tirsdag, september 06, 2016

Dagbok 2016: 6.september.

Klokka er 19.00, temperaturen er + 17 grader C. Akkurat no er det litt vind og opplett, men det er ikkje lenge sidan det pøsregna. Eg likar så godt når det blæs, i alle fall når vinden er mild.
I dag har eg ikkje gjort noko særleg, men eg er glad eg fekk klipt ferdig plenane i går-i dag hadde eg ikkje kunna klipt eit strå. Og er trur ikkje der er fleire plommer vi kan redde no.
Nils er framleis slapp og ikkje i form, men utpå føremiddagen var han såpass at vi kunne ta ein tur til Volda og gjere unna nokre ærend der. Var også innom Amfi og handla litt.
Då vi kom heim laga eg "middag" . I dag vart det greske kjøttbollar frå Coop i saus frå Toro med ris til. Tenkte på det at før åt vi fisk i ei eller anna form dei fleste dagane i veka, no blir det litt meir sære rettar. Nils strevar med å få i seg mat.
Eg la meg på sofaen med ei bok etter middag- og sovna, som vanleg.
Litt seinare ringde ei veninne, og så er denne dagen også gått over i historia.

Ingen kommentarer: