Klokka er 18.00. Temperaturen + 8 grader C og det styrtregnar ute. Det har det gjort heile dagen.Så vi har hatt ein innedag. Eg har alltid noko å pusle med, og så såg vi Stjernekamp i reprise. Det er svært sjeldan at eg ser TV før klokka 21 om kvelden, unntaka er fredag og laurdag.
Litt husarbeid finn eg alltid, og så har eg strikka litt og høyrt bok. Til middag steikte eg sei. Det smakte godt etter to dagar med hjortegryte. Eigentlig vil eg helst sove, blir veldig trøtt i dette vêret.
Fekk melding frå Rasmus i dag, då var dei i Bjørneparken. Dei får med seg litt langs med når dei reiser til og frå Ørsta.
Ein av naboane våre har vore svært sjuk siste tida, og i dag døde han. Det er sjølvsagt trist, men når det ikkje var von om betring, var det godt at han slapp å lide meir. Det tynnest i rekkene. Kona hans døde for mindre enn to år sidan, dei var begge fødde samme året som eg. Vi har kjent kvarandre sidan vi alle dreiv og bygde her for snart 40 år sidan, og etter at vi vart pensjonistar har vi hatt meir med kvarandre å gjere enn før. Vi kjem til å sakne Peder og den smittande latteren hans.
Eg legg ut eit bilde frå i sommar av tre gode naboar på plenen vår.Dette var i mai.
Abonner på:
Legg inn kommentarer (Atom)
Dagbok 2024: 26.april
Klokka er no 16.30, temperaturen ute er +8 grader og no skin sola mellom skyene. Det er berre ei lita stund sidan eg kom att frå turen på Ve...
-
Klokka er 17.15, temperaturen i skyggen er + 9 grader, men her i stova må det vere nærmare 30 grader når sola skin inn glasa. I dag var...
-
No har vi rikelig makrell til oss sjølve, enda om diverse naboar har fått sitt. Makrellen kan vi steike, men best likar vi den kald, kokt me...
-
Klokka slo akkurat fem (17.00), ute er det regn og grått og + 9 grader C. I dag har eg vore i full aktivitet heile dagen, noko som er helle...
1 kommentar:
Det var trist med Peder. Tykte eg kjende igjen bildet.
Legg inn en kommentar