Kvart år i januar blir pensjonistane inviterte til ei kosestund på Velle skule, den gamle arbeidsplassen vår. Det er dei eldste lærarane ved skulen som arrangerer.Den eldste av pensjonistane er 85 år; eg ein ein av dei yngste i det laget.Men om mange er begynt å bli gamle, så er det berre utanpå. Elles er vi unge til sinns og klåre i hovudet. Vi har det kjekt i lag, og viss de trur vi sit berre og mimrar og snakkar sjukdom, så er det feil! Vi diskuterer også ting i tida, ikkje minst skulepolitikk! Og så må vi oppdatere oss på barn og barnebarn, så vi har litt å bryne oss på.Mange av oss har jobba i lag i nærmare 20 år.
På bildet ser de songheftet som låg ved kvar kuvert; rosa var litt friskare i går. Dei legg mykje arbeid og omtanke i å ta imot gamle arbeidskameratar. Menyen var karbonadesmørbrød+ kaker og dessertar. Alt var godt og fint tillaga.
Trur ikkje at det er så mange andre skular som har så fine pensjonistfestar som Velle!!! Sjå og lær !!
3 kommentarer:
Dette verkar kjekt! Er heile kollegiet med på festen, eller er det berre dei pensjonerte pluss dei eldste lærarane som arrangerer den?
Gløymde å signere med Hilde
Det er berre dei eldste lærarane som er med, dsv. dei som har jobba i lag med pensjonistane før.
Eg har jo jobba i lag med dei litt yngre også- vi er tre litt "yngre" pensjonistar.Før brukte vi å invitere pensjonistane til førjulsfest i lag med heile kollegiet, men etter kvart var det så mange som ikkje kjende dei eldste, derfor endra vi konseptet.
Legg inn en kommentar