Klokka er no17.55, temperaturen er + 15 grader, då eg sjekka tidlegare i dag stod gradestokken på + 17. Det har vore ein nydeleg dag, og eg har prøvd å nyte den så godt eg kan. Etter at eg hadde gjort unna fredagsvasken, har eg vore mykje ute på altanen; eg har sola meg, strikka og sove litt innimellom. Sov dårleg sist natt, så eg hadde litt å ta igjen. Eg las også ut lydboka mi sist natt, men den nattlesinga er ikkje å stole på, så eg har lese om att i dag.
Elles har eg vore ein del inn på face, som vanleg. Høyrde mellom anna heile talen som Jonas Gahr Støre heldt på landsmøtet. Beste eg har høyrt av han . Enkel og lett å forstå.
Bodil hjelpte meg med å finne fram på nettet, så no fekk eg sjå skatteoppgjeret mitt. I år har eg betalt for lite så eg må ut med 199kr.
Marit og eg har tenkt oss bort på Coop i Furene, og vi har planlagt å fare på føremiddagen i morgon, i håp om at det er lite trafikk då. det er eg som skal køyre. Det kan bli at vi fer på Felleskjøpet og på Plantasjen også. Vi får sjå. Viss ho har like god tid som eg i morgon, kan vi gi oss tid å sjå oss omkring. Men det er vel for tidleg å plante noko ute enno.
Kvar dag øver eg på spanskleksa. Hadde eg vore så flink å gjere lekser i unge år, hadde eg nådd langt.
No vil eg ønske alle ei nydeleg helg med sol og varme. Nyt dagane, vi veit ikkje kor mane slike fine dagar vi får. God helg
Ingen kommentarer:
Legg inn en kommentar