Eg går no til fysio-terapeut og trener hofta mi.Det paradoksale er at no er eg faktisk meir plaga med skulder og nakke. I første omgang skal eg trene, seinare vert det ev. anna behandling. I heimelekse fekk eg nokre øvingar eg skulle gjere pluss oppskrift på eit enkelt men genialt treningsapparat. Sidan eg veit at andre i familien har same problem, får de oppskrifta her: Du treng ca 3 meter flaggline+ ei lita trinse.Legg tauet over trinsa og lag eit handtak i begge endar.Knyt ein tauende i trinsa og lag ein knute. Fest apparatet ved å legge tauenden over dørbladet og lat att døra. Og så er det berre å drage! Bilda talar vel for seg.Nils måtte vere fotomodell, noko han ikkje har noko imot.
For å få maks ut av treninga, bør ein varme opp med t.d. ei varmepute på førehand.
9 kommentarer:
Dette såg morosamt ut! Håper det har ein effekt!
Minner forresten om pilking?!
Slik talar ein ekte suling!Fysioterapeuten samanlikna med skigåing,dvs.stavtak.Det er ein veldig lett og enkel måte å trene på.
Eg er glad for at fysioterapeuten har gode råd (får vi håpe). Det må vere det billegaste treningsapparatet eg har sett.
Sunnmøring.
I alle fall får eg trena bicepsen litt, men eg trur ikkje eg vert bra utan behandling.Eg er fødd pessimist.
Det må no vere trening i tillegg til behandling!
Kunsten er vel å begynne forsiktig utan å bli overmodig.
Lykke til med treninga! Eg er ikkje noko flink til eigentrening innandørs. Hilde
Veit du! Eg er alt mykje betre i nakke og skulder etter dei små treningsøktene. Eg har nokre øvingar som eg kan gjere t.d. når eg ser TV og så dreg eg litt i snorene.Det er mannen til fysioterapeuten min(som også er fys.) som har "funne opp" dette genialt enkle treningsapparatet.
Legg inn en kommentar