Eg vakna relativt tidleg i dag også, og stod opp. I dag tok eg "fredagsvasken" noko som var fort gjort, elles har eg sete og strikka og sett om att krim frå i går kveld for då sovna eg undervegs. Eg åt middag, det var restar frå i går; og så streva eg aldri så lenge med å få eld i omnen med ved frå hagen. Det gjekk berre ikkje , så eg måtte ut i garasjen etter skikkeleg ved, då brann det godt-hageveden også.
Eg visste ikkje kva meir eg skulle styre med, men så kom eg på at det var lurt å begynne på spanskleksa i god tid. Så no har eg jobba med den. Det er berre det at eg gløymer så fort igjen. Eg får skulde på alderen. I morgon ventar eg besøk av Ingeborg og Daniel, dei har vel med seg hunden også. Det er lenge sidan eg har sett dei, for dei var her ikkje i jula, då var dei i Gøteborg. Det blir sikkert kjekt å sjå dei att.
Ingen kommentarer:
Legg inn en kommentar