Det første eg gjorde i dag var å pusse stovevindua innvendig. Så var vi ein tur nedover og handla. Og som vanlig trefte vi folk å prate med. No har eg hatt meg ei lita kvilepause før eg skal støvsuge. Har ikkje så veldig mykje på programmet i dag.(Eg set opp programmet sjølv, så kanskje det blir ein del lesing og strikking?)
No er vi i full gang i pensjonistlaget, har hatt to møter denne veka, og i dag fekk eg mail frå kinosjefen, som spør om det er på tide å starte opp att Seniorkinoen. Klart det! Han foreslo "Hodejegerne" i september og "Barnepiken" i oktober. Eg skal innrømme at eg hadde lyst å sjå "Hodejegerne" då den gjekk her, men tenkte eg ville vente og sjå.......Når det gjeld "Barnepiken", så trur eg det er ein godbit. Mange har sikkert lese boka, og likt den. Det har eg i alle fall. Agiterer litt for Seniorkinoen her på bloggen, for det ville vere kjekt om fleire tok imot det tilbodet. Det er inga aldersgrense verken oppover eller nedover. Kjekt om vi fyller salen.
3 kommentarer:
Eg er imponert over film -ønskelista til pensjonistane i Ørsta. Eg treng visst ikkje ha dårleg samvit fordi eg i min alder diggar krim. Det er no litt anna enn Poirot, Miss Marple og Derrick.
Siste nytt i pensjonistlaget her er seniornett, sjå
http://www.eidaportalen.no/nyhende/item/2052-skipar-seniornett-eid
Kinosjefen/kultursjefen er ein veldig grei samarbeidpartnar.Han forstår at vi gamle gjerne vil sjå aktuelle fimar, og sidan Ørsta har premierekino, får vi dei nye filmane like tidlig som i Oslot.d.
Synest du og Svein må ta ein tur oppover på kino ein gong. Kinosjefen heiter Bjørn Holum, og song i si tid i SKRUK, han var også med i korslaget i 1.sesongen.
No er vi venner på FB-det var han som spurde!
Legg inn en kommentar