torsdag, desember 31, 2015

Dagbok 2015: 31.desember





Klokka er snart 17.30 og vi har bestemt middagen til klokka 18.00. I dag blir det svineribbe. Den har stått i omnen i mange timar, men eg har att å poppe opp svoren. Det gjer eg under grillen.Nils og eg er "åleine" heime, men ein er ikkje åleine så lenge ein er to. Vi slappar av og kosar oss på vår måte.
At vi går inn i eit nytt år ved midnatt vil vel ikkje endre på så mykje i første omgang, og kva året elles vil bringe er det ingen som veit. Vi får håpe på det beste. Mest av alt vonar vi vel at det skal bli fred i verda.
Ute er det + 9 grader C og opplett. Og då må eg tenke på alle dei gnallkalde nyttårsaftane vi har opplevd. Hugsar spesielt nokre vintrar på Melle som var veldig kalde.
I dag har vi gjort lite og ingen ting, eg har stulla litt i huset og Nils har spyla bilen. Vi valde å ikkje fare nedover i dag, reknar med at der var mykje folk- og vi triong ingen ting. Lever lenge på det som vart kjøpt inn til jul.
Så vil eg på vegner av Nils og meg sjølv ønske alle ei fin nyttårsfeiring og alt godt i det nye året.

                                 GODT  NYTT ÅR !

3 kommentarer:

Elin sa...

Godt nytt år!

torbjørn urke sa...



Me helsar frå Høybåtenveien 126, me har fått tradisjonsmat av beste sort - sauderibbe ++++ og så får me intensivopplæring i bruk av smart-telefon - eit
nyttig instrument som det tek tid å lære seg, men nyttig, ikkje minst når ein er på reisefot - ME TAKKAR FOR GAMLEÅRET OG YNSKJER OSS ALLE EIT GODT NYTT ÅR.

BESTE HELSING Marit og orbjørn

Hildegard sa...

Godt Nytt år!

Dagbok 2024: 28.mars. I dag fyller eg 84 år.

Klokka err no17.03, temperaturen ute er+ 10 grader, det er lettskya og fint  I dag har eg fått mange gratulasjonar på nettet -og elles. Eg s...