Klokka er no 18.30, temperaturen ute er + 29 grader C og eg silsvettar her eg sit. For ei stund sidan gjekk straumen, så då la eg meg ut på solsenga ei stund, heldigvis var her staum då eg kom inn att, såpass eg kom meg inn på PC.- en. Det vart velig annleis for meg no når alle for og eg vart åleine., eg har det no bra. men likar å ha kontakt med omverda.
Eg hadde ingen planar for dagen, men på føremiddagen fann eg ut at eg kunne pynte litt på den grøne flekken der rosebuska stod. Eg hadde sådd i før, men var ikkje fornøgd med resultatet. Så på sundag føremiddag prøvde eg å reinske vekk meir avrusk og rask som var der. Utpå ettermiddagen hadde eg på ein sekk med mold og sådde i for andre gong med litt betre frø, trur eg. Det er i alle fall gjort, så no spørs det berre kva som spirer opp. Eg fekk opp mange av dei nye skudda frå den gamlerosebuska i alle fall.
Det er omtrent alt eg har gjort i dag i tillegg til å lage meg middag av diverse restar. Eg har blitt litt bortskjemt med Wenche sine gode rettar-eg lagar ikkje så god mat, i alle fall ikkje når eg er åleine.
Eg har prøvd å sitte ute i skyggen, men då lyset gjekk la eg meg ut på solsenga på altanen og silsveitta ei stund. Eg kan ikkje hugse at vi har hatt det så varmt lenge som det vi har hatt no. Det er no godt med varme, men eg skulle ha vore nærmare vatn. Ein gong for lenge sidan var Nils og eg opp i Skåla då var det så heitt då vi gjekk heim at vi la oss ut i høler på elva på heimvegen. Eg tenkjer på dei som bur i land som er enda varmare og der dei ikkje har tilgang til sjø eller vatn, I morgon skal eg vere med Margrete og Amanda på biltur viss det går etter planen. Det ser eg fram til.
Rasmus for med båthengaren i går, han fekk selt den til ein mann frå Elverum, dei møttest på Hamar. Eg er glad for at eg fekk den vekk.
Og no kom eg meg endeleg inn på Bloggen igjen-klokka nærmar seg 1.
På ettermiddagen var eg ferdig med jobben i hagen.
Ingen kommentarer:
Legg inn en kommentar