Eg lagar ikkje særleg mykje kaker til jul, og slett ikkje småkaker. Det er to kaker som har utvikla seg til å bli tradisjon; det er den brasilianske fruktkaka, som eg la inn på bloggen i fjor, og Karstens fruktkake. Kvar den oppskrifta kjem ifrå, veit eg ikkje, men den er skriven med Solveig si skrift i den handskrivne oppskriftboka mi. Ein kan lage den som skuffekake, men eg brukar som regel ei rund form på 24cm i diameter, for kaka hever seg ikkje så mykje. Eg steikjer den ca 1 time på 170 grader, men det er slikt ein må finne ut av sjølv.
Oppskrift:
Karstens fruktkake.
Rør kvitt: 250 gram margarin+2 dl sukker
Tisett: 5 egg, eitt om gongen
Ha i: 4,5 dl kveitemjøl
1 teskei bakepulver
50 gram hakka mandlar
50 gram rosiner
250 gram knust ananas ( eg brukar to små boksar med ananasbitar)
Til slutt: 3 spiseskeier ananassaft
Til pynt: 1 plate kokesjokolade smelta i vannbad i lag med ein klatt smør
10 halve valnøtter
(Ein kan sjølvsagt pynte med det ein vil, men det er lurt å ha glasur på kaka, då held den seg saftigare)
Abonner på:
Legg inn kommentarer (Atom)
Dagbok 2026: 15.juli
Klokka er no 19.43, temperaturen ute er + 21 graderC. Sola skin som ho har gjort i heile dag, men tidleg på morgonen trur eg det hadde reg...
-
Klokka har passert 20.00. Vêret er som før, klårt og kaldt. Akkurat no er temperaturen minus 13 grader C. Jupiter er stor og klar i aust. ... -
No har vi rikelig makrell til oss sjølve, enda om diverse naboar har fått sitt. Makrellen kan vi steike, men best likar vi den kald, kokt me...
4 kommentarer:
Eg synest å hugse at du hadde lånt vekk bakeboka di ein gong vi skulle ha selskap (1980), og at det dermed vart prøvd ut mange nye sortar.
No ser ein ikkje crushed ananas meir, men spar har ein billeg i passeleg størrelse som er i småbitar.
Dette såg godt ut. Frys du kaka?
Eidabesta
Ja eg frys kaka innepakka i aluminiumsfolie og har på glasur når eg tek den opp.
Legg inn en kommentar