torsdag, september 29, 2016

Dagbok 2016: 29.september

Klokka er snart 20.00. Temperaturen er + 10 grader og det har regna i heile dag. Men enno er det von om fleire fine haustdagar.
No har eg site her på "datarommet" i aldri så lenge og rippa bøker som eg har lagt inn på minnepinne til Solveig og MP 3 til meg sjølv. Men eg har ikkje site med hendene i fanget, no er det strikking av lestar igjen, eg finn ikkje på noko anna å strikke, og lestar er sytalaust.
I dag var det ingen som vekte oss, så vi sov lenge. Det er no skikkelig sovevêr også, då.
Etter frokost tok eg meg saman og vaska og rydda i kjøleskapet, det har vore så fullt av mat i lengre tid at eg har ikkje sett meg syn med å ta affære med det, men altså-i dag.
Etterpå shina eg opp kjøkkenet slik at berre golvvasken står att til i morgon.
Så var vi ein tur nedover. Nils skulle bestille time hos fastlegen, og eg skulle på biblioteket. Leverte inn ei bok, og fekk med meg to nye. Eg hadde begynt på ei bok som ikkje fenga meg noko særleg så eg kjem til å lese ei av dei eg fekk i dag.
Det er Nils som bestemmer kva vi skal ha til middag, og i dag vart det fiskekaker i brun saus med mandelpoteter til. Kamerat Kjell har hytte i Skjåk så han forsyner oss med mandelpoteter. Grønerterstuing hadde vi i frysaren. Nils åt godt, og seinare skeia vi ut med krone-is og kaffi. Det er kjekt å ete i lag igjen.
Etterpå fekk eg telefon frå ei veninne og Nils ringde til ein venn. No skal eg joine han som har vore inne i stova ei lang stund åleine.

Ingen kommentarer:

Dagbok 2024: 28.mars. I dag fyller eg 84 år.

Klokka err no17.03, temperaturen ute er+ 10 grader, det er lettskya og fint  I dag har eg fått mange gratulasjonar på nettet -og elles. Eg s...