Klokka er snart 18.00. Temperaturen ute er + 14 grader og det regnar.
Nils kom akkurat att frå ein luftetur, men eg har halde meg heilt i ro i dag også. I håp om å komme meg føre igjen. Ryggen verker ikkje lenger, no er det berre hofta som er trøblete, håper at sprøytene som eg skal ta komande fredag skal gjere underverk.
I dag har eg gjort tre ting; lagt i hop ein klesvask, laga middag og tømt oppvaskmaskina. Resten av tida har eg lata meg og lese lydbok. Eg held på med ei bok som er veldig lettlesen og ikkje altfor ROSA.
I morgon kjem pensjonistane heim frå Færøyane, er spent på å høyre korleis dei har hatt det. Onsdag skal vi ha møte, og då håper eg Møre-Nytt stiller opp og lagar ein reportasje, så blir det ikkje så mykje å skrive for meg.
Vi var ikkje på butikk i går, så denne helga har vi ete av lageret vårt, det kan vere sunt av og til. Til middag laga eg spaghetti og kjøttsaus; må ha ein kontrast til all fisken.
Tenkte eg skulle finne ei litt spennande kjøttsausoppskrift og søkte på nettet. "Spaghettisaus" søkte eg på. Så kom spørsmålet: Mener du "spagettisaus"? Då eg fann oppskriftene stod der spaghettisaus med h -det same står det på pakkane, så no var eg i villreie. Men i ordlista står det spagetti utan h, så no må eg venje meg til å skrive det slik. Mykje å spekulere på her i verda.
Viss det blir bygeløye no, så må eg ut og ete litt bær og sukkererter.
Abonner på:
Legg inn kommentarer (Atom)
Dagbok 2024: 17.april
Dette var pynten på "Vernet" i fjor. Det kjem vel ein likeins i år. Klokka er no 17.20, temperaturen ute er + 9 gr...
-
Klokka er 17.15, temperaturen i skyggen er + 9 grader, men her i stova må det vere nærmare 30 grader når sola skin inn glasa. I dag var...
-
No har vi rikelig makrell til oss sjølve, enda om diverse naboar har fått sitt. Makrellen kan vi steike, men best likar vi den kald, kokt me...
-
Klokka slo akkurat fem (17.00), ute er det regn og grått og + 9 grader C. I dag har eg vore i full aktivitet heile dagen, noko som er helle...
2 kommentarer:
Då lærte eg noko nytt i dag og! Elles så har eg vel gått meir eller mindre over til å skrive pastasaus?
Det gjer vel eg også, men i går vart det altså spagetti.
Legg inn en kommentar