i hop no.Det er ikkje mykje å skryte av, men som sagt er eg låk i ryggen i dag og då greier eg ikkje så mykje. Eg håper snøen smeltar og renn bort av seg sjølv,for i morgon har eg no tenkt å ta ut bilen. Eg plar handle på KIWI laurdag fømiddag.

I dag er det den 14.november og det var fødselsdagen til Nils, han hadde vore 89 år om han hadde fått leve så lenge.

Eg har kveik litt i omnen for å få det skikkeleg varmt og godt og så har eg tatt fram strikketøyet, og så får eg sette på TV-en. Apropos TV så syntest eg det var kjekkare program før i tida. Den tida då alle såg dei samme programma og vi ikkje hadde så mykje å velje i- .

No vil eg ønske alle ei god helg!

Dagbok 2025: 13.november

                           Ca klokka 15.

Klokka er no 17.33, temperaturen ute er +2 grader C. Og det som kjem ned frå himmelen er enno flytande. Meldingane truar med snø, men no har eg piggdekk, så det er ikkje SÅ skræmande.

I dag var vi på trening, Marit og eg, og på heimvegen handla vi på KIWI, som vanleg.  Eg var heime ei stund før eg køyrde til Vik og parkerte bilen ved ALTI før eg gjekk opp i gata. Eg venta på Ragnhild, vi skulle møtast på Fru Svendsen,  og Ragnhild kom på minuttet. Etter at vi hadde drukke kaffi  var vi ein tur på Aandals, der er mykje fint som ein kan kjøpe, men ein finn ikkje alltid det ein er på "jakt" etter. Og slik var det i dag. Det var Ragnhild som skulle kjøpe-ikkje eg.

Då eg kom heim, ca klokka 15 var det enno fint og lyst  og opplett, men det mørknar fort- Etter at eg hadde fått meg eit skikkelg måltid, sette eg meg inn i stolen men det vart ikkje varmt nok, så eg var ut og henta veg og fekk opp tempen, så no kan eg ha det varmt og koseleg resten av kvelden-håper eg. 

I morgon er det fredag og vaskedag.det er no ikkje så mykje arbeid akkurat. Men jammen går vekene fort -helgane kjem ofte. Det einaste eg er misnøgd med er at eg ikkje kan gå tur på Vernet , men eg håper og trur at foten kan bli bra igjen ein gong. 
 

                                              Kanskje ligg plenen kvit i morgon?

Dagbok 2025: 12.november

Dette bildet tok eg klokka 16.30 i dag. Det var mykje mørkare ute då, enn det vi ser på bildet. 

 Klokka er no16.55, det er + 6 grader C ute og det regnar. Ja, eg likar ikkje regn, men det er no betre enn snø, for meg i alle fall.

Eg var litt i tvil om eg skulle fare på "Spansken" i dag, men det vart til at eg for.

Då eg kom ned dit vi held til, var rommet stappfult, ikkje av spanskstudentar , men av slike som vart skolerte i bruk av telefon m.m. Eg skulle sikkert ha vore der eg og, men Terje kom og henta meg , og så gjekk vi på eit anna rom, der spanskstudentene skulle halde til. Vi var ikkje mange i dag, tre studentar og to lærarar.  Men vi hadde det kjekt og lærte ganske mykje i og med at det var så mange lærarar. 

Eg hadde lova Marit å komme opp når eg kom heim att, for vi har ikkje vore i lag på lenge av ymse grunnar-. Vi hadde sjølvsagt mykje å prate om.

Då eg kom heim att laga eg meg middag, i dag vart det steikte kjøttpølse og steikt poteter-eg kokte så rikeleg i går at det heldt i dag også. No er dagen nesten til ende og eg har ikkje utretta mykje, men no skal eg sette på TV-en og ta fram strikketøyet.

I morgon er det trening og då blir Marit med viss det går etter planen. Det er spennande no korleis veret vert framover, om det kjem snø eller is på vegane. Eg er glad for å vere skodd med piggdekk. Det har eg ikkje hatt på mange år. Eg har hatt såkalla heilårsdekk, og det har gått heilt fint. Men no meinte Rasmus at eg ikkje kunne ha dei lenger. Så han sørga for at eg fekk dekkskift.Og takk for det!

I morgon skal eg kanskje på byen med Ragnhild.

Dagbok 2025; 11.november

Klokka er no 18. 05 Temperaturen ute er ca+10 grader C  og det regnar. Eg likar ikkje så godt regn, men snø er verre, for den må vi moke vekk. PÅ bildet over ser de kvar eg sit no, på det såkalla kontoret mitt, eller datarommet. Det er kjekt å ha dette vesle rommet , for her blir det fort varmt når eg set på ein elektrisk omn, Her sit eg mykje med datamaskina. I dag har eg jobba litt med spanskleksa til i morgon. Eg har også printer så eg kan printe ut det eg skriv. Dette er sjølvsat ting som eg skaffa meg den tida eg jobba i skulen. Men det er kjekt å ha no også. Eg skulle berre ønske at eg var flinkare å skrive på tastaturet for det går litt seint. Høna som står der på hylla vann eg på ei utlodding i pensjonistlaget-det var i påsketider.

I dag har eg vore på trening, godt å vite at eg har fått vinterdekka på bilen, så eg slepp å vere redd for glatte vegar. Eg handla på KIWI på veg heim. I dag fann eg spekesild i fryseboksen, så den tok eg med heim. Eg laga kålstuing og kokte poteter etc, men eg vart skuffa over silda, den var ikkje så god. Eg er vand til den gode kryddersilda på Spar, så dette vart nedtur. Men så veit eg det til ein annan gong.

Eg jobbar litt treigt med spansken for tida, men eg har no i alle fall gjort leksa til i morgon. Spansk er heilt greit så lenge eg har ein tekst å lese og omsette, det er når eg skal lage setningane sjølv at det blir vanskeleg, men det er ingen som tvingar meg til å lære språket, det bestemmer eg sjølv. Men det er kjekt å ha noko å gå til. Eg kan ikkje sitte her åleine og strikke heile tida.

Dagane og vekene går fort no fram til jul, men eg synest det er mørkare enn det brukar å vere, kanskje fordi det er så overskya.

Dagbok 2025: 10.november

Tussa-parken

 Klokka er no 17.56 og temperaturen ute er ca+8 grader. Det har regna meir og mindre i dag, og dagane er no så korte at dei er over før ein har ete middag.

For ei tid sidan kjøpte eg nokre brukte vinterdekk frå ein kar i Volda; det var Rasmus som ordna opp , pr. telefon og datamaskin. Men eg tok imot dekka og hadde dei i garasjen. Meininga var at Einar skulle komme og sette dei på når det begynte å bli glatt etc. Men så reiste Einar til London, og eg måtte begynne å tenkje på korleis eg skulle gjere det. Eit par dagar med litt glatte vegar gjorde at eg tenkte meir på det. Men så vart det fint og varmt igje. Nok om det, eg forstod at eg måtte ordne opp sjølv så i dag fekk eg piggdekka inn i bilen og køyrde ned på den verkstaden der eg brukar å ta kontrollar. 

Der var dei veldig kjekke i dag også, så eg fekk "ordre" om å komme att om ein times tid. Og slik vart det. Det tok ca 1 time å utføre det dei skulle og eg sat på ALTI og drakk kaffi og åt Wienerbrød i ein halv time, så gjekk eg tur i hamneparken resten av tida, såg meg om og tok bilde. Eg er veldig sjelden der nede så det var kjekt å sjå seg om.Då eg kom bort til verkstaden igjen var bilen fiks ferdig og eg kunne køyre heim.

Her heime skjer det ikkje så mykje, eg har vore lat i dag, sett TV, strikka og etc-det er vel alt. Men i morgon skal eg på trening igjen. 

Er lurer på om eg greier å sette på "pynten " som Rasmus hadde på dei gamle hjula ?

Dagbok 2025: 9.november

Slik ser det ut frå trappa i kveld. Eg har vore inne heile dagen, berre så vidt eit lite ærend i garasjen.Eg har vore her åleine, har strikka og sett TV-og sove innimelllom.Temperaturen ute er+7 grader og det har regna i dag også. Det gjer ingen ting- berre det ikkje kjem snø og is.

Eg sov godt sist natt, dei nye sovetablettane virker godt, men då eg skulle sjå Gudstenesta på TV, sovna eg og sov gjennom hele programmet. Eg var i heile tatt veldig trøtt i dag. Men det er ikkje så farleg, eg har tid å sove.

Eg har ikkje gjort stort anna til nytte i dag enn å strikke og lage mat.

Men eit kvart skjer det no alle dagar, og i dag var det vaskemaskina. Eg hadde sett den på for å vaske ein genser. Då eg kom ned og skulle ta genseren ut av maskina var den dyvåt så det rann av den. Eg fekk ikkje til å sette på sentrifugering og då kjem tanken fort:Må eg ha ny maskin? Eg hatar å skifte ut maskinene mine, men eg er redd for at denne no takkar for seg. Eg har hatt den lenge. Eg kan ikkje vere utan vaskemaskin, det er greit, men det er eit styr med å skifte. Eg reknar med at viss eg må ha ny, så vil alle barna mine komme med gode råd og vink. Berre synd at Rasmus er så langt borte. Då eg skifta oppvaskmaskin var han her. Eg skal gi beskjed når eg veit meir.

No blir det vel å sjå om der er noko på TV, og garn har eg , så eg kan strikke. Det sørger Solveig for- I går kom ho med ein heil kartong med nytt garn til meg. Ho og Margrete strikkar alle slags fine genserar, men eg gjer ikkje det lenger, eg strikkar lester og stort sett berre det.

Eg tenkte å begynne litt på spanskleksa i dag, men eg finn den ikkje. Eli brukar å legge den ut på Datamaskina, men der var det ingen ting.

PS: Eg vaska ei bukse i vaskemaskina og då virka den ialle fall heilt fint.

 

Dagbok 2025: søndag 8. november

 

                                              Utsikt frå altanen klokka 20.10 i kveld

Klokka er no19.57, temperaturen ute på trappa er + 10 grader, eg er glad så lenge vi får ha det mildt og snøfritt.

I dag har eg ikkje vore ut av huset ein gong, eg har vore inne, styrt litt i huset, strikka og fyrt i omnen. No trur eg at heile plommetreet er oppbrent. Eg venta Solveig og Margrete på besøk i dag,  dei kom ikkje før utpå ettermiddagen, men det var avtalt- Svein var også med. Vi drakk kaffi, åt kaker og prata. Kjekt å ha besøk. Sidan eg ikkje har vore på butikk t.d.idag har eg kjensle av at det har vore sundag, men så har vi kviledagen til gode.

No skal eg ta fram strikketøyet igjen og sjå om der er noko kjekt på TV.

Dagbok 2025: 7.november

Klokka er no 18,30, temperaturen ute er ca+10 grader og det regnar. Eg las i Møre Nytt at det skulle vere opning av julegater etc. i dag, men eg veit ikkje om det vart noko av. Det er ikkje akkurat julestemning ute.

Eg har hatt ein litt trasig dag. For det første så vakna eg altfor tidleg, og fekk ikkje til å sove meir. For det andre var eg ikkje i form, har vore litt tufs nokre dagar , så eg sende bod til legen min, og ho fiksa medisin som eg kunne hente på apoteket.

Men eg venta til ut på dagen før eg for nedover.I mellomtida tok eg fredagsvasken m.m-. 

Eg fekk medisinen min, eg hadde den samme sjukdommen som sist vår, og fekk samme medisinen. No får eg no håpe at den hjelper denne gongen også. Det er veldig sjeldan at eg er sjuk, og eg likar det absolutt ikkje. Men no håper eg på at eg kan bli bra om ikkje alt for lenge.

Resten av dagen har eg brukt på å fyre i omnen, sjå TV og strikke litt. Eg fekk nye sovetablettar også i dag, så no håper eg på å få sove ei heil natt når den tida kjem.

Bilda har eg tatt nettopp, sjølv om dei er veldig like bilde eg har lagt ut før. Eg står på trappa og tek dei.

 Så er det fredags kveld og eg ønsker alle ei god helg

Dagbok 2025: 6.november

Bildet er tatt frå altanen klokka14.45, det har regna litt i heile dag. Eg køyrde inn Olavsgata litt før og såg at alle tre og busker i Barstadhagen var vekke, så det som no stenger litt for utsikten er det som står på min "eig".

Klokka er no 15.12,temperaturen ute er ca 10 grader C, og eg er glad det ikkje er kaldare. Men eg fyrer i omnen med skrotved , og slår av varmepumpa. Eg må rydde litt plass i garasjen  til eg skal skifte hjul.

I dag er det pensjonistmøte, men Marit melde oss av i går. Ho er forkjøla  og eg var ikkje i form.I dag følte eg meg frisk , så eg for på treninga, men eg kjem ikkje til å fare på pensjonistmøtet, ikkje berre er det DET at vi har meldt oss av, men eg likar ikkje å køyre når det er så mørkt. Det går heilt fint å køyre om kvelden når vi får snø. Altså blir eg heime i dag. 

Men så var spørsmålet; Kva skal eg gjere til gagns? Eg fann på at eg kan male litt; kvitmaling har Einar kjøpt til meg, men eg trong ein veldig liten pensel, til vindua etc. Så det blei ein ekstra tur til Vik og "Målar-Olav". Eg kjøpte ei flaske med White Spirit også, det treng vi(Einar og eg) å ha i hus-. Kor mykje eg kjem til å male står att å sjå. Men eg går no og klattar litt her og der.

Eg gjekk forbi den nye blomsterbutikken ved sidan av Målar-Olav og der var veldig mange nydelege  grav- kransar, men eg synest det er litt tidleg å legge på julekransane no. 

I dag fall eg for freistinga og kjøpte denne kaktusen på KIWI-eg som ikkje likar at  matbutikkane sel blomster-altså.

 

Dagbok 2025,5.november

Klokka er no 17.50, temperaturen ute er +10 grader og det regnar. Det er bekmørkt også. Men eg er inne og har det varmt og tørt og lyst. Som de ser på bildet har eg alt hengt opp "julegardinene"-ja, eg kallar dei det sjølv om dei ikkje er så "julete". Det er koseleg  å vere inne når det er mørkt og vått ute.

I dag har eg gjort lite og ingen ting til gagns. Eg var ikkje heilt i form då eg stod opp, men kom meg litt etter kvart. Det vart slik at eg eg møtte opp på spansken i dag også, under tvil. Vi var ikkje mange i dag så det vart litt meir intimt enn vanleg. 

Då eg kom heim att vart eg sittande å strikke ,etter at eg hadde fyrt godt i omnen. Eg brukar å sette på nyheitene på TV-en og så høyrer eg om att og om att det same ørten gongar. Eg gjorde ferdig eit lestepar, og vog lestene og garnet eg har att og fann ut at eg kan strikke enda eit par av garnet eg har. Solveig held meg med garn stort sett, og ho tek vare på leste-lageret.

Eg var ikkje heilt på topp i dag, som sagt, så vi vart samde om å avlyse pensjonistmøtet i morgon, både Marit og eg. Ho ordna det. Vi må melde på om vi skal kome på møta fordi dei bestiller mat. Slik gjorde vi det ikkje før. Ein annan ting er at eg  likar ikkje å køyre bil når det er mørkt, så eg hadde likt betre at møta var tidlegare på dag, men så er det dei som ev. skal underhalde-dei er kanskje på jobb til det lid langt på dag. 

Eg hadde no i grunnen lyst å vere der, men det vart for mange MEN-.

Marit har også valt bort treninga i morgon, men dit kan eg fare viss eg vil. Kjem an på dagsforma. 

Det er mørkt og regnfullt ute og eg likar ikkje denne årstida, godt at vi har jula å sjå fram til, tida går fort.

Eg har ikkje gjort noko med bilhjula, eg ser ikkje for meg korleis eg skulle klare  åleine å få hjula inn i bilen og køyre på verkstaden. Eg trur ikkje ryggen held. Så eg er i grunnen glad for at det er mildver og regn, enn så lenge.

                                             Eg bur ikkje heilt åleine.

 

Dagbok 2025: 4.november

                                     Slik har eg det no.

Klokka er no19.19, temperaturen ute er + 10 graderC  og det regnar. Det vart veldig tidleg mørkt i dag, og eg har ikkje vore lenger enn ut i garasjen etter ved, og opp lit postkassa for å hente avisa. Vi skulle etter rett ha vore på trening i dag, men det vart avlyst.

Men eg fann no på å gjere litt til nytte i dag også. Eg støvsuga teppegolva, og dett var dett. Elles så har eg no fyrt i omnen og hatt det varmt og godt. Eg har øvd på spanskleksa og så strikkar eg sjølvsagt. Men midt på dagen sovna eg i stolen og det var det beste på heile dagen, for om natta vert det heller lite søvn. Eg fekk melding frå ei venninne med spørsmål om eg ville vere med til Volda i morgon, og det hadde eg veldig lyst til- men så var de spansken. Eg måtte ta eit val, og eg valde plikta,dvs. spansken. Eg hadde tenkt å slutte tidlegare, men valde å halde fram,så då må eg berre stå i det. Eg kjem aldri til å kunne snakke spansk, men litt forstår eg når eg har ein tekst.

Eg sit for det meste og strikkar lester og ser TV, men i morgon skal eg altså på spansk og sdagen deretter er det trening og Pensjonistmøte. Berre så trasig at møta er så seint på dag at er er mørkt når vi skal heim.

No skal eg sjå om eg finn noko spennande og godt i kjøleskapet.

 I dag tok eg bilde frå altanen igjen, men klokka var nesten 5(17) så det var nokså mørkt. Kvelden kjem tidleg no.Men det er + 10 grader, så eg klagar ikkje. Dessutan har eg det varmt og godt inne fordi eg fyrer med plommetreet, og det brenn veldig godt no.

I dag har eg gjort litt nytte for meg. Eg starta dagen med å fylle bilen med svarte sekkar, ca10 stk.men sekkane var lette fordi det var mest tørre kvistar frå hekken.

Eg handla litt mat på heimvegen og gjorde klart til eit måltid  før eg sette meg til å strikke.Men så tok eg meg sjølv i nakken-ikkje mat no og ikkje strikk! No skal bilen vaskast! Og vask vart det både utanpå og litt inni, dessutan støvsuga eg -ikkje fritt for at det blir litt rusk etter alle turane mine på VØR. Det var veldig kjekt å få litt orden på bilen. Men eg må no snart få på dei nye hjula, og det greier eg ikkje sjølv. Eg har vore vand til at ein av gutane/mennene har gjort det. Einar hadde meldt seg i år, men no har han reist til London, og eg har fått ordre om å ta hjula med og få dei til og ordne det på verkstaden. Det spørs kor det går. Så lenge det er så mildt som no slappar eg litt av.

Det var så fint ei stund i dag, og eg var nokså bra i foten, men det vart ikkje til at eg gjekk tur likevel. Har styra litt med klesvask etc.og eg har sete og strikka ei stund, men så må eg øve på spansk-leksa. Lærdommen går ikkje så lett inn no, som då eg var ung. Men eg treng no ikkje å lære spansk, det er berre for moro skuld, for å komme i lag med folk etc. Det har lett for å bli til at eg går her heime åleine viss eg ikkje kjem meg ut på eitt eller anna. I morgon skal eg på trening, onsdag er det spansk torsdag er det trening+ møte i pensjonistlaget, så det blir no litt sosialt denne veka.

Dagbok 2025: 2.november

For nokre veker sidan hadde eg storopprydding i skuffer og skap, og fann mange bortgøymde skattar i form ev handarbeid. Sjølv er eg ei kløne når det gjeld til dømes broderi, men eg har mange fine ting som eg har fått frå dei som kan. Dette har eg fått av Tone dottera til Anne. Marie, systra til Nils.  Det var ei tid det var så in å ha slike "strengar " hengande på veggen, men så vart det mindre moderne og eg har lagt det bort for ei tid. Men no då eg såg det att kom det fort på plass igjen. Eg fann andre fine ting også, som eg rett og slett hadde gløymt, men som no har sett dagsens lys igjen.

 

                         Bildet er tatt klokka16.30 i dag. Eg nyt den nye utsikta mi.

Klokka er no 16.30 , temperaturen ute er + 9 graderC . Det har vore opplett i dag, men no står det på skjermen at det skal bli regn i morgon. Det likar eg ikkje så godt, for eg har tenkt meg på VØR med mange sekkar hageavfall.

Eg har vore inne i heile dag, nesten, var ein tur ut og spylte litt meir på plenklipparen, men no har eg sett den på stallen, Elles fyrer eg i omnen med store gode kubbar frå plommetreet. Varmepumpa har eg slått av så lenge.

Eg har ikkje gjort så mykje i dag, eg har jobba med spanskleksa, så har eg strikka litt, men då sovna eg i stolen. Det var berre bra for eg søv jamt over for lite. Eg reknar med at Solveig og Øystein er på heimveg frå Bergen.  Margrete er vel opptatt med Svein, som har fødselsdag i dag.

Komande veke har eg fullt program , med trening, spansk-kurs og møte i pensjonistlaget, og får eg tid til overs har eg mykje å bruke den til. No skal eg først og fremst finne meg ein kaffikopp.Og få på TV-en igjen.

Dagbok 2025: 1.november

I dag fyller Tobias 1 år og besteforeldra frå Hareid er i Bergen for å feire dagen.Tobias er ein stor og kraftig kar  og har har begynt i barnehagen.

Gratulerer med dagen Tobias!!!!

Her er det mørkt no klokka 18.oo og temperaturen ute er+ 8 grader C så vi slepp å tenkje på at det kan vere glatt på vegar og gater, men laurdagane er det stengt på VØR så eg fekk ikkje levert hageavfallet mitt i dag. Men eg fekk ein tur på butikken. Etterpå var eg oppe hos Marit ei stund, for ho er ikkje heilt i form for tida, og ho set pris på at eg kjem på besøk.I fjor og året før vaska eg ikkje plenklpperen før eg sette den på stall om hausten, vintrane kom så brått.  Eg ville ikkje at dette skulle skje igjen, så i dag gjekk eg i gang med å vaske klipparen med Bilshampoo. Heilt rein blei den ikkje så eg skal ta den att i morgon og vaske meir, det er litt kjekkare å ta den att neste år viss den ikkje er altfor inngrodd.

 Så laga eg meg litt middag og mens maskina vaska opp etterpå kom eg i mål med sudokuen min. Der er ikkje sudokuar i Møre-Nytt lenger, så den eg løyste i dag var frå bladet PENSJONISTEN. Aprpopos pensjonist så er det møte i pensjonistlaget komande veke, torsdag trur eg det var.

Mandag før middag skal eg på VØR med mange sekker hageavfall, viss alt går etter planen min.

Klokka er ikkje halv sju ein gong og det er bekmørkt ute. Eg likar det ikkje.