onsdag, januar 25, 2012

Eg vann, eg vann!

 Eg plar aldri vinne noko når eg tek lodd. I pensjonistlaget har vi gammaldagse årar som vi sel til 10 kr stk. Nils kjøpte 10 årar og gav til meg, for han skulle vere med å dele ut gevinstane. Det varte ikkje lenge før eg vann, og så vann eg igjen. Heile fem gonger! Det vart heilt flaut !
Her ser de gevinstane: ein primula, to pakkar med kjøkkenhanddukar, og to gåvepakkar frå meieriet med smør, ost og søst(gombe).
Elles var eg litt spent på kåsøren i dag. Han heitte Kjell Løset, og eg meinte at han kanskje gikk i parallellklassen min på gymnas. Det var nesten rett. Broren hans, Karl- Magne, gikk i den klassen. Før vi kom så langt at vi fekk prate med kvarandre, sat eg og såg på han, og tenkte at det kanskje var han eg kjende -og han hadde sett på meg og syntest det var noko kjent med meg. Han påstod at han hadde sett meg før. Han begynte på gymnas på Eid hausten 1958, då var eg slutta, men kanskje han har sett meg på eit bilde?
Møtet var OK, men eg heldt på å kovne, der er så varmt og tung luft der nede.

1 kommentar:

solveig sa...

Gratulerer med gevinstane! Det er ofte slik, anten så vinn ein, eller så vinn ein ikkje.

Dagbok 2024: 28.mars. I dag fyller eg 84 år.

Klokka err no17.03, temperaturen ute er+ 10 grader, det er lettskya og fint  I dag har eg fått mange gratulasjonar på nettet -og elles. Eg s...