Klokka er no 20, 25 , temperaturen ute er +25 grader C på trappa, det er heilt passeleg varmt. Det har vore ein fin dag. I dag stod eg opp i skikkeleg tid, og det varte ikkje så lenge før Solveig og Øystein kom, slik dei hadde sagt. Øystein ville male trappa mi, og Solveig hadde kjøpt garn til meg- i Sverige, så no får eg strikke lestar, har alt begynt på den første.
Dei blei her ikkje så lenge for dei hadde "gjester" heime, så det vart ikkje kaffikos i dag.
Eg har ikkje gjort så mykje i dag , men eg vatna i hagen så blomster og gras skal få sitt. Seinare tok eg ein tur til Spar-butikken i Vik. Eg trudde dei hadde noko som dei ikkje har på KIWI, men eg fekk no ikkje heilt det eg skulle ha.
Elles låg eg ei stund på den gamle solsenga, men det var litt kjedelig så eg gjekk inn og begynte å strikke og sjå TV. Eg hadde ikkje hatt på TV-en før i dag, så eg visste ikkje kva som hadde skjedd i verda. Eg synest det har blitt litt rolegare igjen.Men fred i verda er det vel ikkje.Rasmus og famlien hans kjem over helga, så det ser eg fram til no.
Eg let slangen ligge att i graset, for eg må vel vatne i morgon også
Kveldsol på altanen.
Ingen kommentarer:
Legg inn en kommentar