Klokka er ca 12.45. Temperaturen er + 3 grader, det er heilgrått og regn i dag. Ein dag då det er best å vere inne.
For oss blei det ein Mall-walking-day, enda om vi ikkje skulle kjøpe så mykje. Vi hadde eit ærend i Volda, og tok oss ein tur innom Spinneriet også. Spinneriet var ein gong eit spinneri, no er det kjøpesenter, pluss at utestaden Rokken held til i bygget. Vi stoppa på Møbelringen i Hovdebygda det vi kjøpte ei slags bokhylle som eg skal ha under vinduet på datarommet, så får eg ein stad å sette frå meg alle orkidéane som står på vent -til dei finn det for godt å blomstre. Hylla er flatpakka, så det blir sikkert ein festlig ettermiddag! Sjølvsagt var det litt vi måtte ha på Amfi også.Vi skal lage oss lapskaus til middag i dag. Prøver å bruke diverse restar frå frysaren.Før helga koka vi plommesylte av ferdig vaska og rensa plommer som vi fraus sist haust. Kjekt å ha.
Kos dokke så godt dokke kan i styggeveret!
2 kommentarer:
De er flinke å ta dykk ut, men så har de ein del store butikkar i nærområdet. Må nesten gå innadørs denne tida. Her er det litt smått med butikkar endå, synd vi ikkje fekk Biltema, Claes Olson eller noko liknande i det tomme Lidlbygget. Rema 1000 kjøpte det, og no står det tomt til Expert kan flytte inn når leiekontrakta med Moengården nord går ut om x antal år. Trasige greier.
Det er ikkje alltid vi kjøper så mykje på Amfi, vi går like mykje for å treffe folk.
I dag hadde vi eit ærend i Volda, skulle levere Einar sine hybelnøklar til Mari Anna, søskenbarnet hans, som skal låne hybelen mens han er i England.Audun reiste til Sør- Afrika i dag.
Legg inn en kommentar