Regn på denne tida er skikkeleg irriterande, for det er no eg skulle ha plukka plommene mine. Ja, eg har no fått nokre kilo i frysaren, men i deg ligg dei på marka og rotnar.
Eg har halde meg heime i dag, men gjekk ein liten tur på Vernet før middag.Det regna då også, men ikkje så mykje at eg vart gjennombløytt, i alle fall berre litt.
Eg har vore åleine heime i dag, men eg kjeder meg aldri, i alle fall ikkje så lenge eg har PC-en min.Den er viktigare for meg enn TV-en. Eg er mykje på "Reels and short Videos" - og øver på spansken der. Elles har eg no ikkje gjort noko særleg til nytte i dag.
Eg laga middag etter turen ut, og i dag(igjen) vart det pølser og potetstappe-og det er heilt OK for meg. Eg har ikkje problem med dårleg appetitt, snarare tvert om.
Først gjorde eg ferdig ein sudoku i "Pensjonisten", så sette eg meg inn og såg TV, og lenger er eg ikkje komen. No skin sola ute, og viss ho held fram med det skal eg gå ut og plukke nedfalls plommer. Viss eg ikkje gjer det i dag, er det berre å rake dei i hop i morgon og kaste dei i bosset. Eg treng litt opphaldsver no, slik at eg kan få stelt i hagen, det er liksom det eg vil halde på med no, før det blir haust for alvor-og vinter.
Ingen kommentarer:
Legg inn en kommentar