Dagbok 2024: 29.april

 Klokka er no 18.30, temperaturen ute er + 11 grader, det er mest overskya, men opplett og solstreif. I dag har Rasmus og eg vore heime åleine delvis. PÅ føremiddagen styrte vi litt med kvar vårt, men så tok vi bilen min og køyrde opp til Fonnvernet, Rasmus hadde ikkje vore der før, så i dag er det han som har tatt bilda.

Eg spurde om han ville vere med til Volda og ete Kinamat og det ville han. Vi stoppa i Furene og handla litt på¨Co-0P.

Då vi kom til kinarestauranten, var der sjølvsagt stengt akkurat i dag. Heilt typisk. Men eg var ikke rådlaus," MARIAS" neste. Der fekk vi nydeleg mat. Bestilte Kebab- tallerken -det var både godt og rikeleg. Rasmus sende melding til Margrete, men ho kunne ikkje vere lenge for ho skulle ta ferja over. Men vi fekk i alle fall tatt ein kopp kaffi i lag.med henne.

Då vi kom til Ørsta igjen tok vi ein tur fram på Mosflata og stakk innom EIK-senteret og kjøpte ein liten sekk med gjødsel til ca 500kr.

Etter at vi kom heim har det ikkje hendt så mykje. eg trur ikkje det er mykje att på lista eg laga til Rasmus skulle komme. Og no er den gamle Yarisen som ny, med nye hjulkapslar som Rasmus har skaffa til veie.

Dagbok 2024: 28. april

Klokka er no 22.10, teperaturen ute er + 10 graderC  og vi har hatt fin ver i dag.

Den siste snøen som kom i fjella smelta sikkert i dag.

Eg var oppe nokså tidleg og Rasmus litt seinare. Vi hadde diverse å jobbe med sjølv om det var sundag, Rasmus rydda plass til ved sekkane i garasjen, og så sette han sommardekk på bilen. Eg pusla litt i hagen og tok opp nokre løvetannrøter etc.

Vi tok ein tur bort på Plantasjen, der vi kjøpte 5 sekker mold som eg skal ha å spe på med her i hagen min.Plantar vart ikkje kjøpt i dag; gartnaren heime på Eid sa alltid at ein ikkje skulle plante noko som helst før 17. mai. 

Vi var også bort på grava til Nils og der hadde eine  fuglen losna og falt ned, så den må limast fast igjen.

Eg laga svinkotelettar til middag i dag, og vi rakk å ete middag før Øystein, Solveig og Margrete kom på besøk.Det er ikkje ofteeg får vere saman med alle tre barna mine på ein gong. Vi drakk kaffi og åt kaker. Solveig hadde laga ei slags kake av rabarbra som ho hadde med, og eg hadde som vanleg gulrotkake. Rasmus har også gjort ein god del i huset, slikt som eg ikkje greier så godt sjølv. Eg hadde laga ei liste, så ikkje noko skulle bli gløymt. Det er kjekt å ha besøk.

Rasmus skal reise igjen 1. mai. 

Eldste hunden til Margrete fyller ti år i dag.Den nye hunden, Dennis, er ein bror til gamle Charlie.

Dagbok 2024: 27.april

 Klokka er no 23.30, temperaturen ute er + 4 grader C. Det har vore ein fin dag med sol og varme, så det gjer ikkje noko om det blir litt kaldt om natta.

I dag laga eg ferdig middagsmaten før eg tok ein tur på butikken og etter det ein tur på Fonnvernet. Eg sat litt på alle benkane for eg var ikkje heilt god i føtene.

Då eg kom heim sette eg meg i godstolen, og eg trur eg sov litt. Då eg såg på klokka skunda eg meg å sjekke meldingar, og då såg eg at Rasmus hadde vore i Stryn for 47 minutt sidan.

Då var det tid å dekke middagsbordet til 2, og det varte ikkje lenge før Rasmus kom. Med bilen full av vedsekker som eg skulle få. Resten av dagen har vi slappa av,prata og ete. Eg har laga ei liste med ting som Rasmus skal fikse, og vi er alt komne eit stykke ned på lista.

Rasmus skal vere her heilt til 1. mai, så mykje kan bli gjort til den tid. Ja, han kjem no ikkje berre for å ordne ut, håper eg, vi tek no tid til å kose oss og prate. Vi legg ikkje langsiktige planar, men her er ved som skal på plass og ein bil som skal få sommardekk, mellom anna.

Dagbok 2024: 26.april

Klokka er no 16.30, temperaturen ute er +8 grader og no skin sola mellom skyene. Det er berre ei lita stund sidan eg kom att frå turen på Vernet, med bilda i dag igjen får eg ikkje tak i, ofte kjem det seg når det har gått ei stund. Eg får vente å sjå.

I dag har eg vaska "fredagsvask" og gjort diverse husarbeid. Eg gjekk ned og ville rydde i tilbygget, men då streika ryggen heilt, så eg måtte gi meg på det. Det er irriterande å måtte gi seg, men eg kan ikkje gjere noko for å få ein betre rygg. Eg får vere glad til at eg slepp å verke når eg er i ro. Men det gjekk fint å ta runden å Vernet, så det fekk eg gjort. Det klårnar meir opp etter kvart ser det ut til, men der er store skyer på himmelen.

I morgon ventar eg Rasmus på besøk, og det ser eg veldig fram til. Han skal vere her til 1.mai. Den dagen reiser også Marit -ho skal til Spania. Eg har ikkje det minste lyst å fare til Spania, same kor eg strevar med å lære meg spansk. Men eg skal på venninnetreff på hotellet ein dag. Vi er ein liten flokk med gamle lærarinner frå Velle skule som samlast av og til. Det var ei som fall ifrå sist haust,men vi er ein liten flokk som held det gåande enno.

Eg er litt skeptisk på hagearbeidet mitt i år. I fjor gjekk det bra, men i år er eg eit år eldre. Det er masse løvetann som skulle vore tatt opp, og kanskje får eg gjort det med tid og stunder. Graset er ikkje problem for eg går oppreist når eg køyrer klipparen.

Eg trur at eg kanskje får orden på bilda om ei stund. Der er mykje fint i beddet nedanfor garasjen, påskeliljer, tulipanar og andre løkvekster. Det er stas med det første som kjem. Alle dei blå blomstrane og andre løkplantar visnar litt etter kvart no.

 

                                               Bilda er frå Vernet og frå altanen heime.

Dagbok 2024: 25.april i dag.

 Bilde frå turen min i dag- På det øvste bildet ser vi gjengen som har tatt ned masse ore-skog og rydda fint opp. I dag hadde dei ei maskin som dei frakta på ein tilhengar. Dei stappa heile trestammen i eine enden, og så kom det ferdige kubbar ut andre enden. Eg hadde lyst å sjå det på nært hald, men eg syntest det var litt frekt å gå bort og mase på dei. Som de ser har eg fått til å legge ut bilde igjen på gamlemåten.

Klokka er no 17.00, temperaturen ute er + 8 grader, der er opplett, med litt skyer og litt sol. I dag var det trening frå 10 til 11  eller vel det. På heimvegen handla vi på KIWI, eg hadde hugselapp så eg kom no heim att med det meste som mangla.

Eg tok meg ei brødskive og så gjekk eg på Vernet. Mor til fysioterapeuten, ho som var terapeuten vår før, spurde om eg gjekk på Vernet enno-og det syntest ho var veldig bra. Eg synest det er greitt å gå der, så treng eg ikkje å tenkje så mykje på at eg må trimme. Det er ikkje mykje trim i å gå der, men litt er betre enn ingenting. 

Eg veit ikkje om eg har gjort så mykje i dag, eg har rydda litt her og der og så har eg strikka litt. Eg skulle vel ha rydda litt i tilbygget, for å gi plass til vedsekkane som Rasmus kjem med. Venstrehanda er ikkje heilt god, men ryggen er verst, så det er begrensa kva eg får gjort. Eg ser veldig fram mot å få besøk og eg reknar med at systrene også vil treffe broren mens han er her. Eg har  mange småjobbar til han, så det er best å lage ei liste.

Eg har rydda litt opp i stueplantane mine, men eg vil ta ein tur til Plantasjen og sjå kva eg kan finne der. Dei hadde fine små prestekragar på KIWI i dag, men det er vel for tidleg å plante noko ute? Eg brukar å ha i kassar utanfor kjøkkenvidua-

I dag er det Wenche som har fødselsdagog neste månad er det to av gutane som fyller år +Amanda her . Det er så enkelt å hugse alderen hennar for ho vart fødd i året 2000. Heile storfamilien fyller år i første halvdel av året, det eitt unntak; Erlend fyller år i november. I morgon er det fredag igjen, dei kjem ofte fredaganeno for tida. Det var ikkje slik den tida eg var i arbeid-

Dagbok 2024: 24.april

                           Eg gjekk ein runde på Vernet før eg for på møte.

Klokka er no 18.04, temperaturen ute er + 7 grader, sola skin no, og himmelen blånar. Eg kom nettopp att frå langtur  til Rjåneset. Der vart det stålande ver etter kvart. Eg har ikkje vore der ute sidan Nils levde og styrte med båten. Mykje er forandra, der er neste enda finare enn før. Grunnen til at eg var der i dag, var at pensjonistmøtet vart lagt til "restauranten" der ute.

Eg kunne ha køyrt utover sjølv, men eg var så usikker både på vegen og avstanden at eg valde å ta bussen. Det går buss til Ålesund den vegen, ein gong for timen. Eg tok den bussen som kom klokka 14.55. Det var ein svart mann som køyrde, men det gjekk heilt fin. Ei ung jente sette seg ved sidan av meg og spurde kvar eg skulle av, og vi skulle av på samme staden. Då eg gjekk ut av bussen kom eg i lag med ei dame her frå Vallabøen, ho har også sertefikat og bil, men ho er fleire og 90 år så ho tykte kanskje det var tryggast å ta buss. 

Då vi kom inn der møtet skulle vere, var der nesten fullt, eg skimta ein og annan som eg kjende, og sette meg ved eit bord der det sat to damer frå før, begge over 90 år. Den eine kjende eg frå før.

Eli, som er leiaren av laget, var sjukmeld, og det samme var mannen, Terje. Men resten av styret var veldig flinke til å ta seg av alt. Maten som vart servert var kaffi og smørbrød-og alt var godt.

Ein i styret kom og spurde meg kva eg syntest omå ha møte der ute. Det er ikkje lett å svare på det. Eg syntest det var greit å vere der i dag, men eg vil no ikkje at alle møta skal vere der ute.

Då vi skulle heim att håpte eg på at eg skulle få sitte å med einkvan, men det såg svart ut, så eg gjekk opp til haldeplassen og ville vente på ein eventuell buss. Då stoppa det ein bil og tok meg på, eg veit ikkje kven dei er, men eg kjende ho i baksetet, det var "veninna" mi frå Vallabøen , ho som er 94 år. Eg bad om at dei skulle sette meg av i VIK og då fann eg att bilen min og køyrde heim.

Det er ein kafe eller restaurant eller... som held til i huset på Rjåneset og mange tek søndagsmiddagen der. Det var veldig fint å sitte og sjå ut vindua. Eg hadde gløymt kor langt det var til Rjåneset -og eg kjende meg ikkje att langs vegen heller.  Så det var på tide eg fekk denne turen

Dagbok 2024: 23.april

 

Eg har ein plass på maskina der eg kan finne "gamle" bilde. Dette er ei av rosene mine, Leonardo da Vinci, trur eg. Eg har lese at ein skal klippe rosetrea  første veka i mai, men der er alt nye blad i enden på stilkane- så skal eg klippe dei ned likevel?

Klokka er no18.00. Temperaturen ute er+2 grader C, det er overskya og det har regna. I dag morgon var det snø på vegar og plenar, men den låg vel ikkje så lenge.

Sist natt låg eg i ro og vakna når eg skulle i dag tidleg. Marit og eg var på trening først, så var vi på ALTI og til slutt handla vi på KIWI før vi for heim. I dag har eg ikkje gått på Vernet, for eg var trøtt på ein måte. 

Eg ville fyre i omnen og huska at eg hadde ein heil sekk med oppklipte kvistar-eg trudde dei var frå i fjor, men så var dei ikkje så tørre. Då kom eg på at eg hadde klipt kvistar og greiner frå epletreet tidlegare i vår. Dei var sjølvsagt ikkje tørre, men med litt hjelp har eg fått dei til å brenne. Heldigvis tok naboen resten av greinene mine med seg på VØR, så eg har ikkje fleire sekker.

Etter at eg hadde ete middag, restar frå i går, sovna eg i godstolen min. Då eg vakna sette eg i gang å bake gulrotkake, det må eg alltid ha i hus, og no var det nesten slutt på den eg laga til bursdagen min. Det som er bra med gulrotkake er at dei toler mange turar opp og ned frå frysaren. Og desse ungdommane mine er veldig glade i den kaka.

I går fekk eg ei gledeleg melding, Rasmus ville komme på besøk  til meg komande helg. Det ser eg fram til, for det er så kjekt å ha han her, og så hjelper han meg med så mykje som eg ikkje greier sjølv. Eg må kanskje lage ei liste?

I morgon er det pensjonistmøte på Rjåneset, men eg veit ikkje om eg skal fare. Eg har ikkje køyrt der før og hugsar ikkje korleis vegen var, men eg kan ta buss. Eg får bestemme meg i morgon.

Eg har kava mykje med bilde på datamaskina, no vart eg så lei at eg sletta alle. Eg kjem kanskje til å angre på det, men mange bilde finn eg att på bloggen i alle fall. Eg håper det lettar opp litt til i morgon, det er kjedelig med regn, snø og kulde no når det skal vere vår.

I dag fyller svigerinna mi på Eid 79 år. Alle svigerinnene mine(3) har fødselsdag i april, og det har svigerdottera mi også. Eg set stor pris på dei alle.

Dagbok 2024: 22.april

No er klokka blitt 16.35 utan at det har hendt så mykje. Det mest dramatiske som har skjedd er at eg har prøvd å slette alle bilda mine på PC-en og begynne på nytt. Så får eg sjå korleis det går. Desse to bilda har eg tatt i dag då eg gjekk på Vernet før middag. Som de ser er det ikkje strålande ver i dag, men skya og opp-lett. Førre veka fekk eg gjort nokså mykje her heime, og veka der før også,  no har eg ikkje lyst å gjere noko i det heile tatt, men det er vel ein overgang. Viss sola kjem att, får eg vel energien igjen, får eg håpe.

Det er nokså overskya ute og på PCen min står det: Snø/is advarsel. Det er + 8 grader ute no. Så vi har visst noko å sjå fram til. No har eg ikkje vore nokon stad på fleire dagar, men i morgon blir det trening, så då kjem eg meg ut. Onsdag skal det vere pensjonistmøte på Rjåneset, og det kan no bli litt spennande. Eg har ikkje vore der ute sidan eg var med Nils og såg etter båten. Eg trur eg tek bussen ut, så slepp eg å køyre.

Eg har eit problem med at eg vaknar altfor tidleg om morgonen, eg prøver å sovne igjen, men det blir ikkje skikkeleg søvn. Eg står som regel tidleg opp, men blir trøtt etter middagen og har lett for å sovne i stolen når eg skal sjå TV. Slik var det i dag også, men heldigvis hadde eg kome meg ut og gå ein tur på Vernet tidleg på føremiddagen,

Då eg kom heim sette eg meg til å prøve å få legge bilde inn på maskina. Det enda med at eg prøvde å slette alle bilda, men eg tru dei ligg ein eller annan stad på maskina. Dei to bilda som er her på bloggen, er i alle fall tatt i dag. Når eg går tur på Vernet følgjer eg med det som skjer i naturen og kor langt våren er komen. Lerketrea er begynt å bli grøne, men ikkje bjørkene. Eg var ein tur ned på plenen i dag og då såg eg at det var på tide å begynne å ta opp løvetannrøter, for dei er det flust av. Eg var ned og henta den tredje og siste av thuja-vedsekkene, så eg fekk fyrt godt i omnen. Eg har gjort lite og ingen ting i dag, men er får vel igjen arbeidslysta om ikkje altfor lenge. I morgon skal eg på trening i alle fall.

 

Dagbok 2024: 21.april

Eg har tatt mange fine bilde i dag, og somme av dei ligg på maskina, om berre eg finn dei att. Desse bilda av dei første tulipanane mine i år tok eg nettopp no nedanfor garasjen. Eg brukar å stikke diverse løkar ned i bedda der det er plass til overs. Som de ser er ikkje tulipanane fullkomne i fasong, men dei er nye av året.

Klokka er no17.00, temperaturen ute er +12 grader C, og sola skin, det har ho gjort i heile dag, men det har vore kjølig til tross for sola, den varma ikkje så godt inne ein gong.

Eg vakna tidleg i dag, og eg stod relativt tidleg opp. Eg hadde ingen planar for dagen, så eg tok like godt og gjekk ein tur på Vernet. Der var eg nesten åleine så tidleg på dag.

Eg såg gudstenesta på TV i dag, frå kyrkja på Ulsteinvik; der var det trongt om plassen når heile Ten sing og elevane på folkehøgskulen  - var på plass. Det var mykje song og musikk. Einar snakka om at dei ville bygge ny kyrkje i Ulsteinvik fordi den gamle var for lita. 

Då det var slutt på  kyrkja laga eg mat til meg sjølv. I dag vart det litt av eit måltid, eg åt for mykje og vart altdfor mett. Eg hadde steikt ørret til hovudrett og riskrem til dessert. Eg fekk litt dårleg samvit  fordi det vart så mange kaloriar. Eg var bedt opp til Marit på kaffi, og det tok eg imot, men berre kaffi og ikkje kaker.

Ho skal på konsert i dag også, men konsertar må eg velje vekk, for eg blir så brydd med tinnitusen. Eg har susen i øyret hele tida, men viss eg blir utsett for mykje lyd, vert det mykje verre. No er det så fint ute at eg kan tenke meg å gå ein tur til-men eg veit ikkje om det blir. Det går an å gå på Vernet fleire gonger for dag. Ein av grunnane til at eg går der, er at det er så trygt, det er lettare å falle når ein går i terreng enn når ein går på ein veg.

Eg ser at eg skulle ha støvsuga varmepumpa, dvs. støvmottakarane. Men eg finn ikkje ut korleis eg skal få det til. Det var så enkelt på den varmepumpa vi hadde før. Eg får høyre med Rasmus, han har vel same sorten pumpe?

I morgon er det heimedag og eg håper å få gjort noko i hagen, eller med thujaveden .

 

Dagbok 2024: 20.april

 

Under over alle under, eg fekk til å legge ut bilda eg tok i dag føremiddag, eg trudde det aldri ville skje- Det verste er at når eg endeleg får til noko, så veit eg ikkje heilt kva eg har gjort.Men her ser vi korleis det stod til i dag morgon, med snø både her og der, men eg trur det meste er borte no.(Bilda er ikkje så klare som dei skal vere)

Klokka er no 17.37, temperaturen ute er + 8  grader, det er nesten overskya, men vi ser litt sol av og til.Då eg stod opp i dag låg det kvitt over alle markar, men vi reknar ikkje med at aprilsnøen blir liggande. I dag hadde er problem med å forstå at det ikkje var søndag. Eg hadde ingen planar om å gjere noko, så det vart til at eg sat ei god stund med spansk på datamaskina. Kor mykje som går inn er ikkje godt å seie. 

Marit og resten av familien skulle på konsert, Mari Ella spelar i to korps blant anna. Eg kunne sikkert fått vore med, men korpsmusikk er ikkje så bra for tinnitusen min, den er der heile tida, men blir verre i "bråk".

Eg fyrte litt i omnen i dag også.

Då eg kom att frå turen min sette eg på og laga risgraut. Eg prøvde på den måten å få bort søndagskjensla, men det var ikkje lett.

I dag hadde eg litt lyst bort i Furene , på Plantasjen, COOP og kanskje JULA?. Men eg synest ikkje det var kjekt å fare åleine. Plantasjen er no open i morgon også om eg skulle finne på noko

Eg åt grauten min til middag, men vart veldig trøtt etterpå, så eg sette meg inn i stolen og såg TV og strikka. Trur eg sovna aldri så lite.

Eg ser at der er støv i varmepumpa , men eg veit ikkje korleis eg skal få opne opp og støvsuge filteret, det var så enkelt på den vi hadde før. Eg får sjå om eg finn ei bruksanvisning, så eg slepp å rope på Helge. Eg har aversjon mot bruksanvisningar, så dei brukar eg å gøyme.

Det var mykje eg kunne ha gjort i dag, men eg gjorde så mykje i går at det var ikkje mykje attå gjere. Det er no hagestellet som ventar no, eg er redd for at eg ikkje får gjort så mykje.

DAGBOK 2024: 19. APRIL

 

Dette bildet er eit par veker gammalt, eg har ikkje fått orden på bildebruken enno.

Klokka er no 17.20, temperaturen ute er+8 grader, det er nokså overskya, men opplett. I dag har eg vore heime åleine heile dagen, men var ein liten tur på Vernet. I dag vart det skikkeleg "fredagsvask" med meg for eg vaska  og så støvsuga eg alle teppegolva.  Eg sette også på ein klesvask, og hengde opp kleda på tørk. Så i dag har eg vore skikkeleg husmor. Men eg har ikkje laga middag enno. Eg tek sikte på sein middag i dag. 

Eg har også gått gjennom og lese diverse i Møre-Nytt, og sett på Reklamebladet frå JULA. Eg forstår ikkje kva vi skal med enda ein slik butikk. Eg synest ikkje vi treng det, men eg treng no ikkje så mykje. Det var andre butikkar eg heller ville ha hatt.Trur eg.

Eg har no diverse pausar når eg "jobbar" og pausane blir nytta til spansk på datamaskina. No er der så mykje spansk på Reels at det er ikkje fred å få. Men eg tviler på om eg nokon gong greier å lære meg så mykje at eg kan snakke. Det er ikkje lett å lære noko nytt i min alder, og samme kan det vere.Eg klarer meg stort sett med norsk-og litt engelsk.

Sidan det er fredag vil eg ønske alle ei god helg. Kva eg skal finne på i helga veit eg enno ikkje.

Dagbok 2024: torsdag18.april

 

 Det er nokre år sidan dette bildet vart tatt på Hareid, med alle barnebarna i samme sofa

Klokka er no16.56, temperaturen ute er + 10 grader og det er fint ver, litt skyer, men også sol.

I dag var eg på trening igjen, og som vanleg handla vi litt på KIWI på heimvegen. Då eg kom heim, la eg frå meg varene, og så gjekk eg ein runde på Vernet, greit å gjere det når ein først er komen i siget. Då eg kom heim att fann eg ei melding frå Einar, han ville komme innom ein tur. Det viste seg at han var her i Ørsta på jobb, så han kunne ikkje vere så lenge. Men eg fekk han i alle fall til å tømme støvsugaren min. Alle som kjem her blir utnytta på ein eller annan måte.

Det var for seint for meg å begynne på ein jobb ute i dag, så eg tok heller og vaska soverommet mitt. Eg vaskar der ikkje kvar veke, men i dag var det så fint å ha ut alle teppa at eg måtte nytte høvet. No er det gjort, og teppa skal inn att. I morgon blir det vanleg "fredagsvask". Det var mykje meir eg kunne tenkt meg å få gjort, men så er det denne ryggen min- med heilt "vanlege slitasjeskader."

Eg har lyst å begynne å styre i hagen, men det er sagt at det skal komme snø snart, og eg tviler ikkje på det. Derfor ventar vi også med å skifte hjul på bilen.

Eg har strikka opp alt garnet eg fekk av Solveig,  eg har litt sjølv også, men det er ikkje så mjukt å strikke som det Solveig hadde.

Eg har enno ikkje fått orden på bilda, så eg har ikkje ferske bilde å legge ut på bloggen. Det kan hende eg kan bruke den andre maskina mi ,laptopen, men eg må no få orden på "storemaskina" også, for det er den eg brukar-

I morgon er det fredag og då er denne veka også gått over i historia-tida går så altfor fort for oss som er gamle.

Dagbok 2024: 17.april

 

              Dette var pynten på "Vernet" i fjor. Det kjem vel ein likeins i år.

Klokka er no 17.20, temperaturen ute er + 9 grader C, sola skin og det er litt vind. Heilt nydeleg ver altså.

I dag var det ikkje noko eg "skulle" så eg bestemte sjølv kva eg ville. Eg sat litt  og øvde på spansk på Reels før eg tok ein tidleg tur på Vernet. Om morgonen er føtene sprekast. Då eg kom heim hadde eg bestemt meg for å sjå litt meir på "veden" som ligg under altanen dvs. thuja stammar og greiner frå i fjor sommar. Eg tenkte at eg kunne begynne å klippe ev.sage greiner etc.. Eg fekk gjort ein god del, men det må nok ei motorsag til for å ta stammane. Eg har motorsag som eg kan bruke, men eg er litt forsiktig med å bruke den når eg er åleine. Eg har gjort det før, men er blitt meir forsiktig etter diverse "ulykker"- Ja, ikkje akkurat med motorsag altså.

Eg saga nokre av dei tjukke greinene med vanleg handsag, men så begynte sagkrakken å gå ut i spagat og då gav eg meg. Det er sikker berre å stramme mutrane, men eg hadde ikkje lyst i dag. Eg hadde laga til ca 3 sekker med "ved" så det får halde ei stund. 

Plukka litt singel på plenen opp mot gata, når ein freser snø på vinteren blir det alltid litt singel med. Til middag i dag laga eg smørbrød med egg og sild. Sette meg inn i stova med kaffikoppen , og etter kvart begynte eg å strikke. Det vart spennande, for det var andre lesten i eit par, og eg frykta at det vart for lite garn-og det vart det. No har eg lagt sokkane bort mens eg tenkjer ut ein plan.

Naboane i nr.5 driv på ute i lag. Hagearbeid er kjekkast når ein er to. Eg har ikkje sjekka opp alle prosjekta mine enno, men eg ser at det blir eit godt skvalder-år i år også, det er aldri uår på skvalderkål.

Hausten kom så brått i fjor at mykje av reiskapen min var ståande eller liggande ute og kom først fram når snøen for, og mykje av det eg skulle gjere, blei ikkje gjort. Så det blir litt å ta att. Marit og eg planlegg å plante på gravene, men på TV2 hadde verdama sagt at det var for tidleg å plante noko ute enno. Det skal visst bli snø igjen. Så naboen i nr.9 og eg vart samde om at det ikkje hasta med å legge på sommardekk heller. Sola skin framleis, men eg trur eg held meg inne.

I morgon er det trening igjen. Neste onsdag er det pensjonistmøte på Rjåneset, og eg trur eg må få klipt håret mitt før det.

Dagbok 2024: 16.april

 

Dette bildet er frå i fjor, men trappa ser likeins ut i dag og eg har gått dei 43 trinna i dag også.

Klokka er no 16.04, temperaturen er + 13 grader, men det er litt vind så det kjennest kaldare ut.

I dag var vi på trening igjen, og etter treninga var vi på apoteket, og etter det på KIWI. Og så sit vi alltid og pratar litt i bilen etter at vi er heime-det høyrer med.

Eg var ikkje spesielt trøtt av treninga i dag, så eg tok ein tur på Vernet med det samme. Då eg kom heim laga eg middag og åt. Og så slappa eg av ei stund framfor Tv-en. Eg heldt på å skulle sovne, men det prøver eg å unngå- 

Eg føler også at eg må sjå og høyre nyheitene, men det er nesten som eg gruar til å sette på TV-en. Eg hadde aldri trudd at verda skulle bli så krigersk igjen, men dei som lever og styrer no har vel ikkje opplevd så mange krigar før. Eg kan med min beste vilje ikkje forstå at land vil krige mot kvarandre i vår opplyste tid.

Marit og eg vurderte å kjøpe blomster til gravene, men slo det frå oss sidan det er meldt kaldare ver. I dag såg eg mykje kvitveis, eg sakna kvitveisen i påsketida, men det var tidleg påske i år. Eg ser mykje på naturen når eg går turane mine, i dag såg eg små bjørketre som hadde begynt å få lauv, lerketrea har begynt å få grønfarge, dei kjem vel før bjørka.

Det er mykje som må gjerast i hagen her, men det er for tidleg, og for kaldt, og det er meldt at vi skal få snø igjen.

I morgon er det heimedag, men trening torsdag. Neste veke skal det vere pensjonistmøte, då skal vi vere på Rjånest i kafeen der. Eg veit ikkje om eg skal køyre ut eller om eg skal ta buss. Eg har ikkje vore på Rjåneset etter at Nils døde.Eg har ofte tenkt å ta ein tur dit, men det har ikkje blitt. No skal JULA også opne butikk i Furene. Greitt nok å ha kjøpesenter m.m. der, men Furene ligg i Volda, så Ørsta har mist fleire butikkar. Og det likar eg ikkje, og eg likar ikkje at vi må dit bort for å handle når vi misser butikkar her.

Dette ser eg fram til. Eg har lese at ein skal klippe ned rosebuskene første veka i mai. Det er no ikkje så lenge til.

Dagbok 2024: 15.april

Alt av bilde som eg hadde på PC en er borte vekk, men eg er ikkje heil hjelpelaus, for bildet av blomstane frå i fjor låg ein annan stad på nettet.Eg håper å få like fine blomster på trappa i år. Men då må dei kjøpast
 

                        Eirik fyller 27 år i dag-og mormor gartulerer !

KLokka er no 15.35, temperaturen ute er + 13 grader og her står døra til altanen på vid vegg så det skal bli skikkeleg lufta i dag. Eg kom heim frå tur på Vernet for ei lita stund sidan. I dag vart det tungt å gå fordi eg hadde styrt med så mykje på førehand at eg var litt sliten. I dag tok eg andre halva på kjøkkenet og vaska og rydda skuffer og skap. Eg var så lur at eg bestemte det i går-elles er det ikkje sikkert at eg hadde gått laus innadørs i det fine veret. Naboen min låg nede i blomsterbedda sine, såg eg. Men det er godt alt som er gjort. No held eg på og lagar meg middag; pølser og potetstappe i dag, det blir sikkert nok stappe til i morgon også. I morgon skal vi på trening igjen, så no er det slutt på "ferien". I dag morgon var eg heilt elendig i venstre hofta, men det gjekk over. Og det er eg jammen glad for. Den hofta har plaga meg nok. I dag er det sikkert varmt nok tol å sitte ute viss ein vil.

Dagbok 2024: 14.april

Klokka er no 17.39, temperaturen ute er + 8 graderC. Det er opphaldsver, men overskya. I dag morgon var det nysnø langt nedetter fjellsidene, men DEN snøen er borte no.

I dag sat eg og såg TV og strikka litt etter frokost. Litt seinare kom Marit og drakk kaffi med meg så vi fekk ei god pratestund. Etter at eg vart åleine igjen og hadde rydda opp litt, gjekk eg tur på Vernet. I dag trefte eg berre ei gammal dame, som eg kjenner. Vi vart faktisk kjende med kvarandre der oppe. Ja, og så møtte eg Helge, han har eg ikkje sett på ei stund.

Då eg kom heim att var klokka neste 17, så eg gad ikkje lage noko innvikla til middag i dag. Det vart brødskiver med egg og sild. Når ei hardkokar litt for mange egg, må ein ta konsekvensen. Morgondagen rår eg over sjølv og då har eg tenkt å vaske og rydde fleire skap og skuffer på kjøkkenet. Det er enno litt for tidleg å styre så mykje i hagen, og eg veit heller ikkje kor mykje eg greier å gjere der. Denne veka skal eg på trening tysdag og torsdag, men fleire oppgåver har eg ikkje, enno i alle fall.

 

 

Dagbok 2024: 13.april

 Klokka er no 17.34, temperaturen ute er + 10 grader og det har stort sett regna i heile dag. Eg hadde tenkt å gå fleire rundar på Vernet i dag sidan eg har skofta to dagar. Men eg orka ikkje å gå ute i regnet, så eg har halde meg inne. Eg sat og strikka og såg TV, då eg fekk melding på telefonen om at Solveig ville komme ein tur i 13-tida, Eg såg på klokka og den var 13+, og bilen til Solveig var komen på tunet. Det er alltid kjekt å få besøk, men i dag vart det heilt uventa, så eg hadde ikkje fått laga til noko godt å ete. Så vi tok oss ei skive eller ro til kaffikoppen.

Eg har bala med bilda på PC-en lenge, og i dag lærte Solveig meg noko nytt. Det funka så lenge som ho var her, men då eg vart åleine skar det seg, enda eg meiner eg gjorde slik som ho sa. Bildet over teksten her, er eit som ho brukte når ho skulle vise meg.

Etter at Solveig hadde fare heim igjen, strikka eg ferdig lesten. Og no trur eg ikkje det regnar lenger, så eg får kanskje ta å gå ein tur. Det er ikkje bra å sitte i ro heile dagen, det brukar eg ikkje å gjere heller, men i dag vart det slik.

Etter mykje strev lukkast eg med å få bilda dit eg ville ha dei- og det er bevis på at eg har gått tur på Vernet i dag.

Dagbok 2024: 12.april

Dette bildet er frå Eid, frå 40-50 talet. Då budde vi i den ein av dei tre offisersbrakkene. Det er den kjekkaste plassen eg ha budd nokon gong. Vi hadde alt så nær, Valhall, fotballbane, Mallakoff og Gata..

Klokka er no 19.30, temperaturen ute er + 10 grader og det har vore regnbyer det meste av dagen. Sidan det var fredag, tok eg fredagsvask i dag, det tek si tid når ein skal gjere det litt skikkeleg. Det vart ikkje ver til å gå tur i dag, så det vart den tredje dagen utan mosjon.

Anne Marie, systra til Nils, fyller 89 år i dag, så eg ringte og gratulerte henne med dagen og prata ei stund med henne. Ho er på "aldersheim" og likar seg godt der.

Det regna også då eg tok bilen og køyrde ned på KIWI og handla litt til helga. Litt etter at eg hadde kome heim ringde Margrete og ville komme på besøk. Så då fekk eg ei koseleg kaffistund med henne. No blir det vel TV og strikketøy resten av kvelden. Men det er no heilt OK.

Ønsker alle ei god helg.

Dagbok 2024:11.april

Klokka er no 16.02, temperaturen ute er + 10 grader og det silregnar. Slike dagar har ein det best inne, og det er der eg er. Eg har ikkje vore så langt som ut på trappa i dag, men når eg er ferdig å skrive skal eg ut og hente litt ved og fyre opp i omnen ei lita stund.Då kan eg strikke til dømes- 

I dag har eg altså vore heime, og her har eg jobba ganske mykje. Eg har vaska og rydda kjøleskapet, og så tok eg alle skuffer og skapa i kjøkkenbenken på den sida. Elles så blir det fredagsvask i morgon. Eg må komme i rute igjen.

Viss det blir fint ute-ver snart, så er det godt alt som er gjort inne. Og så er det heilt ok å drive med slikt så lenge ein ikkje lengtar ut i sola. I går gjekk eg ikkje tur på Vernet, og eg trur ikkje eg kjem meg ut i dag heller.

Etter at eg hadde vaska frå meg, laga eg god middag til meg sjølv. Det var kyllinglår med ris, grønsaker og mango chutney. Etter måltidet sette eg meg inn i stolen min og sovna med TV-en på. Eg vakna av at nokon kasta snøball på vinduet....dette vinduet har ofte noko å oppklare, det heiter TV.

Eg har også spansk-time med meg sjølv kvar dag, men i dag var der lite spansk på Reels.Eg plundrar med å få legge bilde på bloggen min, av og til går det bra, men ikkje kvar dag. Eg må få ordna opp i denne maskina mi.Eg har ikkje så mykje å fortelje i dag, det skjer ikkje all verda når eg er her heime åleine. Og det kan no vere like godt. I morgon fyller Anne Marie, systra til Nils, 89 år, eg kan no kanskje ringe til henne. Ho er på aldersheim i Gulen.

DAGBOK 2024: 10 april

Klokka er no 15.34, temperaturen er +6 graderC, og det regnar. Eg hadde kledd på meg for å gå tur på Vernet, men då eg var ferdig med Starevegen snudde eg heim, for det silregna, og det var eg ikkje kledd for , viss det lettar opp kan det hende eg går då.

I dag stod eg opp i 8 tida etter å ha stått opp og lagt meg igjen  mange gonger, eg er lei av dette no, men får ikkje stoppa det. Greit nok, eg hadde ein plan for dagen, og det var å få ledning til telefonen. Så eg var på ALTI  ikkje så lenge etter at dei hadde opna opp. Dei opnar klokka10. Men der sat folk i kafeen under trappa og åt kaker og drakk kaffi. 

På Clas vart eg ekspedert av ei godt vaksen dame, som forstod med ein gong kva det var eg ville ha. Ho fann ein ledning som passa i telefonen min, men ikkje berre det, der var også ein ende som skulle inn i datamaskina. Heilt perfekt, akkurat slik eg hadde før(Og som sikkert er ein stad i huset enno). Denne ledningen var litt for lang , men det gjer ingen ting, elles så har den ein lett rosa farge, slik at eg kjenner den igjen.

Då eg kom heim måtte eg sjølvsagt prøve om alt stemte -og det gjorde det.

Sidan det no ikkje er spanskundervisning er eg fri på onsdagane, denne veka skal vi heller ikkje ha trening på torsdag. Så no kan eg få gjort litt heime. I dag har eg stoke og hengt opp nyvaska,nystokne gardiner her på datarommet. Men eg må nok ha litt hjelp med gardinbrettet. Eg greier ikkje å stå i gardintrappa og feste delane med skrujern. Men det blir vel ei råd.

Mens eg stauk og styrte på hadde eg tre store brød i omnen, Det er ikkje ofte eg bakar, og det er heller ikkje det beste å halde på med viss ein har ei låk hand. Men no geidde eg det i dag. Brøda vart gode og middagen i dag vart brødskiver med egg og sild.

Så driv eg med litt spanskundervisning på data-eg underviser ikkje, men eg prøver å lære litt  og halde den kunnskapen eg har ved like. Eg er kvar dag inne på "Reels and short videos", der det blir meir og meir spansk til meir eg brukar det. No lid det så langt på dag at det er lov å sette seg til med strikketøy og TV, trur eg.

Dagbok 2024: 9.april

Denne fine strikkaduken fekk eg av Tone til 80-årsdagen .Den ligg på bordet heile året, berre ikkje i jula.

Klokka er no17.00, temperaturen ute er mild og vårleg +12 graderC. Det har vore ein nydeleg og mild dag sjølv om sola ikkje har vore framme så mykje. Rett over vegen står det eit japansk tre i full bomst, og det er heilt nydelig.

Dagen i dag har vore grei nok, men eg har visse problem som eg ikkje får gjort noko med-og eg forstår det ikkje. Saken er, som eg skreiv i går at eg ikkje finnledning så eg får ladde telefonen. Marit meinte at ho kunne ladde den oppmed sin leidning, men det gjekk ikkje. Eg saknar ein ledning som eg kan sette inn i datamaskina med eine enden og med telefonen i den andre. Eg har mange slike leidningar, men ingen av dei passar til telefonen min. Og telefonen er tom for straum , så eg får ikkje ringt eller sendt melding til nokon som kan hjelpe. Det er som å sitte på ei aude øy utan båt.

Dagen elles har vore som vanleg, vi var på trening frå 10-11, etterpå var eg ein liten tur til VIk før eg tok runden min på Vernet. Eg er eigentleg frisk og rask-det er berre ryggen som plagar meg litt. Eg sat på alle benkane på runden i dag, det er godt å vere uteslik temperaturen er no.

Eg har ikkje laga meg middag i dag, men kanskje lagar eg noko som liknar til kvelds.No skal eg sette på klesvask, skal vaske gardinene her på datarommet, mellom anna. Eg har visst diverse som skal strykast også. Det er alltid nok å gjere for den som vil. 

Dagbok 2024: 8.april

Klokka er no17.45, temperaturen ute er +13 grader C og akkurat no skin sola. Men det har også vore regnbyer i dag, trur eg, men  ikkje då eg var ute.

I dag hadde eg store planar om nedvask på datarommet, men først og fremst skulle eg rydde og vaske alle hyllene. Her er veldig mange bøker album etc. så det vart litt av ein jobb. Først ned med alt så vaske og opp att med alt. Det kjem vel med å ha ei gardintrapp. Det var ikkje så mykje vits i å vaske veggane for tapeten er ikkje så skitten, men eg tok ned gardinene for vask, og hadde ut teppet. Eg syntest eg hadde gjort ein bra jobb då eg var komen så langt. Då tok eg meg litt mat og så gjekk eg tur på Vernet, der eg sat ei lita stund på kvar benk, for ryggen trong kvile.

Då eg var heime att skulle eg legge bilde inn på maskina, men då fekk eg eit problem, For ledningen til telefonen var ikkje å sjå, og no har eg leita alle mulege og umulege stader etter ledningen. Her er tusen ledningar rundt omkring og eg kan ikkje begripe at eg ikkje finn den til telefonen, for eg har telefonen liggande her heile tida, og eg brukar ikkje å ta ut ledninga. Eg meiner ledninga er kvit, men eg sjekkar no dei svarte også. Dette er så irriterande; ein er glad for å ha gjort ein liten jobb-og så er dette takka. Viss ikkje ledningen dukkar opp, så går det vel an å få tak i ein ny-i morgon. I morgon skal vi no på trening uansett. Men no skal eg  leite litt tilI dag fyller Mimi-80 år-eg har kjent henne sidan ho var ca 15. Seinare gifta vi oss med 2 brør, Nils og Rolf.

Dagbok 2024: 7.april

Klokka er no19.00, og eg er nettopp komen heim frå turen på Vernet, Det var finare no enn tidlegare i dag. Det er opplett ute og + 10 grader, men på PC-en min står det:Regn i  morgen, så vi har noko å glede oss til.

Dagen i dag har gått fort unna til tross for at det ikkje har hendt så mykje. På føremiddagen sat eg stort sett og strikka lester og såg TV. Så åt eg middag, restar frå i går, før eg gjekk opp til Marit og drakk kaffi. Ho hadde vore med på korkonsert i Stryn i går så ho hadde no opplevd litt.

Eg hadde ei god stund med Reels , så eg fekk spanskleksjonen min i dag også. Det må til. Kjøpte meg nye skrivebøker i går, som eg skal ha å notere i. Eg får ta den tida det tek.

Eg kom ned att frå Marit ein gong etter kl.5, og då gjekk eg på Vernet der eg trefte naboane mine, og fekk ein prat med dei. Det skjer ikkje så mykje no om dagane, og det kan vere like greitt-så skjer det ikkje noko gale heller. Håper eg.

No har eg hatt tre fridagar etter kvarandre, så no kan det vere på tide å få gjort noko. Hagen ligg der og ventar, og mange jobbar som eg skal ha gjort inne også.

I dag tok eg bilde av elva, den var større no enn på lenge, det er vel både snøsmelting og nedbør.

 

Dagbok 2024: 6.april

 Dette bildet har eg tatt nede ved ALTI. Der er ein flokk med ender som går opp på land av og til, kanske fordi somme matar dei-eller berre for å vere oppe or vatnet.Somme gonger er det heit fullt med ender-men ikkje i dag.

Klokka er no 16.30, temperaturen ute er +8 grader, men det kjennest ikkje varmt ut, inne i alle fall, for vi har ikkje sol.

I går var eg så tutlete og kom ikkje i gang med noko, så i dag hadde eg ein plan. Eg skreiv ei liste og så køyrde eg ned til Alti. Eg fekk kjøpt bukste på Kapahl, og diverse hårprodukt, sjampo t.d. på Vita og skrivebøker (Til spansken) på Europris.

Så var eg opp i gata og kjøpte eit hårprodukt til, på frisørsalongen. Mat trong eg ikkje å kjøpe i dag, eg får greie meg med det eg har i hus no når eg er her åleine.

Då eg kom heim , tok eg med meg ei pære på turen og gjekk på Vernet.  Eg kjøpte pærer sist eg var på KIWI, eg hugsar ikkje kva land dei kom frå, men dei var gode. Eg trefte berre ei eg kjenner på turen i dag. Ho er på min alder men spring som ein røyskatt opp gjennon skog og fjll. Men ho har skifta begge hoftene.

Då var det tid for å lage middag og i dag vart det pølser og potetstappe, det går så fort å lage, og så har eg funne nokre pølser utan skinn som er nokså gode.

Etter middagen sette eg meg til i godstolen med strikketøy og kaffikopp. Eg likar så godt å sjå folk som reiser og fortel om det dei ser. No når eg ikkje reiser sjølv, kan det vere ei erstatning. Nils og eg reiste både Norge og Sverige på langs og tvers  frå sør til nord. Vi brydde oss ikkje så mykje om å slå oss til ro. Berre fare av garde.

I dag er Marit med Janne til Stryn på konsert, Janne dirigerer eit par kor, eitt av dei er Lostrupane frå Loen.

Eg held meg stort sett borte frå alt "BRÅK" på grunn av tinnitusen. Eg har det i øyret heile tida, men viss eg blir utsett for mykje lyd, blir det som regel mykje verre.

Det er i fristande å begynne på hagearbeidet enno, det er ganske grønt på plenen, men det er for kaldt til å styre med noko, synest eg. Men eg har nok å henge fingrane i når den tida kjem.

Dagbok 2024: 5.april

 Klokka er no16.50, temperaturen ute er +10 grader, men det er iskaldt, med litt vind attåt, sjølv om sola skin.

I dag hadde eg tenkt å ta meg ein tur til Vik og eventuelt shoppe. Men først skulle eg komme i land med sudokuen. Det tok si tid, Eg fekk det rett og slett ikkje til.

 Etter fleire forsøk , gav eg meg på det og tok ein tur på Vernet i staden. Der trefte eg ein som eg kjenner og som eg pratar med ofte. I dag gjekk praten om varmepumper etc. mens vi sat på benken i sol og nydeleg ver. Seinare på vandringa mi, trefte eg ein tidlegare elev med barnevogn. Ho presenterte seg, såpass eg visste kven ho var, og ho fortalde at ho var farmor til den vesle jenta ho trilla på.

Ikkje så rart at eg ikkje kjenner dei igjen etter så mange år. Men at dei kjenner meg att, får eg vel ta som ein komplimang. Eller?

Då eg kom heim att greidde eg ikkje å halde meg borte frå sudokuen, og etter ca 5 minutt var alt i orden.

Men eg hadde ikkje lyst å fare til Vik åleine, så eg tok heller og øvde litt på Spansken. Eg finn oppgåver på "Reels and short vidoes."

Eg kunne tenkt meg å jobbe litt i hagen, men så er det den kulden ! Ja, eg må no ha noko å skulde på. Men eg har faktisk ein høgrearm som ikkje er heilt god, (Og ei venstrehand som ikkje er heilt sterk) så eg må begrense det eg styrer med, til dømes strikking.

I dag fyller det einaste oldebarnet mitt 4 år. Men han og eg feira fødselsdagane våre i lag på Hareid i påska.

Eg har vore ute og tatt bilde av dei blå blomstrane på plenen, men har ikkje fått til å legge bilde  inn på PC-en enno.

Eg forstår ikkje at det er fredag , for eg har ikkje tatt "fredagsvask" i dag, det gjorde eg onsdag.  I dag har eg berre plukka vekk påskepynten.

Ønsker alle ei fin helg med sol og litt meir varme.

                           Dette er berre litt av alle dei blå Sibirstjernene.

Dagbok 20 24: 4.april

 

Dei har saga ned mange tre her og rydda fint opp. Eg tenkjer på alle vedprosjekta som Nils hadde. Dette hadde vore noko for han.Vegen i bakgrunnen er Vikegeila/Skålavegen

Klokka er no 17.21, temperaturen ute er + 5 grader, det er overskya , men ikkje nedbør. Tidleg i dag låg det snø på markane, men då vi kom ut frå treninga ca.kl.11 var snøen borte.

Vi handla litt på KIWI i dag også, Marit og eg, eg må alltid ha frukt og grønsaker i hus. Eg tok med meg ei nykjøpt pære frå eitt eller anna land då eg gjekk tur på Vernet etter eit kort opphald i heimen. Eg tok mange bilde i dag, men det er ikkje alltid like lett å få dei på plass.

I dag tok eg siste resten av fisken eg hadde i frysaren og laga meg fiskesuppe. Det er eg veldig glad i og så får eg alt i eitt; fisk, grønsaker melk etc.

Eg kjende på at høgre armen min ikkje var heit god, den verkte litt, så eg tok ikkje tak i strikketøyet med ein gong, men presterte å sovne litt i stolen etter at eg hadde sett på TV. Ja, det gjorde no ingen ting at strikketøyet fekk ligge i fred. Det er ikkje mykje vondt men eg er litt forsiktig. Eg har ikkje gjort meg noko,  eg har kanskje trena litt for hardt-men ikkje verre enn eg plar gjere.

Eg må sjekke vippsen min ;det ser ut som eg ikkje har betalt det eg trudde eg hadde gjort. Så eg må sjå inn på bankkontoen min. Eg fekk no heller ikkje vite kva eg betalte for bensinen på tysdag, når eg betalte med kort. Eg er ikkje så opptatt av pengar i og for seg, men eg vil no gjere rett og skil for meg-men ikkje bli lurt. Armen min er blitt mykje betre, så eg trur den har hatt godt av å kvile litt.

I dag gjekk eg et stykke ovafor vegen, mot skogen. Eg ville ta eit bilde av heile prosjektet med murar, men det vart ikkje slik som eg ville ha det.

Ei jente kom ridande., ho sat på ein hest og hadde ein til med , i tillegg hadde ho to hundar, og det gjekk heilt bra. Det er lov med hestar på Vernet, men ikkje bilar, utan at dei har noko som skal gjerast med bil.
Det er stadig meir folk som kjem på Vernet-og ikkje alle bur så nær. Arma mi er ikkje så vond lenger og eg har sjekka bankkontoen-alt var i orden. Bensinen eg kjøpte i går kosta ca 500  kr. men det er lenge sidan eg fylte sist.