Dagbok 2024: 2.september

I dag stod eg opp litt tidleg fordi eg skulle på trening, så då brukar eg å shine meg opp litt. Marit vart ikkje med i dag heller, men ho er litt betre etter kvart synest eg. Etter treninga var eg til Urmakaren og fekk nytt batteri i klokka mi. Eg får no helsepå han av og til, for eg kjenner han litt. Eg har vore lærar til dottera hans ein gong i tida. 

I dag visste eg ikkje kva eg ville og skulle. Det skulle vere pensjonistmøte på Rjåneset i dag klokka 16. Eg køyrer ikkje sjølv ut dit, så eg kunne til dømes ta bussen. Men det blir så mykje styr att og fram, og heim att må ein helst sitte på med einkvan.Eg tenkte og tenkte, men tenkte at neste månad er det Eldredagen og då får vi vere på Kulturhuset.

I staden for å reise på møtet, la eg opp ei bukse som eg har, den var litt ugrei i lengda, så no håper eg at den blei betre. Fiskesuppa som eg laga i går åt eg resten av i dag, det var ein stor rest så eg blei skikkeleg mett. 

Eg tok ein runde på Vernet i dag også, men i dag møtte eg ingen kjende.Ikkje ukjende heller for så vidt. Då eg kom heim att måtte eg ned i hagen og finne med nokre Victoriaplommer. eg må snart plukke dei no, før dei blir øydelagde.

No skal eg finne meg ein kaffikopp og så strikkar eg på ein lest igjen, med veldig tynt garn.

                       

Ikkje så fint i dag som i går. No er klokka 17.30, temperaturen ute er 20 grader, det har vore overskya i heile dag Og på PC-en min står det at det skal bli regn i morgon, men det var no regn sist natt også. Eg er no glad så lenge vi ikkje har snø