lørdag, januar 07, 2012

Vermelding 7.januar - 2012

Klokka er snart 14.00. Ute er det regn og slapseføre, skikkelig grisever, og +2 grader C. Men Nils meiner at det er betre enn kulde. Ja, i alle fall når ein er inne.
Vi har vore såpass mykje på rek denne veka, at vi kutta ut sentrumsturen i dag. Nils var nedover eit lite ærend, mens eg bytte på sengane og vaska soverommet. No skal eg snart lage middag. I dag blir det heimelaga fiskepudding i kvit saus med litt reker i.
På bildet kan de sjå "fuglemataren" til Nils- eiga oppfinning. Det er ei plastkanne der han har laga hol i botnen. Han har hengt den opp på denne måten for at ikkje kråke og skjor skal stikke av med maten.

1 kommentar:

solveig sa...

Det ser ut som det er ein fiskar som har funne opp den patenten!