I dag har eg hatt ein sløv dag. Eg stod ikkje opp så tidleg som eg brukar å gjere og har vore dagvill i heile dag. I hovudet mitt har det vore søndag, heilt til eg køyrde på butikken for å pante flasker no i ettermiddag.
Eg gjekk runden min på Fonnvernet tidleg i dag, så eg fekk vere der nesten åleine.Eg tok mange bilde, men kan ikkje ha alle på bloggen. Det var lunsj-tid då eg kom heim, det vart skiver og plommesylte i dag. Eg er ikkje så nøye på kva eg et, appetitten sviktar aldri.
Eg hadde tenkt å gjere både eitt og anna i dag, men eg datt ned i stolen framfor PC-en der eg driv og øver på spansken,der er mange oppgåver på "Reels and short Videos"-i alle fall her hos meg.
Men så tok eg meg sjølv i nakken og samla i hop masse tomflasker og reiste på KIWI og panta for ca 100 kr, og så handla eg diverse . Eg synest eg handlar mat heile tida, men eg er her no mest åleine-så det er litt skummelt. Eg fabla om å fare på Plantasjen, men var ikkje sikker på kva eg skulle kjøpe. No veit eg i alle fall at eg skal ha kugjødselkompost, så det kan hende eg tek turen i morgon. Eg likar best å køyre når det er lite trafikk.
Eg har problem med å få bilde inn på bloggen min, men eg skal sjå kva eg greier. Eg får heller ikkje til å forstørre dei her.
Ingen kommentarer:
Legg inn en kommentar