fredag, juni 16, 2017

Dagbok 2017: 16.juni

Klokka er 22.15, temperaturen er + 12 grader, det er lettskya og opplett. Endeleg! for i dag har det regna nesten kontinuerlig og skodda har lege langt ned i fjellsidene. Ser på vêrmeldinga at det skal bli betre vêr i morgon. Det blir ikkje tatt bilde heller når vêret er slik, og i dag har eg berre så vidt vore ute for ei dør.
Det har i grunnen vore ein sløv dag, og eg som er så oppteken av å "gjere" så mykje har gjort veldig lite. Nils er relativt stabil i form -og eg begynner å venne meg av med å spørje han heile tida om han har det bra. Han har det vel så bra som han kan ha det. Og vi er glade så lenge det varer.
Føremiddagen gjekk delvis med på å ordne opp i diverse saker, som å bestille straum til den nye leigebuaren blant anna. Ho flytta formelt inn i går, men kjem ikkje hit før i august. Ho studerer i Volda, men i sommar er ho heime i Molde.
Til middag i dag laga eg stappe av dei siste mandelpotetene, då kokar eg dei med skalet på og skreller dei etter kok. Det blir god stabbe. Så hadde vi pølser og grønsaker til. Ingen dessert i dag, men eg steikte sveler til Solveig kom innom i 19-tida. Ho skulle hente Øystein som kom med flyet frå Bergen klokka 20.45.
I dag har eg vore veldig trøtt. Skuldar på det tunge vêret,  både Nils og eg sovna i godstolen i dag også. Vi legg oss seint og, særleg eg, er nokså tidleg oppe kvar dag, så det er vel naturleg at eg blir litt trøtt.
I morgon ventar vi besøk av Einar, han skal til Volda først.
Solveig og eg var ikkje på handletur i dag, eg meinte eg hadde alt eg trong, men eg tek kanskje ein liten gåtur til nærbutikken i morgon for å komme meg ut. I dag hadde eg tenkt å slå med den elektriske kantklipparen, men det var det faktisk ikkje vêr til.Eg har fleire hageprosjekt på gang, berre det vert opplett.
Her i huset er det liten skilnad på helg og yrke, men slik er det ikkje for alle. Eg vil ønske alle ei god helg!

1 kommentar:

STRIKKEMOR(O) sa...

Takk for bursdagsgratulasjonen! Travel tid på jobben, så eg fekk ikkje tid til så mykje feiring. Ferie no, men ikkje heilt ferdig med alt som skal gjerast enno. Bra Nils har det litt betre! Ønsker dokke ei fin helg!