Eg har hatt ein noko kjedeleg dag i dag, men det gjer ingen ting. Eg kan ikkje strikke så mykje som eg har lyst til, for då får eg låkt i handa som eg braut, den er ikkje heilt god enno. Men så har eg datamaskina og spansken. Eg er meir på datamaskin enn på TV. Mykje underhaldning på "Reels and short videos"-
Men eg kom meg no ut og gjekk ein runde på Vernet i dag også. Eg trefte ei eg kjenner som eg gjekk i lag med ei stund. Eg trudde det skulle ver opplett ei stund, men det var der ikkje, så eg var klissvåt i håret då eg kom heim. men det var no ikkje så farleg. Eg laga meg litt lunsj, men har ikkje laga middag enno. Eg har gått over til sein middag, så er eg i takt med Marit.
Eg har ikkje så mange opplevingar når eg er heime åleine og det er regnver. Hadde det vore opplett kunne eg styrt på i hagen, men no får alt berre styre seg sjølv, så blir det mykje å ta att seinare. Eg håpar på nokre fine dagar, det plar skine opp når skulane startar, synest eg å hugse. Eg treng verkeleg litt fint ver i hagen no viss ikkje plommene skal bli øydelagde.
Marit og familen kom att frå hytta for ei lita stund sidan, og heldigvis var LOLLO på plass.
Ingen kommentarer:
Legg inn en kommentar