Vi gikk ei tur før middag, og då trefte vi att dei vi var på kafe med i går, og gjekk i lag med dei eit stykke. Vi kunne ikkje vere så lenge vekke, for Nils hadde avtalt med ein nabo å vere med å sjøsette båten han har kjøpt. Ein annan nabo skulle drage båtvogna. Båten måtte settast på sjøen på Rjåneset, for så å leggast til ro på Lianeset.På Rjåneset er eit skikkelig "drag" der ein lett kan legge ut eller drage inn båtar. Mens Nils var vekke, nytta eg høvet til å lese i lydboka mi, det har ikkje blitt lese så mykje siste dagane.
Middagen i dag var lettvint, restar frå fredag! Smakte minst like godt i dag. Aberet var at det blei litt for lang middagskvild etterpå.
Men så vakna B-mennesket omsider, og eg fekk gjort litt av kvart i huset. Tok til og med på meg forkle for å ha ein lomme til iPod-en og boka mi.
I morgon skal både Nils og eg på styremøte i pensjonistlaget, for han er vararepresentant. Eg skal kanskje på møte tysdag også, for eg har representert pensjonistlaget i gruppa som førebur Aktivitetsdagen som vi skal ha fredag.Viss vi no får fint vêr blir det også noko å henge fingrane i ute.Nok å ta seg til.
Ingen kommentarer:
Legg inn en kommentar