Elles har vi hatt eit herremåltid av vestlandsk lammeribbe og julepølse - noko som sjeldan er mislykka. Vi har for det meste halde oss inne; Wenche og eg strikkar lester i kor, først leia eg ,men sidan eg koka middag, fór ho forbi med god margin.Gutane leikar og sysselset seg sjølve,men det blir vel ei lita rakettoppskyting når det lid på kveld.Det er om lag 15 kuldegrader ute.
Bildet er frå det første året eg gikk på lærarskulen 1960-61.Det året hadde eg hybel med kott! Huset eg budde i ligg rett nedanfor det gamle gymnaset i Volda.
Ei tid var og ei anna vart-og femti år har gått sidan bildet vart teke.Det er ikkje berre bilda som har tapt seg.
Vi ønsker alle alt godt i det nye året som vi ikkje heilt har bestemt oss for namnet på.
Eg held på 20 -10
GODT NYTT ÅR!
3 kommentarer:
Eg ser høgfjellssola på golvet bak deg!
Godt nytt år! Hels alle!
Lysbilda kom vel i fargar først!? Ein forventar liksom svart-kvitt-bilde frå den tida.
Det som er trasig med fargebilde og dias frå debnne tida er at fargane taper seg.....dei også.Høgfjellsola var stasjonert på kottet, i likheit med det meste av husgerådet.På sjølve hybelen var ein divan, ein pinnestol,eit bor +kommode og lenestol som eg eigde sjølv.Den brune kjolen eg hadde på meg var eg veldig glad i og brukte mykje.Valde bildet på grunn av symbolikken med den opne døra...........
Legg inn en kommentar