fredag, august 31, 2012

Vêrmelding 31.august - 2012

Klokka er vel halv sju, sola har endelig sluppe gjennom skydekket og skin fint no; før i dag har det vore grått, men opplett. Temperaturen ute er + 15 grader. Nils stakk nettopp av garde for å fiske makrell på terminalen.Eg trur eg skal ta meg ein tur ut, eg også.
I dag føremiddag var eg gåande berre å surre, fordi eg ikkje hadde laga meg ein skikkelig dagsplan. Men vi laga ekstra tidlig middag - og så tok vi laust. Først var vi til gartnaren og kjøpte to busker for å erstatte manglande busker i hekken. 
Var innom Amfi og handla litt mat også. Dei fleste er dårlig nøgde med bytet frå Coop Mega til Coop Extra, utan ferskvareavdeling. På Bunnpris var der knapt eit menneske å sjå.
Då vi kom heim gjorde vi ferdig prosjektet vårt. Det var ikkje så mykje att; Nils klipte bort overflødig duk, "avduka" bytesteinen osb. Det som tok mest til var å fikse muren, vanskelig å finne høvelige steinar.Men vi kan no gjere den betre etter kvart som vi finn tak i rette sorten stein, det funkar slik det er no. Å plante buskene var fort gjort. Så no kan vi kvile på våre laurbær, men eg arbeider alt i tankane på eit nytt prosjekt.
Vi er vel nøgde med det vi har gjort, men det ser litt ruskete ut så lenge der ligg ein del mold att i plenen.
Den 31.august er ein litt spesiell dag for meg. Det var både pappa og besta (mormor) sin bursdag. Det var akkurat 20 år mellom dei; besta vart fødd i 1879 og pappa i 1899. 
I min barndom begynte vi alltid på skulen etter ferien 1. september.Slik eg hugsar det var det sommar på pappa sin bursdag og haust dagen etter.


5 kommentarer:

solveig sa...

Det er kjempefint!

arieldog sa...

Fint hageprosjekt!

Hildegard sa...

Dette må vi opp å sjå!

Besta sa...

Ja, det er berre å ta seg ein tur å sjå. Sjølv driv eg og planlegg neste steg i hageoppussinga.

Bjørg sa...

Så fint de har fått det i hagen!

Dagbok 2024: 27.mars

Klokka er no 17.45, temperaturen ute er+ 9 grader, men det er overskya i dag, så det er ikkje så fint som det var i går. Eg sov godt sist na...