Dagbok 2015: 2.april

Klokka er 17.30, temperaturen er +4 grader C. Det har snødd og sludda i heile dag, og det har vore eit ganske kjedelig vêr. Får i alle fall ikkje lyst å gå ut. Har i grunnen ikkje lyst til noko anna heller. Eg likar kvardagar best.
Nils var ute i garasjen og rydda i fiskesakene sine f.m. og eg tok like godt og baka tre brød. Elles har eg lese ut boka mi og strikka litt, men føler meg litt tiltakslaus i dette vêret, no var eg i grunnen innstilt på vår. Tenkjer på alle dei fine krokusane og påskeliljene som vert meir og mindre øydelagde av snøen.
Eg har mykje eg kunne ha gjort viss eg ville, men kan no halde litt fred på helgedagar. Til middag i dag hadde vi påskeskinke og div.anna spekemat. Men i morgon skal vi til Hareid, så det kan vere greitt å kvile magen ein dag. No skal eg legge siste hand på eit lestepar til meg sjølv, og så blir det vel eitt og anna å sjå på TV etter kvart. Gledde meg til litt gammaldags påskekrim, men hittil har det vore skralt.
No skal Nils ut i båten og skrubbe vekk litt fiskeblod. Det vart seint den kvelden dei var ute og drog, så då vart det berre å fare heim.
Dette vart eit veldig rotete innlegg, slik blir det når ein ikkje har så mykje å skrive om!