Dagbok 2023: 30.april

 

Klokka er no 18.51, temperaturen ute er+ 4 grader. Eg kom nettopp att frå ein runde på Vernet. Der oppe var det mykje snø og slaps på vegen, og eg gjekk i "småsko"- men det gjekk bra.Toler no å bli litt våt når ein eikkje frys

Elles har eg hatt ein innhaldsrik og sosial dag i dag også. Då eg sjekka Messenger etter frokost, var der melding frå Einar som som ville komme på besøk. Eg hadde no føremiddagen fri til å lage mat til oss to, så slapp eg å kjede meg.Menyen var som så ofte før, kjøttkaker og is. Etter at Einar hadde reist og eg hadde rydda opp litt, var eg ein tur opp til Marit og drakk meir kaffi og åt meir is.

Men så måtte eg ut og lufte meg litt, så vart det Vernet i dag også, eller "strafferunda" som eg plar seie. Forma er ikkje lik alle dagar, men i dag var eg veldig lett på foten.

I morgon er det som kjent 1. mai,, og då seier tradisjonen at eg skal til Volda og feire dagen med Margrete og Co. Eg køyrer bort sjølv så det går greitt.

Dagbok 2023: 29.april.

 

Klokka er no 17.46, temperaturen ute er + 2grader C og det kjem eine snøbya etter den andre-akkurat no er det nesten sol. Eg har nettopp vore ute og gått tur og tatt bilde, men eg får ikkje bilda rett plassert , trur eg. Eg har no gjort berre slik eg brukar å gjere det, så eg får det vel til med tid og stunder.

Rett før eg kom heim, kom det ei voldsom snøbye. Då kom eg på kva mamma brukte å seie: "April snø og mai kulde gjør bondens løer fulle." Dette hadde ho lært av faren sin. Gamle besten Isak kunne så mykje om vêrspådomar, om dei var å lite på er ei anna sak. I den gamle tida då dei ikkje hadde verken radio eller TV, hadde dei mange slike spådomar. Viss dei ikkje slo til, så var det no berre å gløyme, men noko rett var det vel  ut frå erfaringar dei hadde gjort.

I dag stod eg opp tredje gongen eg vakna. Det var no ikkje noko særleg på timeplanen i dag, så eg vart no sittande å strikke mens eg høyrde om alt det vonde som skjer i verda og som vi får høyre om på tV.  Elles så prata eg med fleire på Messenger. 

Eg sette på ei grauta - panne i dag også; når eg ikkje har brukt melk heile veka, så må eg koke graut i helga. Og så skulle eg handle på KIWI. Eg hadde laga meg ei lita liste. Mens eg var på butikken begynte eg å lure på om eg hadde slått av plata som grauten stod på. Eg sette opp farten og kom meg heim på no time. Og ja, der stod grauten på plata, og plata stod på 3, eg brukar å ha den berre på 2. Men ikkje noko gale hadde hendt, ikkje det minste brunt i botnen. Og takk for det! Eg har diverre veldig dårleg hukommelse av og til, så eg må lære meg nokre knep, slik at det ikkje skjer så mykje gale.

Eg fann ei melding frå Solveig på PC-en, ho og Øystein ville komme innover ein liten tur-og det var no kjekt. Solveig ville ha med seg nylaga bollar, så eg skulle ikkje lage til anna enn kaffi, smør og sylte. Og slik vart det. Øystein plagast med ein arm så han kan ikkje ta store utfordringar-i dag var det Solveig som køyrde bilen. Og så hadde ho med seg masse lestegarn, slik at eg skal ha noko å henge fingrane i. Det gjeld berre å ikkje strikke for mykje for då blir det vondt både her og der.

Det vart ei koseleg pratestund i dag, eg set pris på å få vere sosial innimellom. Heldigvis trivest eg godt åleine også.

Etter at dei hadde fare, gjekk eg min( nesten) daglege tur på Vernet. Ein halvtimes tur for dag skal gjere underverk seier dei som forstår seg på det. 

No vert det to fridagar for dei som er yngre, mens eg har 365 fridagar i året. Det er det gode med å vere pensjonist. GOD HELG!

Dagbok 2023: 28.april

 Klokka er no 17.37, temperaturen på trappa er + 11grader C, det er lettskya og fint, sola har også vore framme, men tidleg i dag var det iskaldt.

I dag stod eg tidleg opp, men då eg såg at klokka var berre 6, la eg meg igjen og sov ein time til. Eg måtte i alle fall tidleg opp viss eg skulle rekke å vaske håret, rulle det opp og få det tørt til klokka 13, eg greidde det-så vidt.

Eg hadde ingen planar for føremiddagen, men fann ut at eg kunne fare over alle bilde-glas med spay og vindusskinn(som det heitte før). Det vart nokså mange bilde når eg var innom alle romma. Men eg rakk no å lese avisa og løyse nesten heile kryssordet før Ragnhild kom.(Sudokuen løyste eg mellom klokka23-og 24 i går kveld )

 Vi var altså på Stødt, og ho kjenner han som driv geskjeften. Ragnhild fikk bestemme menyen, og eg betalte. (Det var forsinka fødselsdag-gåve frå meg). Då eg kom heim kontakta eg Marit og spurde om vi skulle ha ein handlerunde, men ho var opptatt. Derfor gjekk eg ein tur på Vernet i det fine veret .

Men eg ville til Vik og kjøpe garn sidan eg hadde begynt på ein lest, men hadde for lite garn. Sidan eg likevel var i Vik gjekk eg inn på Aandahl og såg om dei hadde fine "toppar" gjerne i blått. Og det hadde dei, eg såg på mange som eg kunne ha tenkt meg, men avtalte at eg skulle komme inn ein annan dag for å prøve.

Handla litt på Clas og på Europris før eg tok på heimveg. Fann ut at eg skulle sjå bortom gravplassen. No hadde dei sett på vatn. Eg ville sjå om blomstrane eg hadde planta hadde overlevd snøen og kulden og det hadde dei, sjølv om dei var litt puslete. 

Så er det fredagskveld igjen og no står vi framfor ei langhelg sidan det er 1. mai på mandag, snakk om flaks! No må eg hugse å handle inn mat i morgon. Eg veit ikkje kor vidt det blir aktuelt å feire 1.mai i Volda i år også-det er liksom ein tradisjon.

Ønsker alle ei god helg uansett politisk tilhøyring-!

Dagbok 2023: 27.april

Klokka er no 17.55. Temperaturen ute er +5 grader, no regnar det, men det er ikkje så lenge sidan det var ei snøbye. Dei små blå strenenblomstrane har vore nedsnødde fleire gonger. Men akkurat no er der ikkje snø på plenen.Det var Marit som køyrde på treninga i dag, og vi måtte koste snø av bilen både då vi for nedover og då vi skulle heim. Snø i april er no eigentleg ikkje så uvanleg, men vi hadde det så fint før snøen kom att. Bilda  under har eg nettopp tatt.

Etter at eg kom heim frå trening+ handling av mat, laga eg meg eit godt grønsak- måltid. Men etterpå vart eg litt i tvil om kva eg skulle gjere. Vart sittande å sjå litt TV, men så tenkte eg at eg måtte høyre om Ragnhild var heime, for vi hadde ein lunsj-avtale. Eg fekk svar med ein gong. Ho hentar meg her klokka 13 i morgon. Eg hadde også sendt melding til Marit og spurt om ho ville komme ned. Ho svarte ikkje med ein gong, men då eg hadde tenkt meg ut og gå på Vernet, kom ho -og det var kjekt.

Av dette lærte eg at eg ikkje kan sitte berre å vente på at folk skal komme etc. -av og til må eg ta litt initiativ sjølv.

Marit kom og vi åt is og drakk kaffi slik vi plar gjere. No er sola framme så vidt, og då ser ein straks litt lysare på livet.

Det blir vel ikkje så mykje handling med meg i morgon, men Marit og eg skal kanskje yta oss ein runde på onsdag. I morgon kan eg hoppe over fredagsvasken, for eg har vaska bra før i veka.

 

Dagbok 2023: 26.april

Klokka er no 17.06, temperaturen ute er + 6 grader, det er mest overskya, og det er kald vind. I dag tidleg då eg stod opp låg markane kvite, men no er nesten all snøen vekke igjen.

I dag tidleg hadde eg planen klar og då blir det gjort noko. I dag hadde eg som mål å vaske "ned" kjøkkenet: tak, vegger  etc. Inne i skapa har eg vaska før så det slapp eg. Heiv gardinene inn i vaskemaskina, og då eg var ferdig å vaske, kunne eg henge dei opp med det same. Eg gjer det slik med stovegardinene også, og dei blir finare på denne måten enn når eg stryk dei.Då eg hadde fått alt på plass åt eg litt før eg gjorde meg klar till ein runde på Vernet. Det er no bra trim å gå opp og ned ei gardintrapp nokre gonger, men eg hadde meir energi igjen så eg tok "strafferunda" i dag også.

Men dagen er no ikkje heilt over enno, eg har ei oppvaskmaskin som skal tømmast og så  greidde eg ikkje å la vere å begynne på ein lest i går kveld. Når det igjen blir finever , kan eg ikkje gå inne og styre, derfor prøver eg å gjere mest mulig inne når det er kaldt og surt eller regn ute. I morgon er det trening igjen, det er no litt sosialt det også.

 

Dagbok 2023: 25.april

Klokka er 16.44, og no går den rett, for i dag har eg vore til urmakaren og fått nytt batteri pluss at han fann ein annan feil også. Eg var hos urmakaren mens Marit var på apoteket, avtalen var at eg skulle vente på parkeringsplassen nedanfor Rygh-huset. Og der tok eg bilde. Det var Marit som køyrde i dag. Akkurat då var veret bra men vi har hatt både sludd og snø i dag. Ikkje er det varmt heller, berre + 4 grader. Men litt må vi vel tole etter ein heil månad med finever.

Då eg kom heim att, bytte eg på meg andre sko  og gjekk ein runde på Vernet, då kom det litt nedbør. Eg laga meg middag då eg kom heim, og etter maten slappa eg av ei god stund. 

Eg sit og ser opp i taket på stova, taket skulle ha vore vaska, for det er meir og mindre svart. Det kjem av at eg fyrer med litt av kvart og av og til er omnsdøra open. Eg har tatt ein stikkprøve, dvs. prøvd å vaske litt, og kluten blir grå(svart). Det eg lurer på er kor mykje og grundig ein må vaske før ein ev. malar over. Det er lenge sidan det taket fekk eit strøk med maling. Å vaske det litt, greier eg sjølv, men male det kan eg ikkje gjere. Eg kan vaske litt og litt med moppen på langt skaft, det skulle bli bra nok til å male oppå ?

Ja eg har ein nabo som er malar, så eg kan no høyre med han-.

I går hadde eg veldig arbeidslyst, då fekk eg begynne frå morgonen av, håper lysta kjem att i morgon for då har eg heimedag.

Rasmus er i Tyskland, så han er ikkje heime og feirar Wenche sin bursdag i dag, men to av gutane er vel i nærleiken?

Eg saknar strikketøy, men eg er streng med meg sjølv. For det første har eg ein litt vond tommel og for det andre må eg sjå til å få gjort noko-ikkje sitte berre med TV og spøt.

Gratulerer med dagen Wenche!

 

Dagbok 2023: 24.april

 Klokka er no16.35, temperaturen ute er + 6 grader, eitt og anna snøfnufgg ser eg i lufta, men det er mest opplett. Men ikkje sol.

Eg har stort sett lata meg heile helga, så i dag måtte eg få unna litt husarbeid, når det likevel er innevêr. Badet stod øvst på lista mi, så eg bar ut alt som var i vegen før eg sette i gang å vaske. Der var ikkje så mykje skit, men eg synest at det rommet må vaskast kvart år, for det er på ein måte det rommet som bør vere reint -alltid. Det er veldig vanskeleg å få vaska der skikkeleg på grunn av dusjkabinettet som ikkje kan flyttast Nok om det , eg kom i mål i år også. Då ringde det på døra og eg fekk "besøk" av ei nabodame. Vi vart no sittande å prate ei stund og etter at ho gjekk, laga eg meg litt mat. Etter at eg hadde ete hadde eg eit nytt prosjekt, så no har eg pussa stuevindua på innsida og støvsuga og tørka støv i stova.

Eg kunne godt ha tatt ein tur på Vernet også, men no sparer eg litt energi til i morgon for då skal vi på trening igjen.

Eg har ikkje strikketøy, fordi eg har strikkepause på grunn av ein vond tommel. ME- i går fann eg meg enda ein serie om kongar og dronningar i England. Denne er om Ann Boleyn og Henrik den 8. Verre kan det vel ikkje bli?

PS: Dessverre var det berre ein kort serie, så eg må sjå meg om etter andre kongelige.

Dagbok 2023: 23.april

 Klokka er no16.37, og temperaturen ute er+8 grader C- Det har regna litt av og til i dag, men no når eg gjekk tur, var det opplett.

Det er ikkje ofte eg seier det, men i dag har det vore ein nokså kjedelig dag. Eg kan ikkje skulde på andre enn meg sjølv, for eg står fritt til å gjere det eg vil. Men i dag hadde eg lite på programmet, så eg vart gåande her og tusle for det meste; eg har TV, men ikkje strikkegarn- så det var litt dumt. Eg kunne ha kjøpt garn i går, men eg tenkte å late venstre tommelfingeren få fred nokre dagar, for han hadde hovna opp-. Eg har passa Lollo , katten til Marit, i heile helga, og ho kjem springande når ho ser meg, men inn vil ho ikkje- berre få mat på trappa. Trur vi har sakna Marit begge to i helga.

Eg laga middag i dag, og det vart steikt ørret slik eg brukar å ha kvar sundag, men i dag syntest eg ikkje den var så god, så eg får kanskje ta ein pause. Etter at eg hadde rydda opp tok eg ein runde på Vernet, det var friskt og godt å komme seg ut. Både bjørka og lerketrea blir litt grønare for kvar dag, men det visest ikkje så godt på bilda. Sat ikkje på alle benkane i dag, men på ein av benkane låg der noko som eg syntest såg ut som ei drone.Der var mange batteri festa til den.Kan det vere nokon som har lagt den frå seg- eller har den landa sjølv?

Eg har ingen spesifikke planar for morgondagen, men blir det inne-vêr får eg vel begynne på nedvasken. Den blir tatt litt meir lettvint for kvart år.

Eg går og ser på hagen her og prøver å fine ut kva eg skal pynte opp med, men eg ventar til MAI månad.

Her om lag var det Rasmus saga ned ei gran sist haust, eg har tenkt å plante ein eller fleire Rhododendron her, men dei var alvorleg dyre sist haust, så eg får sjå på det. Eg har mykje å gjere ute, og inne, så arbeidslaus blir eg ikkje.

I dag fyller svigerinna mi på Eid 78 år. Ho bur i huset i Alleen, og eitt av barnebarna bur i 2.etasje, der som mamma budde ein gong. Bodil er heldig med at så mange i familien bur i gangavstand så ho har sikkert hatt besøk i dag.

Gratulerer med dagen, Bodil!

Dagbok 2023 -22.april

Klokka er no 17.00, temperaturen ute er+ 13 grader C, det er sol og fint enno, men det blæs litt i dag og det kjem skyer på himmelen.

Marit er på besøk hos Kjartan, så då er eg utan venninne. Men eg har no katten til Marit, og ho kjem ned hit med det samme ho forstår at Marit ikkje er heime. Eg gir henne mat på trappa for ho vil aldri komme inn.

Eg var ikkje sikker på kva eg ville bruke denne dagen til, så eg gjekk ein runde på  Vernet først, best. Der trefte eg ein av kameratane til Rasmus , han var ute og gjekk i lag med mor si. Eg var litt i tvil om eg kjende han att, for eg har veldig vanskeleg for å hugse korleis folk ser ut. Men denne kjende eg, men anten hadde han vakse ein halvmeter sidan sist, eller så er det eg som har minka tilsvarande.

Eg visste ikkje om det kom nokon i dag, men det såg ikkje slik ut,så eg gjorde unna helgehandelen først best. Då eg kom heim laga eg meg grønsakmiddag, det er ei stund sidan sist.

Eg hadde ein liten jobb ute i hagen, men noko storarbeid ville eg ikkje begynne på, det kan bli både regn og snø enno før mai kjem

Eg såg på dei lange fjølene som låg der og lurte på om eg greidde i  sage dei med hand. Det greidde eg så vidt, men så såg eg at eg hadde mange ubrukte fjøler i ei kasse, frå den tida då eg rydda opp etter "takmannen." Det vart til at eg saga opp alt i hop, og det vart ein heil sekk med "ved". Så fekk eg gjort litt til gagns i dag også. Og så fekk eg på plass snøskufla med det samme. Der er ikkje all verdas plass i tilbygget, så alt eg får vekk er positivt.

Den sekken som står attmed sagkrakken, var det eg fylte opp i dag+ litt anna.

Det er ikkje varmt nok til å ligge på altanen, trur eg, og eg orkar ikkje å begynne på hagearbeidet i dag. Viss eg finn det ut, kan eg køyre på PLANTASJEN i morgon og kjøpe mold etc. Vil ikkje plante noko enno-det er for tidleg.

Eg trur jorda treg væte no, men håper nedbøren kjem i flytande form og ikkje skal mokast.

 

Dagbok 2023: 21.april

 

Klokka er no 17.21, og temperaturen på trappa her er 17,5 grader. Vi har enda ein nydeleg dag med blå himmel og sol. Men no varer det vel ikkje så mykje lenger.

I dag har eg hatt ein rimeleg ryddig dag. Eg stod opp i 8 tida, og vaska og rulla opp håret før eg åt frokost og begynte på fredagsvasken. I dag fekk eg vaska på soverommet også, sidan det gjekk an å ha ut golvteppa. Då eg var ferdig å vaske åt eg litt før eg skulle ta ein tur på Vernet. Marit kom ned med kattematen, for eg skal passe Lollo denne helga. Marit skal besøke Kjartan og familien.

Det var ikkje så veldig varmt då eg skulle gå, så eg kledde nok litt for mykje på meg. Det er ofte kald vind på Vernet, men ikkje i dag. Eg gjekk seint og sat lenge på kvar benk for å få vere mest muleg ute i sola. Ein ung mann sprang forbi meg to gonger mens eg sat på ein benk. Han hadde kun sko og shorts på seg, så han heldt seg varm nok med mosjon.

Eg er ikkje heilt god i føtene for tida, men det er no ikkje noko som er skikkeleg gale. Då eg kom heim, la eg meg på solsenga på altanen med lydbok på øyret, og der låg eg så lenge det var straum på telefonen.

Eg har ikkje ete middag enno, og eg svelt. Eg er svolten heile tida, og eg har nok ete for mykje denne vinteren, så no må eg sette bremsene på. Eg trudde eg skulle få mindre appetitt når eg vart gammal. Det slo ikkje til.

Sidan vi er komne til fredag enda ein gong vil eg ønske alle ei god helg. Fineveret varer vel ikkje så mykje lenger no, men eg håper no vi får ein fin sommar også. Det er ingen som kan hindre oss i å håpe.

                                       God helg!

Dagbok 2023:20-april

 Klokka er no + 16 grader C og det har vore endå ein nydeleg dag. Det har vore herlege dagar, og vi tek enda imot fleire slike. Men eg har faktisk observert ar det er veldig tørt mange stader, så jorda treng kanskje regn snart,

I dag var vi på trening igjen og etter treninga handla Marit og eg litt på KIWI. Då eg kom heim vurderte eg å ta ein tur på vernet, men så bestemte eg meg for heller å lage ein skikkeleg middag til meg sjølv, det er ei stund sidag sist. 

Eg bestemte meg for spekesild og laga i stand mykje godt til å ha attåt. Men då eg smakte silda var den alt anna enn god, den var rett og slett ramsalt. Då las eg på posen:Vannes i 2til 5 timer før bruk. Det var ikkje slik sild som den eg har kjøpt før, men eg åt den likevel, og sidan har eg DRUKKE:Brusen er det slutt på no, så det går i juleøl utan alkohol, eplejus og til og med vatn. 

Eg kom meg ikkje på Vernet men eg begynte å rydde i jordbæråkeren. Det er ikkje sikkerat eg kjem i mål, for eg er ikkje så kvikk lenger. Men eg likar no å styre på .  Nedanfor garasjen har eg eit bed der eg har planta tre små busker, men så har eg sett ned løkane der når eg har fått eller kjøpt løkblomster i potter, så no kjem der opp litt av kvart, raude tulipanar fann eg i dag, og påskeliljer og blå perleblomster. 

Eg må bort på Plantasjen og kjøpe diverse mold m.m.Det er vel litt tidleg å plante så mykje, vi blir kanskje lurt av det fine veret.Eg har no vaska og hengt opp kassane utanfor kjøkenglasa, men har ikkje bestemt kva eg skal ha der i år.

I kveld får eg vel hente ut ein vanskeleg sudoku frå avisa som kjem i postkassa i morgon.

Dagbok 2023: 19.april

 Klokka er no19.05, temperaturen ute er + 15 grader C, og det har ikkje vore ei sky på himmelen i heile dag.

I dag sov eg til klokka var 8 og då stod eg opp. I går hadde eg lova meg sjølv at det første eg skulle gjere i dag var å vaske og rydde i kjøleskapet. Og det gjorde eg. 

Marit og eg avtalte å gå på gravplassen og vatne og det gjorde vi, og eg trur det var bra,for sola skin så det tørkar opp lett.

Så gjekk eg ein tur på Vernet og sat på alle benkane og sola meg for å vere mest muleg ute.. 

Då eg kom heim tok eg meg litt mat før eg begynte å shine meg opp til pensjonistmøtet. Eg greidde å få håret nokonlunde bra i dag. Og fleire sa at eg var fin.Men det varer ikkje lenge.

Pensjonistmøtet var på Røde Kors-huset denne gongen. Det som var litt irriterande var at der var dårleg lydanlegg, og at eg hadde gløymt å ta på meg høyreapparat.

Rigmor var der og fortalde om det ho har skrive bok om. Eg fekk boka i gåve av henne i for på denne tid, så eg kan no lese den om att.

Det var to unge damer som spelte nydeleg musikk på piano og fløyte.Musikken fekk meg til å tenke på Irland, og det var vel ikkje så rart?

Eli snakka om pensjonistturen 30.juni-1.juli til Moldetraktene og Sunndalsøra, men eg har ikkje greidd å bestemme meg, så det blir ikkje tur på meg i år heller. Marit skal heller ikkje vere med, for ho skal i bryllaup i Polen seinare på sommaren.

Vi fekk noko godt å ete i dag, noko som dei lagar på ASKO. Det var ei slik mjuk "lefse" med godt fyll.

Etter at eg kom heim tørka eg støv inne i bilen og spylte den litt utanpå. Sola skin framleis, men her oppe på bøen varer det ikkje så lenge no.

Då deg skulle finne noko å ha på meg i dag, såg eg at det var manko på sommarklede generelt, så Marit og eg vurderer ein tur på Aandahls.

Her vurderer eg å plante noko, det vart litt snautt etter at Rasmus saga ned grana i fjor. Ja, det var no eg som ville ha den vekk, då.Eg tenkte på ein Rhododendron øvst oppe der er to rhododenron frå før.

Dagbok 2023: 18.april

 Klokka er no17.46, temperaturen ute på trappa er + 16 grader, og det har vore sol frå morgon til kveld. Når eg står tidleg opp, som i dag, er det ikkje sol her hos meg, men på Melle og sørsida av fjorden er det sol. Det er litt bakvendt, men det er fjella som bestemmer.

I dag var det trening, og etter treninga var vi på handlerunde, Marit og eg . Vi var heilt bort i Furene før vi fann det vi ville ha. Men vi handla litt på SPAR også.

I dag er det 5 år sidan Nils døde, og eg ville fram på grava med blomster -i går tok eg heim dei som var der då. Eg fekk planta dei nye, men sidan dei ikkje har sett på vatnet der borte, må eg kanskje fram og vatne i morgon. Vi for heimanfrå i dag kl-9.40 og klokka vart nesten 16 før eg fekk slappa av. Eg åt litt og la meg ut på solsenga og eg trur eg sov litt.

No har eg vore ute og prata med naboane i aust, dei var flittige og flinke og har snart alt på stell. Det har ikkje eg, men det er no enno tidleg vår.

Eg gjekk ikkje på Vernet i går og eg har ikkje gått der i dag heller, tenkte å spare knea mine litt. I morgon er det pensjonistmøte på Røde Kors-huset, der har vi aldri hatt møte før.

Det er som eit under på jord å få desse fine dagane no. Vi trong litt godver etter ein mørk vinter.

Eg skulle vel ha gjort litt meir ute, men det er ikkje så mykje eg KAN gjere enno.

Dagbok 2023: 17.april

 Klokka er no 17.3, temperaturen på trappa er +15-16 grader C. Det har vore ein utruleg fin dag, reine sommardagen, spør du meg.

Eg vakna tidleg, som vanleg, men i dag var eg så låk i venstre foten at eg måtte berre stå opp og komme i bevegelse, for det hjelper.

Eg hadde ikkje plan for dagen, men på denne tida av året er det lett å finne oppgåver. Eg var mest muleg ute,  reinska ugras, tok opp løvetannrøter etc.etc. Det er ikkje så gale i hagen i år, likevel er det mykje som står på vent. Eg fekk gjort diverse ting inne også. Eg skulle ta vaksine kl.15, så eg heldt meg heime til den tid. 

Eg var mellom dei første som kom på Helsehuset, derfor fann eg parkeringsplass og slapp å stå så lenge i kø, trur ikkje det var stort meir enn 10 som kom før meg i køen. Då eg kom ut att frå vaksineringa var køen så lang som eit vondt år. Eg  hadde fått beskjed om å sitte i ro i 20 minutt. Det har eg fått på alle vaksineringane, men eg har aldri sete tida ut. Der var fullt overalt, så eg tenkte at eg like godt kunne sette meg ut i bilen- og sitte der i 20 minutt? Nei, eg fekk no rygge bilen så den stod rette vegen, og då kunne eg like godt køyre ned på ALTI og sitte der og vente. Det blei ingen ventepause på meg nei, eg gjorde ferdig ærenda mine, og så køyrde eg heim. Der var veldig mykje trafikk akkurat då, men alt gjekk bra. Det var mi 5. sprøyte mot Koronaen. Marit fekk si 6. Ho hadde eit anna ærend, derfor køyrde vi ikkje i lag. Men i morgon er det trening, og då skal eg køyre begge.

Eg hadde tenkt meg ein tur fram på grava i morgon, for då er det 5 år sidan Nils døde. På heimvegen stakk eg bort og ville sjå kor det stod til med blomstrane. Dei var nesten visna, eg har ikkje tenkt over at det har vore så mykje opplett. Eg skulle vatne blomstrane, men dei hadde ikkje skrudd på vatnet enno, så eg måtte ta blomstrane med heim. Kanskje kan dei vere her  viss eg får tak i noko som eg kan plante i jorda der framme- Får sjå i morgon.

Eg har drive og skrapa på malinga på altanrekkverket. Eg hugsar at vi ein gong i tida hadde eit verktøy som vi kunne få vekk maling etc. med. Det vart øydelagt, men det går vel an å kjøpe eit nytt. Eg var oppom Clas i dag men spurde ikkje der, må vel på Jernia.

I dag har eg ikkje gått på Vernet, eg tenkte å spare foten min, men no har eg veldig lyst å gå tur. Kanskje ein tur i hagen?

Dei kviknar til-stemødrene, men eg trur eg vil ha dei her heime og finne noko anna til grava.

Dagbok 2023: 16.april

 

                                                                           Akkurat no

Klokka er no 18.32. Temperaturen ute er + 14 grader C og vi har hatt sol i heile dag. Eg stod opp klokka 8 og alt då var det strålande sol. Vi får nyte desse dagane så godt vi kan, det er ikkje sikkert kor lenge dette veret  varer.

Eg har hatt ein roleg dag, men eg kan ikkje seie "kjedelig" no når det er så fint.

Som vanleg såg eg gudstenesta på TV, i dag strikka er ikkje så mykje, men fekk bøtt ein lest.

Elles sette eg på vaskemaskina før er shina meg opp ,dusja og vaska håret. Rulla det opp, men heller ikkje det hjelper noko særleg, så det blir å vasskjemme seg innimellom.-

Eg hadde så mykje melk som var nesten ute på dato, så eg sette i gang å koke graut. Etter ei stund gjekk eg tur på Vernet, men det vart ikkje kjekt i dag. For med det same eg kom opp begynte eg å lure på om eg hadde slått av plata på komfyren. Eg såg for meg at grauten stod og kokte utover heile omnen etc. Eg tenkte på å ringe til Marit og be henne gå ned og sjå etter, men eg satsa på å gå fort og komme fort heim. 

Der var sjølvsagt alt i orden, plata var av og grauten var berga. Så sette eg plata på fullt og kokte ferdig- men då sveid den litt ned i botnen. Eg likar ikkje svidd graut, men viss eg let att augene , så smakar det heilt O K. Eg hadde tre sortar med spekepølser og mikrokokte poteter til for-rett.

Elles har eg vaska ei maskin med klede og ei maskin med dekketøy etc. Og så har eg leita fram ein del klede som er brukbare, men ikkje av meg. Dei skal eg gi til Frelsesarmeen, så får eg litt betre plass i skuffer og skap-og så kan eg kanskje kjøpe meg noko nytt. Det er ikkje ofte eg handlar klede no for tida- så det er vel på tide å skaffe seg noko som er nytt av året.

Elles tok eg meg ei stund på solsenga med lydbok-eg er ikkje heilt sikker på om eg sovna eller ikkje.

I morgon skal eg ikkje på trening, men må nedover likevel, for no skal eg få den 5.vaksinesprøyta -og det er nede på Helsehuset, ved sidan av Legesenteret. Vi var der i fjor vår også.Det er ope kl.15-17.

Sist haust fekk vi nokre fine dagar, då eg rydda opp i hagen. Det er kjekt no, at eg slepp å gjere så mykje i første omgang. Eg har eit epletre som skulle ha vore saga ein del av, men det gjer eg ikkje sjølv. Sist gong det vart saga , var det Audun som gjorde det. Epletre kan ein sage kor tid som helst på året.

Dagbok 2023: 15.april

"Opp, jeg vil opp, sa rabarbraknupp"

Det var eit dikt i ein ABC som begynte slik.

Klokka er no17.42, temperaturen ute er + 13 grader C, det er skya, men opplett. Før i dag var det sol. Eg vakna tidleg i dag, men stod ikkje opp med ein gong. Eg hadde god tid etter frokost for eg hadde ikkje planer om noko idag. Så endeleg kom eg i mål med sudokuen som eg begynte på torsdag kveld. 

Eg gjorde ein liten avtale med Marit om at ho skulle komme ned og drikke kaffi med meg litt seinare-og så gjekk eg ein tur på Vernet. Ikkje mange som var der så tidleg på dag. I dag har det vore sundag oppe i hovudet mitt-for eg har ikkje vore på butikk.

Då eg kom heim kokte eg kaffi og fann fram gulrotkake, og så hadde Marit og eg ei god pratestund.

Då eg vart att her åleine, var eg litt i tvil om eg kunne ta helg, eller om det var noko eg kunne utrette. Eg slapp å tenkje lenge for eg kom på ein heil dunge med nedsaga greiner og stammar som har lege under altanen sidan sist haust. Kanskje eg kunne prøve å sage litt for å teste ut den fine sagkrakken. 

Eg saga inne i tilbygget for der er støypt golv som gjer det lett å koste opp og få det ryddig. Eg har tre handsager, kjøpt på Clas, og den tredje var det enno litt bit i. Og bråkk kjende eg at eg fekk att arbeidsgleda, så det vart til at eg saga opp alt saman og rydda opp etter meg både inne og ute. Det vart ei stor pappkasse + ein liten sekk med ved.

                                           Og ute blei det ryddig.

Det var god hjelp i å ha sagkrakk, før har eg brukt ein øydelagd plast-stol.

No kom eg på at eg ikkje har laga middag i dag, men eg finn sikker eit kvar i ein av fryserane mine.

GOD HELG

I dag fyller denne kjekke unge mannen 26 år-og eg er så heldig at eg er mormora hans.

GRATULERER MED DAGEN,EIRIK.

Dagbok 2023: 14.mars

 Klokka er no16.45. Temperaturen ute er + 17 grader og eg kom nettopp att frå ein tur på Vernet. Det er ein nydeleg dag her i dag, nesten som sommar.

Eg var ute tidleg på føremiddagen, då klipte vi litt av hekken vår, Marit U og eg. Eg vart ferdig med fredagsvasken til Einar kom innom ein tur etter klokka 12.Vi drakk kaffi og åt litt. Han hadde to saker han skulle skrive om, ei i Ørsta og ei i Volda.Så kom han hit i pausen

Resten av dagen har eg ikkje gjort noko særleg, berre prøvd å komme i land med sudokuen som er i dagens Møre Nytt.

Det gjorde godt med ein liten mosjonsrunde.

Her heime gleder eg meg over dei fine vårblomstrane, godt for dei også at dei ikkje blir øydelagde av regn og anna dårleg ver. Eg har ingen planar for helga, men finn vel på noko.

Eg har slått opp og funne namnet på desse blomstrane, men hugsar det aldri heilt sikket. Det kan vere russeblåstjerne , eller Sibir.... Eg har aldri kjøpt eller planta løkane, så dei kjem vel frå ein annan hage. Plenen opp mot vegen brukar å vere heilt blå, og no har mange lurt seg ned i beddet også.

 Her er det scilla og blåstjerner i god blanding.Ser ut som der kjem tulipanar også. Løvetennene er ikkje komne så langt, men eg får nok snart nok å gjere med å ta dei opp med røtene.

Sidan det er fredag vil eg ønske alle ei god helg. Håper det fine veret varer.

Dagbok 2023: 13.april

Klokka er no16.40, temperaturen ute er +17 grader C, det er delvis skya, men sola er også framme.

I dag vakna eg tidleg igjen, men greidde å ligge i ro til klokka 7. Marit køyrde til treninga i dag, og eg sat på, for eg hadde slått frå meg å fare til urmakaren i dag.

Etter at vi kom heimfrå treninga  gjekk eg tur på Vernet i det fine vêret, trefte to damer som eg prata med , eg kjende den eine litt, men ikkje den andre. Men dei kjende visst meg. Eg trur eg er litt "kjendis" for folk som går på pensjonistmøter. 

Då eg kom heim att laga eg meg god middag og dessert. Eg måtte ha ein pause etterpå. Etter kvart som eg kvikna til igjen, bestemte eg meg for å ta ein tur på KIWI. Det var veldig lurt for akkurat då kom alle som hadde vore på jobb og handla på heimvegen. Men det gjorde ikkje noko for alt går fort unna . 

Både i går og i dag har eg kosta singel og sand frå gata og ned på tunet, og så rakar eg der det er tendens til steinar og anna rot. Plenen ovafor i garasjen skulle sikkert vore oppattpløgd og sådd på nytt, men det blir ikkje mi oppgåve. Elles seier eg at eg kan ikkje begynne å rydde i hagen no, for der er krokus   overalt. Og andre løkblomster finn eg overalt også. Og i dag fann eg ein løvetann. Då eg gjekk opp trappa på Vernet såg eg hestehov som blomstra. 

Den blomsten(ugraset) hadde eg ikkje sett før eg kom til Ørsta. Den har eit artig namn på latin: "Tussilago Farfara" -det er lett å hugse.

                                                               Tussilago Farfara
                                               

I beddet ved Urke-garasjen har eg diverse løkar, og t.d. denne primulaen. Eg skal plante på nytt her, men eg har ikkje bestemt enno kva det skal vere. Vi tok vekk ei nokså stor kjeglegran der i fjor då Rasmus var her. Eg har tenkt på Rhododendron der også, der er to frå før litt lenger oppe, for dei treng ikkje så mykje stell. Hagen og plantane der er i grunnen nokså ryddige i år, fordi vi fekk nokre fine dagar om hausten  så eg fekk rydda opp. Klokka er no berre 17, så eg rekk å gjere litt ute i dag også- TRUR EG-

Dagbok 2023: 12.april

 Klokka er no17.08, sola skiin ute og det har vore ein nydeleg dag, litt skyer er der på himmelen, men ikkje så mykje at det hindrer sola.Eg hadde tenkt eg skulle jobbe ute i hagen i dag, men det var ingenting som hasta med, og så er det no krokus alle stader  og dei vil eg ikkje trakke på.

Sov ikkje så godt sist natt og vakna tidleg , men stod ikkje opp med det samme.Då eg hadde ete frokost kom eg på at det kanskje var Møre-Nytt i dag sidan det ikkje kom avis i går. Eg fann avisa i postkassa og heiv meg over sudokuen og løyste den lett. 

Eg såg at naboane i nr.5 var ute i hagen, så eg var bort og snakka med henne,Ho hadde vore ute og reist i påska så ho hadde no litt å berette.

Deretter fann eg ut at eg kunne ta ein tidleg tur på Vernet og det gjorde eg, trff eit par "venner" som eg kjende. Og dett var dett.

Då eg kom heim att sat Marit ute på benken og passa hunden, så eg gjekk opp til henne og prata til det var på tide å ete middag. Gjorde det lettvint i dag også, kan ikkje kjøpe i hop meir mat no, så eg et av lageret. Slappa av ei stund etterpå.

Dette vart ein dag då ingenting blei gjort, men i morgon blir det trening igjen, og så må eg vel til urmakaren med klokka mi. Av og til går ho-andre tider ikkje.No skin ikkje sola så mykje lenger, så då kan eg ta fram strykebrettet og få gjort litt til gagns, eg har forresten tatt vekk påskepynten i dag. 

I dag fyller systra til Nils 88 år, ho bur no på aldersheim på Byrknes. eg fann ikkje telefonnummeret hennar, men sende ei melding til Tone. Ho var på besøk hos mora, så ho kunne helse mora frå meg på direkten.

Mor til Nils hadde fødselsdag på samme dato, så ho fekk første barnet sitt på fødselsdagen sin. Mor til Nils var fødd i 1909, og døde  i 2020-91 år gammal-

Eg prøvde å hugse merkedagane til alle i slekta, men har gitt et opp for lengst når det gjeld dei unge-det er så mange etter kvart. Somme kan eg no følgje på FB, så litt orientert er eg.

Sat nettopp og las Møre-Nytt og ser der kva som skjer i bygda-det er ikkje så mykje eg tek del i lenger. Men slik er det berre.

Bok nr. 6 - 2023: VEIEN VIDERE

 

Eg vil ikkje uttale meg så mykje om desse bøkene eg les på senga.Men eg kan no seie at den ikkje var så verst.

Dagbok 2023: 11.april

 Klokka er no17.48, temperaturen ute er + 15 grader, og deter delvis skya, med ein god del sol. Fint og godt vårvêr får vi vel seie.

I dag var det trening igjen, så eg var relativt tidleg oppe.Etter treninga reiste vi heim, for ingen av oss hadde behov for å handle i dag.

I dag bytta eg ut spaserturen min med hagearbeid, det blir vel slik framover no. Ja, det spørs no kva ver vi får.

På bildet over ser de "plenen" ovafor garasjen. Der låg det att ein del snø, og nokså mykje singel. Anten ein mokar snø med skuffle eller brukar fresar, så kjem det singel på plenane. I dag raka eg vekk snøen som var att og plukka opp singelen- På denne tida blomstrar dei fine blå russestjernene, dei som har kome seg ned i beddet blomstra allereie, og no kjem dei andre snart etter -no når det vart bert. Alle som går her forbi brukar å beundre dei blomstane. Eg synest der ser bra ut no.  Eg er ikkje så veldig arbeidsdyktig, men når eg tek tida til hjelp får eg no gjort litt.

Beddet var det ikkje så mylkje å gjere med i dag. Eg las eller høyrde ein stad at rosene skal ein klippe 1.veka i mai. Så dei får stå ei stund til før eg pyntar på dei.

På andre sida av tunet, var det ein god del snø, og veldig mykje singel både på plenen og nedover muren. Eg fekk ikkje gjort meg heilt ferdig der i dag, men vi får vel fleire slike dagar, håper eg. Eg får dessverre ikkje gjort alt eg har lyst til, på grunn av ryggen, men eg får no gjere det eg greier.

Til middag i dag også hadde eg graut og litt spekepølse attåt. "Kokte" meg  eit par små poteter i mikroen, det går faktisk an. Eg skyller dei med vatn slik at dei er våte når eg legg dei inn, det går ikkje mange minutta før dei er "kokt".

Etter at eg var mett sat eg i stolen og halv-sov. Det er ein underleg tilstand der ein verken søv eller er heilt vaken. Men eg kviknar til etterpå.KLokka mi er ikkje å stole på, en eg har no PC-en til å kontrollere .No skal eg snart sjå TV-det har eg ikkje gjort før i dag, men eg må no sjå nyheitene om ikkje anna-
.

Dagbok 2023: 10.april

 

Klokka er no 18.38, temperature n ute er + 10 grader C, det er overskya, men det har ikkje regna noko særleg i dag. Eg var no ikkje ute for ei dør, før eg gjekk tur på Vernet for ein time sidan.

I dag har det vore ein veldig roleg dag. Eg sov lenge i dag også, så føremidagen vart kort. Eg kokte ein stor porsjon risgraut for å få bruk opp noko av melka eg hadde kjøpt til påske. Eg vurderte å ta bort påskepynten , men eg syntest det var ein dag for tidleg. Men eg tilllet meg å støvsuge teppegolva. Elles har eg gjort litt anna husarbeid og så har eg strikka og sett TV. Det var heilt greit med ein roleg dag. det er no slik eg er vand å ha det. 

Men i morgon er det trening igjen, så då må eg ha vekkerklokka på. Akkurat no er armbandsuret mitt heilt i orden og viser rett tid. Men den har ikkje vore påliteleg i det siste.

Eg driv og plantar avleggerar av geraniane mine, så her på datarommet mitt er det reine gartneriet. Det ser ut som eg får mange fine plantar, men dei har fått litt for mykje sol i det siste.

Her er ein av avleggerane, eg har både rosa og raude, viss dei utviklar seg som dei skal.

Dagbok 2023: 9.april

 

Klokka er no 18.05,temperaturen ute er +11 grader C, sola skin, men det er meldt regn i morgon.Eg får ikkje sette inn bilde på dette innlegget for eg får ikkje bilda frå telefonen inn på PC-en i dag.

I dag morgon fekk eg sjokk då eg kom ut på kjøkkenet og såg at klokka var nesten 10-eg som plar vakne lenge før eg skal stå opp, hadde forsove meg. Dermed vart det ein kort føremidag. Eg såg gudstenesta på TV mens eg strikka, og så gjekk eg tur på Vernet. Der var ein god del folk der oppe i dag,  ikkje nokn eg kjende, men eg vart no kjend med ein trønder med hund som ville prate. Berre hyggelig det. Då eg kom heim att laga eg middag, kokte poteter og steikte ørret. Det har blitt ein tradisjon å ha steikt ørret eller laks på sundagar, men litt rømme og opptinte frosne grønnsaker er det eit herremåltid.

Marit kom ned og prata ei stund, men så måtte ho oppatt for Janne har bursdag i dag og dei venta gjestar. Eg tok ei stund til å sjå etter potteplantane mine, gi dei vatn og ta bort visne blad m.m. Eg har hatt open dør ut til altanen, men no har eg lete att og tek vare på vamen. Det har vore nydeleg ver denne påska, og i morgon er vel dei fleste på veg heim når regnet kjem. Eg synest tida har gått fort, men det gjer den støtt. Men eg har oppdaga at klokka mi går for seint, så eg må vel snart ein tur til urmakaren, han er veldig hyggelig-far til eitt av (skule)-barna mine.

Eg har mykje som skal gjerast her heime,  både inne og ute, så eg håper eg kjem i gang først best. No er klokka snart halv sju, og denne dagen har vore kort.

I dag minnest vi 9.april 1940, då var eg nyfødt-men født før krigen i alle fall.