søndag, januar 24, 2016

Dagbok 2016: 24.januar.


Klokka er 19.10. Temperaturen er +5 grader C, og det er opplett. Vi kom nettopp att frå Hareid, der vi var invitert til middag klokka 15. Vi fekk nydelige kjøttkaker + kjøtt i brun saus, men mykje tilbehør. Eg åt meg litt for mett, så eg var heilt stinn. Til dessert fekk vi kaffi og stikkelsbærkake med heimelaga vaniljekrem + fløtekrem. Ikkje verst det heller ! Takk for oss, Solveig og fam. !
Eg sov dårleg sist natt og har vore rimeleg trøtt i dag, men så har eg ikkje sove middag, så eg får nok ei god natt til mandag, enda eg skal til tannlegen, noko eg har inngrodd skrekk for.
Før middag skreiv eg referat frå styremøtet førre veka, så festa eg trådar på to par lestar og gjorde eitt par klart til "oppattespøting". Prøver å bruke mest mulig av restar eg har liggande. Men eg strikkar ikkje lester av dårleg garn, det er vekkasta arbeid..
Høyrde radio, og etterpå lydbok mens eg styrte på.
Det var mindre snø på Hareid og i Ulsteinvik enn her, men jammen minkar det fort her også. Dessverre. Det var så fint med alt det kvite- etter at det hadde slutta å kome meir.

Ingen kommentarer:

Dagbok 2024: 28.mars. I dag fyller eg 84 år.

Klokka err no17.03, temperaturen ute er+ 10 grader, det er lettskya og fint  I dag har eg fått mange gratulasjonar på nettet -og elles. Eg s...