Dagbok 2024: 1.september

 

Klokka er no 18.40, og sola strålar frå skyfri himmel, som ho har gjort i heile dag. Temperaturen er no + 19 grader C. Slike dagar er ei gåve som må nytast best muleg. Det første eg gjorde i dag rett etter frokost, var å plukke litt plommer frå Victoria-treet og så lette treet for nokre store greiner. Alt fekk eg ikkje tatt, for der er umodne plommer på treet og dei må ha det slik ei stund til.

Litt seinare tok eg ein tur på Vernet og der var fint i dag. Då eg kom heim sat Marit ute så eg gjekk opp til henne og så sat vi i sola og prata ganske lenge før eg gjekk ned att. Eg spanderte litt is på meg sjølv,  middag har eg ikkja laga enno, men det bør vel gjerast snart. Eg sette meg ut på altanen i ein stol og berre sat der, strikka ikkje ein gong.  Så i dag har det vore kviledag for meg. Takk og pris for at ein får slike dagar innimellom- og eg kan gjerne tenke meg fleire slike.

Eg lurer på om september blir like fin som mai. ?