Valomari Volotinen er utdanna jurist og jobbar i eit forsikringsselskap. Denne jobben fører han rundt omkring i heile Europa. På desse reisene får han også dyrka sin kjære hobby, han likar nemlig å samle på gamle ting, og mange forunderlige ting kan dukke opp rundt omkring.
Han er gift med den 20 år eldre Laura, som er konditor, og han elskar henne høgt. På reisene sine rundt i Europa får vi innblikk i litt av historia i det aktuelle landet, men om historia er til å lite på er ei anna sak. Noko er vel rett, men grensa mellom sanning og fantasi er nokså flytande.
Denne boka er like sprø som dei andre bøkene til Arto Paasilinna.Og eg frydar meg over den til dels makabre humoren hans.Eg treng vel ikkje å skrive så mykje om boka, for dei som kjenner Paasilinna veit kva eg snakkar om. Dei som ikkje kjenner denne forfattaren, har noko til gode.
Boka er på 6 CD-plater og høver veldig godt for lydbok, sidan her er få personar og ei enkel handling.
1 kommentar:
Herleg humor! Eg har ei bok liggande av han.
Legg inn en kommentar