Det var ikkje så nydeleg med det samme eg stod opp i dag, då låg skodda tett langt nedetter fjellsidene. Marit vart med meg på treninga i dag-ho hadde fått lov av legen å trene aldri så lite. Og det gjekk fint. Ho har ikkje lov å køyre bil-men det har eg. Eg stoppa litt på KIWI på heimvegen og handla litt.
Veret hadde blitt veldig mykje betre etter kvart og no var det sol og varmt, eg bestemte meg for å gå ein tur på Vernet,og det gjorde eg. Det vart ein varm tur, for eg måtte ha ei jakke på meg for å ha lommar til eplebåtar og telefon-
Litt skodde låg det att i lufta, men den vart fort borte. Eg sat relativt lenge på kvar benk i dag for å nyte sola og varmen.
Då eg kom heim laga eg meg eit lite måltid-og kaffi. Eg såg at Marit sat ute på platten og strikka, så eg gjekk opp til henne og sat der ei god stund.
Eg har mykje att å gjere i hagen, men i dag var eg litt for låk i ryggen til å sette i gang. Her er mykje som skal klippast og stellast før hausten og vinteren kjem, men det er kjekt å styre på mens veret er bra.
I morgon er det atter ein fredag,og då blir det å gjere litt husarbeid, men denne årstida prioriterer eg hagen fram for huset, Tida og kreftene vinn ikkje over alt.
No skal eg ned å plukke litt Victoria-plommer, dei er veldig gode å ete, så det spørs korleis det blir med syltetøy.
Ingen kommentarer:
Legg inn en kommentar