Det gamle huset vi budde i er rive for lengst og det var sant å seie ikkje noko å skryte av. Men eg synest det var 5 gode år vi hadde der. Eg var ikkje i jobb den tida, men passa mine eigne barn heime, Solveig var vel 2 år då vi kom hit, og Rasmus berre eitt. Margrete fekk vi mens vi heldt til der, då ho var 2 år flytta vi til Engeset , og Solveig begynte på skulen.
I dag stod eg ikkje så tidleg opp, det var bra, for eg la meg ikkje tidleg i går, trur klokka gjekk mot 2. Men det var fint ver så etter at eg hadde vore ei stund på REELS tok eg ein runde på Vernet. I dag trefte eg på eit par som eg har møtt ofte i det siste, men i dag plukka dei ikkje bringebær.
Eg hadde ei sterk kjensle av at det var sundag i dag,men Marit og eg bestemte oss for å gå på butikken, og då gjekk søndagskjensla over.
I dag laga eg meg kjempegod middag, steikt ørret med poteter grønsaker og litt rømme.Eg fekk litt dårleg samvit for å innta så mange kaloriar .
Marit var her med meg ei stund og då sat vi ute og såg på hagen min og prata.
Det dårlege samvitet resulterte i at eg tok fram Grasklipparen etter at Marit var gått heim, og så klipte eg heile Skråninga-med oppsamlar. Eg klipte også oppe ved poststativet og spylte klipparen til slutt. Så no kan eg ta helg med godt samvit, trur eg.
Eg er så lite interessert i OL at eg sovnar viss eg set på TV-en for å sjå, eg likar betre å sjå på Reels på Pc-en. Eller eg kan sjå seriar t.d. på TV, og så har eg strikketøyet.
Etter at det begynte å gro til oppe ved Fonnvernet, dukka det opp hundrevis av små bartre. Eg trudde det var gran og tenkte at Ørsta ville ha rikeleg med juletre i mange år framover. Men då eg såg litt betre etter var det ikkje gran, men lerk. Og lerketre er der rikeleg i skogen rett ovafor Vernet. Dei fleste som har kjøpt tomt her omkring har hatt lerk i hagen. Det hadde vi også ei tid, men så kvitta vi lerketreet. Lerk feller nålene kvar haust og dei nålene blir gjerne liggande i takrennene, eller dei kan blåse inn i huset om vindu og dører står opne. Men det ser altså ut til bli lerkeskog ved Fonnvernet.
Ingen kommentarer:
Legg inn en kommentar