Klokka er no19.35,temperaturen ute er + 15 grader, no når sola er borte, men vi har hatt ein strålande dag. Eg har vore ute mesteparten av dagen, eg har gått tur på Vernet og elles har eg jobba i hagen.Det blir ikkje gjort så mykje som eg har lyst til, men det er den ryggen min som ikkje spelar på lag. Det gode er at når eg slappar av så verker eg ikkje meir .
Det første eg gjorde i dag var å rydde litt på tunet. Der var det enkelte plantar som ville vekse nede i singelen, og det får dei ikkje lov til. Det var særleg i det området der det stod bilar i før som var litt overgrodd. Men ikkje no lenger. Etter at eg hadde halde på ei stund, gjekk eg ein tur på Vernet og då eg kom att vart eg sittande oppe hos Marit ei stund. Tok meg ein liten lunsj - litt husleg arbeid vart det også, før eg for ut att og tok ein tørn i hagen. Eg prøvde å få det litt betre på Eføy-veggen etc-før eg tok kvelden.
No har eg laga heimelaga fiskesuppe til meg sjølv, laga så mykje at eg skal ha i morgon også. Då skal eg på trening, og så må eg til urmakaren ein tur. Marit blir ikkje med i morgon heller.Eg har ikkje bestemt meg for om eg skal fare på pensjonistmøtet på Rjåneset i morgon, trur nesten at eg blir heime.
Ingen kommentarer:
Legg inn en kommentar