Det har vore bra vêr heile dagen og Nils gjekk ein tur opp til Raudehytta. Eg hatar å ha halvgjort arbeid ståande på vent. Eg vart ikkje heilt ferdig å vaske ned datarommet i går, så eg var så syndig at eg tok resten i dag. Det er ikkje så mykje arbeid å vaske vegger etc. - problemet er at rommet er lite og der er tungt og vanskeleg å få fram "møblane"- men eg greidde det, og kan no glede meg over eit reint og ryddig arbeidsrom.(Sjølv om eg kjenner det både i rygg og hofte.)
Eg steikte kjøtt i terningar og laga ei "gryte" til middag. Det var godt å legge seg på sofaen etterpå. Eg driv og les ei bok som eg likar ganske godt, den er liksom langsom og grundig, så eg slepp å dette av lasset heile tida; dessutan er den godt skriven. Etter kvart begynte den å minne om ei anna bok eg har lese, "Den siste gode mann"- og ja, det er same forfattarane.
Elles har eg som mål å felle av ein lest kvar dag, og det kan eg hende eg kjem i mål i dag også.Eg skal strikke lestar så lenge garnlageret varer, då blir det slutt-trur eg.
Ingen kommentarer:
Legg inn en kommentar