Klokka er 20.30, temperaturen + 3grader C- og det har regna det meste av dagen. Føremiddagen var skoddefull og grå, men det letna litt opp rett før det mørkna. Det er typisk november. Det har kome meir snø i fjella, men heldigvis kom den ikkje heilt ned denne gongen.
Sidan det var stilt på sjøen tok Nils seg ein tur utpå. Han fekk ein del sei, av ein sånn halvstor storleik, men alt er betre enn ingenting.
Eg heldt meg heime med grytene. I dag var det "Margrete-mandag", det tyder at eg lagar mat til meir enn to. Det likar eg.Eg brukar å lage "gammaldags" mat når dei er her. Då blir det ofte,som i dag, heimelaga kjøttkaker og kjøt i masse heimelaga brun saus. Poteter, grønsaker og tyttebærsylte. Eg veit ein som skulle ha vore her i dag!! Til dessert vart det berre is i dag.
No har eg rydda, sett på oppvaskmaskina og vaska opp det som ikkje kom med der.
Ei veninne ringde og vi fekk ein god prat. Eg synest det skjer noko kjekt kvar dag, om det ikkje er dei heilt store hendingane. No skal eg lese resten av boka som eg har halde på med ei stund, før eg bloggar ferdig om den.
Abonner på:
Legg inn kommentarer (Atom)
DAGBOK 2024: 19. APRIL
Dette bildet er eit par veker gammalt, eg har ikkje fått orden på bildebruken enno. Klokka er no 17.20, temperaturen ute er+8 grader, det ...
-
Klokka er 17.15, temperaturen i skyggen er + 9 grader, men her i stova må det vere nærmare 30 grader når sola skin inn glasa. I dag var...
-
No har vi rikelig makrell til oss sjølve, enda om diverse naboar har fått sitt. Makrellen kan vi steike, men best likar vi den kald, kokt me...
-
Klokka slo akkurat fem (17.00), ute er det regn og grått og + 9 grader C. I dag har eg vore i full aktivitet heile dagen, noko som er helle...
3 kommentarer:
Kjekt å få kose med barn og barnebarn. Her har det vore tannlegedag. Svein fekk ordna det han skulle i dag, men eg har minst ein dag til, så det blir ei dyr affære. I går fekk vi farsdagsbesøk av Max for første gong og han lika seg godt, sikkert mange gode lukter etter Viktor og Mira...
Takk for oss :) Eg kan ikkje hugse sist eg laga kjøtkaker sjølv, så heimelaga gammaldags er kjærkome.
Såg at Gilde sine medisterkaker var komne i handelen. Dei plar vere gode!
Legg inn en kommentar