I dag var det trening, så eg var relativt tidleg oppe(det er eg kvar dag)så eg fekk dusja og vaska håret før eg for, ålene i dag også. Etter treninga var eg på ALTI,på apoteket og kjøpte tablettar som eg var lens for, i dag var dei gratis for no har eg frikort resten av året.
Då eg kom heim var eg opp til Marit. Ho hadde vore på røntgen i dag, så vi hadde avtalt at eg skulle komme opp. Ho fekk sjølvsagt inne noko resultat i dag, men eg syntest ho såg friskare ut. Etter at vi hadde prata litt, gjekk eg ein runde på Vernet, og i dg gjekk eg lett, det er ikkje alle dagar like.
Heime igjen måtte eg ha litt lunsj og så sette eg meg inn for å sjå nyheiter. Eg må ha dubba av litt, for plutseleg såg eg ei dame som eg kjende .....på skjermen. Eg kipte meg, som vi seier her på Sunnmøre.
Eg smakte (mykje) på plommesylta mi i dag. Eg prøvde ei oppskrift som eg laga sjølv i går: 5 kilo plommer+ 1kilo sukker + ein pakke grøn Jam. Som forventa var sylta både litt sur og veldig flytande. Men eg et den sjølv, med skei. Eg har mykje plommer igjen så eg kan lage sylte som både er søt og litt fastare i fisken. Eg tenkte eg skulle sjå litt på Victoriaplommene i dag, men alt er så vått.
Eg har no eit lite spøt som eg kan halde på med. Viss eg skal gjere ein skikkeleg jobb, må eg starte frå morgonen av. Har planer om å fare på VØR igjen snart, men skal samle litt meir før eg fer. Det blir i alle fall ikkje i dag.
Eg ser på FB at folk går turar i skog og mark og rundt om på setrane, det ser veldig kjekt ut, men eg må halde meg i meir nære strøk og ikkje risikere å skade meg igjen.
Ingen kommentarer:
Legg inn en kommentar