Nils og Anne Marie var på ein liten biltur før middag, men eg har vore inne heile dagen. Vi hadde budd oss på lammesteik i dag, og det vart det, til tross for at vi var borti sorten i går også. Og så overraska eg dei med heimelaga iskrem til dessert-den hadde eg laga mens dei var ute. Brukte ikkje oppskrift, men det vart godt likevel. Har nokre eggekviter til overs, så eg må vel smelle i hop ei Pavlova. Kanskje.
Elles har vi site her og strikka og prata, først no har Nils sett på TV-går ut frå at det er fotball.
Var ut for døra for å finne eit fotomotiv, og då kom eg på ei songstrofe: "Visst skal våren komme..." Tulipanane kjem i alle fall, uansett ver og føreforhold. Har ikkje fått rydda opp i beddet enno, men no må eg snart til.
Solveig fekk for mange år sidan ein "avleggar" av ei kristtornbuske av onkelen sin. Kristtorn veks vilt i Solund. Buska trivst på Hareid også, og har vakse seg stor.
I dag gratulerer vi Joakim med konfirmasjonsdagen.Joakim er barnebarnet til Rolf som gav Solveig kristtornbuska.
Ingen kommentarer:
Legg inn en kommentar