Nils og dei andre mannfolka mòka og fresa på timesvis. Leigebuarane skulle reise til Vigra for å ta fly til Litauen, så dei måtte få fram bilen. Torbjørn fresa både her og der. Sjølv spada eg fram trappa og kjellardøra. Snøen var våt og tung.
Eg hadde planar om ein tur til Vik i dag, men då det begynte å snø igjen, fann vi ut at bilen kunne få stå i ro.
Eg brukar å skrive om kva eg "gjer" om dagane, og i dag er det enkelt. Eg har stort sett gjort INGEN TING. Dvs. eg har site og strikka og høyrt lydbok, og det kan eg ikkje kalle arbeid.
I dag kokte Nils lange til middag. Eg sat og følgde med sola for å finne ut om ho kleiv over Melshornet, men akkurat i den mest kritiske augneblinken, kom der skyer. Om ho var vekke, var det i alle fall ikkje lenge, sikkert mindre enn ein time. Så om det blir klårvêr har vi snart sol heile dagen. Vindua såg fryktelige ut i sola, men det er ikkje så rart, det har vore mykje vêr i det siste. Og det ser ikkje ut til at det stabiliserer seg med det første.Ikkje så farleg for oss som ikkje skal på jobb om morgonen, men kan bruke heile dagen til snørydding om vi vil.
2 kommentarer:
Vi og hadde kokt lange i dag. Det er ein av yndlingrettane mine!
Eg også er veldig glad i den retten.
Legg inn en kommentar