Dagbok 2025: 31.mars

                 

Klokka er no 21.Temperaturen ute er +8 graderC, og sjølv om vi no har sommartid på klokkene er det nokså mørkt ute no.

I dag venta eg Einar på besøk, han har vore i Oslo i nesten fem månader, men no er han tilbake i Sunnmørsposten, i Oslo jobba han på NRK. Eg høyrde han av og til på TV, men såg han aldri. Eg er ikkje heilt sikker på kva han studerte der , men det kan eg vel få vite seinare. I alle fall kom han med to fine gule potteplantar til meg, så no har eg det enda finare, Håper berre at potteplantane overlever- bukettane gjer ikkje det uansett, men eg har mykje fint å sjå på no. 

Eg laga middag til Einar og meg i dag, og til dessert hadde vi marsipankake og kaffi. Han fortalde litt frå Oslo, han hadde no vore i lag med Audun innimellom, men Ingeborg bur på Nordstrand så der hadde han ikkje vore.

Etter at eg hadde rydda opp sånn passeleg tok eg ein runde på Vernet, det er sånn lavterskel trim, men betre enn ingen ting.No har eg hatt ei god stund framfor TV-en  med strikketøy. 

Der er eit program som heiter "Barnesykehuset",  det likar eg å sjå. Det er kjekt å sjå kor mange flinke voksne som er der for barna. Og i kveld vart det født trillingar Eg synest programmet er opplysande og lærerikt, og som pensjonert lærar likar eg program der ein kan lære noko.

No skal eg strikke litt meir på lesten min, eg er veldig frista til å ta eit stykke med marsipankake, men eg skal ikkje gi etter. I morgon er det trim på programmet og det er bra.

                                              Her ser vi mot Hovdebygda

Det er berre ei lita stund sidan eg tok dette bildet. No ser det ut til at vi skal få skikkeleg fint ver igjen, slik vi hadde søndag for ei veke sidan.

Klokka er no17.30, temperaturen ute er +10 grader, og eg ser at plenen blir grønare for kvar dag.

I dag stod eg opp til sommartid, det vil seie litt tidlegare enn vanleg. Etter å har ete og sett tV etc. sovna eg i stolen. Men då eg vakna igjen var eg frisk og rask og så blei det ein runde på Vernet- Eg veit eigentleg ikkje så nøye  kva eg har gjort i dag. Eg har i alle fall ete rikeleg med mat som var att frå selskapet. Ja, og så har eg jobba med spansken, det er ikkje så mykje, men det tek tid. Det er heldigvis berre 2 gongar til, så er det ferie.

Eg håper så inderleg at eg greier hagearbeidet i år også, for eg likar så godt å halde på ute. Og det er ingen ting som kan stoppe meg- utan ryggen. Den er ikkje god. Legen sende meg på MR og der ser dei korleis det står til, men dei vil ikkje operere gamle folk i ryggen, for det kan like godt gjere det verre, så slik er det. Men det er no mykje eg kan gjere utan å belaste ryggen så mykje. Og så brukar eg å ha stolar rundt omkring slik at eg kan sette meg ned.

Det var kjekt å ta ein runde på Vernet i dag også, men der var ikkje mykje folk i dag, slik det ofte er om sundagane.

Som sagt så kom sola inn for ei lita stund sidan. Eg håper det blir fint i morgon også, for no trengst det at eg fer fram på grava og steller til og kanskje plantar litt. Det er så greitt at dei har plantar på KIWI for der køyrer eg rett forbi når eg skal på gravplassen. Og så få eg vel snart sjå att Einar, han skal kome heim no, han har jobba i NRK i Oslo sidan før jul.

 .                                                                  På Vernet i dag.

 

Dagbok 2025: 29.mars

 Klokka er no 21.30, temperaturen ute er + 4 grader C og i dag har vi hatt regnbyger. Eg var ein tur på butikken på føremiddagen, og ein tur på Vernet då det gjekk not kveld, elles har eg vore heime. Her har eg gått og putta i meg diverse godsaker frå i går og så bad eg Marit ned til kaffi. Det einaste fornuftige eg har gjort er at eg begynte på spanskleksa til onsdag, og då var det godt å ha ein printer som var i orden. 

Eg har vore veldig misnøgd med  Stjernekamp til denne tid, men i kveld syntest eg det var litt kjekt. Eg er litt svak for KIM, eg har sett mykje på det han har gjort i demens-kora rundt omkring, Så no heiar eg på han. Forresten song han heilt nydeleg i kveld -på portugisisk. Eg hugsar songen frå MGP-den var fin der også.

Eg har ikkje kome i gang med strikking enno, men det er mange timar att til eg skal legge meg. Det er vel i kveld vi skal stille klokka 1  time fram-det gler eg meg til for då får eg stå tidlegare opp.

Det var godt å komme seg ut og gå tur igjen, det høyrer liksom med. For ei veke sidan hadde vi stråland ver både laurdag og sundag-det var varmt til og med. No begynner dei å blomstre dei små blå på plenen opp mot gata, det plar vere noko som folk ser på når dei går her forbi. Eg har aldri planta dei og eg aner ikkje kvar dei kjem frå. 

No skal eg sette meg inn og strikke litt-og kanskje set eg på musikk frå You Tube. Det gjer eg ofte.

Det er vel litt seint å seie GOD HELG, men eg gjer det likevel det er no eigentleg søndagen som er helg--

Dagbok 2025

Klokka er no19.45 , temperaturen ute er +10 graderC og det har vore fint ute i dag-men eg har vore inne. I dag er det 85 år sidan eg først såg dagens lys på sykehuset på Eid.

Eg hadde ikkje lagt opp til stor feiring, men dei to døtrene mine hadde laga smørbrød og kjøpt kake -ja eg hadde no laga litt sjølv også, men vi hadde ikkje noko stort selskap . Det var berre to av barnebarna som bur i nærleiken, dei andre er speidde for alle vindar. 

Men du store verden kor mykje blomster eg fekk. Eg har hatt problem med å få potteplantane til å trivast, men eg tenkjer at det kan bli betre når eg sluttar å fyre. Eg fekk bukettar også, frå kusina mi og frå veninner, og ein fin orkide frå svigerinna mi på Eid. Eg er veldig glad i blomster så no håper eg at desse for leve ei god stund. Tusen takk for alle som har hugsa meg i dag.

Blomster på spisebordet-

Dagbok 2025

 Klokka er no 18.30,temperaturen ute er+8 grader, og i dag har vi ikkje sett sola, det    har derimot regna ein del. Eg har ikkje vore ute og gått i dag, vi var på trening frå 9 til 10 og så handla vi på heimvegen , som vanleg.

I dag ville eg lage meg litt god mat til middag, og det blei Pasta Carbonada. Eg åt godt og då eg sette meg inn i stova etterpå sovna eg framfor tV-en. Ikkje så rar for eg var grytidleg opp i dag også. Så skulle eg begynne å gjere noko, eg skulle ha krem på ei kake-og då må ein ha fløte og det hadde ikkje eg tenkt på, men så vart det ein liten tur på butikken, godt å ha den nær.Så skulle eg rydde opp att på kjøkkenet, men var litt uheldig å søle flytande grønsåpe på golvet---men så fekk eg vaska godt då eg tørka opp.

Det gledeligaste som har hent no var at Helge elektriker  kom og ringde på. Han hadde studert på korlreis han kunne få fiksa printeren min og han hadde lese seg opp på problemet- og du store all verda ;Printeren virkar.

I dag har eg ikkje gått tur og det blir vel ikkje tur i morgon heller. Eg driv og ryddar litt i heimen, sodan eg ventar folk i morgon. Men no er det snart tid for nyheiter, har ikkje hatt TV-en på så mykje i dag så det har kanskje hendt noko som eg ikkje har fått med meg. Det plar sjelden vere GODE nyheiter, dessverre.

Dagbok 2025: 26.mars

Klokka er no17.03, temperaturen ute er +8 grader og det regnar. Eg kom akkurat att frå ein tur på Fonnvernet, syntest eg måtte komme meg ut aldri så lite.

Eg er ikkje akkurat så opplagt til å gjere noko som helst, for eg er konstant trøtt i mangel på søvn. Eg søv når eg legg meg, men vaknar så altfor tidleg, denne veka har eg ete frokost i 4-5 tida om morgonen.Det skal det bli slutt på.Eg kavar meg vel litt for mykje opp når desse "maskinene" mine ikkje virkar slik dei skal, eg er veldig avhengig av at PC-en og printeren virkar som dei skal, når eg skal gjere spansk-leksa mi til dømes. Ja, no er det berre to gonger igjen på dette semesteret.

I dag kadde vi kurs, vi held til i den nye Ørstahallen i 2.etasje.Då eg kom heim att laga eg skikkeleg middag, det gjer eg ikkje kvar dag. Og så har eg gått tur i regnveret. Prøver å komme meg ut og gå minst 5 dagar i veka. I morgon er det trening så då kan eg ta tur-fri.

Det er rart å sjå ut i dag, det er eit heilt anna syn i dag enn det var søndag, då var det skikkeleg sol og sommar. Eg synest tida går meir enn fort nok-men ser fram mot sol og sommar. Det gjer vi vel alle. Og så gleder eg meg til å få sommartid komande helg. Då kan det hende at  eg ståt opp til ei meir høveleg tid.

No skal eg rydde litt her og der og så blir det vel TV og strikketøy utover kvelden.

                                      Ein regnversdag på Fonnvernet,

Dagbok 2025: 25.mars

Dette er Vikelva

 Klokka er no 18.40, temperaturen ute er +6 grader C og det regnar. Tidlegare i dag var det opplett og ganske fint -ei stund. "Regn i morgen" står det på skjermen.

Vi var på trening i dag, Marit og eg, og etterpå gjekk eg ein runde på Vernet; akkurat då var det opplett og ganske fint. Der var ein del folk der oppe i dag også, men ingen eg kjende.

Eg laga meg mat då eg kom heim , fyrte i omnen etc. Då kom Helge, eg hadde kontakta han då eg ikkje fekk i orden printeren. Den er ikkje i orden enno,men Helge trur at han veit kva som er feilen. Eg skal kontakte Rasmus og høyre kva han seier.Maskina var no heilt i orden heilt til det var slutt på blekket.Printeren har eg brukt i mange år, utan å ha hatt trøbbel med den- det eg kan hugse. 

Spanske-leksa mi hadde eg gjort på maskina, så no måtte eg gjere alt om att -skrive med hand etc. Men det er no ikkje så gale. Det er kjekt å lære spansk, men ikkje å gjere lekser.Eg trur at vi berre har tre gonger att, for vi sluttar til påske. Eg er ingen kløpper i spansk, men eg greier å lære meir åleine no når eg har litt grunnlag.Eg skal ikkje bruke spansken til noko, berre hovud-trim-.

I morgon er det spansktime 11-13, og det er no kjekt å vere i lag med folk uansett.

Eg hadde bestemt at eg ikkje skulle gå på Vernet dei dagane eg hadde trening, i går gjekk eg ikkje på trening fordi det regna, så eg tok like godt ein runde i dag, for kneet var heilt i orden.

                           Fonnvernet i dag-ikkje alle dagar sola skin.

 

                                          Slik var det ikkje i går,nei.

No er klokka 16 45, temperaturen ute er +5-6 graderC, og det regnar og regnar, så i dag blir det ikkje tur på Vernet. Eg har no vore LITT aktiv i dag. Det første eg gjorde etter morgonstellet var å fare til Vik. Eg måtte vente til klokka var 10, for det er då dei opnar på ALTI. DEt er skulle ha der var blekk til printeren. Og det fekk eg på Clas. Men først var eg innom legesenteret og skulle ha ny resept på tablettar. Eg berre seier i frå i luka, så ordnar dei resten.

Eg torde ikkje å begynne å sette inn blekkpatrona sjølv. For lenge sidan var det ikkje problem, men så var det ein gong det skar seg, så no ville eg ha hjelp. Hjelpa er i kjellaren, han har lova å komme opp. Eg har bruk for skrivaren no, fordi eg treng den til Spansk-leksa,eg har laga ferdig tekstane for hand, så blir det berre å skrive om att på maskina.

Men det står på vent så lenge, det er ikkje spanskkurs før onsdag. Men eg laga ein kakebotn i dag, den såg litt rar ut synest eg, men det er ei kake som eg har laga fleire gonger før. Det blir ei enkel feiring fredag, berre aller nærmaste familie.

Eg saknar Rasmus. Då han og eg laga 60-årsdag hadde vi det kjekt, men det var som ein sommardag 26. oktober. Veret er veldig vekslande for tida, i går var det sol og sommar, men ikkje i dag. Eg orkar ikkje å gå tur i dag , men i morgon etr det trening igjen.

Dagbok 2025: 23.mars

I dag fekk eg tatt berre eitt bilde på Fonnvernet fordi eg mangla straum på telefonen.Dette bide er tatt nær vegen som gå opp i Skåla. Her saga dei ned mykje tre i fjor, men dei skulle tatt bort meir, meiner eg, så kunne vi fått sett ned på fjorden her også-og ikkje berre fjorden.....

Klokka er no19.46, temperaturen ute er+10 graderC, og i dag har vi hatt enda ein fin solskinnsdag . Eg valde å ta turen på Vernet tidleg på dag,men eg var der ikkje åleine. Dessverre hadde eg lite straum på telefonen så eg fekk ikkje tatt meir enn eit bilde. Kvar gong eg går der oppe må eg verkeleg beundre utsikta. 

Elles har eg ikkje gjort så mykje i dag.Eg fekk endeleg tatt singelen frå plenen og dit den høyrer heime, Så sat eg oppe på benken med Marit ei stund. Her heime starta eg med spanskleksa, men eg hadde ikkje blekkpatron i skrivarewn så det må eg ha før eg kanfjere meg ferdig. 

Solveig kom i 17 -tida og hadde med seg heimelaga bollar og potteplantar til meg.Vi hadde som vanleg mykje å snakke om. Eg har heldigvis begge jentene mine så nær at eg får sjå dei relativt ofte-litt synd at Rasmus er så langt borte, men dei har konfirmant i år, så då får vi reise til dei.

I dag har Ingeborg, eldste jenta til Margrete, fødselsdag, ho er vaksen no og jobbar som lærar på Nordstrand i Oslo.Ho er blitt 32 år,tida går så altfor fort. Særleg når ein blir gamle. Synest eg.

Det er så utruleg fint no om dagane, blå himmel og sol, grøn plen med masse krokus, neste helg får vi sommartid og det set eg pris på, for då får eg stå opp litt tidlegare. 

Dagbok 2025: 22.mars

 

                          Her driv dei og legg nytt tak på huset. Håper fineveret varer til dei er ferdige.

Klokka er no17.50, temperaturen ute er +14 grader C. Det har vore ein nydeleg dag og sola er oppe enno.

Eg hadde ikkje planlagt noko for dagen, så då vart det heller ikkje så mykje gjort.

Eg hadde planlagt å fare på butikken, og det gjorde eg, men først tok eg ein svipp bort på gravplassen for å sjå kor der såg ut. Det var ikkje krise, men eg vil gjerne pynte litt på grava til Nils no. Eg gjekk opp og såg grava til Bjarnhild også. Der var meir kransar og blomster enn eg har sett nokon gong før på ei grav..  Men det som var litt dumt var at grava ligg på ein stad der dei driv og pløyer opp landskapet, så støvlettane mine vart veldig skitne. Eg visste ikkje om eg kunne gå inn på butikken slik, men eg tok sjansen.

Då eg kom heim tok eg meg litt mat før eg gjekk ut i hagen for å jobbe. Eg hadde sett at ei stor grein hadde falt ned frå eit tre som står ved kompostbingen. Eg fekk kutta opp greina og rydda litt omkring. Eg likar hagearbeid og mykje anna arbeid også, men dessverre har eg ein rygg som ikkje spelar på lag, så eg kunne ikkje halde på så lenge. Men eg såg at Marit sat ute på benken, så då gjekk eg opp til henne og vart sittande lenge og nyte sola.

Eg hadde veldig lyst å gå på Vernet i dag, men eg har bestemt meg for å ikkje gå kvar dag, det er på grunn av eit kne som ikkje er heilt godt.For morgondagen har eg ingen planar. I dag vakna eg tidleg og bestemte meg til slutt for å stå opp, så eg gjekk ut på kjøkkenet og laga frokost og kaffi. Først då eg sette meg til bords såg eg på klokka. Då var den 5. Eg må vere ein morgonfugl, men eg treng lite søvn, legg meg aldri før klokka 1. og eg søv ikkje middag.

I morgon veit eg ikkje kva eg skal gjere, skulle gjerne ha vore på Plantasjen. Eg må ha meg ei ny rive og nokre sekker med mold + grasfrø . No driv eg og laddar opp telefonen , slik at eg kan ta bilde på denne fine dagen.

I dag fann er nokre solbriller som var veldig lite brukte, men dei var veldig gode, eg ser godt i dei og brukar dei inne her og no.

Dagbok 2025: 21.mars

Klokka er no15.25 og temperaturen ute er + 12-13 grader,og sola skin.Det er fint utever , men eg held meg inne ei stund til. Eg er nettopp ferdig med fredagsvasken,for eg vaska ikkje før eg for i kyrkja.Det er lenge sidan eg jobba på Velle skule, og mange av kollegaene har gått bort i den tida som har gått. Dei har stort sett vore eldre enn eg. Men ho som vart gravlagd i dag var 5 år yngre enn eg, så det var spesielt.Ho hadde berre to barn, men mange barnebarn og oldebarn.Eg hadde ikkje sett henne på mange år enda vi ikkje bur langt frå kvarandre, seg trudde ho var flytta frå Ørsta når eg aldri såg henne. Men så var det ei eg snakka med for eit par veker sidan, som fortalde at ho var veldig sjuk. Så eg eg visste lkorleis det var då dødsannonsen kom

DEt var eifin gudsteneste, berre synd at vi sat så langt bak at vi ikkje såg verken kista eller blomstrane.Eg var i lag med to som eg har jobba i lag med, men då eg kom ut av kyrkja var det så mange som ville snakke med meg.  Det var tidlegare kollegaer som eg ikkje har sett på lenge, og dei ville no vite korleis eg hadde det.Det viste seg at eg var både sprekare og friskare enn dei (Dette gjeld berre nokre få) Verken eg eller dei som eg kom i lag med, vart med på grava og på samkoma i bedehuskjellaren etterpå.

No har eg tatt resten av fredagsvasken, tok berre litt før eg for, og no har eg lyst ut , for sola skin. Seinare i kveld skal eg opp til Marit og sjå The Voice         verken Marit eller eg synest at programmet er så kjekt, men vi synest det er kjekt å sitte og prate mens vi ser.

                              Det er krokus overalt på plenen

                               Krokus i beddet nedafor altanen

Dagbok 2025: 20.mars

 Klokka er no21.55. Temperatuen ute er +5 grader. Det har vore opplett og litt sol i dag; ein fin vårdag. Vi var på trening i dag, Marit og eg, og så handla vi på KIWI på heimvegen -som vanleg.

Det var fint tur-ver så eg fekk lyst å gå på Vernet. Eg hadde eigentleg bestemt meg for å la vere å gå tur etter trening, men så kom eg på at eg skulle i gravferd i morgon , så kunne eg heller ta "fri" då.

Det var fint på Vernet i dag , verken sol eller regn. Eg har ikkje gjort noko særleg i huset i dag, men har sete og strikka for det meste og sett nyhende på TV. Eg har venta på ein telefon og eg ventar framleis.Eg har ikkje så mykje å skrive om i dag. Det kan bli meir i morgon.

Dagbok 2025:19. mars

                                         Bestemor Hilda Marie

Klokka er no 16.38, temperaturen ute er +7 graderC , det er skya, men opplett.

Det er kanskje litt tidleg å skrive blogg, men det er ikkje sikkert det skjer så mykje meir i dag.(Her med meg altså) Eg har vore på spanskkurs 11-13, og etterpå gjelkk eg tur på Vernet før eg åt middag. Eg hadde mat igjen frå i går, så det var berre å varme opp i mikrobølge-omnen. Det var lettvint. Lenger er eg i grunnen ikkje komen.

I dag er det den 19. mars, og det var ein dag som vart feira i min barndom, for då hadde bestemor på Hildegard fødselsdag. Ho var født i 1878 og døde 1 1969.Ho heitte Hilda Marie

Ho vaks opp i Oslo, og gifta seg med Olaus Strøm som var stasjonsmester på Skarnes og fekk to barn;far min,Storm og ei jente som heitte Eldbjørg. Så døde faren til barna og Hilda flytta tilbake til Oslo med dei to barna. Seinare trefte ho han som eg kalla Bestefar og gifta seg med han. Han var frå Eid og heile familen flytta dit. To barn til fekk bestemor ein  gut og ei jente. Dei bygde hus i Alleen på Eid, det huset var det bror min som overtok då besteforeldra døde.

19.mars var alltid ein stor dag i familien sidan bestemor hadde fødselsdag. Eg hugsar 70 årsdagen hennar, då måtte eg få fri nokre timar frå skulen  for dei hadde bestilt fotograf som skulle ta bilde av bestemor og barnebarna. Eg trur det finst att nokre av dei bilda.

Men 19. mars var det også Holmenkoll-hopprenn om eg ikkje hugsar feil. Det kunne no ikkje vere kvart år. Men då måtte vi ha radioen på sjølv om det var selskap.

Og så hugsar eg att bestemor sa at det var eg som hade arva krøllane hennar,dessverre varte ikkje krøllane mine så lenge som hennar.

Eg synest det er kjekt å minnast dei som har gått bort. Det er berre litt rart å tenkje på at no er eg blant dei eldste i heile slekta av dei som lever att.

Dagbok 2025: 18.mars

 Klokka er no17.20, temperaturen ute er+5 grader og det regnar,kan ikkje seie at eg likar det. Eg går ikkje ut i dette veret.

Eg brukar ikkje å sjå så ofte i postkassa, berre dei dagane det er avis. Møre Nytt.

Det er sjeldan ein får brev slik som i gamle dagar. Eg hadde litt tid til overs så eg ville sjå litt på sudokuen i avisa. Men i dag var der noko så sjeldent som eit brev-det kom frå Bergen og i brevet var der tre fine bilde av det nye oldebarnet Tobias.

Eg sette veldig pris på både brevet og bilda. Eg begynte å tenke på veggplassen i gangen, der alle barnebarna er representert, No begynner det å bli trongt om plassen, så kanskje eg får begynne på ein oldebarnvegg. Eg leita og fann nokre tomme rammer til dei nye bilda, og det fann eg, og i samme eska låg det bilde av foreldre og besteforeldre. Eg skulle vel hengt opp att dei også ?Men eg har bilde over alt.

I dag måtte eg fare på trening utan Marit, for ho var til Ulsteinvik for å få seg nytt høyreapparat. Ho kom ned til meg etter at eg var ferdig med middagen , så drakk vi kaffi i lag og prata. Marit var glad for at ho høyrde så godt no.

I morgon er det spask-kurs igjen og eg har noko å jobbe med i kveld viss eg skal kunne "leksa" til i morgon.Men det er ikkje før klokka 11, så eg rekk å øve litt før den tid også. Det er så utruleg mykje verre å lære noko no enn det var for t.d.60 år sidan.

Eg går ikkje tur på Vernet når det regnar, men i dag har eg no trena i ein time, så litt trim har eg no fått.

Dagbok 2025: 17.mars

 Klokka er no 18.40, temperaturen ute er+ 4 grader C og det regnar. Eg har ikkje vore lenger enn ut i garasjen for å hente ved i dag. Og sant å seie har det ikkje blitt så mykje gjort inne heller. Eg laga ei kake på føremiddagen, og rydda og vaska opp . Og dett var dett. 

Eg har gjort litt til nytte , for eg har jobba litt med spanskleksa  til onsdag. Vi skal snart avslutte spansken no,vi skal halde fram til påske, og det kan vere like godt. Vi er komne godt i gang , så dei som vil lære meir greier mykje sjølve.Men mitt råd til alle som vil lære språk er:Begynn mens du er ung! då er alt mykje lettare.

Elles har eg sett TV og strikka ei stund, og no har eg site her med datamaskina  ei stund-og sett Reels and short videos

I morgon er det trening så då kjem vi oss ut i det minste. Eg lkar ikkje dette veret vi har no. Men vi har no hatt ein utruleg lett vinter, så vi får vel tole nokre grå dagar. no.Eg har sjølvsagt ikkje vor på Vernet i dag, så det er smått med trim.Men i morgon får vi i alle fall litt trim når vi er på treninga.

Eg har ikkje mykje å skrive om i dag. Så eg får berre slutte av.

Dagbok 2025: søndag 16.mars

Klokka er no 15.20 og temperaturen ute +3 grader. Det er skyer , men sola er igjennom av og til. Eg var inne heile føremiddagen, såg TV, strikka etc. Men så gjekk eg tur på Vernet. Det var nokså mykje snø som hadde kome ned sidan i går, men mykje hadde smelta, meir oppe på Vernet enn her nede.

Eg møtte ingen eg kjende i dag, så eg vart ikkje vekke så lenge

Eg såg meg litt om i hagen, det er som om eg har lyst å begynne å rydde opp etc. Men eg fekk i alle fall tatt ein del singel som var hamna på plenen. Det er slikt som skjer når ein mokar snø på tunet. 

Dagane og vekene går så altfor fort, eg får aldri gjort så mykje som eg skulle, men slik er det vel alltid.

Eg blir aldri lei av utsikta til Ørstafjorden og dei kvite fjella i Dalsfjorden.

 

Dagbok 2025: 15.mars

 

Klokka er no21.35, temperaturen ute er +3 grader C, og det har regna mykje i dag, trur eg, men eg har ikkje vore så mykje ute.Eg sat og strikka og såg TV etc. heilt til Margrete og Amanda kom og henta meg. Vi skulle på kunsthuset og sjå bilde og anna som elevane på Volda gymnas hadde laga. Der er ei spesiell linje som jobbar med slikt. Eg har vore på ei slik utstilling i lag med Margrete før, og då vart eg overraska over kor mykje fint dei hadde laga. I dag var det enda mykje betre syntest eg. Kunne godt ha tenkt meg å ha mange av bilda på veggen, men det er ikkje aktuelt, for dei driv ikkje med sal, og dessutan  er veggane mine stort sett fulle av bilde frå før.

I dag gjorde vi noko som eg sjeldan gjer,; vi gjekk rundt og såg i butikkane, utan å kjøpe så mykje. Margrete kjøpte noko som ho hadde bruk for, eg kjøpte berre litt kopartråd som eg skal ha til å henge opp att eit bilde som datt ned.

Middag kjøpte vi i kafeen på Alti, eg er veldig glad i å gå på kafé, så det passa bra. Men desserten + kaffi tok vi i Starevegen etterpå. Det vart no ein kjekk dag i alle fall.

Eg gledde meg til Stjernekamp i kveld, men det vart ikkje slik som det har vore før så eg vart litt skuffa i første omgang -men det kan hende det blir kjekt etter kvart.Når ein er gammal så vil ein vel helst ha det slik som ein er vand til.

No har eg skulka trimturen min i to dagar, eg likar ikkje å gå på Vernet når det regnar, men eg håper eg kan få gå ein tur i morgon. 

 Når de ser den kvite lappen på gardina, så er det noko som eg har gjort  når eg lærer spansk. Eg har laga lappar på mange ting, på denne står det "Cortinas "-det spanske ordet for gardiner.   Eg trur eg kan ta den vekk no, for litt kan eg no vel hugse.                                                                                                             

Dagbok 2025:14.mars

 Klokka er no18.40, temperaturen ute er +2grader C, og PC-en melder snø- Det låg kvitt på markane i dag tidleg, men det meste er smelta. Eg hadde tenkt å gå på Vernet i dag , men akkurat då eg skulle gå begynte det å regne, så eg har halde meg inne.

Eg har tatt fredagsvasken , som vanleg, sette på ei maskin med klede også, men elles har eg ikkje vore så aktiv. Eg har sete og strikka framfor TV-en , som vanleg.

Det er somme dagar som berre blir slik.Eg har ikkje greidd å løyse sudokuen i Møre-Nytt og det ergrar meg. Eg har ikkje vore på butikk i dag, men eg brukar å handle litt på laurdagane.

I kveld skal eg opp til Marit og sjå TV, det er TheVoice. Eg synest ikkje det er så interessant, men det er kjekt å vere hos Marit. For vi får no prata langs med.

Eg hadde tenkt å gå ein tur, men akkurat då kom der ei regnbyge, så eg let vere.

Noko som var kjekt i dag, var at eg fekk melding frå Bodil om at ho hadde fått eit nytt oldebarn. Ho har eit barnebarn som bur på Kongsberg, ho har ei jente frå før og no fekk ho ein gut. Litt artig at både ho og eg har familie på Kongsberg. No skal eg høyre litt nyheiterfør eg skal opp til Marit

Dagbok 13.mars 2025

                                        Slik er det akkurat no

Klokka er no16.47, temperaturen er +4 grader. I dag morgon var alle markar kvite, men det gjekk fint å rygge ut av garasjen utan å moke. Marit og eg var på trening i dag. Ho skulle eigentleg vore i Ulsteinvik og testa augene, men timen hennar vart flytta. Det er kjekt å vere to same kvar ein skal, og i dag skulle vi handle på KIWI, der var trippel trumf i dag. Eg har aldri tatt ut pengane som eg har på trumfen, for eg veit korleis eg skal gjere det- Men eg veit at eg har fleire tusen kroner der.

I dag ville eg lage meg skikkelig middag, for eg skulle ikkje gå på Vernet i dag. Og så hadde eg ein pakke med spekesild, så det freista meg. Maten var god og eg fyrte i omnen litt og sette meg i godstolen og så TV. Men eg trur eg var borte frå alt ei stund. Eg vaknar alltid tidleg så de er godt med ein liten blund. Kor lenge eg sov veit eg ikkje, men oppvaskmaskina var ferdig då eg var våken igjen, så no har eg tømt den- Det er greit å gjere litt husarbeid på torsdag, så blir det litt mindre å gjere på fredag.

Elles skjer det vel ikkje så mykje men tida går fort. så snart eg det påske. Til eldre eg blir, til fortare går tida.

No skal eg lage meg litt god kaffi og så skal eg ta fram strikketøyet og sette på TV -det er litt spennande i verda for tida, så ikkje alt er kjekt å høyre om.

Dagbok 2025: 12.mars2025

" Regn/snø i morgen" seier PC-en men no skin sola, så då får vi nyte det. Eg kom akkurat att frå ein tur på Vernet, og no skin sola og temperaturen ute er+4 grader C.

I dag var det"spanskdag" frå 11-13. Vi kunne no leksa bra i dag alle saman, meir og mindre. Det er ikkje så strengt.

Då eg kom heim oppdaga eg at veska mi ikkje var med . så det var berre å hive seg inn i bilen og fare ned att med håp om ar der var einkvan som kunne hjelpe meg å finne fram. Men eg var heldig for, Terje sat der og prata med ein mann og han var orientert; Eli hadde sett at veska låg att og tatt den med seg heim, så skulle ho køyre opp til meg med den. Eg svippa bortom der ho bur og ho var heime og kom med veska. Det var bra, for telefonen min var der så det kunne ha blitt veldig vanskeleg. Eg har eit stort "nett" med meg til bøker etc. og eg plar ha veska oppi også. Men ikkje i dag.

Etter å ha ete opp risgrauten som eg laga i går kveld blei det ein tur på Vernet og då eg kom heim greidde eg å finne riva mi, fann den ikkje sist eg leita. Saken er at der er mykje singel på plenane, sæleg på den ved postkassene. Eg må få singelen tilbake der den hører heime, men eg greidde ikkje så mykje i dag. Det er lenge sidan eg har hatt hagearbeid, så eg er ute av trening. Marit skulle eigentleg til Ulsteinvik i morgon, men så vart timen avlyst så då blir ho med på trening.Og så er det visst trippel-trumf på KIWI. Det er Marit som passsar på slike ting.

Eg synest dagane og vekene går så altfor fort.

Dagbok 2025: 11. mars

Klokka er no18.04, temperaturen ute er+3 grader C og sola har gått ned. Det var langt på dag då sola først kom fram. Eg har vore på trening i dag så eg hadde ikkje tenkt å gå tur, men då ola dukka opp vart freistinga for sto, så det vart ein tu på Vernet. 

Før i dag har vi vore på trening, Marit og eg, og så hadde vi oss ei pratestund her,, etter at vi var komne heim. Elles har det ikkje hendt noko som eg veit om.I morgon skal eg på spansken igjen, så det blir litt studering i kveld. Eg har lagt lappar med spansk tekst både her og der, men det er mykje å hugse for eit gammalt hovud.

Eg har ikkje laga middag i dag, men har tenkt å lage meg litt risgraut til kvelds og så har eg litt Strandamor, så eg får litt saltmat . Eg måtte kveike litt i omnen i dag, men så kom sola til slutt.

 

Dagbok 2025: 10.mars

 Klokka er no16.55, temperaturen ute er + 4 grader, og sola skin som aldri før. Det er nesten for gale å vere inne i dette veret, og eg har gått turen min på Verne, men etterpå vart eg så trøtt at eg hadde ikkje lyst til noko.

Litt har eg gjort, men då eg sette meg ned i godstolen sovna eg, så strikketøyet har fått ligge i dag. Det fine veret kom så aldeles uventa på meg. Eg prøvde å gå vidare med spansken, no har eg lappar over alt, men det står mykje att, så eg får ta meg ei økt i dag også og i morgon. Det er så mykje tyngre å lære noko no, enn det var då eg var yngre.

I dag måtte eg berre ut! Så eg gjekk ein tur på Vernet, der var mange som var ute  fineveret, så eg møtte folk eg kjende.

Her ser sola ut som ho har eksplodert, der ho står over Melshornet. Eg lurer på om dei har sol på Melle no?

Sist haust fjerna Rasmus og eg ei stor klungerrose som stod her. Eg har ikkje fått til å fjerne røtene som låg att-enno. Men no lurer eg på kva eg kan plante der-eit tre eller ei buske eller......eg synest eg har nok plen. Som de ser ligg der att to røter som eg ikkje har klart å få vekk enno og så er der ei lite tue med snøklokker. Det er kjekt å sjå alt som vaknar til etter vinteren-men så får ein også meir å gjere ute.

Der er krokus strødd utover heile plenen, men desse var litt spesielle i fargen.Dei er ikkje kvite.

Nedafor tilbygget er et eit bed og på denne tida er det krokusen som dominerer.

Det vart ein utruleg fin dag i dag  og eg har i grunnen lyst å vere meir ute, men det nyttar ikkje å sitte i ro på altanen. Det blir for kaldt.

No held sola på å gå ned, så då må varmepumpa på igjen.

Dagbok 2024: 9.mars

Klokka er no 18.20, temperaturen ute er +2   grader C og det kjem våt snø ned frå himmelen. Eg har ikkje lyst ut, og då let eg det vere. Vi har hatt så mykje fint ver denne vinteren at vi får vel tole nokre sure dagar. Men det er litt kipt at når vi no kunne hatt sol, så får vi dette i staden. 

I dag har eg vore åleine heime heile dagen. Eg stod opp seint og var ikkje heilt i form, men etter å ha blunda litt i godstolen, var eg heilt i orden. Då fyrte eg i omnen så her vart varmt og godt. Eg har ikkje strikka enno i dag, men eg har jobba ein del med spansken, lagt i hop ein klesvask etc. Så har eg lese i Møre-nytt, og så er eg alltid mykje på datamaskina. Men no skal eg sette på TV-en. Den har eg ikkje på heile tida, og då kjem også strikketøyet fram. Eg laga ikkje skikkeleg middag i dag, men kan hende eg lagar noko godt til kvelds. Eg lid inga naud. 

                 Slik har vi det her i dag.Men eg trur at når det lid på kvelden vil vi få                    snø på marka.

 

Dagbok 2025: 8.mars. Kvinnedagen

 Klokka er no 18,42,ute er det opphaldsver og + 6 grader. Sola har ikkje vore langt borte i dag, men ho greidde ikkje å få skine skikkeleg på grunn av skyer, og no er ho høgt på himmelen det kunne eg sjå gjennom skyene.

Eg var som venleg relativt tidleg oppe, og vart sittande lenge framfor datamaskina før Marit og eg køyrde ned til burtikken. Der var det forandringar på gang sist eg var der og no hadde dei fått utvida butikkarealet. Etterpå gjekk eg ein tur på Vernet. I dag var det fint der oppe, men eg møtte ingen eg kjende.

Då eg kom heim att tok eg meg litt mat og så har eg sete lenge framfor TV-en og strikk og sett Team Pølsa. eg synest det er eit interessant og godt program. Eg såg at dei held på enno, så no har eg vel gått glipp av noko, men det kan eg ordne.

Det skjer ikkje så mykje når eg går her heime åleine, og det er kanskje det beste.Håper det blir bra ver i morgon også. Eg går og tenkjer på at eg vil bort til Hovevatnet, det er så lenge sidan eg var der-.

Dagbok 2025: 7.mars

 Klokka er no18.35, temperaturen ute er +6 grader C. Veret var nokså fint på føremiddagen, så eg fekk vaska på soverommet, fordi eg fekk ha ut alle golvteppa,så fredagsvasken vart litt utvida i dag. Eg var effektiv på føremiddagen, fekk vaska, som sagt, og mens eg vaska golv etc. var der maskiner som tok oppvasken og klesvasken. Så no er alt gjort.

Eg har ikkje handla i dag, så det må eg gjere i morgon før middag. Elles sit eg mykje og strikkar framfor TV-en, men det er ikkje så oppløftande. Eg forstår meg ikkje på desse karane som vil ha krig- eg kan ikkje i min villaste fantasi sjå noko positivt i det og øydelegge og drepe. Det har vore krigar nok i verda no. Tenk kor godt vi kunne ha det om alle fekk leve i fred.

Eg har ingen andre planar for helga enn at eg skal kjøpe mat etc. og så håper eg det blir råd å gå tur.Eg tenkjer ofte på at eg vil gå ut til  Hovdevarnet, der gjekk Nils og eg ofte, men eg har ikkje vore der åleine..Eg får vente til det blir meir vårleg og sol-trur eg.

PÅ bildet ser de eitt av nabohusa, dei som budde der er her ikkje lenger og no ser det ut som der skal skje noko, så no er det litt spennande. Eg veit ikkje kven dei er, dei som har kjøpt huset, men det får eg sikkert vite.

Det er fredag igjen og eg vil ønske alle ei god helg!

Eg skal opp til Marit og sjå THE VOICE i lag med henne.

Dagbok 2025: 6.mars

Klokka er no 17.05, temperaturen ute er + 7grader C. Idag morgon var det fint ver og litt sol,  seinare kom regnet, men då hadde eg fått gått ein tur på Vernet.

Men det første eg gjorde i dag, var å gå på trening-ikkje gå akkurat men køyre. I dag var ikkje Marit god til å vere med, så eg måtte fare åleine, og på heimvegen vart det ikkje stopp på butikken.

Det var fint og litt sol tidleg på dag, etter kvar skya det over, men eg rakk å gå ein runde på Vernet mens det var opplett. Då eg kom heim fekk eg ein ide, så eg gjekk nedom huset og der stod krokusane i blomst. Det var dei som stod nedafor tilbygget. nesten heile plenen er full av krokus, men dei "viltvaksande" kjem litt seinare. 

Eg koka risgraut til middag i dag, or etter at eg hadde ete slappa eg av i godstolen ei stund og såg litt nyheiter. Men eg måtte gjere noko husarbeid også. Eg hadde tenkt å ha ut teppa på soverommet, men det regna, så det utsette eg. Eg gjekk heller laus på Kjøleskapet og vaska og rydda der det var behov. I morgon skal eg ikkje ut på noko, så då blir det å ta fredagsvasken. Og ein klesvask og ein oppvask i maskinene.

Det ser litt spikelt ut, men det kjem seg vel. I beddet nedagfor garasjen er der også blomster no, men der kjem meir etter kvart.Eg synest at vi nesten ikkje har hatt vinter i år. Det var litt snø og kaldt før jul, men elles har det vore ein lett vinter, Eg har nesten ikkje moka snø ein gong.

 

Dagbok 2025: 5.mars

 

Her har vi 5 flotte damer i Sognebunad: Solveig, Margete, Ingeborg, Tone og Anne Marie

Klokka er no 18.24, ute er det mørkt og det silregnar. Eg kom meg ikkje ut på tur i dag heller, så det har vore ein lat dag.

Spansktimen begynner klokka 11, så eg har god tid til å til dømes vaske håret. I dag var der ein ekte spanjol på besøk ei lita stund, og dei mest modige snakka med han på spansk. Det gjorde ikkje eg. Etter spansken var eg og fylte bensin, og det nye kortet mitt funka fint.

Då eg kom heim sette eg meg til å jobbe med spansken. Eg har tusen andre ting eg skulle ha gjort i huset, men då må det vere litt anna ver.

Eg har laga meg litt mat, strikka og sett  nyheiter. Det ser ut som TRUMP har kome på betre tankar når det gjeld UKRAINA, men ein veit aldri. Eg stoler ikkje heilt på den karen.

I dag fyller Tone , dottera til systra til Nils 70 år. Eg husar at ho var i 3-årsalderen då eg kom til Solund. Eg hugsar Anne Marie kom på besøk til foreldra og hadde med seg dei to små. Dei budde då på ei øy sør for Sognefjorden. Etter at Tone gifta seg med Knut , bygde dei hus på Hardbakke og der har dei budd sidan.Dei har både barn og barnebarn som bur i nærleiken.

I morgon er det trening igjen, så då har eg noko å gå til, og treffe folk. Det er ikkje slik at eg vantrivst åleine, men eg likar no å vere i lag med folk også.Det er mykje som skulle ha vore gjort her heime , men eg treng litt betre ver. No blir det mykje til at eg sit og strikkar framfor TV-en.

Dagbok 2025: 4.mars

                  Ingar fyller 15 år i dag og er den yngste av barnebarna. 

Han skal konfirmerast denne våren. Han og familien bur på Kongsberg.

Klokka er no 17.30. Ute regnar det og blæs, så eg orkar ikkje og vil ikkje gå tur på Vernet.

Vi fekk fri frå treninga i dag, så det vart liksom ein fridag. Eg har sete med Sudkuen, og den fekk eg til, verre er det med spansken. Vi har lekse til i morgon, og eg forstår teksten godt, men å hugse den er verre. Men det får stå sin prøve.

Eg har ikkje gjort mykje i dag, har sete og pirka med spansken, og med sudokuen-den fekk eg fort i hamn. Marit kom ned ein tur såpass vi fekk prate litt, og det var no kjekt.

Elles så fekk eg støvsuga teppegolva mine, så er det gjort. Eg fyrte i omnen og hadde det godt og varmt ei stund, men no må eg visst ut og hente meir ved, for det er litt huskaldt på grunn av vinden. Eg håper at vi får eit anna ver snart, ----men det varte og rakk før vind og regn stilna av og no kan eg slutte av for i dag. 

Håper Ingar har hatt ein fin dag.I morgon skal eg på spansk-kurs igjen. Eg trur ikkje spansk er noko for meg-men eg har no prøvd.

Det som bekymrer meg, og sikkert dei fleste andre  er korleis det skal gå med alt- no som Trump skal styre verda.Noko slikt som han driv med kunne eg ikkje med min verste tanke forestille meg. Han er no heilt gal!

 

Dagbok 2025: 3.mars

 Klokka er no 21.30, temperaturen ute er+ 6 graderC, og eg trur det har regna ein del i dag. Eg har ikkje vore så mykje ute.

Det første eg gjorde etter at eg var ferdig med morgonstellet var å køyre til Vik og stikke innom Clas og kjøpe eit batteri til brannvarslaren,  og på apoteket og kjøpe tablettar . Eg gadd ikkje å handle noko meir i dag.

Då eg kom heim tok eg ein runde på Vernet, så var det gjort. Det var ikkje så gale ver i dag, men det regna no litt. Elva var kjempestor, for no tinar visst snøen som kom i fjella.Resten av dagen har eg vore inne og pusla litt med spansken mellom anna.

Det blir ikkje trening i morgon så då kan eg gjere det eg vil her heime. Det er alltid noko ugjort og det er bra .

Elles så sit eg no og strikkar og ser TV- eg likar slett ikkje alt som skjer i verda for tida.Det er eit par karar som vi godt kunne vore utan. Eg skulle tru at folk etter kvart kunne løyse problem utan å drepe. 

Dagbok 2025: 2.mars

Klokka er no21.52, ute er det regn og + 8 grader C. Eg har vore heime åleine i heile dag og ikkje gått ut for ei dør, men sete inne og strikka, sett TV, laga mat etc. etc Jobba ganske lenge med spansken også. Der er alltid noko å gjere for den som vil. Det siste eg gjorde no var å sjå TV om kva som hender om det kjem ein solstorm, eg forstår at eg snart må begynne å lage meg "lager" slik vi får beskjed om. I morgon må eg nedover på ALTI og kjøpe medisinar. Ikkje det at eg er sjuk, men eg tek nokså mykje medisin for ikkje å bli det. Det er ikkje noko som eg sjølv har funne ut, men legen min vil ha meg frisk og sunn så lenge som muleg. Og takk for det.

Eg har ikkje mykje å skrive om i kveld, eg hadde tenkt å gå på Vernet, men veret vart for ekkelt og vått. Bildet av vinduet mitt viser blomstrane eg har fått av Solveig. Eg er ute for at alle blomster som eg får eller kjøper dør nesten med det samme. Eg har ikkje funne ut av det, trur at det kan ha noko med fyringa å gjere, men det er ikkje godt å vite.

Eg fekk bilde av oldebarnet Tobias i dag, han vart 4 månader i går. Eg har ikkje sett han live, men dei kjem kanskje hit i påska. Det ser ut til å vere ein stor og kraftig kar.

 

Dagbok 2025: 1.mars

 

I dag fekk eg nytt bilde på Sunnmørs-kalenderen min. Fjellet på bildet heiter Slogen, men eg har aldri vore der.

Eg har ikkje vore så mykje ute i dag, men eg var ein tur til Vik og på KIWI på føremiddagen. Eg hadde tenkt å gå på Vernet, men så fann eg på å lage sveler  til Solveig skulle kome i 16-tida. og det gjorde ho . Vi hadde som vanleg mykje å snakke om. Etter at ho hadde reist tok eg fram strikketøyet og sette på TV-en, der det var masse skiløperar som fekk medaljar.Eg veit knapt kva dei heiter, men eg kjende dronninga.Ho er ingen ungdom lenger, men der for ho i snø og blest å delte ut premiar. Ho er ei tøff dame.

Som dei fleste andre fekk eg nesten sjokk i går kveld då Trump begynte å skjelle ut presidenten i Ukraina; noko så ekkelt har eg ikkje sett på TV før. Men då eg sette på TV-en i dag, hadde han heldigvis roa seg litt. Han trur viss at han eig heile verda og skal bestemme alt. 

Eg har ikkje gått tur i dag, så kanskje eg må ta to runder i morgon.Det har ikkje vore så fint ver i dag, men no skal vi visst få regn nokre dagar, ja berre ikkje regnet blit kvitt-så får det stå sin prøve.

I dag er oldebarnet Tobias 4 månader gammal, lett å hugse når han vart fødd på første dagen i månaden -november.

No står det Flom advarsel på PC-en, men eg er ikkje så redd for flom, for vatnet brukar  som regel å fare ned i sjøen-og så har vi Fonnvernet.